Wenaxarü naxümatü ga Tupanaarü mugü 13:1 - Tupanaarü Ore

^1-3 Rü ngẽxguma petanüwa nango̱xgu i wüxi i ngo̱xetüwa̱xexü̃ rüe̱xna wüxi i orearü uruxü̃ i pemaxã naxunagüxü̃ i wüxi i cua̱xruxü̃, rüe̱xna ta̱xacü i yixcüra tá ngupetüxü̃, rü woo yanguxgu i ngẽma pemaxã nüxü̃ yaxuxü̃ rü ngẽmawena rü pexü̃ ñaxgu: “¡Ngĩxã nawe tarüxĩ i to i tupanagü i pema tama nüxü̃ pecuáxü̃, rü ngĩxã rü nüxü̃ ticua̱xüü̃gü!” ñaxgu pexü̃, rü tama name i naga pexĩnüe. Erü nüma ya Cori ya perü Tupana rü pexü̃ naxǘ rü aixcüma perü maxü̃nemaxã rü guxü̃ i peãẽmaxã nüxü̃ pengechaü̃.

Wenaxarü naxümatü ga Tupanaarü mugü 13:1 Referans Kwoze

Nüxíraxü̃xü̃ ga popera ga Cuáü̃ ümatüxü̃ 4:1

Pa Chauenexẽgü ya Pexü̃ Changechaü̃güxe, ¡Taxṹ i nüxü̃́ peyaxõgüxü̃ i guxü̃ma i ngẽma nügü ixugügüxü̃ nax Tupanaarü orearü uruü̃gü yixĩgüxü̃! Rü name nixĩ i penangugü i norü ore nax nüxü̃ pecuáxü̃ca̱x rü aixcüma Tupanaãxẽ yixĩxü̃ i nawa idexaxü̃, rüe̱xna tama. Erü guxü̃wama i ñoma i naanewa rü nangẽxma i muxü̃ma idorata̱a̱xgüxü̃ i nügü ixugüxü̃ nax Tupanaarü orearü uruü̃gü yixĩgüxü̃.

Yeremía 29:8

Rü choma ya Cori ya perü Tupana ya Guxãétüwa Ngẽxmacü, rü pexü̃ chaxucu̱xẽ rü ñachagürü pexü̃: ‘Tama chanaxwa̱xe nax pegü penawomüxẽẽgüxẽẽxü̃ i ngẽma orearü urüü̃güneta rü ngẽma iyuüexü̃ i petanüwa ngẽxmagüxü̃. ¡Rü taxṹ i naga pexĩnüexü̃ ega pemaxã nüxü̃ yaxuxgu i ngẽma nanegügü!

Yeremía 27:9

Rü ngẽmaca̱x i pema ¡rü taxṹ i naga pexĩnüexü̃ i ngẽma orearü uruü̃güneta, rüe̱xna ngẽma ẽxü̃guxü̃xü̃ cua̱xgüxü̃, rüe̱xna ngẽma nanegüxü̃ ixuxü̃ nax ta̱xacüchiga yixĩxü̃, rüe̱xna ngẽma yuüexü̃ i nüxü̃ ixugüxü̃ i ta̱xacü tá ngupetüxü̃ i yixcüra! Rü ngẽxguma ngẽmagü pexü̃ ixucu̱xẽgügu nax tama naxme̱xwa pegü pengẽxmagüxẽẽxü̃ca̱x i Babiróniaanearü ãẽ̱xgacü ¡rü taxṹ i naga pexĩnüexü̃ i ngẽma pexü̃ ixucu̱xẽgüxü̃!

Ichaía 9:15

Rü ngẽma naeru rü nachiga nixĩ i Iraéanearü ãẽ̱xgacügü rü norü ngü̃xẽẽruü̃gü. Rü ngẽma narexü̃ rü nachiga nixĩ i orearü uruü̃gü i doramaxã ngu̱xẽẽtaegüxü̃.

Nüxíraxü̃xü̃ ga popera ga ãẽ̱xgacügüchiga 13:18

Natürü nüma ga guma yacü ga orearü uruxü̃ rü ñanagürü: —Choma rü ta cuxrüxü̃ orearü uruxü̃ chixĩ. Rü Cori ya Tupanaarü orearü ngeruxü̃ i daxũcüã̱x choxü̃ namu nax chauchiü̃wa cuxü̃ chagaxü̃ca̱x rü ngéma cuxü̃ nax chachibüxẽẽxü̃ca̱x, rü cuxü̃ nax chaxaxexẽẽxü̃ca̱x —ñanagürü. Natürü doramare nixĩ ga yema nüxü̃ yaxuxü̃ ga guma orearü uruxü̃ ga yacü.

2 Tesalonicenses 2:9

Rü ngẽma Tupanamaxã rüxuanüã́xü̃, rü Chatanáarü ngü̃xẽẽmaxã tá ínangu rü ngẽmaca̱x tá naporaxüchi. Rü tá nanaxü i naguxü̃raü̃xü̃ i cua̱xruü̃gü i Chatanáarü poramaxã naxüxü̃ i namaxã duü̃xü̃güxü̃ nawomüxẽẽxü̃.

