Wenaxarü naxümatü ga Tupanaarü mugü 15:8 - Tupanaarü Ore

⁸ Natürü name nixĩ nax namaxã pemecümaxü̃ rü nüxü̃ perüngü̃xẽẽxü̃ namaxã i ngẽma diẽru i nüxü̃́ taxuxü̃ i pexna naxca̱x naca̱xaxü̃ nax yixcama pexü̃́ natáeguxẽẽxü̃ca̱x.

Wenaxarü naxümatü ga Tupanaarü mugü 15:8 Referans Kwoze

Ore i mexü̃ ga Luca ümatüxü̃ 6:34

Rü ngẽxguma ngẽma duü̃xü̃gü i diẽruã́xü̃naxicatama cunaxãxgu i curü diẽru, rü ¿ta̱xacüwa namexü̃ i ngẽma? Erü ngẽma pecaduã̱xgüxü̃ rü ngẽmaãcü nanaxügü, erü nüxü̃ nacua̱xgü rü tá nüxü̃́ nanatáeguxẽxẽ i ngẽma diẽru.

Ore i mexü̃ ga Matéu ümatüxü̃ 5:42

Rü ngẽxguma texé wüxi i curü ngẽmaxü̃ca̱x cuxna caxgu, rü name i tüxna cunaxã. Rü tama name nax tüxna cunachu̱xuxü̃ i curü ngẽmaxü̃gü ega texé paxaãchi cuxna naxca̱x caxgu.

Gálatas 2:10

Rü yema namaxã toxü̃ naxucu̱xẽgüxü̃ nixĩ nax nüxü̃ tarüngü̃xẽẽgüxü̃ca̱x ga yema yaxõgüxü̃ ga ngearü diẽruã̱xgüxü̃. Rü yexicatama nixĩ ga toxna nüxü̃ nacua̱xãchixẽẽxü̃. Rü choma rü woetama ngẽma nixĩ i guxü̃guma marü chaxüxü̃.

Wiyaegü 37:26

Rü nüma ya yimá yatü ya mecü rü guxü̃guma duü̃xẽ nüxü̃́ tangechaü̃tümüxü̃ rü tüxna nanaxã ega ta̱xacüca̱x nüxna tacagügu. Rü nanegü rü norü taãẽxẽẽruxü̃ nixĩgü.

Ucu̱xẽgüchiga 19:17

Ngẽxguma wüxi i duü̃xü̃ i ngearü diẽruã́xü̃xü̃ curüngü̃xẽẽgu diẽrumaxã, rü Tupanaxü̃ nixĩ i curüngü̃xẽẽxü̃. Rü nüma ya Cori ya Tupana rü tá cuxü̃́ tüxü̃ natáeguxẽxẽ.

Lebítanüxü̃arü puracüchiga 25:35

Rü ngẽxguma wüxi i curü ĩanecüã̱x nangearü diẽruã̱xgu rü cuxna nacaxgu nax nüxü̃ curüngü̃xẽẽxü̃ca̱x, rü name i nüxü̃ curüngü̃xẽxẽ ñoma wüxi i to i nachixü̃anecüã̱x i cuxü̃tagu naxũanexü̃ curüngü̃xẽẽxü̃rüxü̃. Rü cupatawa tá cunangexmaxẽxẽ.