Wenaxarü naxümatü ga Tupanaarü mugü 10:12 - Tupanaarü Ore

¹² Rü ñu̱xma Pa Iraétanüxü̃x ¿ta̱xacü nixĩ i perü Cori ya Tupana pexü̃́ naxwa̱xexü̃? Rü ngẽma pexü̃́ nanaxwa̱xexü̃ nixĩ nax nüxü̃ picua̱xüü̃güxü̃ rü aixcüma naga pexĩnüexü̃ rü nacümagu pexĩxü̃, rü nüxü̃ pengechaü̃güxü̃ rü ñu̱xũchi nüxü̃́ pepuracüexü̃ guxü̃ma i perü maxü̃maxã rü guxü̃ i peãẽmaxã.

Wenaxarü naxümatü ga Tupanaarü mugü 10:12 Referans Kwoze

Wenaxarü naxümatü ga Tupanaarü mugü 6:5

¡Rü nüxü̃ pengechaxü̃gü ya perü Tupana i guxü̃ne ya perü maxü̃nemaxã, rü guxü̃ i peãxẽmaxã, rü guxü̃ i perü poramaxã!

Miquéa 6:8

Rü nüma ya Cori ya Tupana rü marü cumaxã nüxü̃ nixu, Pa Duü̃xü̃x, i ta̱xacü nixĩ i nape̱xewa mexü̃ rü ta̱xacü nixĩ i ngẽma cuxü̃́ nanaxwa̱xexü̃. Rü ngẽma cuxü̃́ nanaxwa̱xexü̃ nixĩ nax mexü̃ cuxüxü̃ rü quixaixcümaxü̃ rü curü Tupanaga nax cuxĩnüxü̃ rü tama cugü quicua̱xüxü̃.

Ore i mexü̃ ga Luca ümatüxü̃ 10:27

Rü yema ngúexẽẽruxü̃ ga Moichéarü mugüwa ngu̱xẽẽtaexü̃, rü Ngechuchuxü̃ nangãxü̃, rü ñanagürü: —¡Nüxü̃ nangechaü̃ ya Cori ya curü Tupana i guxü̃ma i curü maxü̃maxã, rü guxü̃ i cuãẽmaxã, rü guxü̃ i curü poramaxã, rü guxü̃ i nagu curüxĩnüxü̃maxã! ¡Rü nüxü̃ nangechaü̃ i cumücü ngẽma nax cugütama cungechaü̃xü̃rüxü̃! —ñanagürü.

Wenaxarü naxümatü ga Tupanaarü mugü 5:33

¡Rü nagu pexĩ i ngẽma ore i Cori ya perü Tupana pexü̃ muxü̃ nax ngẽmaãcü mea pexü̃ nangupetüxü̃ca̱x rü mucüma ya taunecü nawa pemaxẽxü̃ca̱x i ngẽma naane i tá pexna naxãxü̃ nax pexrüxü̃ yixĩxü̃ca̱x! —ñanagürü ga Moiché.

Wenaxarü naxümatü ga Tupanaarü mugü 11:13

Rü ngẽxguma pema mea peyanguxẽẽ̱xgu i ñaa mugü i ñoma i ngunexü̃gu pexna chaxãxü̃, rü ngẽxguma aixcüma nüxü̃ pengechaü̃gügu ya Cori ya perü Tupana, rü ngẽxguma nüxü̃ picua̱xüü̃gügu guxü̃ne ya perü maxü̃nemaxã, rü guxü̃ i peãxẽmaxã, rü ngẽxguma i nüma ya Tupana rü tá ípetoexü̃gu nanapuxẽxẽ rü ñu̱xũchi ngẽxguma ngexwaca yaxo̱xgu i penetü rü tá wena nanapuxẽxẽ nax mea pexü̃́ nayaxü̃ca̱x rü yaxoxü̃ca̱x, rü pexü̃́ nangemaxü̃ca̱x i perü trigu, rü perü bínu, rü perü chíxü̃.