Ore i mexü̃ ga Luca ümatüxü̃ 6:26

Rü wüxi i ngechaü̃ tá nixĩ i pexca̱x i ngẽxguma guxü̃ma i duü̃xü̃gü pexü̃ icua̱xüü̃gügu. Erü ngẽma duü̃xü̃gü i ñu̱xmax pexü̃ icua̱xüü̃güxü̃arü o̱xigü rü yexgumarüxü̃ ta nüxü̃ nicua̱xüü̃gü ga yema orearü uruü̃güneta.

Ore i mexü̃ ga Márcu ümatüxü̃ 13:22

Erü Cristunetagü rü Tupanaarü orearü uruü̃netagü tá ínangugü. Rü tá nanaxügü i muxü̃ma i cua̱xruü̃gü i taxü̃gü. Rü ngẽmaãcü, ega nüxü̃́ natauxchagu, rü tá tüxü̃ nawomüxẽẽgü woo ya yíxema duü̃xẽgü ya Tupanatama tüxü̃ dexe.

Ore i mexü̃ ga Matéu ümatüxü̃ 24:24

Erü Cristunetagü rü Tupanaarü orearü uruü̃netagü tá ínangugü. Rü tá nanaxügü i muxü̃ma i cua̱xruü̃gü i taxü̃gü. Rü ngẽxguma nüxü̃́ natauxchagu, rü ngẽmamaxã tá tüxü̃ nawomüxẽẽgü rü woo ya yíxema duü̃xẽgü ya Tupana tüxü̃ dexe.

Ore i mexü̃ ga Matéu ümatüxü̃ 24:11

Rü muxũchixü̃ i orearü uruü̃güneta tá ínangugü. Rü tá nüxü̃ nixugügü nax Tupana yixĩxü̃ ya núma namugücü nax nüxü̃ yaxugüxü̃ca̱x i ore. Rü ngẽmaãcü tá muxũchixü̃ i duü̃xü̃güxü̃ nawomüxẽẽgü.

Ore i mexü̃ ga Matéu ümatüxü̃ 7:15

Rü naxca̱x pexuãẽgü i ngẽma dorata̱a̱xgüxü̃ i nügü ixugünetaxü̃ nax Tupanaarü orearü uruü̃gü yixĩgüxü̃. Erü nümagü rü ñoma carnérugü i tama ãũcümaxü̃rüxü̃ pepe̱xewa nügü nixĩgüxẽxẽ, natürü norü ĩnüwa rü ñoma dauxchitacüã̱x i airugü i düraexü̃rüxü̃ nixĩgü.

Chacaría 13:4

Rü ngẽma ngunexü̃gu rü ngẽma orearü uruü̃günetagü rü tá naxãnee nax nüxü̃ yaxugüxü̃ i ngẽma nanegüwa nüxü̃ nadaugüxü̃ erü doramare nixĩ. Rü taxũtáma Tupanaarü orearü uruü̃güchiru i carnérucha̱xmüü̃naxca̱xgu nicu̱x nax ngẽmaãcü doramare ixĩxü̃ i orexü̃ yaxuxü̃ca̱x.

Chacaría 10:2

Rü ngẽma tupananetachicünã̱xgüarü ore rü doramare nixĩ. Rü ngẽma nüxü̃ nadaugüxü̃ i ngẽma ẽxü̃guxü̃arü uruü̃gü rü tagutáma ningu. Rü nanegümaxã duü̃xü̃güxü̃ nawomüxẽẽgü rü ngẽma norü ore i pexü̃ namaxã nataãẽxẽẽxü̃ rü natüca̱xmamare nixĩ. Rü ngẽmaca̱x nixĩ i duü̃xü̃gü rü tama aixcüma cua̱xwa nangugüxü̃ rü nu ne naxĩmarexü̃ ñoma carnérugü i ngearü dauruü̃ã́xü̃rüxü̃.

Echequié 13:23

Rü ngẽmaca̱x i pema rü taxũtáma wena doraxü̃ pedaugü rü doraxü̃ pixugü. Choma rü tá pexme̱xwa íchananguxü̃xẽxẽ i ngẽma chorü duü̃xü̃gü. Rü ngẽxguma i pema rü tá nüxü̃ picua̱xãchitanü nax choma chixĩxü̃ ya Cori ya Tupana’ ” —ñanagürü.

Yeremía 23:11

Rü Cori ya Tupana rü ñanagürü: —Woo ngẽma orearü uruü̃gü, rü ngẽma chacherdótegü rü tama aixcüma choxü̃́ nayaxõgü. Rü chopatagu nüxü̃ ichayangau nax chixexü̃ naxügüxü̃. Rü ngẽmaca̱x ngẽma nama i nagu naxĩxü̃ rü tá naxẽane rü tá nacorama. Rü tá ngéma nüxü̃ nacu̱xnetagü nax ngẽxma yayixü̃ca̱x. Rü ngẽma ngunexü̃ i nagu tá nüxna chacaxü̃ i norü chixexü̃güchiga, rü guxchaxü̃wa tá nangẽxmagü. Rü choma ya Cori ya Tupana nixĩ i nüxü̃ chixuxü̃ i ngẽma ore.

