Biblia Todo Logo
Bib sou entènèt

- Piblisite -




Wenaxarü naxümatü ga Tupanaarü mugü 11:9 - Tupanaarü Ore

9 Rü ngẽxguma peyanguxẽẽgu i guxü̃ma i ngẽma mugü rü mucüma ya taunecü tá nawa pemaxẽ i ngẽma naane ga Cori ya Tupana nũxcümaü̃güxü̃ ga perü o̱xigümaxã rü nataagümaxã ueguxü̃ nax nüxna naxãgüãxü̃ca̱x. Rü ngẽma naanewa rü yimá lechi rü berure rü ñoma dexárüxü̃ niya̱xmare rü taguma nataxu.

Gade chapit la Kopi




Wenaxarü naxümatü ga Tupanaarü mugü 11:9
19 Referans Kwoze  

Rü ngẽmaca̱x nixĩ i ñu̱xma ícharüxĩxü̃ nax Equítuanecüã̱xme̱xẽwa íchananguxü̃xẽẽxü̃ca̱x i ngẽma chorü duü̃xü̃gü. Rü ngẽma naane i nawa tá chanagagüxü̃, rü wüxi i naane i taxü̃ rü mexü̃ nixĩ. Rü ngéma rü meama narüxügü i naguxü̃raü̃xü̃ i nanetügü. Rü õna taguma nataxu. Rü ngẽma naanegu nixĩ i naxãchiü̃güxü̃ i Canaáü̃tanüxü̃ rü Itítanüxü̃, rü Amoréutanüxü̃, rü Ferechéutanüxü̃, rü Ebéutanüxü̃ rü Yebuchéutanüxü̃.


¡Rü peyanguxẽxẽ i ngẽma norü mugü i ñaa ngunexü̃gu pemaxã nüxü̃ chixuxü̃! Rü ngẽmaãcü tá mea pexü̃ rü petanüxü̃xü̃ nangupetü rü ñu̱xũchi mucü ya taunecü tá nawa pemaxẽ i ngẽma naane i Cori ya perü Tupana tá pexna ãxü̃ nax guxü̃gutáma pexrü yixĩxü̃ca̱x —ñanagürü ga Moiché.


Rü ngẽxguma guxü̃ i perü maxü̃gu pema rü penegü rü petaagü nagu pexĩxgu i ngẽma mugü rü ucu̱xẽgü i ñu̱xma pemaxã nüxü̃ chixuxü̃ rü ngẽmaãcü tá penataãẽxẽxẽ ya perü Cori ya Tupana rü tá mucü ya taunecü pemaxẽ.


Rü yematama ngunexü̃gu rü namaxã nüxü̃ chixu nax Equítuanewa tá íchanagaxü̃xü̃ rü ngẽma naane ga chomatama nüxü̃ chaxunetaxü̃wa tá chanagagü. Rü ngẽma nachixü̃anearü naane rü guxü̃ma i ngẽma togü i nachianexü̃ narümemae. Rü ngéma rü yima lechi rü berure rü ñoma dexárüxü̃ taguma nataxu.


Rü tama nixĩ i perü mexü̃gagu rü bai nax mea pemaxẽxü̃gagu tá yixĩxü̃ i peyapu̱xü̃ i ngẽma naane. Rü nüma ya Cori ya Tupana rü ngẽma duü̃xü̃güarü chixexü̃gügagu tá nixĩ i pepe̱xewa ínawoxü̃ãxü̃ nax ngẽmaãcü yanguxẽẽãxü̃ca̱x ga yema uneta ga nũxcümaü̃güxü̃ ga perü o̱xigü ga Abraáü̃, rü Ichaá, rü Acóbumaxã nüxü̃ yaxuxü̃.


Rü tüxü̃ nangechaxü̃ ya cunatü rü cué, ngẽma choma i curü Cori ya Tupana cuxü̃ chamuxü̃ãcüma nax ngẽmaãcü namáxü̃ca̱x i curü maxü̃ nawa i ñoma i naane i choma i Cori ya Tupana cuxna chaxãxü̃.