Ore i mexü̃ ga Matéu ümatüxü̃ 22:37

Rü Ngechuchu nanangãxü̃ rü ñanagürü: —Ngẽma Tupanaarü mu i guxü̃ i norü mugüarü yexera ixĩxü̃, rü ñanagürü: “¡Nüxü̃ nangechaü̃ ya Cori ya curü Tupana i guxü̃ne ya curü maxü̃nemaxã, rü guxü̃ i cuãẽmaxã, rü guxü̃ i nagu curüxĩnüxü̃maxã!” ñanagürü.

Chofonía 3:9

Rü ngẽxguma tá ngẽma ngunexü̃ ínguxgu rü mexü̃ i oremaxã tá chayadexagüxẽxẽ i duü̃xü̃gü nax ngẽmaãcü guxü̃ma i nümagü norü yumüxẽwa chomaxã yadexagüxü̃ca̱x rü guxü̃ma wüxigu choxü̃́ napuracüexü̃ca̱x.

Wiyaegü 34:9

Rü pema i aixcüma Cori ya Tupanaxü̃ ngechaü̃güxe, rü name nixĩ i nüxü̃ pemuü̃xe. Rü yíxema nüxü̃ muü̃xe rü taxuxü̃táma ta̱xacü tüxü̃́ nataxu.

Wenaxarü naxümatü ga Tupanaarü mugü 4:29

Natürü ngẽxguma ngẽma nachixü̃anegüwa pema rü guxü̃ma i perü ngúchaü̃maxã rü guxü̃ma i peãẽmaxã Cori ya perü Tupanaca̱x pewoegugu rü nüxü̃ tá ipeyangaugü.

Popera ga Yudíugü ga yaxõgüxü̃ca̱x ümatüxü̃ 12:28

Rü ñu̱xma nax guxü̃guca̱x tórü ãẽ̱xgacü yixĩxü̃ ya Tupana, rü name nax nüxna moxẽ ixãgüxü̃, rü nüxü̃ ingechaü̃güãcüma rü nüxü̃ imuü̃eãcüma nüxü̃ icua̱xüü̃güxü̃, ngẽma nüma nanaxwa̱xexü̃rüxü̃.

Echequié 11:20

Rü ñu̱xũchi i nümagü rü tá naga naxĩnüe i chorü mugü rü tá nagu namaxẽ. Rü nümagü rü tá chorü duü̃xü̃gü nixĩgü, rü choma rü tá norü Tupana chixĩ.

Wiyaegü 145:20

Rü nüma ya Cori ya Tupana rü tüxü̃ ínapoxü̃ ya yíxema nüxü̃ ngechaü̃güxe, natürü nanadai i ngẽma tama naga ĩnüechaü̃xü̃.

Wiyaegü 128:1

Rü cutaãxẽ i cumax erü nüxü̃ quicua̱xüxü̃ ya Cori ya Tupana rü naga cuxĩnü

Wiyaegü 81:13

Rü yexguma chi chauga pexĩnüegu, Pa Chorü Duü̃xü̃güx, rü chi nagu pexĩxgu ga yema pexü̃ chamuxü̃, Pa Iraétanüxü̃x, rü chi paxaxüchi chanaxãneexẽxẽ ga yema pemaxã rüxuanüã̱xgüxü̃ rü chi chanapoxcu —ñanagürü ga Tupana.

Yochué 22:5

Natürü ngẽma pexna naxca̱x chacaxü̃xicatama nixĩ nax aixcüma peyanguxẽẽxü̃ i ngẽma Tupanaarü mugü ga norü duü̃ ga Moiché pemaxã nüxü̃ ixuxü̃ ga ñaxü̃: “¡Nüxü̃ pengechaxü̃ ya perü Cori ya Tupana rü penaxü̱x i ngẽma nüma nanaxwa̱exü̃! ¡Rü naga pexĩnüe i guxü̃ma i norü mugü, rü guxü̃guma naxca̱x pemaxẽ guxü̃ma i perü maxü̃maxã rü perü poramaxã!” —ñanagürü.

Wenaxarü naxümatü ga Tupanaarü mugü 30:20

¡Ẽcü nüxü̃ pengechaxü̃ ya Cori ya perü Tupana, rü naga pexĩnüe, rü aixcüma peyanguxẽxẽ i ngẽma pexü̃ namuxü̃! Erü naxme̱xwa nangẽxma i perü maxü̃ rü ngẽma perü ngunexü̃gü i nagu tá pemaxẽxü̃ nawa i ngẽma naane ga perü o̱xigü ga Abraáü̃ rü Ichaá rü Acóbumaxã naxueguxü̃ —ñanagürü ga Moiché.

