Wenaxarü naxümatü ga Tupanaarü mugü 16:2 - Tupanaarü Ore

² Rü Üpetüchigagu rü tá Tupanaca̱x peyama̱x rü peyagu i wocagü rü carnérugü nagu i ngẽma nachica i nüma nüxü̃ naxunetaxü̃ nax nagu naxãpataxü̃.

Wenaxarü naxümatü ga Tupanaarü mugü 16:2 Referans Kwoze

Wenaxarü naxümatü ga Tupanaarü mugü 12:5

Rü Tupana rü petanüwa tá nüxü̃ naxuneta i wüxi i nachica nax nawa namaxü̃xü̃ca̱x. Rü pema rü tá ngẽma nachicawa pexĩ nax ngéma nüxü̃ picua̱xüü̃güxü̃ca̱x.

Wenaxarü naxümatü ga Tupanaarü mugü 12:26

Natürü ngẽma perü ãmaregü i Tupanaca̱x ípexüxüchixü̃ rü ngẽma ãmaregü i Tupanaca̱x pexueguxü̃ rü tá ngẽma nachica ya Tupana nüxü̃ unetaxü̃wa penana.

1 Corintios 5:7

Rü ngẽmaca̱x name nixĩ i nüxü̃ perüxoe i guxü̃ma i ngẽma nũxcümaü̃xü̃ i pecüma i pexü̃ chixexẽẽxü̃. Rü ngẽxguma ngẽma pexü̱xgu, rü ñoma paũ i ngexwaca̱xü̃xü̃ i paũcharawa üxü̃rüxü̃ tá pixĩgü. Rü pema rü ñoma paũ i ngearü pu̱xẽẽruü̃ã́xü̃ i Üpetüchigaarü petawa ingṍxü̃rüxü̃ tá pime. Rü ñu̱xma i pema rü aixcüma ngexwaca̱xü̃xü̃ i duü̃xü̃gü pixĩgü, yerü Cristu rü tórü Üpetüchigaarü carnéru ixĩxü̃ rü marü tórü pecaduca̱x nayu.

Ore i mexü̃ ga Luca ümatüxü̃ 22:15

Rü yexguma ga Ngechuchu rü ñanagürü: —Ñuxãcü poraãcü choxü̃́ nangúchaü̃ nax pemaxã chachibüxü̃ i ñaa Üpetüchigaarü õnawa naxü̃pa nax chayuxü̃.

Ore i mexü̃ ga Luca ümatüxü̃ 22:8

Rü Ngechuchu nanamu ga Pedru rü Cuáü̃, rü ñanagürü nüxü̃: —¡Peyamexẽẽ̱x i tórü õna i Üpetüchigaca̱x! —ñanagürü.

Ore i mexü̃ ga Márcu ümatüxü̃ 14:12

Rü nawa nangu ga ngunexü̃ ga nagu inaxügüxü̃ ga yema peta ga paũ ga ngearü pu̱xẽẽruü̃ã́xü̃ nagu nangõ̱xgüxü̃. Rü yema nixĩ ga ngunexü̃ ga nagu carnéruxacü naxca̱x yama̱xgüxü̃ ga Üpetüchigaarü peta. Rü yexguma ga norü ngúexü̃gü rü Ngechuchuna nacagüe, rü ñanagürügü: —¿Ngextá cunaxwa̱xe nax tanamexẽxẽxü̃ i õna i Üpetüchigaarü petagu ingṍxü̃? —ñanagürügü.

Ore i mexü̃ ga Matéu ümatüxü̃ 26:17

Rü nüxíraxü̃ ga ngunexü̃ ga nagu inaxügüxü̃ ga yema peta ga paũ ga ngearü pu̱xẽẽruü̃ã́xü̃ nagu nangõ̱xgüxü̃, rü norü ngúexü̃gü rü Ngechuchuca̱x naxĩ, rü ñanagürügü nüxü̃: —¿Ngextá i cunaxwa̱xexü̃ nax tanamexẽxẽxü̃ i nachica i nawa nangõ̱xgüxü̃ i õna i Üpetüchigaarü petagu? —ñanagürügü.

Ore i mexü̃ ga Matéu ümatüxü̃ 26:2

—Pema nüxü̃ pecua̱x rü taxre i ngunexü̃ nataxu nax nawa nanguxü̃ i Üpetüchigaarü peta. Rü ngẽxguma tá nixĩ iyayauxgüãxü̃ ya Tupana Nane ya duü̃xü̃xü̃ ixĩcü nax curuchawa yapotagüãxü̃ca̱x —ñanagürü.

