Wenaxarü naxümatü ga Tupanaarü mugü 11:12 - Tupanaarü Ore

¹² Ngẽma rü wüxi i naane i Cori ya Tupanatama nüxna dauxü̃ nixĩ. Nüma rü guxcüma ya taunecügu nüxna nadau.

Wenaxarü naxümatü ga Tupanaarü mugü 11:12 Referans Kwoze

Yeremía 24:6

Rü ngẽma naanewa rü nüxna tá chadau rü ñaa nachixü̃aneca̱x tá chanawoeguxẽxẽ. Rü nua tá nüxü̃ charüngü̃xẽxẽxü̃ rü tagutáma wena chanadai. Rü ñoma wüxi i nanetü itoxü̃rüxü̃ nua tá chanangexmagüxẽxẽ rü tagutáma wena íchanawoxü̃.

Nüxíraxü̃xü̃ ga popera ga ãẽ̱xgacügüchiga 9:3

Rü ñanagürü nüxü̃: —Nüxü̃ chaxĩnü i ngẽma curü yumüxẽ rü ngẽma choxü̃ nax cuca̱a̱xü̃xü̃. Rü marü chanaxüünexẽxẽ ya yima chopata ya taxü̃ne ya cuxüxü̃ne nax guxü̃guma ngéma changexmaxü̃ca̱x. Rü guxü̃gutáma nüxna chadau rü namaxã chataãxẽ.

Wiyaegü 33:18

Natürü nüma ya Cori ya Tupana rü guxü̃guma tüxna nadau ya yíxema nüxü̃ ngechaü̃güxe rü nüxü̃́ yaxõgüxe.

Wiyaegü 34:15

Erü nüma ya Cori ya Tupana rü tüxna nadau ya yíxema aixcüma mea maxẽxe. Rü tüxü̃́ nüxü̃ naxĩnü i tümaarü yumüxẽ.

Édra 5:5

Natürü nüma ga Tupana rü nüxna nadau ga yema Yudíugü ga yema puracümaxã icua̱xgüxü̃. Rü yemaacü nataxuma ga texé nüxna nachu̱xuxü̃ nax napuracüeamaxü̃ca̱x. Rü yoxni ga yema Yudíugüarü uanügü rü Pérchiaanearü ãẽ̱xgacü ga Daríuca̱x nanaxümatü ga wüxi ga popera nax nüma namexẽẽãxü̃ca̱x ga yema guxchaxü̃.

Norü taxre ga popera ga ãẽ̱xgacügüchiga 18:32

Rü ngẽmawena rü wüxi i nachixü̃ane i pechixü̃anerüxü̃ ixĩxü̃wa tá pexü̃ nagagü. Rü ngẽma nixĩ i wüxi i nachixü̃ane i ngextá trigunecügü nawa ngẽxmaxü̃ nax penaxüxü̃ca̱x i perü paũ, rü nawa ngẽxmaxü̃ i úbanecügü nax penaxüxü̃ca̱x i perü bínu. Rü ñu̱xũchi ngẽma nachixü̃anewa nangẽxma i oribuarü chíxü̃ rü berure rü ta. Rü ngéma rü taãẽãcü tá pemaxẽ rü taxũtáma peyue. ¡Natürü taxṹ i Echequíaga pexĩnüexü̃! Erü nüma rü pexü̃ nawomüxẽxẽ i ngẽxguma nüxü̃ yaxuxgu nax Cori ya Tupana tá pexü̃ ínguxü̃xẽẽxü̃.

Wiyaegü 65:11

Rü wüxichigü ya taunecü rü mexü̃maxã ícunanguxẽxẽ. Rü ngẽma curü caixanexü̃gü rü poraãcü nanapuxẽxẽ.

Ichaía 36:17

Rü ngẽmawena rü wüxi i nachixü̃ane i pechixü̃anerüxü̃ ixĩxü̃wa tá pexü̃ nagagü. Rü ngẽma nixĩ i wüxi i nachixü̃ane i ngextá trigunecügü nawa ngẽxmaxü̃ nax penaxüxü̃ca̱x i perü paũ rü úbanecügü nawa ngẽxmaxü̃ nax penaxüxü̃ca̱x i perü bínu.