Wenaxarü naxümatü ga Tupanaarü mugü 12:8 - Tupanaarü Ore

⁸ Rü ngẽxguma ngẽma nachicawa Tupanaxü̃ picua̱xüü̃gügu rü taxũtáma ñu̱xma ixügüxü̃rüxü̃ penaxü nax wüxichigü tanaxüxü̃ i ngẽma tümaca̱x mexü̃.

Wenaxarü naxümatü ga Tupanaarü mugü 12:8 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 21:25

Rü yexgumaü̃cüxü ga Iraétanüxü̃ rü nangearü ãẽ̱xgacüxã̱x. Rü wüxichigü ga yatü rü nüma nagu naxĩnüxü̃ãcü namaxü̃.

Ãẽ̱xgacügü ga guxchaxü̃güarü mexẽxẽruü̃gü 17:6

Rü yexgumaü̃cüxü nüma ga Iraétanüxü̃ rü nangearü ãẽ̱xgacüã̱x. Rü yemaca̱x ga wüxichigü rü nüma nagu naxĩnüexü̃ naxüemare.

Ucu̱xẽgüchiga 21:2

Wüxichigü ya yatü, rü naxca̱x name i guxü̃ma i ngẽma naxüxü̃, natürü nüma ya Cori ya Tupana nixĩ i nangugüxü̃ i norü ĩnü i wüxichigü i duü̃xü̃.

Ngechuchuarü ngúexü̃gü ga yamugüxü̃arü puracüchiga 7:42

Rü yemaca̱x ga Tupana rü nüxna nixũgachi ga yema duü̃xü̃gü. Rü ínanawogü nax woramacurixü̃, rü üa̱xcüxü̃ rü tauemacüxü̃ yacua̱xüü̃güxü̃ca̱x. Yerü yemaacü Tupanaarü orearü uruü̃güarü poperagu naxümatü, rü ñanagürü: “Pemax, Pa Iraétanüxü̃, ¿Cha̱u̱xca̱x yixĩxü̃ ga penadaixü̃ ga carnérugü ga yexguma 40 ga taunecü chianexü̃wa peyexmagügu?

Iraétanüxü̃arü muxchiga 15:39

Rü ngẽxguma nüxü̃ pedaugügu i ngẽma perü nga̱xãẽpechinüchiru rü ngẽmawa tá nüxna pecua̱xãchie i chorü mugü i pexna chaxãxü̃. Rü ngẽmaãcü i pema rü tá nagu pemaxẽ i chorü mugü. Rü taxũtáma perü ĩnügumare pemaxẽ rü taxũtáma perü ngúchaü̃gumare pemaxẽ, yerü yemagagu nixĩ ga choxna pixĩgachitanüxü̃.

Amúx 5:25

Rü dücax, Pa Iraétanüxü̃, rü yexguma 40 ga taunecü ínachianexü̃wa peyexmagügu, rü tama cha̱u̱xca̱xicatama penadai rü ípenagu ga naxü̃nagü. Rü tama choxnaxicatama ãmare pexãgü.

Wenaxarü naxümatü ga Tupanaarü mugü 12:7

Rü ngẽma nachicawa rü Cori ya Tupanape̱xewa pexacügümaxã tá pechibüe rü tá petaãxẽ naxca̱x i ngẽma mexü̃gü i Cori ya perü Tupanaarü ngü̃xẽẽgagu perü puracüwa peyaxuxü̃.

Wenaxarü naxümatü ga Tupanaarü mugü 12:9

Rü ñu̱xma rü ta taxũta nawa pengugü i ngẽma naane i Cori ya perü Tupana tá pexna ãxü̃ i nawa tá aixcüma petaãẽgüxü̃.

Yochué 3:9

Rü yexguma ga Yochué rü yema Iraétanüxü̃xü̃ ñanagürü: —¡Nua pexĩ rü iperüxĩnüe i norü ore i Cori ya tórü Tupana nüxü̃ ixuxü̃!

Yochué 5:5

Rü woo guxü̃ma ga yema Iraétanüxü̃ ga Equítuanewa íchoxü̃xü̃ rü marü ínawiü̃cha̱xmüü̃pe̱xechiraü̃gü. Natürü yema nanegü ga namagu ga ínachianexü̃gu ibuetanüxü̃ rü tama ínawiü̃cha̱xmüü̃pe̱xechiraü̃gü.