Yeremía 6:13

Rü ñanagürü: —Guxü̃ma i ngẽma muarü diẽruã́xü̃ rü ngẽma noxrearü diẽruã́xü̃, rü nagu narüxĩnüe nax chixexü̃wa nayauxgüãxü̃ i diẽru. Rü guxü̃ma i ngẽma orearü uruü̃gü rü chacherdótegü rü duü̃xü̃güxü̃ nawomüxẽxẽ.

Norü taxre ga popera ga Pedru ümatüxü̃ 2:1

Nũxcüma rü Yudíugütanüwa nayexma ga Tupanaarü orearü uruü̃güneta. Rü ngẽxgumarüxü̃ tá ta petanüwa nangẽxma i ngu̱xẽẽruü̃netagü. Rü nümagü rü cúãcü tá doramaxã nanaxüchicüxü i Tupanaarü ore, rü ngẽmaãcü tá nayaxã ya yimá tórü Cori ya norü Maxẽxẽẽruü̃chire̱x ixĩcü. Rü ngẽmagagu tá noxtacüma napoxcue i ngẽma duü̃xü̃gü i ngẽmaãcü maxẽxü̃, rü paxa tá inayarüxogü.

Yeremía 29:24

Rü nüma ga Cori ya Tupana rü Yeremíaxü̃ namu nax Chemaía ga Neleáü̃cüã̱xmaxã nüxü̃ yaxuxü̃ca̱x ga ore ga ñaxü̃:

Wenaxarü naxümatü ga Tupanaarü mugü 18:20

Natürü ngẽma orearü uruxü̃ i nüxü̃ ixuxü̃ i ngẽma tama choma chanamuxü̃ nax nüxü̃ yaxuxü̃ca̱x, rüe̱xna ta̱xacürü tupananetaégagu idexaxü̃, rü yu tá namaxã pexuegu.

Yeremía 23:32

Rü namaxã chanu i ngẽma orearü uruü̃güneta i doramare i nanegügüxü̃ ixugüxü̃. Rü ngẽma norü doragümaxã, rü ñu̱xũchi ngẽma nüxü̃ yaxugünetaxü̃maxã chorü duü̃xü̃güxü̃ ínatüexẽxẽ. Choma rü tama chanamuanetanü i ngẽma orearü uruü̃güneta, rü bai nax namaxã nüxü̃ chixuxü̃ nax nüxü̃ yaxugüxü̃ca̱x i ngẽma ore. Rü ngẽmaca̱x taxuwama nime nax chorü duü̃xü̃güxü̃ nangü̃xẽẽgüxü̃. Rü chomatama ya Cori ya Tupana nixĩ i ngẽma ñachaxü̃ —ñanagürü ya Cori ya Tupana.

Yeremía 29:26

‘Pa Chofoníax, cuma nax chacherdóte quixĩxü̃ rü Cori ya Tupana rü cuxü̃ naxuneta nax Tupanapataarü ãẽ̱xgacü quixĩxü̃ca̱x nachicüxü i chacherdóte i Yoiadá. Rü ngẽxguma ngéma nanguxgu i wüxi i ãũãẽxü̃ i ñoma wüxi i orearü üruü̃ãcü idexaxü̃, rü choma cuxü̃ chamu nax chotapararuü̃wa cunachoxtaparaxü̃ rü cadénamaxã cuyanaíxü̃.

Wenaxarü naxümatü ga Tupanaarü mugü 4:1

Rü ñu̱xma Pa Chautanüxügü Pa Iraétanüxü̃x, ¡rü nüxü̃ pexĩnüe i ngẽma Tupanaarü mugü ga pexü̃ changúexẽxẽxü̃ nax aixcüma mea peyanguxẽẽxü̃ca̱x rü nagu pemaxẽxü̃ca̱x rü ngẽmaãcü penayaxuxü̃ca̱x i ngẽma naane i nũxcümaü̃güxü̃ i perü o̱xigüarü Cori ya Tupana tá pexna ãxü̃!

Wenaxarü naxümatü ga Tupanaarü mugü 4:2

¡Rü taxṹ i to i mugü pixücuchixü̃ rüe̱xna ípenaxíxraãchixü̃ i ngẽma Cori ya Tupanaarü mugü i pexü̃ changúexẽxẽxü̃! ¡Rü peyangu̱xẽxẽ i ngẽma norü mugü i choma pemaxã nüxü̃ chixuxü̃!

Nüxíraxü̃xü̃ ga popera ga ãẽ̱xgacügüchiga 13:19

Rü yexguma ga gumá orearü uruxü̃ ga Yudáanecüã̱x rü düxwa nawe narüxũ rü nachiü̃wa nayachibü rü nayaxaxe.

Ucu̱xẽgüchiga 30:6

Tama name i cunayexeraxẽxẽ i Tupanaarü ore. Erü ngẽxguma cunaxüétügu, rü nüma rü ngürüãchi tá cuxna naca, rü ngẽmaãcü tá dorata̱xáxü̃ quixĩ.