Wenaxarü naxümatü ga Tupanaarü mugü 12:16 - Tupanaarü Ore

¹⁶ Natürü yimá nagü rü ¡taxũtáma penangõ̱x! Rü waixü̃müanegu tá penaba ñoma dexá ibaxü̃rüxü̃.

Wenaxarü naxümatü ga Tupanaarü mugü 12:16 Referans Kwoze

Naanearü ügüchiga 9:4

¡Natürü taxũtáma penangõ̱x i ngẽma namachi i ãgüxü̃! Erü yimá nagüwa nixĩ i nangẽxmaxü̃ i maxü̃.

Wenaxarü naxümatü ga Tupanaarü mugü 15:23

Natürü tama name nax penangṍxü̃ i nagü i ngẽma naxü̃nagü. Rü yimá nagü rü waixü̃mügu tá penaba.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:4

Natürü guxü̃ma ya Tupana üxü̃ rü name. Rü taxuacüma nüxü̃ taxo ega Tupanana moxẽ naxca̱x ixãxíraãcüma nangõ̱xgu. Erü Tupanaarü ore rü ngẽma yumüxẽ rü nanaxüünexẽxẽ i ngẽma õna, rü ngẽmaca̱x name nax nangṍxü̃.

Ngechuchuarü ngúexü̃gü ga yamugüxü̃arü puracüchiga 15:20

Rü narümemae nixĩ i naxca̱x tanaxümatü i popera, rü ngẽmawa namaxã nüxü̃ tixu: – Tama name nax nangõ̱xgüãxü̃ i naxü̃nagümachi i duü̃xü̃gü norü tupananetachicüna̱xãgüca̱x daixü̃. – Rü tama name nax nai i ngexü̃maxã rü ẽ̱xna nai ya yatümaxã inapexü̃. – Rü tama name nax nangõ̱xgüãxü̃ i namachi i ngẽma naeü̃ rüe̱xna naxü̃na i wẽxnaxãxü̃ rüe̱xna natügu nguxü̃. – Rü tama name nax nangõ̱xgüãxü̃ ya nagü. Rü ngexicatama nixĩ i inaxwa̱xexü̃ nax naxca̱x naxümatüxü̃ i ngẽma yaxõgüxü̃ i Antioquíawa ngẽxmagüxü̃.

Lebítanüxü̃arü puracüchiga 19:26

¡Rü taxũtáma penangõ̱x i namachi i ãgüxü̃. ¡Rü taxũtáma yuüca̱x pengúe, rü taxũtáma naxca̱x pengúe i ngẽma ẽxü̃guxü̃ i yixcüra tá ngupetüxü̃!

Wenaxarü naxümatü ga Tupanaarü mugü 15:22

Rü yima perü ĩane ya nawa pemaxẽnewa tátama penangõ̱x i ngẽma naxü̃na. Rü yíxema Tupanape̱xewa tügü mexẽẽ́xe rü woo tama Tupanape̱xewa tügü mexẽẽ́xe rü tama nachu̱xu nax penangṍxü̃ i ngẽma namachi, ngẽma yawemachi rüe̱xna cowümachi tangṍxü̃rüxü̃.

1 Chamué 14:32

Rü yemaca̱x nanangõ̱xgü ga yema naxü̃nagü ga norü uanügüna napuxü̃xü̃ ga carnérugü, rü wocagü rü wocaxacügü. Rü nanadai rü nanagõ̱xgü ga namachi ga nagüã́xü̃.

1 Chamué 14:33

Natürü nümaxü̃ ga churaragü rü Chaúmaxã nüxü̃ narüxugüe rü ñanagürügü nüxü̃: —Ngẽma churaragü rü Cori ya Tupanape̱xewa chixexü̃ naxüe. Erü namachi i nagüã́xü̃ tanangõ̱xgü —ñanagürügü. Rü yexguma ga Chaú rü ñanagürü: —Pema rü Tupanape̱xewa chixexü̃ pexü. ¡Rü ñu̱xmatama wüxi ya nuta ya tacü nua penadixchigü!

Echequié 24:7

Rü cumax, Pa Yerucharéü̃x, rü nagümaxã cunapa. Rü ngẽma duü̃xü̃gü i cuda̱i̱xü̃ rü tama waixü̃müanegu cunaba ya yimá nagü nax ngẽmaãcü waixü̃müte̱xe iyanaxoxẽẽxü̃ca̱x. Natürü nutaétügu cunaba nax ngẽmaãcü mea nangóxü̃ca̱x ya yimá nagü.

Echequié 33:25

Rü ngẽmaca̱x chanaxwa̱xe i ngẽma duü̃xü̃gümaxã nüxü̃ quixu i chorü ore i ñaxü̃: “Pema chixexü̃ pexü. Rü penangõ̱x i namachi i nagüã́xü̃, rü tupananetachicüna̱xãgüxü̃ picua̱xüü̃gü, rü pemáetagü. ¿Rü ngẽmaétüwa nagu perüxĩnüe nax pexrü yixĩxü̃ i ñaa nachixü̃ane?

Lebítanüxü̃arü puracüchiga 3:17

Rü ngẽma nixĩ i wüxi i mu i guxü̃gutáma ngẽxmaechaxü̃ i pexacügüwa rü petaagüwa pexüexẽẽchigüxü̃ i ngextá ípemaxẽxü̃wa. ¡Rü taxũtáma penangõ̱x i ngẽma chíxü̃ rü yimá nagü! —ñanagürü.