Wenaxarü naxümatü ga Tupanaarü mugü 12:11 - Tupanaarü Ore

¹¹ Rü ngẽxguma ngẽma naanewa pengẽxmagügu rü nüma ya Cori ya Tupana rü tá nüxü̃ naxuneta i wüxi i nachica i nüma tá nawa nangẽxmaxü̃. Rü ngéma tá naxca̱x peyadai rü ípenagu i perü ãmaregü i naxü̃nagü. Rü ngéma tá penange i perü diẽru i diésmugü, rü ngẽma diẽru i Tupanaarü puracüca̱x ipexãxü̃, rü ngẽma perü nanetüarü o i rümemaegüxü̃ i pexueguxü̃ nax Tupanana penaxãxü̃.

Wenaxarü naxümatü ga Tupanaarü mugü 12:11 Referans Kwoze

Wenaxarü naxümatü ga Tupanaarü mugü 15:20

Rü wüxichigü ya taunecügu rü ngẽma nachica ya Tupana nüxü̃ unetaxü̃wa rü wüxigu cutanüxü̃maxã tá Tupanape̱xewa cunangõ̱x i ngẽma nüxíraxü̃xü̃ i perü naxü̃nagü.

Wenaxarü naxümatü ga Tupanaarü mugü 12:5

Rü Tupana rü petanüwa tá nüxü̃ naxuneta i wüxi i nachica nax nawa namaxü̃xü̃ca̱x. Rü pema rü tá ngẽma nachicawa pexĩ nax ngéma nüxü̃ picua̱xüü̃güxü̃ca̱x.

Wenaxarü naxümatü ga Tupanaarü mugü 18:6

Rü ngẽxguma ngexnerüxünemare i perü ĩanegü i Iraéanewa ngẽxmagünewa wüxi i Lebítanüxü̃ nüxü̃́ ngúchaü̃gu nax Tupanapatawa naxũxü̃ nax ngéma napuracüxü̃ca̱x, rü tama name i nüxna penachu̱xu.

Wenaxarü naxümatü ga Tupanaarü mugü 17:8

Rü ngẽxguma nangẽxmagu i ta̱xacürü guxchaxü̃ i taxucürüwa pexica pemexẽẽxü̃, rü ngẽxgumarüxü̃ i máeta, rüe̱xna nügü nadaixgu, rüe̱xna nügü yapíexẽẽgu, rüe̱xna togüamachigü i guxchaxü̃gü i perü ĩanewa ngupetüxü̃, rü penaxwa̱xe nax ngẽma nachica ya Tupana nüxü̃ unetaxü̃wa peyamexẽẽxü̃.

Yeremía 7:12

Rü dücax, ípeyadau i nachica ga guma chopata ga Chilówa yexmane. Rü yema nixĩ ga nachica ga nüxíra nüxü̃ chaxunetaxü̃ nax yéma chayexmaxü̃ca̱x. ¡Rü dücax, nüxü̃ peda̱u̱x ga yema namaxã chaxüxü̃ ga yema nachica nagagu ga yema chixexü̃ ga chorü duü̃xü̃gü ga Iraétanüxü̃ ügüxü̃!

Wiyaegü 78:68

Rü yemaca̱x nüxü̃ naxuneta nax Yudátanüxü̃wa ne naxĩxü̃ ga norü duü̃xü̃güarü ãẽ̱xgacügü. Rü nüxü̃ naxuneta ga ma̱xpǘne ga Chióü̃ nax gumawa nayexmaxü̃ca̱x ga napata.

Nüxíraxü̃xü̃ ga popera ga ãẽ̱xgacügüchiga 8:29

¡Rü taxṹ i nüxü̃ curüchauxü̃ nax ngunecü rü chütacü nüxü̃ cudawenüxü̃ ya daa cupata ya taxü̃ne rü cuma tomaxã nüxü̃ quixu nax yimawa tá cungexmaxü̃! ¡Rü nüxü̃ naxĩnü i ñaa chorü yumüxẽ i cupata ya taxü̃newa cumaxã nüxü̃ chixuxü̃ i choma nax curü duü̃xü̃ chixĩxü̃!

Nüxíraxü̃xü̃ ga popera ga ãẽ̱xgacügüchiga 8:13

Natürü i ñu̱xmax rü cuxca̱x chanaxü ya wüxi ya cupata ya taxü̃ne nax guxü̃guma ngéma cumaxü̃xü̃ca̱x —ñanagürü.

