Wenaxarü naxümatü ga Tupanaarü mugü 13:5 - Tupanaarü Ore

⁵ Rü ngẽma orearü uruxü̃ rüe̱xna ngẽma ngo̱xetünetaxü̃ rü noxtacüma peyama̱x, erü pexü̃ naxuxcu̱xẽ nax namaxã penuexü̃ca̱x ya perü Cori ya Tupana ga Equítuanewa pexü̃ ínguxü̃xẽẽcü ga ngextá pexü̃ ínamugügümarexü̃wa. Rü tá nayu i ngẽma orearü uruxü̃ rüe̱xna ngẽma ngo̱xetünetaxü̃ nagagu nax pexü̃ yaxĩgachixẽẽchaü̃xü̃ nüxna i ngẽma mugü ga Tupana pemaxã nüxü̃ yaxuxü̃ nax nagu pexĩxü̃ca̱x. Rü ngẽmaãcü tá ipeyanaxoxẽxẽ i ngẽma chixexü̃ i petanüwa ngẽxmaxü̃.

Wenaxarü naxümatü ga Tupanaarü mugü 13:5 Referans Kwoze

Wenaxarü naxümatü ga Tupanaarü mugü 18:20

Natürü ngẽma orearü uruxü̃ i nüxü̃ ixuxü̃ i ngẽma tama choma chanamuxü̃ nax nüxü̃ yaxuxü̃ca̱x, rüe̱xna ta̱xacürü tupananetaégagu idexaxü̃, rü yu tá namaxã pexuegu.

Yeremía 14:15

Rü choma ya Cori ya Tupana, rü ñachagürü nachiga i ngẽma orearü uruü̃güneta i tama choma chamugüãcüma chauégagu nüxü̃ ixugüxü̃ nax nataxuxü̃táma i dai rü taiya i ñaa nachixü̃anewa. Rü nüma i ngẽma orearü uruü̃güneta rü daigu rü taiyamaxã tá nayue.

Wenaxarü naxümatü ga Tupanaarü mugü 24:7

Rü ngẽxguma nüxü̃ peda̱u̱xgu i wüxi i Iraétanüxü̃ nax wüxi ya naxrüxü̃ i Iraétanüxü̃ca̱x nangĩ́xü̃ nax norü mugüruxü̃ tüxü̃ yaxĩxẽẽxü̃ca̱x rüe̱xna tümamaxã nataxexü̃ca̱x, rü yu tá namaxã pexuegu. Rü ngẽmaãcü tá peyanaxoxẽxẽ i ngẽma chixexü̃ i nacüma i petanüwa ngẽxmaxü̃.

Wenaxarü naxümatü ga Tupanaarü mugü 22:21

rü ngẽxguma i ngẽma ĩanearü ãẽ̱xgacügü rü ngĩnatüpataarü ĩã̱xgu tá ngĩxü̃ nayamugü. Rü yima ĩanearü yatügü rü ngẽxma tátama nutagümaxã ngĩxü̃ nima̱xgü nagagu i ngẽma chixexü̃chixü̃ i naxüxü̃ i Iraétanüxü̃tanüwa i ngĩnatüpatawa. Rü ngẽmaãcü tá peyanaxoxẽxẽ i ngẽma chixexü̃ i petanüwa ngẽxmaxü̃.

Wenaxarü naxümatü ga Tupanaarü mugü 17:7

Rü ngẽma duü̃xü̃gü i nüxü̃ daugüxü̃ rü nüxü̃ ixugüxü̃ tá nixĩ i nüxíra nutamaxã ínamuxũchigüxü̃, rü ngẽmawena i guxü̃táma i duü̃xü̃gü. Rü ngẽmaãcü tá nixĩ i penaxoxẽẽxü̃ i ngẽma chixexü̃ i petanüwa ngẽxmaxü̃.

Wenaxarü naxümatü ga Tupanaarü mugü 13:10

¡Rü nutamaxã ínamuxũchi rü ñu̱xmata nayu̱x i ngẽma duü̃xü̃! Rü ngẽma nixĩ i norü natanü i ngẽma duü̃xü̃ i cuxü̃ ixũgachixẽẽchaü̃xü̃ nüxna ya Cori ya curü Tupana ya Equítuanewa cuxü̃ ínguxuchixẽẽcü ga ngextá mugüruü̃gü íquixĩxü̃wa.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:20