Yimá yatü ya Tupanaxü̃ ngechaü̃cü, rü tá nama̱x i norü maxü̃, natürü ngẽma yatü i chixexü̃gu maxü̃xü̃ rü tá nanoxre ya norü taunecü.


Nagagu i ngẽma cua̱x rü tá nama̱x i curü maxü̃, rü tá nimuetanü ya curü taunecü.


Ngẽma cua̱x rü norü tügüneme̱xẽmaxã tüxna nanaxuaxü̃ i maxü̃ i máxü̃, rü norü to̱xowemaxã tüxna nanaxuaxü̃ i ngẽmaxü̃gü rü cua̱xüxü̃gü.


Ngẽmaãcü tá nama̱x i curü maxü̃ rü aixcüma tá cutaãxẽ.


¡Rü penaxüx i ngẽma aixcüma we̱xguxü̃ i Cori ya Tupana namaxã taãẽxü̃ nax ngẽmaãcü mea pexü̃ nangupetüxü̃ca̱x rü aixcüma penayaxuxü̃ca̱x i ngẽma mexü̃ i naane ga Cori ya Tupana perü o̱xigümaxã nüxü̃ yaxuxü̃!


¡Rü tüxü̃ nangechaü̃ ya cunatü rü cué nax ngẽmaãcü namáxü̃ca̱x i curü maxü̃ i ñaa naane i choma i Cori ya Tupana cuxna chaxãxü̃wa!


¡Rü nagu pexĩ i ngẽma ore i Cori ya perü Tupana pexü̃ muxü̃ nax ngẽmaãcü mea pexü̃ nangupetüxü̃ca̱x rü mucüma ya taunecü nawa pemaxẽxü̃ca̱x i ngẽma naane i tá pexna naxãxü̃ nax pexrüxü̃ yixĩxü̃ca̱x! —ñanagürü ga Moiché.


Erü nüma ya Cori ya Tupana rü wüxi i naane i mexü̃wa tá pexü̃ nagagü i ngextá namu i natüxacügü, rü puchugü, rü bairawegü i ma̱xpǘnearü doxraewa ichuxchugüxü̃.


Rü ngẽma naane i tá peyapuxü̃ rü taxũtáma ngẽma Equítuane i nawa ípechoxü̃xü̃rüxü̃ nixĩ. Rü pema rü yéma Equítuanewa rü poraãcü pepuracüe yerü ipenato ga naxchire rü peyamegü, ñoma taã̱xtügu itoxü̃ i nanetü imegüxü̃rüxü̃. Natürü ngẽma naane i tá peyapuxü̃wa rü pucü tátama nayamegü i peanegü i mápü̱xanexü̃wa rü doxonexü̃wa ngẽxmagüxü̃.


Choma rü marü pexna chanaxã i ngẽma naane. ¡Rü ngéma pexĩ rü penayaxu i ngẽma naane i choma ya Cori ya Tupana yema nũxcümaü̃güxü̃ ga perü o̱xigü ga Abraáü̃, rü Ichaá, rü Acóbu, rü ñu̱xũchi nataagümaxã chaxueguxü̃ nax nüxna chanaxãxü̃!” ñanagürü ga Tupana.


Rü ngẽmaca̱x, Pa Iraétanüxü̃x, rü name nixĩ i mea nagu pemaxẽ i ngẽma mugü. Erü ngẽxguma mea nagu pemaxẽgu rü tá mea pexü̃ nangupetü, rü tá pimu nawa i ngẽma naane i ngextá lechi rü ira rü ñoma dexárüxü̃ taguma ítaxuxü̃wa yema Cori ya Tupana perü o̱xigümaxã nüxü̃ ixuxü̃rüxü̃.


Swiv nou:

Piblisite


Piblisite