Wenaxarü naxümatü ga Tupanaarü mugü 30:16

Rü ngẽxguma tá naga pexĩnüegu i ngẽma mugü i ñu̱xma pexü̃ chamuxü̃, rü nüxü̃ pengechaxü̃gu ya perü Cori ya Tupana, rü nagu pexĩxgu i ngẽma nüma nanaxwa̱xexü̃, rü peyanguxẽẽgu i norü mugü rü ucu̱xẽgü, rü mucü ya taunecü tá pemaxẽ, rü tá pimu, rü nüma ya Cori ya Tupana rü tá pexü̃ narüngü̃xẽxẽ nawa i ngẽma nachixü̃ane i nawa tá pengẽxmagüxü̃.

Nüxíraxü̃xü̃ ga popera ga Cuáü̃ ümatüxü̃ 5:5

Rü yíxema yaxṍxe nax Tupana Nane yixĩxü̃ ya Ngechuchu, rü yíxema tixĩ ya nüxü̃ rüporamaexẽ i ñoma i naanearü ngúchaü̃ i chixexü̃gü.

Nüxíraxü̃xü̃ ga popera ga Cuáü̃ ümatüxü̃ 2:15

¡Taxṹ i pexü̃́ nangúchaü̃xü̃ i ñoma i naane rü norü ngẽmaxü̃gü! Ngẽxguma chi texéaxü̃́ nangúchaü̃gu i ñoma i naane rü tama Tanatü ya Tupanaxü̃ tangechaü̃.

Romanos 8:28

Rü nüxü̃ tacua̱x rü tümaarü mexü̃ca̱x nixĩ ya Tupana ínangu̱xẽẽxü̃ i guxü̃ma i ngẽma tüxü̃ üpetüxü̃ ya yíxema nüxü̃ ngechaü̃güxe ga nüma nagu naxĩnüxü̃ca̱x tüxü̃ nadexe.

Ore i mexü̃ ga Luca ümatüxü̃ 11:42

Natürü wüxi i ngechaü̃ nixĩ i pexca̱x, Pa Parichéugüx, erü pema rü ngẽma penetügü i mentawa rü rúdawa rü berdúrawa rü Tupanana penaxã i ngẽma nüxna üxü̃, natürü tama tümagu perüxĩnüe ya yíxema ngearü diẽruã̱xgüxe rü tama aixcüma Tupanaxü̃ pengechaxü̃gü. Rü name i Tupanana penaxã i ngẽma nüxna üxü̃, rü naétü name i ngẽma ngearü diẽruã̱xgüxü̃na penaxã i perü diẽru.

Yox 36:11

Rü ngẽxguma naga naxĩnüegu, rü guxü̃gutáma namaxẽyane rü taãẽwa rü mexü̃wa nangẽxmagü.

Wenaxarü naxümatü ga Tupanaarü mugü 6:13

¡Rü nüxü̃ picua̱xüxü̃ ya Cori ya perü Tupana, rü yimágaxicatama pexĩnüe! Rü ngẽxguma wüxi i uneta pexü̱xgu ¡rü Cori ya Tupanaégaguxicatama penaxü̱x!

Ngechuchuarü ngúexü̃gü ga yamugüxü̃arü puracüchiga 9:31

Rü yema yaxõgüxü̃ ga guxü̃ma ga Yudéaanewa, rü Gariréaanewa rü Chamáriaanewa rü taãẽwa nayexmagü, rü yexeraãcü nayaxõgüetanü. Rü Cori ya Tupanaga naxĩnüe rü nüxü̃ namuü̃e. Rü Tupanaãxẽ ya Üünecüarü ngü̃xẽẽmaxã nimuetanü.

Romanos 1:9

Rü Tupanaaxü̃́ nixĩ i guxü̃ma i chorü ngúchaü̃maxã chapuracüxü̃ rü nüxü̃ chixuxü̃ i norü ore i mexü̃ i Nanechiga. Rü nüma ya Tupana choxü̃ nadau rü nüxü̃ nacua̱x nax guxü̃guma pexca̱x chayumüxẽxü̃.

