Wenaxarü naxümatü ga Tupanaarü mugü 12:6 - Tupanaarü Ore

⁶ Rü ngẽxma tá Tupanaca̱x peyadai rü ípenagu i perü ãmaregü i naxü̃nagü, rü ngéma tá penange i perü diẽru i diésmugü, rü ngẽma diẽru i Tupanaarü puracüca̱x ipexãxü̃, rü ngẽma diẽru i Tupanamaxã pexueguxü̃, rü ngẽma diẽru i perü ngúchaü̃maxã ipexãxü̃, rü ngẽma nüxíraxü̃güxü̃ i perü wocaxacügü rü perü carnéruxacügü i Tupanana pexãgüxü̃.

Wenaxarü naxümatü ga Tupanaarü mugü 12:6 Referans Kwoze

Ore i mexü̃ ga Luca ümatüxü̃ 18:12

Choma rü guxcü ya yüxügu rü taxree̱xpü̱xcüna chaxaure rü tama chachibü nax cugu charüxĩnüxü̃ca̱x. Rü chorü diẽruwa rü guxü̃guma mea cuxna chanaxã i ngẽma diésmu i cuxna üxü̃”, ñanagürü.

Ore i mexü̃ ga Luca ümatüxü̃ 11:42

Natürü wüxi i ngechaü̃ nixĩ i pexca̱x, Pa Parichéugüx, erü pema rü ngẽma penetügü i mentawa rü rúdawa rü berdúrawa rü Tupanana penaxã i ngẽma nüxna üxü̃, natürü tama tümagu perüxĩnüe ya yíxema ngearü diẽruã̱xgüxe rü tama aixcüma Tupanaxü̃ pengechaxü̃gü. Rü name i Tupanana penaxã i ngẽma nüxna üxü̃, rü naétü name i ngẽma ngearü diẽruã̱xgüxü̃na penaxã i perü diẽru.

Maraquía 3:10

¡Rü chopata ya taxü̃nearü diẽruchixü̃gu peyaxǘ i ngẽma diẽru i choxrü ixĩxü̃! Rü ngẽmaãcü tá nangema i õna i chopatawa. ¡Rü dücax, choxü̃ pexü̱x! Rü ngẽmaãcü tá nüxü̃ pedau nax dauxü̃guxü̃ i naanearü beü̃tána chiwãxnaxü̃ rü peaneétügu chanapuxẽẽxü̃ ya pucü.

Maraquía 3:8

Rü ñu̱xma i choma rü pexna chaca: “¿Ẽ̱xna namexü̃ yixĩxü̃ i wüxi i duü̃xü̃ rü choxü̃́ nangĩ́xü̃? Rü dücax i pemax, rü aixcüma nixĩ i choxü̃́ pengĩ́exü̃. Rü ngẽxguma rü ta rü ípecagüamaxü̃ rü ñapegügüxü̃: ‘¿Rü ta̱xacüwa i cuxü̃́ tangĩ́exü̃?’ ñapegügüxü̃. Rü dücax, rü choxü̃́ pengĩ́e nawa i ngẽma diésmugü rü ãmaregü i choxrü ixĩxü̃.

Echequié 20:40

Rü guxü̃ma i Iraétanüxü̃ rü yima Iraéanewa ngẽxmane ya chorü ma̱xpǘne ya máchanenewa tá choxü̃ nicua̱xüü̃gü. Rü choma ya Cori ya Tupana nixĩ i nüxü̃ chixuxü̃ i ngẽma. Rü ngéma rü taãẽãcüma tá pexü̃ chayaxu. Rü ngéma rü tá chanaxwa̱xe nax choxna penaxãgüxü̃ i perü ãmaregü. Rü tá chanaxwa̱xe nax ngéma cha̱u̱xca̱x penanaxü̃ i ngẽma nüxíraxü̃xü̃ i penetügüarü o rü guxü̃ma i ngẽma togü i ãmaregü i choxna pexãxü̃.

Wenaxarü naxümatü ga Tupanaarü mugü 12:17

Rü ngẽxguma perü ĩanegüwatama pengẽxmagügu rü taxũtáma penangõ̱x i ngẽma perü ãmaregü i diésmu i marü Tupanaca̱x ípexüxüchixü̃ i perü triguwa rü perü bínuwa rü perü chíxü̃wa rü nüxíraxü̃xü̃ i perü wocaxacügüwa rü carnéruxacügüwa, rü bai i ta̱xacü i Cori ya Tupanamaxã pexueguxü̃wa rü woo i ngẽma ãmare i perü ngúchaü̃maxã Tupanana pexãxü̃wa.

