Wenaxarü naxümatü ga Tupanaarü mugü 14:2 - Tupanaarü Ore

² Erü pema rü perü Cori ya Tupanaarü duü̃xü̃gü pixĩgü, rü nüma rü pexü̃ naxuneta natanüwa i guxü̃ma i ñoma i naanewa maxẽxü̃ i duü̃xü̃gü nax noxrü pixĩgüxü̃ca̱x.

Wenaxarü naxümatü ga Tupanaarü mugü 14:2 Referans Kwoze

Wenaxarü naxümatü ga Tupanaarü mugü 7:6

Erü pema rü wüxi i duü̃xü̃gütücumü i woetama Cori ya Tupana pexü̃ dexe pixĩgü. Rü nüma ya Tupana rü guxü̃ma i nachixü̃anecüã̱xgütanüwa pexü̃ naxuneta nax norü duü̃xü̃gü pixĩgüxü̃ca̱x.

Lebítanüxü̃arü puracüchiga 20:26

Rü pema rü name nax pengearü ãũãchiã́xü̃ rü pexüünegüxü̃, erü choma nax Cori ya Tupana chixĩxü̃ rü chaxüüne. Rü choma nixĩ ga yema togü ga duü̃xü̃gütanüwa pexü̃ chaxunetaxü̃ nax chorü duü̃xü̃gü pixĩgüxü̃ca̱x.

Nüxíraxü̃xü̃ ga popera ga Pedru ümatüxü̃ 2:9

Natürü pema nixĩ i duü̃xü̃gü i tórü ãẽ̱xgacü ya Tupana pexü̃ dexü̃ nax norü puracü pexügüxü̃ca̱x. Rü pema nixĩ i duü̃xü̃gü i nape̱xewa ixüünexü̃, erü nümatama ya Tupana rü norü duü̃xü̃güxü̃ pexü̃ nixĩgüxẽxẽ nax nüxü̃ pixuxü̃ca̱x i ngẽma mexü̃gü i norü poramaxã naxüxü̃. Rü nümatama ya Tupana nixĩ ga ẽanexü̃wa pexü̃ ínanguxü̃xẽẽxü̃ nax norü ngóonexü̃ i mexẽchixü̃gu pechocuxü̃ca̱x.

Lebítanüxü̃arü puracüchiga 19:2

—¡Rü Iraétanüxü̃ i duü̃xü̃gümaxã nüxü̃ ixu i ñaa ore!: “Rü name nax pixüünegüxü̃ i pemax, erü choma ya perü Cori ya Tupana rü chaxüüne.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Wenaxarü naxümatü ga Tupanaarü mugü 28:9

Rü ngẽxguma peyanguxẽẽgu i norü mugü rü ñu̱xũchi nagu pexĩxgu i ngẽma norü ucu̱xẽgü, rü nüma ya Cori ya perü Tupana rü tagutáma pexna nixũgachi rü guxü̃gutáma petanüwa nangẽxma rü noxrüxicatama i duü̃xü̃gü tá pixĩgü, yema pemaxã nüxü̃ yaxuxü̃rüxü̃.

Lebítanüxü̃arü puracüchiga 11:45

Rü choma nixĩ i perü Cori chixĩxü̃ i Equítuanewa pexü̃ íchagaxü̃xü̃ nax perü Tupana nax chixĩxü̃ca̱x. Rü ngẽmaca̱x i pema rü name nax pixüünexü̃ erü choma rü chaxüüne.

Ichaía 62:12

Rü ngẽma togü i nachixü̃anegü rü tá ñanagürügü: —Iraétanüxü̃ rü Tupanaarü Duü̃xü̃gü i Üünexü̃ nixĩgü. Rü nüma ya Tupana rü marü ínananguxü̃xẽxẽ. Rü yima norü ĩane ya Yerucharéü̃ rü Ĩane ya Poraãcü Ngúchaxü̃ne nixĩ rü Ĩane ya Tama Ngéma Ta̱xmarene nixĩ —ñanagürügü tá.

Danié 8:24

Rü tá nawa nangu nax naporaxüchixü̃, natürü taxũtáma noxrütama poramaxã nixĩ. Rü nüma rü tá poraãcü togü i nachixü̃anegüxü̃ nachixexẽxẽ. Rü guxü̃ma i ngẽma naxüxü̃ rü tá mea nüxü̃́ ínanguxuchi. Rü tá nanadai i muxü̃ma i ãẽ̱xgacügü i poraexü̃, rü muxü̃ma i Tupanaarü duü̃xü̃gü.

Wenaxarü naxümatü ga Tupanaarü mugü 14:21

Rü ngẽxguma nüxü̃ peyangauxgu i wüxi i naeü̃ i marü yuxü̃ rü tama name nax penangṍxü̃. Erü pema rü perü Cori ya Tupanaarü duü̃xü̃gü pixĩgü. Natürü marü name nax ngẽma duü̃xü̃ i to i nachixü̃anecüã̱x i petanüwa maxü̃xü̃na penaxãxü̃ i ngẽma namachi. Rü nüma rü marü name nax nangṍãxü̃. Rü ngẽxgumarüxü̃ ta rü name nax namaxã petaxexü̃ nüxü̃ i ngẽma to i nachixü̃anecüã̱x i ngéma üpetüxü̃. Rü ngẽxgumarüxü̃ ta nachu̱xu nixĩ nax tümaégüneniü̃wa tüxü̃ pimuxraxü̃ ya wüxi ya cabraxacü.

