Wenaxarü naxümatü ga Tupanaarü mugü 16:9 - Tupanaarü Ore

^9-10 Rü ngẽma ngunexü̃ nax nagu naxügüxü̃ i nanetüarü buxu, rü ngẽmawena rü 7 i yüxü tá ingupetü nax Cori ya perü Tupanaca̱x penaxüchigaxü̃ca̱x i Nanetüarü Buxchiga. Rü ngẽma petawa rü tá perü ngúchaü̃maxã Cori ya perü Tupanana penaxã i perü ãmaregü ngẽma nüma ya Tupana pexna naxãxü̃rüxü̃. Rü ngẽxguma Tupana pexna naxãxgu i muxü̃ma i nanetügü rü name i pema rü ta muxü̃ma i ãmaregü nüxna pexã.

Wenaxarü naxümatü ga Tupanaarü mugü 16:9 Referans Kwoze

Ínachoxü̃xü̃chiga 34:22

¡Rü penaxüchiga i Yüxügüarü Peta i nagu peyabugüxü̃ i ngẽma nüxíraxü̃xü̃ i norü o i penetü i peanegu petoxü̃ rü ñu̱xũchi taunecüarü gu̱xgu peyabugü i ngẽma nawa iyacuáxü̃ i norü o!

Ínachoxü̃xü̃chiga 23:16

¡Rü naxüchiga i norü buxgü i ngẽma nüxíraxü̃xü̃ i norü o i cunetü i cuanegu cutoxü̃! ¡Rü ngẽxgumarüxü̃ ta taunecüarü gu̱xgu naxüchiga i norü buxgü i ngẽma nawa iyacuáxü̃ i norü o i cunetü i cuanegu cutoxü̃!

Ngechuchuarü ngúexü̃gü ga yamugüxü̃arü puracüchiga 2:1

Rü yexguma nawa nanguxgu ga yema Yudíugüarü peta ga Pẽntecostégu ãégaxü̃, rü yema ngunexü̃gu rü guxü̃ma ga yema yaxõgüxü̃ rü wüxi ga nachicagu nangutaque̱xegü.

Popera ga Yudíugü ga yaxõgüxü̃ca̱x ümatüxü̃ 2:1

Rü ñu̱xma nax nüxü̃ icuáxü̃ nax guxü̃ma i Tupanaarü orearü ngeruü̃gü i daxũcüã̱xarü yexera yixĩxü̃ ya Nane, rü ngẽmaca̱x name nax yexeraãcü mea naga ixĩnüexü̃ i ngẽma ore i Nanechiga nüxü̃ ixĩnüexü̃ nax tama nüxna ixĩgachixü̃ca̱x nax yaxõgüxü̃.

1 Corintios 16:8

Natürü nua Epéchiuarü ĩanewa tá changexma ñu̱xmatáta Pẽntecostéarü ngunexü̃wa nangu.

Norü taxre ga to ga popera ga ãẽ̱xgacügüchiga ümatüxü̃ 8:13

Rü yema ngunexü̃gü ga nagu yéma ínaguaxü̃ nixĩ ga yema ngunexü̃gü ga Moiché nüxü̃ unetaxü̃. Rü yema nixĩ ga ngü̃chigaarü ngunexü̃gu, rü tauemacü ya ngexwacaxü̃cügu, rü yema tomaepü̱x ga petagü ga wüxichigü ga taunecügu naxüchigagüxü̃gu. Rü yema nixĩ ga paũ i ngearü pu̱xẽẽruü̃ã́xü̃arü petachigagu, rü nanetüarü buxgüchigagu, rü düxenügüarü petachigagu.

Wenaxarü naxümatü ga Tupanaarü mugü 16:16

Rü guxü̃ma i yatüxü̃gü rü wüxichigü ya taunecügu rü name nax tomaepü̱xcüna Cori ya perü Tupanape̱xewa naxĩxü̃ nawa i ngẽma nachica i nüma nüxü̃ naxunetaxü̃. Rü ñaagü nixĩ i ngẽma petagü i nagu Tupanape̱xewa naxĩxü̃: Paũ i Ngearü Pu̱xẽẽruü̃ã́xü̃, rü Nanetüarü Buxgüchiga, rü Düxenügüchiga. Rü ngẽma petachigagügu rü tama name nax texé ngẽãcume̱xẽãcüma Cori ya Tupanape̱xewa taxuxü̃.

Rux 2:23

Rü yemaca̱x ga ngĩma ga Rux rü nawe irüxũ ga Boóxü̃taxü̃gü nax chebádaya̱xa ta nadexü̃ ñu̱xmata nagu ga nax yabuxgüãxü̃ ga chebáda rü trigu. Rü yemaacü ipuracü ga yexguma ngĩ̱xẽ ga Noemíxü̃tawa nayexmayane.