Wenaxarü naxümatü ga Tupanaarü mugü 14:3 - Tupanaarü Ore

^3-4 Rü tama name i penangõ̱x i ngẽma naeü̃ ya Tupana pexna chu̱xuxü̃. Rü ñaagü nixĩ i ngẽma naeü̃gü i mexü̃ nax penangṍxü̃: rü wocagü, rü carnérugü, rü chíbugü,

Wenaxarü naxümatü ga Tupanaarü mugü 14:3 Referans Kwoze

Echequié 4:14

Rü choma rü chanangãxü̃ rü ñacharügü nüxü̃: —Natürü, Pa Corix, choma rü taguma nüxü̃ chingõ̱gü i ta̱xacü i ãũãchixü̃, rü taguma chanangõ̱x i wüxi i naeü̃ i nüechama yuxü̃machi rüe̱xna aigü imaxgüxü̃machi, rü bai nax ñuxgu nüxü̃ changõ̱xnetaxü̃ i namachi i ãũãchixü̃ —ñachagürü nüxü̃.

Romanos 14:14

Choma nüxü̃ chacua̱x rü nataxuma i õna i Tupanape̱xewa chixexü̃. Rü aixcümaxü̃chi nüxü̃ chacua̱x i ngẽma erü tórü Cori ya Ngechuchu ya Cristuarü duü̃xü̃ chixĩ, rü nüma choxü̃ nüxü̃ nacua̱xẽxẽ i ngẽma. Natürü ngẽxguma chi texé nagu rüxĩnügu nax tama Tupanape̱xewa namexü̃ i ta̱xacürü õna nax tangṍxü̃, rü name nixĩ i noxtacüma tama nax tanangṍxü̃ ega nagu tarüxĩnügu nax tama namexü̃ i ngẽma.

Lebítanüxü̃arü puracüchiga 20:25

Rü ngẽmaca̱x i pema rü name nax nüxü̃ pecuáxü̃ nax ngexü̃rüüxü̃ yixĩxü̃ i ngẽma naeü̃gü i mexü̃ nax penangṍxü̃ rü naeü̃gü i tama mexü̃ nax penangṍxü̃, rü ñu̱xũchi ngẽma naeü̃ i ãxpe̱xatüxü̃ i mexü̃ nax penangṍxü̃ rü ngẽma tama mexü̃ nax penangṍxü̃. ¡Rü taxṹ i pegü pexãũãchixẽxẽxü̃ namaxã i ngẽma naeü̃gü i tama mexü̃ nax penangṍxü̃, rü ngẽma ãxpe̱xatüxü̃ i tama mexü̃ nax penangṍxü̃, rü ngẽma waixü̃mügu nügü itúgüxü̃ i nüxü̃ chixuxü̃ nax tama namexü̃ nax penangṍxü̃!

Lebítanüxü̃arü puracüchiga 11:43

Rü pema rü tama name nax pegü namaxã pexãũãchi i ngẽma naeü̃gü i waixü̃müanegu naxtanecamaxã nügü itúchigüãcüma ixĩxü̃.

Popera ga Títoca̱x naxümatüxü̃ ga Pauru 1:15

Rü yíxema aixcüma Tupanaaxü̃́ yaxṍxe rü guxü̃guma mexü̃gu tarüxĩnü. Natürü ngẽma tama Tupanaaxü̃́ yaxõxü̃, rü taxucürüwa mexü̃gu narüxĩnü erü norü ĩnü rü naxãũãchi rü naãxẽwa chixexü̃gu narüxĩnü.

1 Corintios 10:28

Natürü ngẽxguma ngürüãchi wüxíe pemaxã nüxü̃ ixuxgu rü ñatagu: “Ñaa namachi rü tupananetachicüna̱xãgüca̱x yama̱xgüxü̃ i naxü̃nawa ne ũxü̃ nixĩ”, ñagügu, rü ngẽxguma i pema rü tama name nax penangṍxü̃ i ngẽma namachi nax tama chixexü̃gu tüxü̃ pengu̱xẽẽxü̃ca̱x ya yíxema pemaxã nüxü̃ ixuxe, rü tama ngẽmaca̱x taxoegaãẽxü̃ca̱x rü nagu tarüxĩnüxü̃ca̱x i tümax nax chixexü̃ cuxüxü̃.

Ichaía 65:4

Rü ngẽma duü̃xü̃gü rü yuetamaü̃güwa narütogü rü ãxmaxü̃gügu napegü nax ngéma yuetaxü̃ yacua̱xüü̃güxü̃ca̱x. Rü nanangõ̱xgü i chu̱xuxü̃ i cuchimachi, rü norü paneragü rü ngẽma namachitüü̃maxã nayaxüãcugü.

Naanearü ügüchiga 7:2

Rü ngẽma naeü̃gü i mexü̃ nax nangṍxü̃ rü tá cuyamue i 7 chigü i yatüxü̃ rü ñu̱xũchi 7 chigü i ngexü̃. Natürü ngẽma naeü̃gü i tama mexü̃ nax nangṍxü̃ rü tá cuyamue i wüxitama i yatüxü̃ rü ñu̱xũchi wüxitama i ngexü̃.

Lebítanüxü̃arü puracüchiga 11:2

—¡Namaxã nüxü̃ pixu i ngẽma Iraétanüxü̃ rü marü name i nanangõ̱xgü i guxü̃ma i naeü̃gü i ñoma i naanewa ngẽxmagüxü̃ i wenaxarü iyoxmüwemügüxü̃ rü taxrepatüxü̃!