Wenaxarü naxümatü ga Tupanaarü mugü 10:1 - Tupanaarü Ore

¹ Rü nüma ga Moiché rü ñanagürü: —Rü yixcama nüma ga Cori ya Tupana rü ñanagürü choxü̃: “¡Ẽcü, cumatama naxü i taxre i nutatachinü ga yema noxri cuxna chaxãxü̃raxü̃xü̃güxü̃! ¡Rü ngẽxgumarüxü̃ ta naxü i wüxi i baú i mürapewanaxca̱x, rü ñu̱xũchi daa ma̱xpǘne ya Chinaígu naxĩnagü nax ngéma chomaxã quidexaxü̃ca̱x!

Wenaxarü naxümatü ga Tupanaarü mugü 10:1 Referans Kwoze

Popera ga Yudíugü ga yaxõgüxü̃ca̱x ümatüxü̃ 9:4

Rü yéma nayexma ga yema mecha ga úirunaxca̱x ga nawa yagugüãxü̃ ga pumara ga yixixü̃. Rü yéma nayexma ta ga yema baú ga guxü̃wama úirumaxã tüxünexü̃ ga Tupanaarü mugü nagu nucuxü̃. Rü yematama baúarü aixepewa nayexma ga wüxi ga napaxü̃ ga úirunaxca̱x ga maná ga daxũwa rüyixü̃maxã ããcuxü̃. Rü yexgumarüxü̃ ta yema baúarü aixepewa nayexma ga Aróü̃arü caxü̃ruxü̃ ga rüxüxü̃ne, rü gumá nutagü ga Tupanaarü mugü nagu ümatügüxü̃.

Ínachoxü̃xü̃chiga 34:4

Rü nüma ga Moiché rü nanaxü ga yema taxre ga nutatachinügü ga yema nanüxíraxü̃xü̃güraxü̃xü̃tama. Rü moxü̃ãcü pa̱xmama rü nanade ga yema taxre ga nutatachinügü rü namaxã dauxü̃ naxĩ nawa ga guma ma̱xpǘne ga Chinaí, yema Cori ya Tupana namaxã nüxü̃ ixuxü̃ãcü.