Wenaxarü naxümatü ga Tupanaarü mugü 15:3 - Tupanaarü Ore

³ Rü ngẽxguma wüxi i duü̃xü̃ i to i nachixü̃anecüã̱x yixĩxgu i pexü̃́ nangetanüxü̃ rü marü name i penachixewe nax pexü̃́ naxütanüãxü̃ca̱x i ngẽma pexü̃́ nangetanüxü̃. Natürü ngẽxguma wüxi i petanüxü̃ i Iraétanüxü̃ yixĩxgu i pexü̃́ nangetanüxü̃, rü yimá taunecüarü gu̱xgu rü tá nüxü̃́ nüxü̃ iperüngümae i guxü̃ma i norü ngetanügü.

Wenaxarü naxümatü ga Tupanaarü mugü 15:3 Referans Kwoze

Wenaxarü naxümatü ga Tupanaarü mugü 23:20

Rü ngẽma duü̃xü̃ i to i nachixü̃anecüã̱x rü marü name nax guxü̃ i norü üétümaxã pexü̃́ natáeguxẽẽxü̃ i ngẽma pexü̃́ nangetanüxü̃. Natürü tama name nax ngẽma pemücümaxã pexüxü̃. Rü ngẽxguma tá nixĩ ya Cori ya Tupana i pexü̃ nangü̃xẽẽxü̃ nawa i guxü̃ma i perü puracü i pexüxü̃ nawa i ngẽma naane i tá peyaxuxü̃wa.

Gálatas 6:10

Rü ngẽmaca̱x ngẽxguma tüxü̃́ natauxchagu nax ta̱xacümaxã togüxü̃ rüngü̃xẽẽxü̃, rü name nixĩ i guxãxü̃ma tarüngü̃xẽxẽ. Natürü yexera tanaxwa̱xegü nax nüxü̃ rüngü̃xẽẽgüxü̃ i ngẽma taenexẽgü rü taeya̱xgü i yaxõgüxü̃.

Ore i mexü̃ ga Cuáü̃ ümatüxü̃ 8:35

Wüxi i coriarü mugüruxü̃ rü tama guxü̃guma norü coripatacüã̱x nixĩ. Natürü wüxi i cori nane rü guxü̃guma nanatü nane nixĩ.

Ínachoxü̃xü̃chiga 22:25

Rü ngẽxguma chi wüxi i chorü duü̃xü̃ i cumücü i ngearü diẽruã́xü̃ cuxna caxgu nax paxaãchi nüxna ngĩxü̃ cuxãxü̃ca̱x i diẽru, rü taxũtá cunaxwa̱xe nax üétüãcü cuxü̃́ ngĩxü̃ natáeguẽẽxü̃. Rü tama name i nagu quixũ i nacüma i ngẽma diẽruã̱xgüxü̃ i üétüãcüma paxaãchi diẽru ngĩxü̃ ãgüxü̃.

Wenaxarü naxümatü ga Tupanaarü mugü 15:2

Rü ñaãcü tá penaxü: Rü ngẽxguma texé tümamücüna paxaãchi tanaxãxgu i wüxi i diẽru nax tanatáeguxẽẽxü̃ca̱x, natürü tama paxa tanatáeguxẽẽgu ya yíxema tümamücüaxü̃́ nangetanüxẽ, rü ngẽxguma nawa nanguxgu ya yimá 7 ya taunecü rü tá tüxü̃́ nüxü̃ tarüngüma i ngẽma tümaarü ngetanü. Rü marü taxũtáma tümamücüxü̃ tachixewe nax tanatáeguxẽẽxü̃ca̱x i ngẽma diẽru erü yimá taunecügu rü guxü̃ma i ngetanügü rü tá nüxü̃ itarüngümae naégagu ya Cori ya Tupana.

Wenaxarü naxümatü ga Tupanaarü mugü 23:21

Ngẽxguma wüxi i uneta Cori ya perü Tupanaca̱x pexü̱xgu, rü penaxwa̱xe nax paxãma peyanguxẽẽxü̃. Erü ngẽxguma tama paxa peyanguxẽẽgu, rü nüma ya Cori ya perü Tupana rü tá pexna naca naxca̱x i ngẽma perü uneta. Rü Tupanape̱xewa rü pecadu tá nixĩ ega tama peyanguxẽẽgu i ngẽma perü uneta.