Norü taxre ga to ga popera ga ãẽ̱xgacügüchiga ümatüxü̃ 35:7

Rü yexguma nüma ga Yochía rü noxrütama naxü̃nagütanüwa inanamugü ga 30,000 ga naxü̃nagü. Rü yema yéma yexmagüxü̃ ga duü̃xü̃güna nanana nax yemaacü naxüchigagüãxü̃ca̱x ga yema Üpetüchiga. Rü yema naxü̃nagütanüwa rü nayexma ga carnéruxacügü rü cabraxacügü. Rü guxü̃wama rü 30,000 nixĩ. Rü yemaétüwa rü inanana ta ga 3,000 ga wocagü ga yexwacax yaexü̃.

Wenaxarü naxümatü ga Tupanaarü mugü 15:20

Rü wüxichigü ya taunecügu rü ngẽma nachica ya Tupana nüxü̃ unetaxü̃wa rü wüxigu cutanüxü̃maxã tá Tupanape̱xewa cunangõ̱x i ngẽma nüxíraxü̃xü̃ i perü naxü̃nagü.

Wenaxarü naxümatü ga Tupanaarü mugü 12:18

Rü guxü̃ma i ngẽma Tupanaarü ãmaregü rü penaxwa̱xe i nape̱xewa penangõ̱x nawa i ngẽma nachica i nüma nüxü̃ naxunetaxü̃. Rü ngéma perü Cori ya Tupanape̱xewa rü tá penangõ̱x wüxigu namaxã i pexacügü rü perü puracütanüxü̃ rü ngẽma Lebítanüxü̃ i petanüwa ngẽxmagüxü̃. Rü ngéma chope̱xewa tá petaãẽgü namaxã i ngẽma õna i perü puracüwa peyaxuxü̃.

Wenaxarü naxümatü ga Tupanaarü mugü 12:14

Rü wüxitücumüarü naanewa rü Tupana tá nüxü̃ naxuneta i wüxi i nachica nax ngéma naxca̱x ãmaregü piguxü̃ca̱x. Rü ngéma tá nixĩ i penaxüxü̃ i guxü̃ma i ngẽma pexü̃ chamuxü̃.

Wenaxarü naxümatü ga Tupanaarü mugü 12:11

Rü ngẽxguma ngẽma naanewa pengẽxmagügu rü nüma ya Cori ya Tupana rü tá nüxü̃ naxuneta i wüxi i nachica i nüma tá nawa nangẽxmaxü̃. Rü ngéma tá naxca̱x peyadai rü ípenagu i perü ãmaregü i naxü̃nagü. Rü ngéma tá penange i perü diẽru i diésmugü, rü ngẽma diẽru i Tupanaarü puracüca̱x ipexãxü̃, rü ngẽma perü nanetüarü o i rümemaegüxü̃ i pexueguxü̃ nax Tupanana penaxãxü̃.

Iraétanüxü̃arü muxchiga 9:2

—Ngẽma Iraétanüxü̃ rü name nixĩ nax naxüchigagüãxü̃ i ngẽma Üpetüchiga i ngẽxguma doma tauemacüarü 14 i ngunexü̃arü yáuanexü̃wa nanguxgu. Rü chanaxwa̱xe nax ngẽma cumaxã nüxü̃ chixuxü̃ãcü naxüchigagüãxü̃ i duü̃xü̃gü —ñanagürü.

Wenaxarü naxümatü ga Tupanaarü mugü 16:1

¡Rü ngẽxguma Abíarü tauemacüwa nanguxgu rü penaxüchiga i Üpetüchiga naxca̱x ya tórü Cori ya Tupana! Yerü wüxi ga chütaxü̃ ga guma tauemacügu nixĩ ga Equítuarü naanewa tüxü̃ ínagaxü̃xü̃ ga Cori ya perü Tupana.

Wenaxarü naxümatü ga Tupanaarü mugü 16:3

Rü ngẽxguma penangõ̱xgu i ngẽma õna i Üpetüchigaarü ngunexü̃gu pengṍxü̃ rü paũ i ngearü pu̱xẽẽruü̃ã́xü̃maxã tá penangõ̱x. Rü wüxi i yüxü tá nixĩ i penangṍxü̃ i ngẽma paũ i ngearü pu̱xẽẽruü̃ã́xü̃. Erü ngẽma paũwa tá nüxna pecua̱xãchie nax ñuxãcü ngúxü̃ pingegüxü̃ ga Equítuanewa, rü yemaca̱x ñu̱xãẽãcüma nawa ípechoxü̃. Rü ngẽmaãcü i pema rü ñu̱xma nax pemaxẽxü̃gu rü tá nüxna pecua̱xãchie ga yema ngunexü̃ ga nagu Equítuanewa ípechoxü̃xü̃.

Norü taxre ga popera ga ãẽ̱xgacügüchiga 23:21

Rü nüma ga ãẽ̱xgacü ga Yochía rü guxü̃ma ga duü̃xü̃güxü̃ namu nax Cori ya norü Tupanaégagu naxüchigagüãxü̃ca̱x ga Üpetüchiga, yema popera ga Tupanaarü unetapanewa nüxü̃ yaxuxü̃rüxü̃.