Danié 12:7

Rü yexguma ga yema yatü ga línuchimaxã ãxchiruxü̃ ga natüétügu chíxü̃ rü naxunagütanü ga naxme̱x rü Tupana ya Maxü̃cüégagu nanaxuegu rü ñanagürü: —Tomaepü̱x ya taunecüarü ngãxü̃ nataxu. Rü ngẽxguma marü íyachaxãchigügu nax nadaigüãxü̃ i Tupanaarü duü̃xü̃gü, rü ngẽxguma tá nixĩ i yaguxü̃ i ngẽma nüxü̃ chixuxü̃ —ñanagürü.

Echequié 21:2

—Pa Yatüx, ¡Yerucharéü̃guama nadawenü rü naxunagü i chopataarü poxcu! ¡Rü chauégagu naxunagü i Iraéanearü poxcu!

Ichaía 6:13

Rü woo chi 100 tanüwa rü 10 i duü̃xü̃gü íyaxüxgu nawa ya yima ĩane rü ngẽma rü tá ta nadai ñoma wüxi i nai i daxüchixü̃rüxü̃. Natürü ñoma wüxi i naixchimewa ngexwaca̱xü̃xü̃ i nane rüxüamaxü̃rüxü̃ tá nixĩ i ngẽma Iraétanüxü̃. Erü noxretama tá ínayaxü, rü ngẽmatanüwa tá ne naxĩ i duü̃xü̃gü i aixcüma chauga ĩnüexü̃ —ñanagürü ga Tupana.

Romanos 12:1

Rü dücax, Pa Chauenexẽgüx, Tupanaarü ngechaü̃gagu pexü̃ chaca̱a̱xü̃ nax Tupanana pegü pexãgüxü̃ nax norü ãmare i maxü̃xü̃ rü üünexü̃ i namaxã nataãẽxü̃ pixĩgüxü̃ca̱x. Rü ngẽmaãcü nixĩ i nanaxwa̱xexü̃ ya Tupana nax nüxü̃ picua̱xüü̃güxü̃.

Wenaxarü naxümatü ga Tupanaarü mugü 4:20

Rü nüma ga Cori ya Tupana rü nawa pexü̃ ínamuxü̃ ga Equítuane ga pexca̱x ñoma guruxü ga nawa fieru idexẽẽnerüxü̃ ixĩxü̃. Rü yemaacü pexü̃ narüngü̃xẽxẽ nax ngẽmaãcü norü duü̃xü̃gü pixĩgüxü̃ca̱x. Rü ñu̱xma rü ta rü noxrütama pixĩgü.

Wenaxarü naxümatü ga Tupanaarü mugü 33:3

Rü nüma ya Cori ya Tupana rü norü duü̃xü̃güxü̃ nangechaxü̃, rü nüxna nadau i ngẽma naga ĩnüexü̃. Rü nümagü rü nape̱xegu nacaxã́pü̱xügü rü ínanangu̱xuxẽẽgü i norü ucu̱xẽgü.

Édra 9:2

Yerü nüma i tatanüxü̃ rü nanegü rü marü nixãxma̱xgü namaxã i ngẽma togü i duü̃xü̃güxacügü i nua tórü naanegu yaxãchiü̃güxü̃ i tama Tupanaaxü̃́ yaxõgüxü̃. Rü yemaacü ga Tupanaarü duü̃xü̃gü rü yema tama yaxõgüxü̃ ga duü̃xü̃gümaxã nügü narüxücutanü. Rü tatanüxü̃ i ãẽ̱xgacügü nixĩ ga nüxíra inaxügüxü̃ nax nagu naxĩxü̃ ga yema chixexü̃ —ñanagürügü choxü̃.

Ichaía 41:9

Rü choma nixĩ ga yema nachixü̃ane ga yáxü̃guxü̃wa pexü̃ íchanguxü̃xẽẽxü̃. Rü yema naane ga yáxü̃wa yexmaxü̃wa nixĩ ga pexca̱x chacaxü̃ rü pexü̃ ñachaxü̃: “Pema rü chorü duü̃xü̃gü pixĩxgü”, ñachaxü̃. Choma nixĩ ga pexü̃ chadexü̃ rü tama pexü̃ chaxoxü̃.

Yeremía 2:3

Rü pemax, Pa Iraétanüxü̃x, rü aixcüma chorü duü̃xü̃gü pixĩgü rü chaugu perüxĩnüe. Rü natanüwa ga guxü̃ma ga yema togü ga duü̃xü̃gütücumügü rü pema nixĩ i pexü̃ chadexü̃ ñoma rümemaexü̃ i nanetüarü orüxü̃. Rü yexguma texé chixexü̃ pemaxã uxgu, rü choma rü pexca̱x tüxü̃ chapoxcu rü tümaca̱x yéma chanamu ga guxchaxü̃gü. Rü chomatama ya Cori ya Tupana nixĩ i nüxü̃ chixuxü̃ i ngẽma ore” —ñanagürü.

Lebítanüxü̃arü puracüchiga 20:24

Rü ngẽmaca̱x i choma rü pemaxã chanaxuegu nax pema tá pixĩgüxü̃ i ngẽma norü naanearü yora. Rü chomatátama pexna chanaxã i ngẽma naane i ngextá ñoma dexárüxü̃ yima lechi rü ira taguma ítaxuxü̃wa. Rü choma nixĩ i perü Cori ya Tupana ga yema togü ga duü̃xü̃gütanüwa pexü̃ chaxunetaxü̃ nax chorü duü̃xü̃gü pixĩgüxü̃ca̱x.

Wenaxarü naxümatü ga Tupanaarü mugü 7:7

Rü tama nixĩ nax guxü̃ma i duü̃xü̃gütücumüxü̃ perümumaexü̃ca̱x yixĩxü̃ nax Cori ya Tupana pexü̃ ngechaü̃xü̃ rü pexü̃ dexü̃. Rü pema rü aixcüma guxü̃ma i duü̃xü̃gütücumüxü̃ perünoxremae.