Wenaxarü naxümatü ga Tupanaarü mugü 17:8 - Tupanaarü Ore

⁸ Rü ngẽxguma nangẽxmagu i ta̱xacürü guxchaxü̃ i taxucürüwa pexica pemexẽẽxü̃, rü ngẽxgumarüxü̃ i máeta, rüe̱xna nügü nadaixgu, rüe̱xna nügü yapíexẽẽgu, rüe̱xna togüamachigü i guxchaxü̃gü i perü ĩanewa ngupetüxü̃, rü penaxwa̱xe nax ngẽma nachica ya Tupana nüxü̃ unetaxü̃wa peyamexẽẽxü̃.

Wenaxarü naxümatü ga Tupanaarü mugü 17:8 Referans Kwoze

Wenaxarü naxümatü ga Tupanaarü mugü 12:5

Rü Tupana rü petanüwa tá nüxü̃ naxuneta i wüxi i nachica nax nawa namaxü̃xü̃ca̱x. Rü pema rü tá ngẽma nachicawa pexĩ nax ngéma nüxü̃ picua̱xüü̃güxü̃ca̱x.

Wenaxarü naxümatü ga Tupanaarü mugü 1:17

Rü ngẽxguma poxcu pexueguxgu naxca̱x i ngẽma chixexü̃ üxü̃, ¡rü taxúeétüwa pexü! Rü ngẽma ngearü diẽruã́xü̃ rü ngẽma diẽruã́xü̃ rü tá nawüxigumare i norü poxcu. ¡Rü taxũtáma texéxü̃ pemuü̃e! Erü Tupanawa nixĩ i ne naxũxü̃ i ngẽma pexueguxü̃. Rü ngẽxguma chi pema rü taxucürüwa penamexẽẽgu i wüxi i guxchaxü̃ ¡rü chomaxã nüxü̃ pixu nax ngẽmaãcü choma chanamexẽxẽxü̃ca̱x!” ñachagürü.

Maraquía 2:7

Rü wüxi i chacherdótearü puracü nixĩ nax duü̃xẽgü tüxü̃ nangúexẽẽxü̃ nax choxü̃ tacua̱xgüxü̃ca̱x. Rü ngẽmaca̱x name nax guxü̃ma i duü̃xü̃gü naxü̃tawa ĩxü̃ nax tüxü̃ nangúexẽẽxü̃ca̱x, erü choma nax guxãétüwa changexmaxü̃ rü nüxü̃ chaxuneta nax chorü orearü uruü̃gü yixĩgüxü̃ca̱x.

Wenaxarü naxümatü ga Tupanaarü mugü 19:4

Rü ngẽma máetaxü̃ rü ngẽxguma aixcüma yixĩxgu nax tama nagu naxĩnüãcüma rü tama tümachi naxaiãcüma tüxü̃ yama̱xcüraxü̃xü̃, rü marü name i ngexnerüne ya yima ĩanegu yanacúxü̃ca̱x nax ngẽmaãcü tama yama̱xgüãxü̃ca̱x i ngẽma natanüxü̃ i ngẽma duü̃xü̃ i yuxü̃.

Iraétanüxü̃arü muxchiga 35:16

Rü ngẽxguma texé wüxi i fierumaxã toguxexü̃ yapi̱xẽẽgu, rü tayu̱xgu ya yíxema yapíxe, rü ngẽma rü wüxi i máeta nixĩ. Rü yíxema máetaxe rü noxtacüma tá yu tümamaxã naxuegugü.

Ínachoxü̃xü̃chiga 22:2

Rü ngẽxguma wüxi i ngĩ́xta̱xaxü̃ ínangĩ̱xyane texé íyanguéxü̃gügu rü yapi̱xẽẽgüãgu rü nayu̱xgu i ngẽma ngĩ́xta̱xaxü̃ rü taxũtáma yíxema yamáxegagu nixĩ.