Lebítanüxü̃arü puracüchiga 1:3

Rü ngẽma tümaarü ãmare rü tá tümaxü̃natama nixĩ. Rü wüxi i woca iyatüxü̃ i taxuwama chixexü̃ tá nixĩ. Rü chopataã̱xtüwa ngẽxmaxü̃ i guruü̃wa tá nixĩ i itayaguxü̃. Rü ngẽxguma i choma ya Cori ya Tupana rü tá chanayaxu.

Yochué 22:27

Natürü tanaxü nax wüxi i cua̱xruxü̃ yixĩxü̃ca̱x i pexca̱x, rü toxca̱x, rü totaagüca̱x, rü ngẽmaãcü i ngẽma toxocügü rü nüxü̃ nacua̱xgüxü̃ca̱x nax tomagü rü ta Tupanaarü duü̃xü̃gü tixĩgüxü̃, rü namexü̃ nax nape̱xewa tananaxü̃ca̱x i torü ãmaregü i torü pecaduarü ütanüruxü̃ nax tomaxã iyanangüxmüxü̃ca̱x. Rü ngẽmaãcü i ngẽma penegü rü taxuacütáma tonegüxü̃ ñanagürügü: “Pema rü tama perü Tupana nixĩ ya Cori ya Tupana”, ñanagürügü.

1 Chamué 1:24

Rü yexguma marü yamaieãguwena ga gumá bucü rü Cori ya Tupanapatawa inaga ga ĩane ga Chilówa. Rü yexgumarüxü̃ ta yéma ínagagü ga tomaepü̱x ga wocaxacü ga iyatüxü̃, rü wüxiwetaxü̃ ga trigu, rü wüxi ga tü̃xü̃acu ga bínu.

Édra 3:2

Rü yemaca̱x ga Yochué ga Yochadáx nane rü namücügü ga chacherdótegümaxã rü Chorobabé ga Charatié nane rü natanüxü̃maxã wenaxarü nanaxügü ga Tupanaarü ãmarearü guruxü̃ nax yéma ínaguaxü̃ca̱x ga Tupanaarü ãmaregü, yema mugü ga Moiché ümatüxü̃ nüxü̃ ixuxü̃rüxü̃.

Neemía 10:39

Rü nüma i Iraétanüxü̃ rü Lebítanüxü̃ rü ngẽma trigu rü bínu rü chíxü̃ rü tá nagu nayanu ya yima ĩpata ya nawa nangẽxmagüne i nawechigü i üünexü̃ rü chacherdótegü i Tupanapata ya taxü̃newa puracüexü̃ rü ĩã̱xarü dauruü̃gü rü wiyaetanüxü̃. Rü tanaxuegu nax tagutáma ngéma tanata̱xmarexü̃ ya Tupanapata ya taxü̃ne.

1 Chamué 1:21

Rü gumá nai ga taunecügu rü nüma ga Ercaná rü naxma̱x ga Peninámaxã rü guxü̃ma ga naxacügümaxã rü ĩane ga Chilówa naxĩ nax Tupanana yéma yaxããxü̃ca̱x ga norü ãmaregü, rü nüxü̃ yanacua̱xüü̃güxü̃ca̱x yema guxcüma ga taunecügu naxüüüxü̃rüxü̃.

Norü taxre ga to ga popera ga ãẽ̱xgacügüchiga ümatüxü̃ 31:14

Rü Coré ga Iná nane ga yema ĩã̱x ga éstewaama yexmaxü̃arü dauruxü̃chire̱x nixĩ ga namaxã icuáxü̃ ga yema ãmaregü ga duü̃xü̃gü norü ngúchaü̃maxã Cori ya Tupanaca̱x inaxü̃. Rü nüma ga Coré nixĩ ga chacherdótegüxü̃ rü Lebítanüxü̃güxü̃ yanuaxü̃ ga yema ãmaregü rü õnagü ga duü̃xü̃gü Tupanapatawa naxũ.

Wiyaegü 116:17

Rü ngẽmaca̱x tá moxẽ cuxna chaxã rü naxü̃nagü tá cuxca̱x chadai rü íchanagu. Rü ngẽmaãcü tá cuxü̃ chicua̱xüxü̃ Pa Cori Pa Tupanax.