Wenaxarü naxümatü ga Tupanaarü mugü 1:8 - Tupanaarü Ore

⁸ Choma rü marü pexna chanaxã i ngẽma naane. ¡Rü ngéma pexĩ rü penayaxu i ngẽma naane i choma ya Cori ya Tupana yema nũxcümaü̃güxü̃ ga perü o̱xigü ga Abraáü̃, rü Ichaá, rü Acóbu, rü ñu̱xũchi nataagümaxã chaxueguxü̃ nax nüxna chanaxãxü̃!” ñanagürü ga Tupana.

Wenaxarü naxümatü ga Tupanaarü mugü 1:8 Referans Kwoze

Naanearü ügüchiga 15:18

Tupana rü yematama ngunexü̃gu Abráü̃maxã inaxuneta rü ñanagürü nüxü̃: —Choma tá cutaagüna chanaxã i guxü̃ma i ñaa naane i Equítuanearü natüwa inaxügü rü ñu̱xmatáta ngẽma natü i Eufrátewa nangu.

Naanearü ügüchiga 12:7

Rü yema nachicawa rü Cori ya Tupana rü Abráü̃ca̱x nango̱x. Rü ñanagürü nüxü̃: —Ñaa naane tá nixĩ i cutaagüna chaxãxü̃ —ñanagürü. Rü yexguma ga Abráü̃ rü yexma Tupanaégagu nanaxü ga wüxi ga ãmarearü guruxü̃ yerü yéma nixĩ ga naxca̱x nangóxü̃.

Naanearü ügüchiga 15:16

Rü ngẽxguma 400 ya taunecüguwena rü cutaagü rü tá ñaa naaneca̱x nawoegu. Erü ngẽma duü̃xü̃gü i Amoréutanüxü̃ i ñu̱xma ñaa naanegu ãchiü̃güxü̃ rü taxũta nangupetüxüchi i ngẽma norü chixexü̃ nax chanapoxcuexü̃ca̱x —ñanagürü ga Tupana.

Popera ga Yudíugü ga yaxõgüxü̃ca̱x ümatüxü̃ 6:13

Rü dücax, yexguma tórü o̱xi ga Abraáü̃maxã inaxunetagu ga Tupana rü nügüégagutama inaxuneta, yerü tataxuma ga texé ga norü yexera ixĩxẽ nax tümaégagu inaxunetaxü̃ca̱x.

Popera ga Yudíugü ga yaxõgüxü̃ca̱x ümatüxü̃ 6:14

Rü yemaca̱x ga Tupana rü Abraáü̃xü̃ ñanagürü: “Choma rü tá aixcümaxü̃chi poraãcü cuxü̃ charüngü̃xẽxẽxü̃. Rü tá cuxü̃́ nangẽxma i muxũchixü̃tama i cutaagü”, ñanagürü.

Ínachoxü̃xü̃chiga 23:31

Rü ngẽma curü üyeane i choma ichaxüxü̃ rü Már i Dauchíüxü̃wa inaxügü rü ñu̱xmata Firitéutanüxü̃arü márcutügu yacuáx. Rü ngẽma chianexü̃wa inaxügü rü ñu̱xmata taxtü i Eufrátewa nangu. Rü choma rü marü cuxme̱xwa tá chanangexmagüxẽxẽ i guxü̃ma i ngẽma duü̃xü̃gü i ngẽma nachixü̃anecüã̱xgü. Rü cuma tá nixĩ i ícunawoxü̃xü̃ i ngẽma naanewa.

Ínachoxü̃xü̃chiga 33:1

Rü nüma ga Cori ya Tupana rü Moichéxü̃ ñanagürü: —¡Inaxũãchi namaxã i ngẽma duü̃xü̃gü ga Equítuanewa ícugaxü̃xü̃! ¡Rü nawa naxũ i ngẽma naane ga Abraáü̃maxã, rü Ichaámaxã, rü Acóbumaxã nüxü̃ chixuxü̃ nax nataagüna tá chanaxãxü̃!

Wenaxarü naxümatü ga Tupanaarü mugü 1:11

Rü chanaxwa̱xe nax yimá nũxcümaü̃güxü̃ i perü o̱xigüarü Tupana rü ñu̱xmaarü yexera 1,000 e̱xpü̱xcüna pexü̃ yamuxẽẽxü̃. Rü yema Tupana pemaxã naxueguxü̃ãcüma, chanaxwa̱xe i pexü̃ narüngü̃xẽxẽ.

Wenaxarü naxümatü ga Tupanaarü mugü 11:24

Rü guxü̃ma i ngẽma naane i nawa pengugüxü̃ rü pengagüxü̃ rü pexrü tá nixĩ. Rü ngẽma perü üyeane i súrwaama rü chianexü̃wa tá inaxügü rü ñu̱xmatáta Líbanuanewa nangu i nórtewa. Rü éstewa rü natü ya Eufrátewa tá inaxügü rü ñu̱xmatáta Már i Mediteráneuwa nangu i oéstewaama.