Ínachoxü̃xü̃chiga 21:28

Rü ngẽxguma wüxi i woca i yatüxü̃ rü wüxi ya yatüexü̃ rüe̱xna wüxi ya ngexexü̃ nacaxi̱xgu rü tüxü̃ nayuxẽẽgu, rü ngẽma woca i yatüxü̃ rü nutapütamaxã tá peyama̱x. Rü ngẽma namachi rü taxũtáma penangõ̱x. Natürü ngẽma woca i yatüxü̃arü yora rü taxũtáma penapoxcu.

Ínachoxü̃xü̃chiga 21:22

Rü ngẽxguma taxre i yatügü nügü daixgu rü ngĩxü̃ yanguxẽẽgu i wüxi i nge i ãxacücü rü ngẽmaca̱x nayuxacüxgu, rü yíxema ngĩxü̃ yuxacüxẽẽ́xẽ rü tanaxwa̱xe i tanaxütanü i ngẽma diẽru i ngĩte ngĩxca̱x ícacü rü ãẽ̱xgacügü ngĩgu unetagücü nax ngẽxgumaepü̱x yixĩxü̃.

Ínachoxü̃xü̃chiga 21:20

Rü ngẽxguma texé tümaarü puracütanüxü̃ ya ngexe rüe̱xna yatüexü̃ naimaxã tüxna nacua̱i̱xcagu rü tayu̱xgu, rü nanaxwa̱xe nax tapoxcuxü̃.

Ínachoxü̃xü̃chiga 18:26

Rü yemagü nixĩ ga guxü̃guma duü̃xü̃güaxü̃́ namexẽẽxü̃ ga norü guxchaxü̃gü. Rü yema guxchaxü̃gü ga guxchaxüchixü̃ rü Moichéme̱xẽwa nanangegü, natürü yema guxchaxü̃gü ga tauxchaxü̃ rü nümagütama nanamexẽẽgü.

Ínachoxü̃xü̃chiga 18:15

Rü yexguma nüma ga Moiché rü na̱xtüxü̃ nangãxü̃ rü ñanagürü: —Ngẽma duü̃xü̃gü rü chauxü̃tawa naxĩ nax Tupanaarü ngü̃xẽẽca̱x íyacagüxü̃ca̱x i ngẽxguma ta̱xacürü guxchaxü̃ nügüca̱x ínangugüxẽẽgu. Rü ngẽmaca̱x nixĩ i chauxü̃tawa naxĩxü̃ nax choma chanangugüxü̃ca̱x nax texé tixĩxü̃ ya yíxema aixcümaxü̃ ixuxe. Rü ngẽxguma i choma rü nüxü̃ nüxü̃ chacua̱xẽxẽ i ngẽma mugü rü ngu̱xẽẽtaegü i Tupanaarü ixĩxü̃ —ñanagürü.

Ínachoxü̃xü̃chiga 22:8

Natürü ngẽxguma tama nüxü̃ iyangaugügu i ngẽma ngĩ́xta̱xaxü̃, rü yíxema ĩpataarü yora rü tanaxwa̱xe nax Tupanape̱xewa nüxü̃ tixuxü̃ nax tama tümatama naxca̱x tangĩ́xü̃ i ngẽma tüxna nüxü̃ nadauxẽẽxü̃

Wenaxarü naxümatü ga Tupanaarü mugü 12:11

Rü ngẽxguma ngẽma naanewa pengẽxmagügu rü nüma ya Cori ya Tupana rü tá nüxü̃ naxuneta i wüxi i nachica i nüma tá nawa nangẽxmaxü̃. Rü ngéma tá naxca̱x peyadai rü ípenagu i perü ãmaregü i naxü̃nagü. Rü ngéma tá penange i perü diẽru i diésmugü, rü ngẽma diẽru i Tupanaarü puracüca̱x ipexãxü̃, rü ngẽma perü nanetüarü o i rümemaegüxü̃ i pexueguxü̃ nax Tupanana penaxãxü̃.

