Wenaxarü naxümatü ga Tupanaarü mugü 16:4 - Tupanaarü Ore

⁴ Rü ngẽma 7 i ngunexü̃gu rü guxü̃ma i perü naanewa rü nataxutama i paũarü pu̱xẽẽruxü̃. Rü ngẽma peta nagu ixügüxü̃ i ngunexü̃arü yáuanecü i cha̱u̱xca̱x pedaixü̃ i naxü̃nagü, rü taxuxü̃táma perü moxü̃ruxü̃ ípeyaxüxẽxẽ i namachi.

Wenaxarü naxümatü ga Tupanaarü mugü 16:4 Referans Kwoze

Ínachoxü̃xü̃chiga 34:25

Rü ngẽxguma naxü̃nagü cha̱u̱xca̱x peda̱i̱xgu rü ípenaguxgu, rü tama chanaxwa̱xe ya yimá nagü rü paũ i pu̱xẽẽruxü̃ã́xü̃maxã wüxigu choxna cunaxã. Rü ngẽxgumarüxü̃ ta tama name i to i ngunexü̃ca̱x ípeyaxüxẽxẽ i ngẽma naxü̃namachi i Üpetüchigaca̱x daixü̃.

Ínachoxü̃xü̃chiga 12:10

¡Rü taxuxü̃táma ípeyaxüxẽxẽ i perü moxü̃ãcüruxü̃! Rü ngẽxguma chi íyaxüxgu i ngẽma namachi rü name i noxtacüma peyagu.

Ínachoxü̃xü̃chiga 13:7

Rü ngẽma 7 i ngunexü̃ rü tá paũ i ngearü pu̱xẽẽruü̃ã́xü̃maxã pengõ̱x. Rü guxü̃ma i ngẽma perü naanewa rü taxũtáma nangẽxma i paũarü pu̱xẽẽruxü̃ rü paũ i pu̱xẽẽruü̃ã́xü̃.

Ínachoxü̃xü̃chiga 12:15

Rü ngẽma Üpetüchiga rü 7 i ngunexü̃ tá penaxüchiga. Rü guxü̃ma i ngẽma 7 i ngunexü̃gu rü paũ i ngearü pu̱xẽẽruü̃ã́xü̃xicatama tá pengõ̱xgü. Rü ngẽmaca̱x i guxü̃ma i ngẽma 7 i ngunexü̃gu rü tama penaxwa̱xe nax pepatawa pexü̃́ nangẽxmaxü̃ i ngẽma paũarü pu̱xẽẽruxü̃. Rü yíxema paũ i pu̱xẽẽruü̃ã́xü̃ ngṍxe i ngẽma 7 i ngunexü̃gu rü yíxema rü tá Iraétanüwa tüxü̃ ípeta̱xüchi.

Ínachoxü̃xü̃chiga 12:8

Rü ngẽma chütaxü̃gu tá penangõ̱xgü i namachi i iguxü̃ ya maxẽ ya üxücümaxã ãéü̃xü̃. Rü namaxã tá penaxüxbüxü̃ i paũ i ngearü pu̱xẽẽruü̃ã́xü̃.

Ore i mexü̃ ga Matéu ümatüxü̃ 13:33

Rü Ngechuchu rü to ga ore ga cua̱xruxü̃ duü̃xü̃gümaxã nixu, rü ñanagürü: —Guxü̃wama nangu nax ãẽ̱xgacü yixĩxü̃ ya Tupana. Rü ñoma íxraxü̃ i paũarü pu̱xẽẽruxü̃ i wüxi i nge taxü̃ i paũchara namaxã ipu̱xẽẽxü̃rüxü̃ nixĩ nax guxü̃wama nanguxü̃ —ñanagürü ga Ngechuchu.

Ínachoxü̃xü̃chiga 12:6

Rü tá mea nüxna pedau ñu̱xmatáta doma ya tauemacüarü 14 i ngunexü̃wa nangu. Rü ngẽma ngunexü̃arü yáuanecü rü guxãma i pemax i Iraétanüxü̃ rü tá peyama̱x i ngẽma pexü̃na.

Ínachoxü̃xü̃chiga 23:18

Rü ngẽxguma naxü̃nagü cha̱u̱xca̱x cudaixgu, rü tama chanaxwa̱xe ya yimá nagü rü paũ i pu̱xẽẽruxü̃ã́xü̃maxã wüxigu choxna cunaxã. Rü ngẽma naxü̃na i cha̱u̱xca̱x cuda̱i̱xü̃ rü tama name nax norü chíxü̃maxã penguxü̃xü̃ perü moxü̃ãcüruxü̃.

Wenaxarü naxümatü ga Tupanaarü mugü 16:5

Rü natanüwa ya yima ĩanegü ya Tupana pexna ãxü̃newa, rü tama name ya ngexnerüxünemare ya ĩanegu penadai i ngẽma naxü̃nagü i Üpetüchigaca̱x ixĩxü̃.