Rü yema nüxíraxü̃xü̃ ga ngo̱xo rü niyaxu. Rü wüxigu namaxã niyaxu ga yema to ga ngo̱xo ga orearü uruü̃neta ixĩxü̃ ga yema nüxíraxü̃xü̃ ga ngo̱xope̱xewa naxüxü̃ ga cua̱xruü̃gü ga duü̃xü̃gü tama nüxü̃ cuáxü̃ nax naxügüãxü̃. Rü yema cua̱xruü̃gümaxã nixĩ ga nawomüxẽẽãxü̃ ga yema duü̃xü̃gü ga nüxü̃ icua̱xüü̃güxü̃ ga naxchicüna̱xã ga yema nüxíraxü̃xü̃ ga ngo̱xo rü nügü ixãgüxü̃ nax yema ngo̱xoégamaxã nax yaxüégagüxü̃. Rü yema nüxíraxü̃xü̃ ga ngo̱xo rü yema to ga ngo̱xo ga orearü uruü̃neta ixĩxü̃, rü wüxigu maxẽxacü̃ma nawa nawoü̃ ga gumá naxtaxa ga achúfremaxã iya̱u̱xrachiüne.

Ngechuchuarü ngúexü̃gü ga yamugüxü̃arü puracüchiga 13:8

Natürü yema yuüxü̃, ga Griégugawa Erimínugu ãégaxü̃, rü tama nanaxwa̱xe nax Tupanaarü orexü̃ yaxugüxü̃ ga Chauru rü Bernabé. Yerü tama nanaxwa̱xe nax yaxõõxü̃ ga gumá ãẽ̱xgacü.

Chacaría 13:3

Rü ngẽxguma chi tangexmagu ya wüxi ya Tupanaarü orearü uruxü̃neta i nüxü̃ ixuxechaxü̃ i ore i tama Tupanaarü ore ixĩxü̃, rü tümanatü rü tümaé tá ñanagürügü tüxü̃: “Cuma rü name nax cuyuxü̃ erü ngẽma ore i nüxü̃ quixuxü̃ rü doramare nixĩ rü tama aixcüma Cori ya Tupanaarü ore nixĩ!” ñanagürügü. Rü tümanatü rü tümaé tátama tüxü̃ nacana i ngẽxguma tügü tixuxgu nax Tupanaarü orearü uruxü̃ tixĩxü̃.

Yeremía 50:6

Chorü duü̃xü̃gü rü ñoma carnérugü i rütauxexü̃rüxü̃ nixĩgü. Rü norü dauruü̃gü rü chixri nüxna nadaugü, rü yemaca̱x máxpü̱xanexü̃gu narütauxe rü ínatüe. Rü düxwa nüxü̃ narüngümae ga napüxü̃ rü tama nüxü̃ nacua̱xgü nax ngexta nayexmaxü̃.

Nüxíraxü̃xü̃ ga popera ga ãẽ̱xgacügüchiga 18:40

Rü yexguma ga Ería rü yema duü̃xü̃güxü̃ ñanagürü: —¡Ípenayauxü̃ i guxü̃ma i Baáxarü orearü uruü̃gü rü taxuxü̃táma niña! —ñanagürü. Rü nüma ga duü̃xü̃gü rü ínanayauxü̃. Rü yexguma ga Ería rü natüxacü ga Quichóü̃wa nanagagüxẽxẽ rü yexma nayadaü̃naxã.

Wenaxarü naxümatü ga Tupanaarü mugü 22:24

rü ngẽma yatü rü ngẽma pacü rü tá ĩanearü ãẽ̱xgacügüpe̱xewa nanagagü nax namaxã naxuegugüãxü̃ca̱x nax nutamaxã ínamuxũchigüãxü̃ca̱x nax ngẽmaãcü nayuexü̃ca̱x. Rü ngĩma i ngẽma pacü rü tá ngĩxü̃ nima̱xgü erü ĩanewatama nangẽxmaãcü tama ngü̃xẽẽca̱x íica nax duü̃xü̃gü ngĩétüwa chogügüxü̃ca̱x. Rü nüma i ngẽma yatü rü tá nayu nagagu nax wüxi i pacü i to i yatümaxã ãtechaü̃cümaxã nax namaxü̃xü̃. Rü ngẽmaãcü tá peyanaxoxẽxẽ i ngẽma chixexü̃ i petanüwa ngẽxmaxü̃.

Wenaxarü naxümatü ga Tupanaarü mugü 7:4

Erü ngẽxguma tá ngẽmaãcü penaxü̱xgu rü nümagü i ngémacüã̱x rü tá penegüxü̃ rü pexacügüxü̃ Cori ya Tupanana nixĩgachixẽxẽ. Rü ngẽmaãcü tá norü tupanagüxü̃ pexü̃ nicua̱xüü̃güxẽxẽ, rü ngẽmaca̱x tá poraãcü pemaxã nanu ya Cori ya Tupana, rü noxtacüma tá pexü̃ nadai, rü ngẽxma tá ipeyarüxo.