Neemía 9:15

Rü ñu̱xũchi dauxü̃guxü̃ ga naanewa naxca̱x cunayixẽxẽ ga paũ ga maná nax yema nangõ̱xgüxü̃ca̱x. Rü nutawa naxca̱x cunagoxü̃chíüxẽxẽ ga dexá nax yemawa naxaxegüxü̃ca̱x. Rü ñu̱xũchi namaxã nüxü̃ quixu nax nagu nachocuxü̃ca̱x ga yema naane ga namaxã cuxueguxü̃.

Yeremía 32:22

Rü Iraétanüxü̃na cunaxã ga ñaa naane i ñu̱xma nawa tangexmagüxü̃ i ngextá mexü̃ i õna rü lechi rü ira ñoma dexárüxü̃ taguma ítaxuxü̃wa, yema torü o̱xigümaxã nüxü̃ quixuxü̃rüxü̃.

Wenaxarü naxümatü ga Tupanaarü mugü 1:35

“Rü bai i wüxi i ñaa duü̃xü̃gü i chixecümagüxü̃ rü tá nüxü̃ nadaugü i ngẽma naane i mexü̃ ga norü o̱xigümaxã nüxü̃ chixuxü̃.

Wenaxarü naxümatü ga Tupanaarü mugü 4:1

Rü ñu̱xma Pa Chautanüxügü Pa Iraétanüxü̃x, ¡rü nüxü̃ pexĩnüe i ngẽma Tupanaarü mugü ga pexü̃ changúexẽxẽxü̃ nax aixcüma mea peyanguxẽẽxü̃ca̱x rü nagu pemaxẽxü̃ca̱x rü ngẽmaãcü penayaxuxü̃ca̱x i ngẽma naane i nũxcümaü̃güxü̃ i perü o̱xigüarü Cori ya Tupana tá pexna ãxü̃!

Wenaxarü naxümatü ga Tupanaarü mugü 6:10

Rü nüma ya yimá perü Cori ya Tupana rü nawa tá pexü̃ nangugüxẽxẽ i ngẽma naane i nũxcümaü̃güxü̃ ga perü o̱xigü ga Abraáü̃maxã, rü Ichaámaxã, rü Acóbumaxã naxuegugüxü̃ nax pexna tá naxããxü̃. Rü ngẽma naanewa rü nangẽxmagü i taxü̃ne rü imexẽchine ya ĩanegü ya pema tama pexügüne.

Wenaxarü naxümatü ga Tupanaarü mugü 7:8

Rü nüma ga Cori ya Tupana rü pexü̃ nangechaxü̃ rü nayanguxẽẽchaü̃ ga yema uneta ga nũxcümaü̃güxü̃ ga perü o̱xigümaxã naxueguxü̃. Rü yemaca̱x pexü̃ ínagaxü̃ ga Equítuanewa ga ngextá mugüruü̃gü ípixĩgüxü̃wa. Rü taxü̃ ga norü poramaxã pexü̃ ínanguxü̃xẽxẽ naxme̱xwa ga Equítuanearü ãẽ̱xgacü ga Faraóü̃.

Wenaxarü naxümatü ga Tupanaarü mugü 7:12

Rü nawena nax nüxü̃ pexĩnüexü̃ i ñaa mugü, rü ngẽxguma aixcüma peyanguxẽẽgu rü nagu pexĩxgu i ñaa mugü, rü nüma ya Cori ya Tupana rü aixcüma tá nayanguxẽxẽ ga yema norü uneta ga nügüégagu perü o̱xigümaxã nüxü̃ yaxuxü̃.

Wenaxarü naxümatü ga Tupanaarü mugü 7:13

Rü pexü̃ tá nangechaü̃, rü pexü̃ tá narüngü̃xẽxẽ rü ñu̱xũchi pexü̃ tá nimuxẽxẽ. Rü tá nüxü̃ narüngü̃xẽxẽ i penegü, rü tá nayamuxẽxẽ i penetügüarü o rü perü tríguarü o, rü tá pexü̃́ nangẽxma i perü bínu rü perü chíxü̃gü, rü tá namu i perü wocaxacügü rü perü carnéruxacügü. Rü ngẽmaãcü tá pexü̃ narüngü̃xẽxẽ nawa i ngẽma naane i nũxcümaü̃güxü̃ ga perü o̱xigümaxã naxueguxü̃ nax pexna tá naxããxü̃.

Wenaxarü naxümatü ga Tupanaarü mugü 8:1

Rü ñanagürü ga Moiché: —¡Ẽcü nagu pexĩ i ngẽma mugü i ñu̱xma pexna chaxãxü̃ nax namáxü̃ca̱x i perü maxü̃ rü pimuxü̃ca̱x, rü ngẽmaãcü penayaxuxü̃ca̱x i ngẽma naane ga perü o̱xigümaxã nüxü̃ yaxuxü̃ ga Tupana!

