Wenaxarü naxümatü ga Tupanaarü mugü 10:11 - Tupanaarü Ore

¹¹ Rü nüma ga Cori ya Tupana rü ñanagürü choxü̃: “¡Ngéma naxũ, rü cugü namexẽxẽ nax namaxã icuxũãchixü̃ca̱x i ngẽma duü̃xü̃gü nax nagu pechocuxü̃ca̱x rü peyapuxü̃ca̱x i ngẽma naane ga nũxcümaü̃güxü̃ ga perü o̱xigümaxã nüxü̃ chixuxü̃ nax nüxna tá chanaxãxü̃!” ñanagürü.

Wenaxarü naxümatü ga Tupanaarü mugü 10:11 Referans Kwoze

Ínachoxü̃xü̃chiga 33:1

Rü nüma ga Cori ya Tupana rü Moichéxü̃ ñanagürü: —¡Inaxũãchi namaxã i ngẽma duü̃xü̃gü ga Equítuanewa ícugaxü̃xü̃! ¡Rü nawa naxũ i ngẽma naane ga Abraáü̃maxã, rü Ichaámaxã, rü Acóbumaxã nüxü̃ chixuxü̃ nax nataagüna tá chanaxãxü̃!

Ínachoxü̃xü̃chiga 32:34

Rü ñu̱xma rü namaxã inaxũãchi i Iraétanüxü̃ nax ngẽma naane i cumaxã nüxü̃ chixuxü̃wa nax cunagagüxü̃. Rü chorü orearü ngeruxü̃ i dauxü̃cüã̱x tá cuxü̃ ínixümücü. Rü ngẽxguma nawa nanguxgu i ngẽma ngunexü̃ nax chapoxcuexü̃ i ngẽma Iraétanüxü̃, rü tá chanapoxcue nagagu i ngẽma chixexü̃ i naxügüxü̃ —ñanagürü ga Tupana.

Wenaxarü naxümatü ga Tupanaarü mugü 10:10

Rü Moiché rü ñanagürü: —Choma rü 40 ga ngunexü̃ rü 40 ga chütaxü̃ guma ma̱xpǘne ga Chinaíwa chayexma, noxrirüü̃tama. Rü Cori ya Tupanana chaca nax tama pexü̃ nada̱i̱xü̃ca̱x, rü nüma rü choxü̃ naxĩnü rü yemaca̱x tama pexü̃ nadai.

Wenaxarü naxümatü ga Tupanaarü mugü 10:12

Rü ñu̱xma Pa Iraétanüxü̃x ¿ta̱xacü nixĩ i perü Cori ya Tupana pexü̃́ naxwa̱xexü̃? Rü ngẽma pexü̃́ nanaxwa̱xexü̃ nixĩ nax nüxü̃ picua̱xüü̃güxü̃ rü aixcüma naga pexĩnüexü̃ rü nacümagu pexĩxü̃, rü nüxü̃ pengechaü̃güxü̃ rü ñu̱xũchi nüxü̃́ pepuracüexü̃ guxü̃ma i perü maxü̃maxã rü guxü̃ i peãẽmaxã.

Wenaxarü naxümatü ga Tupanaarü mugü 1:8

Choma rü marü pexna chanaxã i ngẽma naane. ¡Rü ngéma pexĩ rü penayaxu i ngẽma naane i choma ya Cori ya Tupana yema nũxcümaü̃güxü̃ ga perü o̱xigü ga Abraáü̃, rü Ichaá, rü Acóbu, rü ñu̱xũchi nataagümaxã chaxueguxü̃ nax nüxna chanaxãxü̃!” ñanagürü ga Tupana.