Wenaxarü naxümatü ga Tupanaarü mugü 10:8 - Tupanaarü Ore

⁸ Rü yéma nixĩ ga Cori ya Tupana ga Lebítanüxü̃xü̃ naxunetaxü̃ nax yangegüãxü̃ca̱x ga yema baú ga Cori ya Tupanaarü mugüchixü̃, rü ñu̱xũchi namaxã inacua̱xgüxü̃ca̱x. Rü yexgumarüxü̃ ta nüxü̃ naxuneta nax nape̱xewa nayexmagüxü̃ca̱x rü nüxü̃́ napuracüexü̃ca̱x rü naégagu duü̃xü̃gümaxã mexü̃ naxuegugüxü̃ca̱x. Rü ñu̱xma rü ta rü ngẽmaãcü nanaxügü.

Wenaxarü naxümatü ga Tupanaarü mugü 10:8 Referans Kwoze

Wenaxarü naxümatü ga Tupanaarü mugü 21:5

Rü ngẽmawena i ngẽma chacherdótegü i Lebítanüxü̃ rü tá ngéma naxĩ. Rü nümagü nixĩ i Cori ya Tupana nüxü̃ unetaxü̃ nax norü puracümaxã inacua̱xgüxü̃ca̱x rü naégagu mexü̃ duü̃xü̃gümaxã naxueguxü̃ca̱x. Rü nümagü nixĩ i namexẽẽgüaxü̃́ i guxü̃ma i duü̃xü̃güarü guxchaxü̃gü i ngẽxguma nügümaxã nanuegu rüe̱xna nügü nangaegu.

Wenaxarü naxümatü ga Tupanaarü mugü 18:5

Rü tórü Cori ya Tupana rü guxü̃ma i Iraétanüxü̃tücumüwa nüxü̃ naxuneta i ngẽma Lebítücumü nax nümagü rü nanegü rü nataagü guxü̃guma namaxã inacua̱xgüxü̃ca̱x i Tupanaarü puracü.

Iraétanüxü̃arü muxchiga 4:15

Rü ngẽxguma Aróü̃ rü nanegü marü nüxü̃́ nagu̱xgu nax yanáixpüü̃güãxü̃ i guxü̃ma i ngẽma Tupanapataarü ngẽmaxü̃gü i üünegüxü̃, rü ngẽxguma marü inaxĩãchichaü̃gu, rü nüma i Queáxtanüxü̃ rü ngéma tá naxĩ nax yanaxãxü̃ca̱x i guxü̃ma i ngẽma ngẽmaxü̃gü. Natürü taxũtáma nüxü̃ ningõgügü i ngẽma ngẽmaxü̃gü i üünegüxü̃ nax tama nayuexü̃ca̱x. Rü guxü̃ma i ngẽma Tupanapataarü ngẽmaxü̃gü rü Queáxtanüxü̃ tá nixĩ i yanaxü̃.

Ore i mexü̃ ga Cuáü̃ ümatüxü̃ 15:16

Pema rü tama pexíra cha̱u̱xca̱x pedaugü, natürü chaxíra nixĩ ga pexca̱x chadauxü̃ rü pexü̃ chamuxü̃ nax ngéma pexĩxü̃ca̱x rü nüxü̃ pixuxü̃ca̱x i chorü ore nax chauxü̃tawa penagagüxü̃ca̱x i muxü̃ma i duü̃xü̃gü, rü nümagü rü guxü̃guma choxü̃́ yaxõgüãxü̃ca̱x. Rü ñu̱xũchi Chaunatü ya Tupana tá pexna nanaxã i guxü̃ma i ta̱xacü i chauégagu nüxna naxca̱x pecaxü̃.

Yeremía 15:19

Rü nüma ga Cori ya Tupana rü Yeremíaxü̃ nangãxü̃ rü ñanagürü: —Ngẽxguma cha̱u̱xca̱x cutaegu̱xgu, rü wena tá cuxü̃ chayaxu rü choxü̃́ tá cupuracü. Rü ngẽxguma chi nüxü̃ curüxoxgu nax natüca̱xmamare quidexamarexü̃, rü chi nüxü̃ quixuxgu i ore i aixcüma mexü̃, rü cuma tá nixĩ i aixcüma chorü orearü uruxü̃ quixĩxü̃. Rü name i nüma i duü̃xü̃gü cuxca̱x nawoegu, natürü tama name nax cuma naxca̱x cutaeguxü̃.