Yochué 18:1

Rü yexguma Iraétanüxü̃ namaxã icua̱xgügu ga yema naane rü guxü̃ma ga nümagü ga Iraétanüxü̃ rü Chilógu nangutaque̱xe nax yexma inachitaü̃güxẽẽxü̃ca̱x ga Tupanapata.

Wenaxarü naxümatü ga Tupanaarü mugü 23:16

Narümemae nax mea penayaxuxü̃ rü nüxü̃́ penatauxchaxẽẽxü̃ nax nüma nanaxwa̱xene ya ĩanewa namaxü̃xü̃ca̱x i Iraéanewa. ¡Rü taxúetama tanachixewe!

Wenaxarü naxümatü ga Tupanaarü mugü 14:23

Rü ngẽma nachica ya Tupana nüxü̃ unetaxü̃ nax nüma nawa nangẽxmaxü̃ca̱x, rü ngéma tá penana i perü diésmu i Tupanaca̱x ípexüxüchixü̃ i perü triguwa rü bínuwa rü chíxü̃wa rü ngẽma nüxíra buexü̃ i perü wocaxacügüwa rü perü carnéruxacügüwa, nax ngéma Tupanape̱xewa penangṍxü̃ca̱x. Rü ngẽmaãcü i pema rü tá pengúe nax guxü̃gutáma Tupanaga pexĩnüexü̃ rü nüxü̃ pengechaü̃güxü̃.

Wenaxarü naxümatü ga Tupanaarü mugü 12:26

Natürü ngẽma perü ãmaregü i Tupanaca̱x ípexüxüchixü̃ rü ngẽma ãmaregü i Tupanaca̱x pexueguxü̃ rü tá ngẽma nachica ya Tupana nüxü̃ unetaxü̃wa penana.

Wenaxarü naxümatü ga Tupanaarü mugü 12:21

Natürü ngẽxguma ngẽma ípemaxẽxü̃arü yáxü̃wama nangẽxmagu i ngẽma nachica ya Tupana nüxü̃ unetaxü̃ naxca̱x ya napata rü ngẽxguma taxuacüma ngéma pixĩgu, rü name nax ngẽma ípemaxẽxü̃gutama penadaixü̃ i ngẽma wocaxacügü rüe̱xna carnéruxacügü i Tupanana pexãxü̃ rü name nax penangṍxü̃ i guxü̃ma i ngẽma namachi i pexü̃́ chi̱xégaxü̃, ngẽma pemaxã nüxü̃ chixuxü̃rüxü̃.

Wenaxarü naxümatü ga Tupanaarü mugü 12:18

Rü guxü̃ma i ngẽma Tupanaarü ãmaregü rü penaxwa̱xe i nape̱xewa penangõ̱x nawa i ngẽma nachica i nüma nüxü̃ naxunetaxü̃. Rü ngéma perü Cori ya Tupanape̱xewa rü tá penangõ̱x wüxigu namaxã i pexacügü rü perü puracütanüxü̃ rü ngẽma Lebítanüxü̃ i petanüwa ngẽxmagüxü̃. Rü ngéma chope̱xewa tá petaãẽgü namaxã i ngẽma õna i perü puracüwa peyaxuxü̃.

Wenaxarü naxümatü ga Tupanaarü mugü 12:14

Rü wüxitücumüarü naanewa rü Tupana tá nüxü̃ naxuneta i wüxi i nachica nax ngéma naxca̱x ãmaregü piguxü̃ca̱x. Rü ngéma tá nixĩ i penaxüxü̃ i guxü̃ma i ngẽma pexü̃ chamuxü̃.

Ínachoxü̃xü̃chiga 25:8

¡Rü cha̱u̱xca̱x penaxü ya wüxi ya chopata nax yimawa duü̃xü̃gütanüwa changexmaxü̃ca̱x!

Ínachoxü̃xü̃chiga 29:45

Rü choma rü tá natanüwa chamaxü̃ i ngẽma Iraétanüxü̃, rü norü Tupana tá chixĩ.

Wenaxarü naxümatü ga Tupanaarü mugü 12:13

¡Rü pegüna peda̱u̱x nax tama ngexü̃rüüxü̃mare i nachicawa ípenaguxü̃ i perü ãmaregü!

