Wenaxarü naxümatü ga Tupanaarü mugü 11:8 - Tupanaarü Ore

⁸ ¡Rü peyanguxẽxẽ̱x i guxü̃ma i ngẽma mugü i ñu̱xma pemaxã nüxü̃ chixuxü̃ nax ngẽmaãcü peporaexü̃ca̱x rü nagu pechocuxü̃ca̱x rü peyapuxü̃ca̱x i ngẽma naane i tá peyaxuxü̃!

Wenaxarü naxümatü ga Tupanaarü mugü 11:8 Referans Kwoze

Efesios 6:10

Rü ñu̱xmax, Pa Chauenexẽgüx, rü name nixĩ i pegü peporaexẽxẽ namaxã i ngẽma pora i tórü Coriwa ne ũxü̃.

Filipenses 4:13

Rü Cristu nixĩ ya choxü̃ poraxẽẽcü, rü ngẽmaca̱x chomaxã nanguxü̃ nax chanaxüxü̃ i guxü̃ma i ngẽma Tupana naxwa̱xexü̃ nax chanaxüxü̃.

Efesios 3:16

Rü nüxna chaca ya Tanatü nax guxü̃ma i norü mexü̃wa pexna naxããxü̃ca̱x i ngẽma pora i Naãxẽ ya Üünexü̃wa ne ũxü̃ nax peãẽwa aixcüma peporaexü̃ca̱x.

Wenaxarü naxümatü ga Tupanaarü mugü 31:23

Rü nüma ya Cori ya Tupana rü Yochué ga Núü̃ nanemaxã nüxü̃ nixu i ñaa ucu̱xẽ rü ñanagürü nüxü̃: —¡Napora rü taxṹ i cumuü̃xü̃! Erü cuma tá nixĩ i cuyachocuxẽẽxü̃ i ngẽma Iraétanüxü̃ nawa i ngẽma naane i nüxü̃ chixuxü̃ nax noxrügü tá yixĩxü̃. Rü choma rü tá cuxü̃ chaxümücü —ñanagürü.

Wiyaegü 138:3

Rü yexguma cuxna chacaxgux nax choxü̃ cuporaxẽẽxü̃ rü cuma rü choxü̃ cungãxü̃ rü aixcüma choxü̃ cuporaxẽxẽ.

Colosenses 1:11

Rü nüxna naxca̱x tacagü nax norü pora i mexẽchixü̃maxã pexü̃ naporaexẽẽxü̃ca̱x nax ngẽmaãcü guxü̃ma i guxchaxü̃gümaxã peporaexü̃ca̱x rü yáxna namaxã pexĩnüexü̃ca̱x rü petaãẽgüxü̃ca̱x.

Wenaxarü naxümatü ga Tupanaarü mugü 28:47

Erü tama taãẽãcüma rü quixaixcümaãcüma nüxü̃ quicua̱xüxü̃ ya Cori ya curü Tupana ga yexguma cuxü̃ nangü̃xẽẽgu rü muxü̃ma ga ngẽmaxü̃gü cuxna naxãxgu.

Ichaía 40:31

Natürü yíxema aixcüma Cori ya Tupanaaxü̃́ yaxṍxe rü guxü̃gutáma tüxü̃́ ningexwaca̱xü̃chigü i tümaarü pora. Rü ñoma ĩyügürüxü̃ rü tá taporaama. Rü woo ngẽxguma poraãcü itañaãchigu rü taxũtáma nagu̱x i tümaarü pora. Rü woo ngẽxguma yáxü̃wa taxũxgu, rü taxũtáma tipa.

Ínachoxü̃xü̃chiga 20:12

¡Rü tüxü̃ nangechaü̃ ya cunatü rü cué nax ngẽmaãcü namáxü̃ca̱x i curü maxü̃ i ñaa naane i choma i Cori ya Tupana cuxna chaxãxü̃wa!

Wenaxarü naxümatü ga Tupanaarü mugü 11:7

Rü pematama nixĩ ga nüxü̃ pedaugüxü̃ rü nüxü̃ pecua̱xgüxü̃ ga guxü̃ma ga yema mexü̃gü ga Cori ya Tupana üxü̃.

Wenaxarü naxümatü ga Tupanaarü mugü 4:14

Rü nüma rü choxü̃ namu nax pexü̃ changúexẽẽxü̃ca̱x i ngẽma norü mugü nax naga pexĩnüexü̃ca̱x nawa i ngẽma naane i nagu tá pechocuxü̃ nax pexrü yixĩxü̃ca̱x.