Wenaxarü naxümatü ga Tupanaarü mugü 12:2 - Tupanaarü Ore

² ¡Rü wüxicana penaxoxẽxẽ i guxü̃ma i ngẽma nachicagü i ma̱xpǘnegüwa ngẽxmagüxü̃ rü guxü̃ma i naigü i taxü̃tüxü̃wa ngẽxmagüxü̃ i ngextá ngẽma duü̃xü̃gü i tá ípewoxü̃xü̃ norü tupananetagüxü̃ nawa yacua̱xüü̃güxü̃!

Wenaxarü naxümatü ga Tupanaarü mugü 12:2 Referans Kwoze

Wenaxarü naxümatü ga Tupanaarü mugü 7:5

Rü ngẽmaca̱x tá penaxwa̱xe i noxtacüma nagu pepogüe i ngẽma ãmarearü guruü̃gü i ngextá ngẽma duü̃xü̃gü norü tupanagüca̱x naxü̃nagü nawa ínaguxü̃. Rü ngẽxgumarüxü̃ tá ta nagu pepogüe ya yimá norü nutagü rü naigü i namaxã natupanaã̱xgüxü̃. Rü tá ípenagu i norü tupanachicüna̱xãgü.

Norü taxre ga popera ga ãẽ̱xgacügüchiga 16:4

Rü yema nachicagü ga tupananetagüca̱x ãmare íyagugüxü̃ ga ma̱xpǘnegüwa rü guxü̃ma ga naigü ga imeetaxü̃tüü̃wa, rü nüma ga Acáx rü yemawa ínanagu ga naxü̃nagü rü pumarate̱xegü.

Ochéa 4:13

Rü ma̱xpǘnegüwa rü ngẽma naigü i taxü̃arü gáuxchipetawa norü tupananetagüca̱x ínanagugü i pumarate̱xegü rü norü ãmaregü. Rü ngẽmaca̱x pexacügü rü peneã̱xgü rü ngeãẽgüxü̃ nixĩgü.

Yeremía 3:6

Rü yexguma Yochía ãẽ̱xgacü ixĩxgu ga Yudáanewa rü yexguma nixĩ ga Cori ya Tupana ga choxü̃ ñaxü̃: —¿Nüxü̃ cudauxü̃ i ngẽma naxügüxü̃ i ngẽma Iraéanecüã̱xgü i tama ixĩnüechaü̃xü̃? Rü nümagü rü guxü̃nema ya ma̱xpǘnegüwa, rü guxü̃ma i nai i imeetaxü̃tüü̃wa rü tupanachicüna̱xãxgüxü̃ nicua̱xüü̃gü. Rü ngẽmaãcü choxna nixĩgachi ñoma wüxi i nge i ngĩtena ngeãẽcürüxü̃.

Norü taxre ga popera ga ãẽ̱xgacügüchiga 23:13

Rü nüma ga Yochía rü yexgumarüxü̃ ta nagu nayanachixexẽxẽ ga guma tupananetagüarü ngutaque̱xepataxü̃gü ga Yerucharéü̃arü éstewaama yexmagüxü̃ ga ma̱xpǘne ga oribuarü súrwaama. Rü guma ngutaque̱xepataxü̃gü rü Iraéanearü ãẽ̱xgacü ga Charomóü̃ ínanaxüxü̃ ngĩxca̱x ga Chidóü̃cüã̱xgüarü tupananetachicüna̱xã ga chixexü̃ ga Ataré, rü naxca̱x ga Moátanüxü̃arü tupananetachicüna̱xã ga chixexü̃ ga Quemó, rü Amóü̃tanüxü̃arü tupananetachicüna̱xã ga chixexü̃ ga Mícoü̃.

Iraétanüxü̃arü muxchiga 22:41

Rü moxü̃ãcü rü nüma ga Baláx rü Balaáü̃xü̃ ínayadau. Rü ma̱xpǘne ga Bamóx-baágu nanaxĩnagüxẽxẽ nax yéma nüxü̃ nadauxü̃ca̱x ga Iraétanüxü̃ íyexmagüxü̃wa.

Ínachoxü̃xü̃chiga 23:24

¡Rü taxũtáma nagu quixũ i nacüma i chixexü̃ i nagu namaxẽxü̃ i ngẽma nachixü̃anecüã̱xgü! ¡Rü taxũtáma nape̱xegu cucaxã́pü̱xü rü nüxü̃ quicua̱xüxü̃ i norü tupananetagü! Rü name nax nagu quipogügüxü̃ i norü tupananetachicüna̱xãgü rü norü nutagü ga namaxã natupanaã̱xgücü.

Nüxíraxü̃xü̃ ga popera ga ãẽ̱xgacügüchiga 3:2

Rü yexgumaxü̃cüü rü nataxuma ga Tupanapata ga taxü̃ne ga Yerucharéü̃wa. Rü yemaca̱x nüma ga duü̃xü̃gü rü naxü̃na nadai rü Tupanaca̱x ínanagu nawa ga yema nachicagü ga ma̱xpǘnewa yexmagüxü̃ ga ü̃pa nawa tupananetaxü̃ yacua̱xüü̃güxü̃.