Yochué 22:27

Natürü tanaxü nax wüxi i cua̱xruxü̃ yixĩxü̃ca̱x i pexca̱x, rü toxca̱x, rü totaagüca̱x, rü ngẽmaãcü i ngẽma toxocügü rü nüxü̃ nacua̱xgüxü̃ca̱x nax tomagü rü ta Tupanaarü duü̃xü̃gü tixĩgüxü̃, rü namexü̃ nax nape̱xewa tananaxü̃ca̱x i torü ãmaregü i torü pecaduarü ütanüruxü̃ nax tomaxã iyanangüxmüxü̃ca̱x. Rü ngẽmaãcü i ngẽma penegü rü taxuacütáma tonegüxü̃ ñanagürügü: “Pema rü tama perü Tupana nixĩ ya Cori ya Tupana”, ñanagürügü.

1 Chamué 1:21

Rü gumá nai ga taunecügu rü nüma ga Ercaná rü naxma̱x ga Peninámaxã rü guxü̃ma ga naxacügümaxã rü ĩane ga Chilówa naxĩ nax Tupanana yéma yaxããxü̃ca̱x ga norü ãmaregü, rü nüxü̃ yanacua̱xüü̃güxü̃ca̱x yema guxcüma ga taunecügu naxüüüxü̃rüxü̃.

Nüxíraxü̃xü̃ ga popera ga ãẽ̱xgacügüchiga 8:16

“Yema ngunexü̃ ga Equítuanewa íchanguxü̃xẽẽgucürüwa ga chorü duü̃xü̃gü ga Iraétanüxü̃, rü taguma nüxü̃ chaxuneta ya wüxi ya ĩane natanüwa ya Iraétanüxü̃ ga duü̃xü̃gü nax yimagu naxüxü̃ca̱x ya chopata ya taxü̃ne ya nawa changexmane. Natürü nüxü̃ chaxuneta ga Dabí nax chorü duü̃xü̃gü ga Iraétanüxü̃maxã inacuáxü̃ca̱x”, ñaxgu nüxü̃ ga Tupana.

Norü taxre ga to ga popera ga ãẽ̱xgacügüchiga ümatüxü̃ 6:20

¡Rü taxṹ i nüxü̃ curüchauxü̃ nax ngunecü rü chütacü nüxü̃ cudawenüxü̃ ya daa cupata ya taxü̃ne ya cuma nüxü̃ quixuxü̃ne nax nawa tá cungexmaxü̃! ¡Rü nüxü̃ naxĩnü i ñaa chorü yumüxẽ i nua cupata ya taxü̃newa cumaxã nüxü̃ chixuxü̃ i choma nax curü duü̃xü̃ chixĩxü̃!

Édra 6:12

Rü yimá Tupana ya nügüca̱x nüxü̃ unetacü ya yima ĩane ya Yerucharéü̃ rü tá nayanaxoxẽxẽ i ngexü̃rüüxü̃mare i ãẽ̱xgacü rüe̱xna nachixü̃ane i tama yanguxẽẽxü̃ i ñaa chorü mu rü naguxchaxẽẽxü̃ ya yima Tupanapata ya taxü̃ne ya Yerucharéü̃wa ngẽxmane. Rü choma i Daríu nixĩ i chanaxunagüxü̃ i ñaa mu. Rü ngẽmaca̱x chanaxwa̱xe i aixcüma mea naga pexĩnüe —ñanagürü ga norü poperawa.

Wiyaegü 100:2

¡Rü taãxẽãcü penataxẽxẽ ya Cori! ¡Rü taãxẽãcü naxca̱x pewiyaegü rü nüxü̃ picua̱xüxü̃gü!

Wenaxarü naxümatü ga Tupanaarü mugü 15:19

Rü ngẽxguma yaxãxacügu i ngẽma perü wocagü rü perü carnérugü rü penaxwa̱xe nax Tupanaca̱x nüxü̃ pexunetaxü̃ i ngẽma naxacügü i yatüxü̃ i nüxíra buexü̃. Rü tama name i penapuracüxẽxẽ i ngẽma nüxíraxü̃xü̃ i perü wocaxacü iyatüxü̃, rü tama name i ípenayoü̃ta̱xa i ngẽma nüxíra buxü̃ i perü carnéruxacü iyatüxü̃.

