Wenaxarü naxümatü ga Tupanaarü mugü 15:2 - Tupanaarü Ore

² Rü ñaãcü tá penaxü: Rü ngẽxguma texé tümamücüna paxaãchi tanaxãxgu i wüxi i diẽru nax tanatáeguxẽẽxü̃ca̱x, natürü tama paxa tanatáeguxẽẽgu ya yíxema tümamücüaxü̃́ nangetanüxẽ, rü ngẽxguma nawa nanguxgu ya yimá 7 ya taunecü rü tá tüxü̃́ nüxü̃ tarüngüma i ngẽma tümaarü ngetanü. Rü marü taxũtáma tümamücüxü̃ tachixewe nax tanatáeguxẽẽxü̃ca̱x i ngẽma diẽru erü yimá taunecügu rü guxü̃ma i ngetanügü rü tá nüxü̃ itarüngümae naégagu ya Cori ya Tupana.

Wenaxarü naxümatü ga Tupanaarü mugü 15:2 Referans Kwoze

Popera ga Chantiágu ümatüxü̃ 2:13

Erü guxãma ya yíxema tama tümamücügü tüxü̃́ ngechaü̃tümüü̃güxe, rü Tupana rü taxũtáma nüxü̃́ tangechaü̃tümüü̃güãcüma tüxna naca i tümaarü maxü̃chiga. Natürü yíxema tümamücügü tüxü̃́ ngechaü̃tümüü̃güxe, rü taxũtáma tamuü̃e i ngẽxguma Tupana tüxna caxgux, erü nüxü̃́ tangechaü̃tümüü̃güãcüma tá tüxna naca.

Ore i mexü̃ ga Luca ümatüxü̃ 7:42

Natürü yema taxre rü taxuacü nanaxütanü ga norü ngetanü. Rü yemaca̱x düxwa yema norü cori rü nüxü̃́ nüxü̃ narüngüma ga yema nüxü̃́ nax nangetanügüãxü̃. Rü ñu̱xmax, Pa Chimóü̃, rü ¡chomaxã nüxü̃ ixu! rü ¿ngexü̃rüüxü̃ ga yema taxre ga yatügü rü yexeraãcü norü corixü̃ nangechaü̃? —ñanagürü.

Ore i mexü̃ ga Matéu ümatüxü̃ 6:12

¡Rü toxü̃́ nüxü̃ irüngüma i ngẽma torü chixexü̃ i taxüxü̃ ngẽxgumarüxü̃ i toma rü tüxü̃́ nüxü̃ tarüngü̃maexü̃rüxü̃ ya yíxema chixexü̃ tomaxã ügüxe!

Ichaía 58:3

Natürü i nümagü rü ñanagürügü: “¿Tü̱xcüü̃ chi aureãcü iyumüxẽgüxü̃ ega Tupana rü tama tüxü̃ nada̱u̱xgu? ¿Rü tü̱xcüü̃ chi i yigü ixaiya̱xü̃gümaregüxü̃ ega nüma rü nüxü̃́ nataxuraxü̃maregu?” ñanagürügü. Rü yumüxẽarü ngunexü̃gu rü pema rü petaxegüama rü chixri tümamaxã ipecua̱xgü ya perü puracütanüxü̃.

Wenaxarü naxümatü ga Tupanaarü mugü 15:1

Rü ngẽxguma 7 ya taunecüarü gu̱xguwa nanguxgu rü pema rü tá tüxü̃́ nüxü̃ iperüngümae ya yíxema pexü̃́ nangetanügüxe.

Wenaxarü naxümatü ga Tupanaarü mugü 15:3

Rü ngẽxguma wüxi i duü̃xü̃ i to i nachixü̃anecüã̱x yixĩxgu i pexü̃́ nangetanüxü̃ rü marü name i penachixewe nax pexü̃́ naxütanüãxü̃ca̱x i ngẽma pexü̃́ nangetanüxü̃. Natürü ngẽxguma wüxi i petanüxü̃ i Iraétanüxü̃ yixĩxgu i pexü̃́ nangetanüxü̃, rü yimá taunecüarü gu̱xgu rü tá nüxü̃́ nüxü̃ iperüngümae i guxü̃ma i norü ngetanügü.

Wenaxarü naxümatü ga Tupanaarü mugü 31:10

Rü yexguma ga nüma ga Moiché rü yema ãẽ̱xgacügüxü̃ naxuxcu̱xẽ, rü ñanagürü: —Guxü̃guma i ngẽxguma norü 7 ya taunecüwa nanguuxü̃gu nax pegüxü̃́ nüxü̃ pengechaü̃güxü̃ i perü ngetanügü, rü ngẽxguma tá nixĩ i guxü̃ma i duü̃xü̃güpe̱xewa nüxü̃ pedaumatügüxü̃ i ñaa mugü. Rü ngẽma tá nixĩ i duü̃xü̃güpe̱xewa pexüxü̃ i ngẽxguma düxenügüchigaarü tauemacüwa nanguuxü̃gu rü guxü̃ma i Iraétanüxü̃ Tupanape̱xegu ngutaque̱xegüxü̃gu nawa i ngẽma nachica i nümatama tá nüxü̃ naxunetaxü̃.

Neemía 10:31

Rü nüxü̃ tixu rü ngẽxguma ngẽma duü̃xü̃gü i tama Iraétanüxü̃ ixĩgüxü̃ ngü̃chigaarü ngunexü̃gu norü ngẽmaxü̃gümaxã núma yataxegügu rüe̱xna guxü̃raü̃xü̃ i trigute̱xemaxã nataxegügu, rü taxũtáma nüxü̃́ naxca̱x tataxegü rü bai i ngü̃chigaarü ngunexü̃gu rü bai i to i ngunexü̃ i nagu Tupanaca̱x ixaurexü̃gu. Rü nüxü̃ tixu rü ngẽxguma norü 7 ya taunecüwa nanguxgu rü taxũtáma tatoegü rü ngẽxma tá inayarüxo i guxü̃ma i ngetanügü.