Wenaxarü naxümatü ga Tupanaarü mugü 25:1

Rü ngẽxguma texé tümamücümaxã guxchaxü̃ tüxü̃́ ngẽxmagu, rü name nax ãẽ̱xgacügü i guxchaxü̃arü mexẽẽruxü̃güpe̱xewa taxĩxü̃ nax nümagü i ãẽ̱xgacügü nangugügüãxü̃ca̱x nax texé tixĩxü̃ ya yíxema guxchaxü̃ üxe. Rü nümagü i ngẽma ãẽ̱xgacügü rü tá tüxü̃ ninge̱x ya yíxema tama guxchaxü̃ üxe, rü tá tüxü̃ napoxcu ya yíxema guxchaxü̃ üxe

Echequié 44:24

Rü ngẽxguma duü̃xü̃gü nügümaxã nuegu rü ngẽma chacherdótegü tá nixĩ i chorü mugüwa nüxü̃ yaxuxü̃ãcü namexẽẽgüaxü̃́ i ngẽma guxchaxü̃gü. Rü nümagü rü tá nayanguxẽẽgü i chorü mugü rü chorü ucu̱xẽgü nachiga i chorü petagü. Rü mea tá nanaxaure i ngẽma chorü ngü̃xchigaarü ngunexü̃gü.

Wenaxarü naxümatü ga Tupanaarü mugü 12:14

Rü wüxitücumüarü naanewa rü Tupana tá nüxü̃ naxuneta i wüxi i nachica nax ngéma naxca̱x ãmaregü piguxü̃ca̱x. Rü ngéma tá nixĩ i penaxüxü̃ i guxü̃ma i ngẽma pexü̃ chamuxü̃.

Wenaxarü naxümatü ga Tupanaarü mugü 21:5

Rü ngẽmawena i ngẽma chacherdótegü i Lebítanüxü̃ rü tá ngéma naxĩ. Rü nümagü nixĩ i Cori ya Tupana nüxü̃ unetaxü̃ nax norü puracümaxã inacua̱xgüxü̃ca̱x rü naégagu mexü̃ duü̃xü̃gümaxã naxueguxü̃ca̱x. Rü nümagü nixĩ i namexẽẽgüaxü̃́ i guxü̃ma i duü̃xü̃güarü guxchaxü̃gü i ngẽxguma nügümaxã nanuegu rüe̱xna nügü nangaegu.

2 Chamué 15:2

Rü pa̱xmama írüdaüüxü̃ rü namacüwagu nayachiixü̃ ga duü̃xü̃gü ĩaneca̱x íchocuxü̃wa. Rü guxãma ga guxema ãẽ̱xgacüxü̃ dauxchaü̃güxe nax tümaarü guxchaxü̃ tayamexẽẽgüxü̃ca̱x, rü nüma ga Acharóü̃ rü tümaca̱x naca rü ñu̱xũchi tüxna naca ga ngexnerüxüne ga ĩanewa nax ne taxuxü̃. Rü guxema tügü ixuxe nax wüxi ga Iraéanecüã̱xgütücumüwa nax taxüxü̃, rü nüma ga Acharóü̃ rü ñanagürü tüxü̃: —Aixcüma nixĩ i ngẽma nüxü̃ quixuxü̃, natürü nataxuma i ãẽ̱xgacüarü ngü̃xẽẽruü̃gü i cuxü̃ rüngü̃xẽẽxü̃ —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:29

Rü Icháxtaagü ga Quenanía rü nanegü nixĩ ga namaxã icua̱xgüxü̃ ga yema Iraéanearü puracügü ga tama Tupanapata ga taxü̃nearü ixĩxü̃. Rü nümagü nixĩ ga ãẽ̱xgacügü yaxĩgüxü̃ rü guxchaxü̃arü mexẽẽruü̃gü yaxĩgüxü̃.