Yochué 9:27

Rü yema ngunexü̃gu rü nüma ga Yochué rü Gabaóü̃cüã̱xmaxã nanaxuegu nax üxüarü yaxuwa rü dexáarü yaxuwa napuracüexü̃ naxca̱x ga Iraétanüxü̃ rü Tupanaarü ãmarearü guruxü̃. Rü ñu̱xma rü ta ngẽma Gabaóü̃cüã̱x rü ngẽmatama nixĩ i norü puracü i ngextá Tupana ínamaxẽxẽẽxü̃wa.

Yochué 22:11

Rü yema togü ga Iraétanüxü̃ ga Canaáü̃anewa yexmagüxü̃ rü nüxü̃ nacuáchigagü nax yema Rubéü̃tanüxü̃ rü Gáxtanüxü̃ rü yema ngãxü̃tücumü ga Manachétanüxü̃ rü Canaáü̃anegu naxügüãxü̃ ga wüxi ga ãmarearü guruxü̃ ga taxü̃ ga natü ga Yudáü̃cutügu.

Yochué 22:29

Rü tama nax Tupanamaxã tanuexü̃ca̱x rüe̱xna nüxna tixĩgachixü̃ca̱x nixĩ i tanaxüxü̃ i ñaa ãmarearü guruxü̃. Rü tama nixĩ i ngẽmawa ãmare ítaguxü̃ca̱x yixĩxü̃ i tanaxüxü̃. Rü tama tanaxü nax nüxü̃ taxoxü̃ca̱x i ngẽma Chilówa ngẽxmaxü̃ i Tupanaarü ãmarearü guruxü̃ —ñanagürügü.

Nüxíraxü̃xü̃ ga popera ga ãẽ̱xgacügüchiga 12:27

Rü ngẽxguma ñaa duü̃xü̃gü Yerucharéü̃wa ĩxgu nax Tupanapata ya taxü̃negu Cori ya Tupanaca̱x naxü̃nagü yadaixü̃ca̱x, rü ngürüãchi tá Roboáü̃ ya Yudáanearü ãẽ̱xgacüxü̃ nangechaü̃gü, rü tá choxü̃ nima̱xgü, rü wena táxarü Roboáü̃we narüxĩ —ñaxü̃gu narüxĩnü ga Yeruboáü̃.

Norü taxre ga popera ga ãẽ̱xgacügüchiga 18:22

Rü ngẽxguma chi pema choxü̃ ñapegügu: ‘Toma rü torü Cori ya Tupanana nixĩ i tarüyoegüxü̃’, ñapegügu, ¿rü tü̱xcüü̃ ga Echequía rü nagu napogüxü̃ ga yema nachicagü ga nawa Tupanaca̱x nangutaque̱xegüxü̃ rü yema nachicagü ga nawa Tupanaca̱x yagugüxü̃ ga ãmaregü? ¿Rü ñu̱xũchi tü̱xcüü̃ Yudáanecüã̱xgüxü̃ rü Yerucharéü̃cüã̱xgüxü̃ namuxü̃ nax ngẽma Yerucharéü̃wa ngẽxmaxü̃ i ãmarearü guruü̃wa nüxü̃ yacua̱xüü̃güxü̃ca̱x ga Tupana?

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:1

Rü yexguma ga Dabí rü ñanagürü: —Ñaa nachica i Orná trigu nawa púxü̃wa tá nangẽxma ya Tupanapata ya taxü̃ne rü ngẽma ãmarearü guruxü̃ nax ngẽmawa Iraéanecüã̱xgü Tupanaca̱x ínaguxü̃ca̱x i norü ãmaregü —ñanagürü.

Wiyaegü 66:13

Rü ngẽmaca̱x i ñu̱xma rü cupatawa tá chaxũ rü ngéma tá cupe̱xewa chayagu i ãmaregü. Rü ngẽmaãcü tá chayanguxẽxẽ i ngẽma cumaxã ichaxunetaxü̃ ga yexguma ãũcümaxü̃wa chayexmagu.

Wiyaegü 116:17

Rü ngẽmaca̱x tá moxẽ cuxna chaxã rü naxü̃nagü tá cuxca̱x chadai rü íchanagu. Rü ngẽmaãcü tá cuxü̃ chicua̱xüxü̃ Pa Cori Pa Tupanax.