Wiyaegü 18:1

Pa Corix, Pa Tupanax, cuma nixĩ i chorü poraxẽẽruxü̃ quixĩxü̃. Rü choma rü cuxü̃ changechaü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:5

Rü ngẽma ucu̱xẽ i cumaxã nüxü̃ chixuxü̃ rü nachiga nixĩ i ngẽma ngechaü̃ i wüxi ya maxü̃ne ya ngearü chixexü̃ã́xü̃wa ne ũxü̃, rü wüxi i ĩnü i mexü̃wa ne ũxü̃, rü wüxi i õ i aixcüma ixĩxü̃wa ne ũxü̃. Rü name nax ngẽma ngechaü̃maxã yigü ingechaxü̃güxü̃.

Ínachoxü̃xü̃chiga 23:25

¡Rü nüxü̃ icua̱xüxü̃ ya Cori ya curü Tupana, erü nüma tá cuxü̃ narüngü̃xẽxẽ namaxã i curü õnagü rü dexá. Rü choma rü tá cuxna chanayáxü̃guxẽxẽ i ngẽma da̱xaweane. Rü taxúetama tayu naxü̃pa nax mea o̱xiwa tangux. Rü cuchixü̃anewa rü nataxutama i ngecü i yuxacücü rü ñu̱xũchi ngexacüechacü.

Wenaxarü naxümatü ga Tupanaarü mugü 6:2

Rü ngẽxguma guxü̃ i perü maxü̃gu pema rü penegü rü petaagü nagu pexĩxgu i ngẽma mugü rü ucu̱xẽgü i ñu̱xma pemaxã nüxü̃ chixuxü̃ rü ngẽmaãcü tá penataãẽxẽxẽ ya perü Cori ya Tupana rü tá mucü ya taunecü pemaxẽ.

Wenaxarü naxümatü ga Tupanaarü mugü 6:24

Rü yemawena ga nüma ga Cori ya Tupana rü toxü̃ namu nax mea tayanguxẽẽxü̃ca̱x i guxü̃ma i ñaa norü mugü rü naga taxĩnüexü̃ca̱x nax mea toxü̃ naxüpetüxü̃ca̱x rü nüma toxü̃ namaxẽxẽẽxü̃ca̱x ñu̱xmata ñoma i ngunexü̃wa nangu.

Wenaxarü naxümatü ga Tupanaarü mugü 10:11

Rü nüma ga Cori ya Tupana rü ñanagürü choxü̃: “¡Ngéma naxũ, rü cugü namexẽxẽ nax namaxã icuxũãchixü̃ca̱x i ngẽma duü̃xü̃gü nax nagu pechocuxü̃ca̱x rü peyapuxü̃ca̱x i ngẽma naane ga nũxcümaü̃güxü̃ ga perü o̱xigümaxã nüxü̃ chixuxü̃ nax nüxna tá chanaxãxü̃!” ñanagürü.

Wenaxarü naxümatü ga Tupanaarü mugü 10:13

Rü ngẽma Tupana pexü̃́ naxwa̱xexü̃ nixĩ nax aixcüma peyanguxẽẽxü̃ i norü mugü rü ucu̱xẽgü i ñu̱xma pemaxã nüxü̃ chixuxü̃ nax mea pexü̃ nangupetüxü̃ca̱x.

Wenaxarü naxümatü ga Tupanaarü mugü 11:1

¡Rü nüxü̃ pengechaü̃gü ya perü Cori ya Tupana! ¡Rü peyanguxẽẽgü i norü ngu̱xẽẽtaegü, rü norü ucu̱xẽgü rü norü mugü rü guxü̃ma i ngẽma pemaxã nüxü̃ yaxuxü̃!

Yochué 24:14

Rü nüma ga Yochué rü ñanagürü ta: —Rü ñu̱xma rü name i aixcüma Cori ya Tupanaxü̃ pengechaxü̃gü rü naga pexĩnüe rü norü ngúchaü̃ pexü. Rü name nixĩ i nüxna pexĩgachixü̃ i ngẽma nũxcüma ga perü o̱xigüarü tupananetagü ga taxtü ga Eufrátecutüwa rü Equítuanewa nüxü̃ yacua̱xüü̃güxü̃.

