Wenaxarü naxümatü ga Tupanaarü mugü 10:16 - Tupanaarü Ore

¹⁶ ¡Rü ngẽmaca̱x nüxü̃ perüoe i ngẽma pecüma i chixexü̃ i perü maxü̃wa ngẽxmaxü̃! Rü tama name i duü̃xü̃gü i tama ixĩnüechaü̃xü̃ pixĩgü.

Wenaxarü naxümatü ga Tupanaarü mugü 10:16 Referans Kwoze

Yeremía 4:4

Pa Yudáanecüã̱xgüx rü Pa Yerucharéü̃cüã̱xgüx, ngẽma chixexü̃ i perü maxü̃wa ngẽxmaxü̃ ¡rü pegüwa nüxü̃ pexoó nax tama ngẽma perü chixexü̃gagu pexna nanguxü̃ca̱x i chorü nu, ñoma üxüema inaixü̃ i taxucürüwama texe ixoxẽẽxü̃rüxü̃! —ñanagürü.

Wenaxarü naxümatü ga Tupanaarü mugü 30:6

Rü nüma ya perü Cori ya Tupana rü peãẽwa rü petaagüãẽwa tá nayanaxoxẽxẽ i ngẽma chixexü̃ i ngéma ngẽxmaxü̃ nax ngẽmaãcü aixcüma nüxü̃ pengechaü̃güxü̃ca̱x perü maxü̃nemaxã rü peãẽmaxã nax ngẽmaãcü pexü̃́ nangẽxmaxü̃ca̱x i perü maxü̃.

Colosenses 2:11

Rü ngẽma Yudíugü rü nügü ínawiecha̱xmüü̃pe̱xechiraü̃gu nax Tupanape̱xewa yamexü̃ca̱x. Natürü ñu̱xma nax Cristuaxü̃́ peyaxõgüxü̃ rü tama ngẽma wiecha̱xmüü̃pe̱xechiraü̃gagu nixĩ nax Tupanape̱xewa pimexü̃. Rü ñu̱xma rü nape̱xewa pime erü Cristu pexü̃ ínanguxü̃xẽxẽ nawa i pexenearü ngúchaü̃gü i chixexü̃.

Wenaxarü naxümatü ga Tupanaarü mugü 9:6

Rü penaxwa̱xe nax nüxü̃ pecuáxü̃ nax Cori ya Tupana rü tama perü mexü̃gagu yixĩxü̃ i pexna naxããxü̃ i ngẽma naane i mexü̃, erü pema rü duü̃xü̃gü i tama ixĩnüechaxü̃xü̃ pixĩxgü —ñanagürü ga Moiché.

Yeremía 4:14

Pa Yerucharéü̃cüã̱xgü, ¡nüxü̃ perüxoe i ngẽma chixexü̃ i nagu pemaxẽxü̃! Rü ngẽxgumaxicatama tá nixĩ i nüxna ípenguxü̃xü̃ i ngẽma ãũcümaxü̃ i pexca̱x ínguxchaü̃xü̃. ¿Rü ñuxguxüra tá ta nixĩ i pegüna peyaxũgachixẽẽxü̃ i ngẽma chixexü̃ i ĩnügü i peãẽwa ngẽxmagüxü̃?

Wenaxarü naxümatü ga Tupanaarü mugü 31:27

Erü choma rü marü nüxü̃ chacua̱x nax pema rü wüxi i duü̃xü̃gü i taierugüxe rü tama ĩnüwa̱xegüxe nax pixĩgüxü̃. Rü ñu̱xma nax petanüwa chamaxü̃xü̃ rü nüxü̃ chadauxü̃ nax tama Cori ya Tupanaga pexĩnüexü̃, ¿rü ngẽxguma chayuxguwena rü ta̱xacürü chixexü̃ tá yixĩxü̃ i pexügüxü̃?

Wenaxarü naxümatü ga Tupanaarü mugü 9:13

Rü nüma ya Cori ya Tupana rü ñanagürü ta choxü̃: “Marü nüxü̃ chadau i ñaa duü̃xü̃gü nax duü̃xü̃gü i tama ixĩnüechaxü̃xü̃ nax yaxĩgüxü̃.

Naanearü ügüchiga 17:11

¡Rü pegü ípewiecha̱xmüü̃pe̱xechiraü̃gü! Rü ngẽmawa tá nango̱x nax aixcüma peyanguxẽxẽ i ngẽma yigümaxã nüxü̃ ixuxü̃.

Echequié 44:7

Rü pemax rü penaxãũãchixẽxẽ ya chopata ya taxü̃ne erü nagu penachocuxẽxẽ i duü̃xü̃gü i to i nachixü̃anecüã̱xgü i tama íwiü̃cha̱xmüü̃pe̱xechiraü̃güxü̃ rü tama chorü mugügu maxẽxü̃. Rü naétü ga pema rü chorü õnaca̱x choxna penaxã ga paũ rü chíxü̃ rü nagü. Rü yemaacü yema taxü̃ ga ãũãchixü̃ ga pexügüxü̃maxã peyanaxoxẽxẽ i ngẽma uneta ga pemaxã chaxüxü̃.

Norü taxre ga to ga popera ga ãẽ̱xgacügüchiga ümatüxü̃ 30:8

¡Rü ngẽmaca̱x i ñu̱xma rü taxṹ i ngẽma perü o̱xigürüxü̃ Tupanaxü̃ pexoexü̃! ¡Rü Cori ya Tupanaca̱x pedaugü rü naga pexĩnüe nax ngẽmaãcü wena pexü̃ nangü̃xẽẽxü̃ca̱x ngẽma pemaxã inaxunetaxü̃rüxü̃! ¡Rü nua pexĩ nawa ya yima napata ya nüma tá guxü̃guma nawa nangẽxmane! Rü ngẽxguma i nüma rü tá pemaxã inarüngü̃xmü.