Nüxíraxü̃xü̃ ga popera ga ãẽ̱xgacügüchiga 14:23

Yerü nümagü ga duü̃xü̃gü rü wüxichigü ga ma̱xpǘnewa rü wüxichigü ga nai ga itaetaxü̃tüxü̃wa norü tupananetagüca̱x nanaxü ga norü cua̱xüxü̃chicagü. Rü yéma nanatogüxẽxẽ ga nutagü rü naixpǘtagü nax yemaxü̃ yacua̱xüü̃güxü̃ca̱x.

Norü taxre ga popera ga ãẽ̱xgacügüchiga 11:18

Rü ñu̱xũchi guxü̃ma ga duü̃xü̃gü rü Baáxarü ngutaque̱xepataü̃wa naxĩ rü nagu napogüe. Rü nagu napogüe ta ga guxü̃ma ga yema Baáxarü ãmarearü guruü̃gü rü naxchicüna̱xãgü. Rü guma Baáxarü chacherdóte ga Matáü̃ rü Baáxarü ãmarearü guruü̃xü̃tagu nayadaerugü. Rü yemawena rü Tupanapata ga taxü̃neca̱x nawoegu rü nüma ga chacherdóte ga Yoiadá rü yexma Tupanapata ga taxü̃negu nanamugü ga dauxü̃taeruü̃gü nax nüxna nadaugüxü̃ca̱x.

Ichaía 36:7

Rü ngẽxguma tá choxü̃ ñacuxgu: ‘Toma rü torü Cori ya Tupanaaxü̃́ nixĩ i tayaxõgüxü̃’, ñacuxgu. ¿Ẽ̱xna tama nüma ga Echequía yixĩxü̃ ga iyanaxoxẽẽgüaxü̃ ga yema togü ga nachicagü ga Tupanaxü̃ nawa yacua̱xüü̃güxü̃, rü yema Tupanaarü ãmarearü guruü̃gü, rü ñu̱xũchi Yudáanecüã̱xgü rü Yerucharéü̃cüã̱xgü ga duü̃xü̃güxü̃ namuxü̃ nax wüxitama i ãmarearü guruü̃wa Tupanaxü̃ yacua̱xüü̃güxü̃ca̱x?” —ñanagürü ga Achíriaarü churaragüeru.

Yeremía 2:20

Rü nũxcümacürüwatama nixĩ ga choxna pixĩgachixü̃ rü tama chauga pexĩnüechaxü̃xü̃. Rü ñaperügügü: “Tama cuga taxĩnüechaü̃”, ñaperügügü. Pema rü pechauechitae ñoma wüxi i ngexü̃ i natena ngeãẽxü̃rüxü̃, yerü guxü̃ma ga ma̱xpǘnegüwa rü guxü̃ma ga naigü ga imeetaxü̃tüü̃wa nüxü̃ picua̱xüü̃gü ga yema tupananetachicüna̱xãgü.

Yeremía 3:2

¡Rü dücax, mea nüxü̃ perüdaunü i ngẽma ngüchitaerugüxü̃ i íba̱i̱xchitaerugüxü̃! ¿Rü ngexü̃rüü̃xü̃ yixĩxü̃ ga tama tupananetachicüna̱xãgüxü̃ nawa picua̱xüü̃güxü̃? Rü ñoma ngexü̃ i Arábiaanecüã̱x i ngeãẽxü̃ i ínachianexü̃wa namacüwawa rütoxü̃ nax yatügüca̱x nadauxü̃ rü pema rü ngẽxgumarüxü̃ ta pixĩgü nax naxca̱x pedaugüxü̃ i ngẽma tupananetachicüna̱xãgü nax nüxü̃ picua̱xüü̃güxü̃ca̱x. Rü ñu̱xma nax choxna pixĩgachixü̃, rü perü chixexü̃maxã penapaxẽxẽ i perü naane.

Yeremía 3:13

Pa Iraéanecüã̱xgüx, ¡nüxü̃ pixu i perü chixexü̃ i chope̱xewa pexüxü̃ nax chomaxã penuexü̃, rü guxü̃ma i nai i meetaxü̃tüü̃wa tupananetagüxü̃ picua̱xüü̃güxü̃ rü tama chauga pexĩnüexü̃! Rü choma ya Cori ya Tupana nixĩ i nüxü̃ chixuxü̃ i ngẽma chorü ore’ ” —ñanagürü.

Wiyaegü 78:58

Rü Tupanaxü̃ nanuxẽẽgü namaxã ga yema ãmaregü ga tupananetagüca̱x íguxü̃. Rü nüxü̃ nicua̱xüü̃gü ga tupananetachicüna̱xãgü rü yemaacü Tupanaãẽwa nananguxẽẽgü.

Yeremía 17:2

Rü penegü rü pexacügü rü ta nüxna nacua̱xãchie i ngẽma tupananetachicüna̱xãgüarü ãmaregüarü guruü̃gü rü ngẽma Acheráchicüna̱xãgü ga naigü ga itaetaxü̃tüxü̃wa rü ngüchitaerugüxü̃wa rü naanegüwa yexmagüxü̃. Rü ngẽma perü pecadugügagu rü tá togüxü̃ chanadexẽxẽ i ngẽma perü ngẽmaxü̃gü rü perü diẽrugü rü ngẽma perü tupananetachicüna̱xãgü i guxü̃ma i perü naanewa ngẽxmagüxü̃.