Norü taxre ga to ga popera ga ãẽ̱xgacügüchiga ümatüxü̃ 30:27

Rü yemawena ga chacherdótegü rü Lebítanüxü̃ rü inachigü rü norü yumüxẽwa yema duü̃xü̃gümaxã mexü̃ naxuegu. Rü nüma ga Cori ya Tupana rü nüxü̃ naxĩnü ga yema norü yumüxẽ. Rü daxũguxü̃ i naanewa nangu i ngextá nüma ínangexmaxü̃wa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:26

Rü nüma ga Tupana rü poraãcü nüxü̃ narüngü̃xẽxẽ ga yema Lebítanüxü̃ ga yangetaü̃güxü̃ ga yema baú ga Tupanaarü mugü nagu nuxü̃. Rü yemaca̱x Tupanaca̱x nanadai ga 7 ga woca ga iyatüxü̃ rü 7 ga carnérugü rü ñu̱xũchi naxca̱x ínanagugü.

Lebítanüxü̃arü puracüchiga 9:22

Rü nüma ga Aróü̃ rü yema Iraétanüxü̃guama naxugüme̱xẽ rü yemaacü Tupanape̱xewa mexü̃ namaxã naxuegu. Rü nawena ga nax marü Cori ya Tupanana naxãxü̃ ga ãmare ga pecaduarü ütanüca̱x ixĩxü̃, rü ãmare ga Cori ya Tupanaca̱x yaguxü̃, rü ãmare ga namaxã Tupanaxü̃ nangüxmüxẽẽxü̃, rü nüma ga Aróü̃ rü nüxna nixũgachi ga yema ãmarearü guruxü̃.

Gálatas 1:15

Natürü yexguma taxũta chabuxgu, rü woetama Tupana choxü̃ naxuneta nax choxü̃ namuxü̃ca̱x nax chanaxüxü̃ca̱x i norü puracü. Rü nüma rü cha̱u̱xca̱x naca nax noxrü chixĩxü̃ca̱x, yerü poraãcü choxü̃ nangechaü̃. Rü yexguma Tupana naxwa̱xegu, rü choxü̃ nüxü̃ nacua̱xẽxẽ ga Nane ya Cristu. Rü yemaacü nanaxü nax ngẽma duü̃xü̃gü i tama Yudíugü ixĩgüxü̃maxã nüxü̃ chixuxü̃ca̱x nax Ngechuchugagu tüxü̃́ nangẽxmaxü̃ i maxü̃ i taguma gúxü̃. Rü yexguma yemaacü Tupana choxü̃ nüxü̃ cua̱xẽẽgu ga Nane, rü taxúenama chayaca.

2 Corintios 6:17

Rü yemaca̱x ñanagürü ta ga tórü Cori: “¡Ípechoxü̃ i natanüwa i ngẽma duü̃xü̃gü i tama chorü duü̃xü̃gü ixĩgüxü̃! ¡Rü taxṹ i nüxü̃ pingógüxü̃ i ngẽma chope̱xewa ãũãchixü̃! Rü choma rü tá pexü̃ chayaxu.

Romanos 12:7

Rü ngẽxguma tüxna naxããgu i tórü cua̱x nax togüxü̃ rüngü̃xẽẽgüxü̃ca̱x, rü name nixĩ i meama tanaxü i ngẽma. Rü ngẽxguma texéna naxããgu i tümaarü cua̱x nax duü̃xü̃güxü̃ tangúexẽẽxü̃ca̱x, rü name nixĩ i meama tanaxü i ngẽma.

Romanos 1:1

Pa Chauenexẽgüx rü Pa Chaueya̱xgü ya Rómacüã̱xgüx, choma i Pauru nixĩ i pexca̱x chanaxümatüxü̃ i ñaa popera. Rü choma nixĩ ya Ngechuchu ya Cristuarü duü̃xü̃ chixĩxü̃. Rü choxü̃ nixĩ ga nayaxuxü̃ nax choxü̃ yamuxü̃ca̱x nax duü̃xü̃gümaxã nüxü̃ chixuxü̃ca̱x i norü ore i mexü̃.