Nüxíraxü̃xü̃ ga popera ga ãẽ̱xgacügüchiga 3:3

Rü nüma ga Charomóü̃ rü Cori ya Tupanaxü̃ nangechaü̃ rü nayanguxẽxẽ ga yema mugü ga nanatü ga Dabí nüxü̃ ixuxü̃. Natürü Cori ya Tupanaca̱x ãmare nadai rü pumarate̱xe ínagu nawa ga yema nachicagü ga ma̱xpǘnewa yexmagüxü̃.

Wiyaegü 119:2

Rü tataãẽgü ya yíxema naga ĩnüexe i norü mugü rü guxü̃ i tümaarü maxü̃maxã Tupanaca̱x daugüxe.

Ngu̱xẽẽtaeruü̃arü ore 12:13

Rü ngẽxma nayacua̱x i chorü dexa. Rü marü guxü̃xü̃ma chixu. ¡Rü Tupanaxü̃ nangechaxü̃ rü naga naxĩnü i norü mugü! Erü ngẽma nixĩ i guxü̃ma i ngẽma Tupana tüxü̃́ naxwa̱xexü̃.

Wenaxarü naxümatü ga Tupanaarü mugü 5:29

¡Rü chierüx guxü̃guma aixcüma ngẽmaguxicatama naxĩnüeechagu, rü choxü̃ nangechaü̃gügu rü guxü̃ i ngunexü̃gügu yanguxẽẽgüãgu i chorü mugü i nümagü rü naxacügü nax ngẽmaãcü guxü̃guma nataãẽgüxü̃ca̱x!

Wenaxarü naxümatü ga Tupanaarü mugü 26:16

Rü Cori ya perü Tupana rü pexü̃ namu i ñu̱xma nax nagu pexĩxü̃ca̱x i ngẽma norü mugü rü ucu̱xẽgü i pemaxã nüxü̃ chixuxü̃. ¡Rü mea peyanguxẽxẽ i perü maxü̃nemaxã rü peãẽmaxã!

Wenaxarü naxümatü ga Tupanaarü mugü 27:10

Rü ngẽmaca̱x i ñu̱xma i pema rü penaxwa̱xe nax naga pexĩnüexü̃ rü peyanguxẽẽxü̃ i ngẽma norü mugü i ñu̱xma pemaxã nüxü̃ chixuxü̃ —ñanagürü ga Moiché.

1 Chamué 12:20

Rü nüma ga Chamué rü nanangãxü̃ rü ñanagürü: —¡Taxuca̱xma pemuü̃e! Rü aixcüma nixĩ ga chixexü̃ pexüxü̃. Natürü i ñu̱xma rü ¡pexuãxẽ nax tama Cori ya Tupanana pexĩgachixü̃ca̱x, rü aixcüma nüxü̃ pengechaü̃güxü̃ca̱x rü nüxü̃ picua̱xüü̃güxü̃ca̱x!

Norü taxre ga popera ga ãẽ̱xgacügüchiga 10:31

Rü woo ga nax yemaxü̃ namaxã yaxuxü̃ ga Cori ya Tupana, rü nüma ga Yeú rü tama aixcüma Cori ya Iraétanüxü̃arü Tupanaarü mugü ninguxẽxẽ, yerü tama nüxna nixũgachi ga yema chixexü̃ ga Yeruboáü̃ Iraétanüxü̃xü̃ nagu yixẽẽxü̃.

Norü taxre ga popera ga ãẽ̱xgacügüchiga 18:3

Rü yema Echequía üxü̃ rü name ga Cori ya Tupanape̱xewa guma nũxcümaü̃cü ga norü o̱xi ga Dabí üxü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Norü taxre ga to ga popera ga ãẽ̱xgacügüchiga ümatüxü̃ 15:12

Rü yemawena rü wüxigu nüxü̃ nixugüe nax guxü̃nema ya norü maxü̃negümaxã tá naga naxĩnüexü̃ ya Cori ya norü o̱xigüarü Tupana.