Wenaxarü naxümatü ga Tupanaarü mugü 10:4 - Tupanaarü Ore

⁴ Rü nüma ga Cori ya Tupana rü yema taxre ga nutatachinügu nanaxümatü ga yema 10 ga norü mugü, yema noxritama naxüxü̃rüxü̃ ga yexguma guma ma̱xpǘnewa üxüemaarü ngãxü̃wa pemaxã yadexaxgu ga yexguma guxãma ga yixema wüxigu yexma ngutaque̱xegügu. Rü ñu̱xũchi choxna nanana ga yema taxre ga nutatachinügü.

Wenaxarü naxümatü ga Tupanaarü mugü 10:4 Referans Kwoze

Wenaxarü naxümatü ga Tupanaarü mugü 9:10

Rü yexguma ga Cori ya Tupana rü choxna nanaxã ga yema taxre ga nutatachinü ga nümatama nagu naxümatüxü̃ ga guxü̃ma ga yema ore ga yema üxüemaarü ngãxü̃wa pemaxã nüxü̃ yaxuxü̃ ga guma ma̱xpǘnewa, ga yexguma guxãma ga yixema yexma ingutaque̱xegügu.

Ínachoxü̃xü̃chiga 34:28

Rü nüma ga Moiché rü 40 ga ngunexü̃ rü 40 ga chütaxü̃ Cori ya Tupanamaxã nayexma ga guma ma̱xpǘnewa. Rü taguma nachibü rü taguma naxaxe. Rü yéma nixĩ ga Moiché nutatachinügu naxümatüxü̃ ga yema Tupanaarü uneta. Rü yema nixĩ ga yema 10 ga norü mugü.

Wenaxarü naxümatü ga Tupanaarü mugü 18:16

Rü yema nixĩ ga Cori ya Tupanana naxca̱x pecaxü̃ ga ma̱xpǘne ga Oréxwa ga yema ngunexü̃ ga guxãma ga pemax nagu yéma pengutaque̱xegüxü̃ rü ñapegügüxü̃: “Tama tanaxwa̱xe i wena nüxü̃ taxĩnüe i naga ya Cori ya tórü Tupana, rü bai i nüxü̃ tadauxchaü̃xü̃ ya daa üxü ya taxü̃ne nax tama tayuexü̃ca̱x”, ñaperügügü.

Ínachoxü̃xü̃chiga 34:1

Rü nüma ga Cori ya Tupana rü Moichéxü̃ ñanagürü: —¡Ẽcü, cumatama naxü i taxre i nutatachinügü i ngẽma nanoxriraxü̃xü̃tama, nax ngẽmagu chanaxümatüxü̃ca̱x i ngẽma chorü mugü ga yema quipuexẽẽxü̃ ga nutatachinügügu chaxümatüxü̃!

Ínachoxü̃xü̃chiga 31:18

Rü yexguma Cori ya Tupana nüxü̃ rüchauxgu ga Moichémaxã nax yadexaxü̃ ga ma̱xpǘne ga Chinaíwa, rü nüxna nanaxã ga taxre ga nutatachinügü ga nümatama ga Tupana naxme̱xmaxã norü mugü nagu naxümatüxü̃.