Ngechuchuarü ngúexü̃gü ga yamugüxü̃arü puracüchiga 13:2

Rü wüxi ga ngunexü̃ ga yexguma Corica̱x ínangutaque̱xegügu rü tama nachibüeãcüma ínayumüxẽgüguyane, rü Tupanaãxẽ ya Üünecü rü ñanagürü nüxü̃: —¡Choxna penamugü i Chauru rü Bernabé nax naxügüã̱xü̃ca̱x i ngẽma puracü i choma nawa chanamugüchaü̃xü̃! —ñanagürü.

Echequié 44:15

“Rü yema chacherdótegü ga Lebítanüxü̃ ga Chadóxtaagü ixĩgüxü̃, rü yemagü nixĩ ga naxügüamaxü̃ ga chopataarü puracü ga yexguma yema Iraétanüxü̃ choxna ixĩgachitanügu. Rü ñu̱xma rü ngẽma Chadóxtaagü tá nixĩ i choxna ngaixcamagüxü̃ nax chorü puracü naxügüxü̃ca̱x. Rü nümagü tá nixĩ i choxna naxãgüãxü̃ i ngẽma naxü̃nagü i cha̱u̱xca̱x nada̱i̱xü̃arü chíxü̃ rü yimá nagü. Rü choma ya Cori ya Tupana ya Guxãétüwa Ngẽxmacü rü ngẽmaãcü chanaxuegu.

Echequié 44:11

Rü ngẽma Lebítanüxü̃ tá nixĩ i chopatawa puracüexü̃, rü chopataarü ĩã̱xarü dauruü̃gü yaxĩgüxü̃, rü naxügüãxü̃ i ngẽma to i puracü i chopatawa ngẽxmaxü̃. Rü nümagü tá nixĩ i nadaiaxü̃ i ngẽma naxü̃nagü i Tupanaca̱x íguxü̃ rü ngẽma naxü̃nagü i duü̃xü̃gü Tupanana ãmaregüxü̃. Rü nümagü tá ínamemaregü nax duü̃xü̃güxü̃ nangü̃xẽẽgüxü̃.

Wiyaegü 134:2

¡Rü ngẽma nachica i üünexü̃guama pexuenüme̱xẽgü rü Cori ya Tupanaxü̃ picua̱xüü̃gü!

Norü taxre ga to ga popera ga ãẽ̱xgacügüchiga ümatüxü̃ 29:11

Rü ngẽmaca̱x, Pa Chaunegüx, ¡rü taxṹ i nüxü̃ perüchauexü̃! Erü nüma ya Cori ya Tupana rü pexü̃ nidexechi nax ípememaregüxü̃ nax nüxü̃́ pepuracüexü̃ rü wenaxarü naxca̱x peyaguxü̃ i pumarate̱xe —ñanagürü ga Echequía.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:26

Rü ngẽmaca̱x i ñu̱xma i Lebítanüxü̃ rü taxũtáma marü nuxica nanangegü ya Tupanapata ya naxchirunaxca̱x rü guxü̃ma i norü ngẽmaxü̃gü i Tupanaxü̃ namaxã yacua̱xüü̃güxü̃ —ñanagürü ga Dabí.

Nüxíraxü̃xü̃ ga popera ga ãẽ̱xgacügüchiga 8:6

Rü yemawena ga yema chacherdótegü rü Tupanapata ga taxü̃nearü aixepegu nanangecuchigü ga yema baú. Rü yema nachiã ga üünexü̃chixü̃gu nayaxǘgü natüxü̃gu ga guma naxpe̱xatügü ga yema taxre ga Tupanaarü orearü ngeruü̃güchicüna̱xãgü. Rü guma naxpe̱xatügü rü nayadüxü ga yema Tupanaarü mugüchixü̃ wüxigu namaxã ga naxpawerugü.