Wenaxarü naxümatü ga Tupanaarü mugü 4:19

Rü ngẽxguma daxũ pedaugügu rü nüxü̃ peda̱u̱xgu ya üa̱xcü, rü tauemacü, rü ẽxtagü, rü guxü̃ma i daxũwa naigüxü̃ rü ¡taxṹ i pexü̃́ nangúchaü̃xü̃ nax nüxü̃ picua̱xüü̃güxü̃ca̱x! Erü nüma ya Cori ya perü Tupana rü guxü̃ma i duü̃xü̃gü i ñoma i naanewa maxẽxü̃ca̱x nixĩ i nango̱xẽẽãxü̃ i ngẽma daxũwa naigüxü̃.

Ãẽ̱xgacügü ga guxchaxü̃güarü mexẽxẽruü̃gü 20:13

Tanaxwa̱xe i toxna penamugü i ngẽma yatügü i máetagüxü̃ i Guibeáwa ngẽxmagüxü̃ nax tanada̱i̱xü̃ca̱x rü ngẽmaãcü Tupanape̱xewa tanamexẽẽxü̃ca̱x i ngẽma chixexü̃ i Iraétanüxü̃guachixü̃ —ñanagürügü. Natürü nüma ga Bẽyamíü̃tanüxü̃ rü tama natanüxü̃ ga Iraétanüxü̃ga naxĩnüe. Rü guxü̃ma ga yema Bẽyamíü̃tanüxü̃ ga guxü̃nema ga norü ĩanegüwa maxẽxü̃ rü Guibeágu naxĩtaque̱xe nax yema togü ga Iraétanüxü̃maxã nügü nada̱i̱xü̃ca̱x.

Wenaxarü naxümatü ga Tupanaarü mugü 6:13

¡Rü nüxü̃ picua̱xüxü̃ ya Cori ya perü Tupana, rü yimágaxicatama pexĩnüe! Rü ngẽxguma wüxi i uneta pexü̱xgu ¡rü Cori ya Tupanaégaguxicatama penaxü̱x!

Wenaxarü naxümatü ga Tupanaarü mugü 26:14

Rü ngẽma cuxna chaxãxü̃wa rü taxuxü̃ma changõ̱x i choma ga yexguma chayutanügu rü ngechaü̃wa chayexmagu. Rü bai nax yuexü̃na chanaxuaxü̃xü̃. Pa Cori Pa Chorü Tupanax, choma rü meama cuga chaxĩnü rü ñu̱xũchi meama chayanguxẽxẽ i guxü̃ma i ngẽma choxü̃ cumuxü̃.

Yochué 23:8

¡Rü ñu̱xmarüü̃tama rü guxü̃gutáma Cori ya perü Tupanawe perüxĩ!

1 Chamué 12:14

Rü ñu̱xma i pema rü name nixĩ i aixcüma Cori ya Tupanaxü̃ pengechaü̃gü, rü nüxü̃ picua̱xüü̃gü rü naga pexĩnüe rü tama nüxü̃ perüngümae i norü mugü. Rü wüxigu namaxã ya yimá perü ãẽ̱xgacü rü penaxwa̱xe ya Tupana naxwa̱xexü̃ãcüma pemaxẽ. Rü ngẽxguma ngẽmaãcü penaxü̱xgu rü guxü̃táma mea nixũ.

Nüxíraxü̃xü̃ ga popera ga ãẽ̱xgacügüchiga 13:19

Rü yexguma ga gumá orearü uruxü̃ ga Yudáanecüã̱x rü düxwa nawe narüxũ rü nachiü̃wa nayachibü rü nayaxaxe.

Norü taxre ga to ga popera ga ãẽ̱xgacügüchiga ümatüxü̃ 34:31

Rü yexguma yema poperaxü̃ nadaumatüguwena ga ãẽ̱xgacü rü Tupanapata ga taxü̃nearü caxtaxü̃tagu nayachi. Rü yéma Tupanape̱xewa nüxü̃ nixu nax aixcümaxü̃chi tá naga naxĩnüxü̃ rü nagu namaxü̃xü̃ i ngẽma Tupanaarü ucu̱xẽgü rü mugü i ngẽma poperagu ümatüxü̃. Rü nüxü̃ nixu rü tá nayanguxẽxẽ ga yema unetagü ga Tupanamaxã nüxü̃ yaxugüxü̃ ga Iraétanüxü̃.

Yeremía 7:23

Natürü yema namaxã nüxü̃ chixuxü̃ nixĩ nax chauga naxĩnüexü̃ca̱x nax ngẽmaãcü i choma rü norü Tupana chixĩxü̃ca̱x, rü ñu̱xũchi i nümagü rü chorü duü̃xü̃gü yaxĩgüxü̃ca̱x. Rü yema namaxã nüxü̃ chixuxü̃ nixĩ nax choma chanaxwa̱xexü̃ãcü namaxẽxü̃ nax yemaacü mea nüxü̃ nangupetüxü̃ca̱x.