Wenaxarü naxümatü ga Tupanaarü mugü 17:12

Natürü ngẽxguma tangexmagu ya wüxíe ya tama naga ĩnüchaü̃xe i ngẽma poxcu i ãẽ̱xgacü i guxchaarü mexẽẽruxü̃ ueguxü̃ rüe̱xna ngẽma poxcu i chacherdóte i Tupanaarü puracü ixüxü̃ ueguxü̃, rü yu tá tümamaxã naxuegu. Rü ngẽmaãcü tá peyanaxoxẽxẽ i ngẽma chixexü̃ i Iraéanewa ngẽxmaxü̃.

Iraétanüxü̃arü muxchiga 3:31

Rü nüma ga Queáxtanüxü̃ rü naxme̱xwa nayexma ga yema baú ga üünexü̃ ga Tupanaarü mugü nagu nucuxü̃, rü yema mecha ga paũ ga üünexü̃ nagu nuxü̃, rü yema omüpaweru, rü yema ãmaregüarü guruü̃gü, rü yema norü yemaxü̃gü ga namaxã Tupanaxü̃ yacua̱xüü̃güxü̃, rü yema norü tüyemachiãruxü̃, rü ñu̱xũchi guxü̃ma ga yema togü ga Tupanapataarü yemaxü̃gü.

Lebítanüxü̃arü puracüchiga 8:9

Rü ñu̱xũchi nayangaxcuchipate̱xe. Rü yema napate̱xecatüwa nayaxǘcuchi ga wüxi ga úirutachinü ga nawa nüxü̃ nacua̱xgüxü̃ nax chacherdótegüarü ãẽ̱xgacü yixĩxü̃, yerü yemaacü nixĩ ga Cori ya Tupana ga Moichémaxã nüxü̃ yaxuxü̃.

Wenaxarü naxümatü ga Tupanaarü mugü 31:9

Rü nüma ga Moiché rü nanaxümatü ga yema Tupanaarü mugü. Rü ñu̱xũchi yema chacherdótegü ga Lebítanüxü̃ ga Tupanaarü mugüchixü̃ ingegüxü̃na nanaxã. Rü yexgumarüxü̃ ta guxü̃ma ga yema Iraétanüxü̃arü ãẽ̱xgacügüna nanaxã ga yema mugü ga ümatüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:2

Rü yexguma nüma ga Dabí rü nanamu rü ñanagürü: —Ngẽxguma napatawa penangexgu i ngẽma baú i Tupanaarü mugüchixü̃, rü Lebítanüxü̃xicatátama nixĩ i ngẽma yangegüxü̃. Erü nümagü nixĩ ya Tupana nüxü̃ unetaxü̃ nax guxü̃gutáma ngẽma puracü naxügüxü̃ca̱x —ñanagürü.

Wiyaegü 134:1

Pa Duü̃xü̃güx i Cori ya Tupanaarü Puracütanüxü̃ Ixĩgüxe ¡rü nüxü̃ picua̱xüü̃gü i guxãma i pemax i chütacü napatawa nax pengẽxmagüxü̃!

Wenaxarü naxümatü ga Tupanaarü mugü 21:3

Rü ngẽxguma i nüma ya yima ĩane ya nüxna ngaicamanearü ãẽ̱xgacügü rü tá nayayauxgü i wüxi i wocaxacü i ngexü̃ i taguma toxcunaxãruxü̃ nax napuracüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:13

Rü Amráü̃ nanegü nixĩ ga Aróü̃ rü Moiché. Rü Cori ya Tupana nüxü̃ naxuneta ga Aróü̃ nax nape̱xewa ãmare i üünexü̃arü guruxü̃ yixĩxü̃ca̱x rü pumarate̱xearü guruxü̃ yixĩxü̃ca̱x. Rü yexgumarüxü̃ ta nüxü̃ naxuneta nax nüxü̃́ napuracüxü̃ca̱x rü duü̃xü̃gümaxã mexü̃ naxueguxü̃ca̱x. Rü yema nixĩ ga puracü ga Tupana Aróü̃na rü nanegüna rü nataagüna naxãxü̃ nax guxü̃gutáma naxügüãxü̃ca̱x.