Wenaxarü naxümatü ga Tupanaarü mugü 9:5

Rü tama nixĩ i perü mexü̃gagu rü bai nax mea pemaxẽxü̃gagu tá yixĩxü̃ i peyapu̱xü̃ i ngẽma naane. Rü nüma ya Cori ya Tupana rü ngẽma duü̃xü̃güarü chixexü̃gügagu tá nixĩ i pepe̱xewa ínawoxü̃ãxü̃ nax ngẽmaãcü yanguxẽẽãxü̃ca̱x ga yema uneta ga nũxcümaü̃güxü̃ ga perü o̱xigü ga Abraáü̃, rü Ichaá, rü Acóbumaxã nüxü̃ yaxuxü̃.

Wenaxarü naxümatü ga Tupanaarü mugü 10:11

Rü nüma ga Cori ya Tupana rü ñanagürü choxü̃: “¡Ngéma naxũ, rü cugü namexẽxẽ nax namaxã icuxũãchixü̃ca̱x i ngẽma duü̃xü̃gü nax nagu pechocuxü̃ca̱x rü peyapuxü̃ca̱x i ngẽma naane ga nũxcümaü̃güxü̃ ga perü o̱xigümaxã nüxü̃ chixuxü̃ nax nüxna tá chanaxãxü̃!” ñanagürü.

Wenaxarü naxümatü ga Tupanaarü mugü 11:9

Rü ngẽxguma peyanguxẽẽgu i guxü̃ma i ngẽma mugü rü mucüma ya taunecü tá nawa pemaxẽ i ngẽma naane ga Cori ya Tupana nũxcümaü̃güxü̃ ga perü o̱xigümaxã rü nataagümaxã ueguxü̃ nax nüxna naxãgüãxü̃ca̱x. Rü ngẽma naanewa rü yimá lechi rü berure rü ñoma dexárüxü̃ niya̱xmare rü taguma nataxu.

Wenaxarü naxümatü ga Tupanaarü mugü 26:3

Rü naxü̃tawa tá cuxũ ya yima chacherdóte i ngẽma ngunexü̃gu puracücü, rü ñacurügü tá nüxü̃: “Ñu̱xma i choma rü Cori ya Tupanape̱xewa nüxü̃ chixu nax marü nawa changexmaxü̃ i ngẽma naane ga Cori ya Tupana tórü o̱xigümaxã nüxü̃ ixuxü̃ nax tüxna tá naxããxü̃”, ñacurügü.

Wenaxarü naxümatü ga Tupanaarü mugü 26:15

Rü cuma nax dauxü̃wa cungexmaxü̃ ya cupata ya üünenewa ¡rü toxü̃ nadawenü rü mexü̃ tomaxã naxuegu i toma i curü duü̃xü̃gü i Iraétanüxü̃! ¡Rü mexü̃ namaxã naxuegu i ñaa naane i toxna cuxãxü̃ i ngexta yima lechi rü berure rü ñoma dexárüxü̃ taguma ínataxuxü̃wa, yema tórü o̱xigümaxã nüxü̃ quixuxü̃rüxü̃!”

Wenaxarü naxümatü ga Tupanaarü mugü 28:11

Rü ngẽxguma marü nawa pengẽxmagügu i ngẽma naane i Cori ya Tupana perü o̱xigümaxã nüxü̃ ixuxü̃ nax pexna naxããxü̃, rü ngẽxguma ya nüma ya Cori ya Tupana rü tá pexü̃ nanawe̱x i norü ngechaü̃, rü tá nimu i penegü, rü pexacügü, rü pexü̃nagü rü penetügüarü o.

Wenaxarü naxümatü ga Tupanaarü mugü 29:12

Rü nua pengutaque̱xegü nax Cori ya Tupanape̱xewa nüxü̃ pixuxü̃ca̱x nax aixcüma tá peyanguxẽẽxü̃ i ngẽma uneta i Cori ya perü Tupana pemaxã üxü̃.

Wenaxarü naxümatü ga Tupanaarü mugü 30:20

¡Ẽcü nüxü̃ pengechaxü̃ ya Cori ya perü Tupana, rü naga pexĩnüe, rü aixcüma peyanguxẽxẽ i ngẽma pexü̃ namuxü̃! Erü naxme̱xwa nangẽxma i perü maxü̃ rü ngẽma perü ngunexü̃gü i nagu tá pemaxẽxü̃ nawa i ngẽma naane ga perü o̱xigü ga Abraáü̃ rü Ichaá rü Acóbumaxã naxueguxü̃ —ñanagürü ga Moiché.

Wenaxarü naxümatü ga Tupanaarü mugü 31:7

Rü yemawena ga Moiché rü Yochuéca̱x naca, rü guxü̃ma ga yema Iraétanüxü̃pe̱xewa ñanagürü nüxü̃: —¡Ẽcü cugü írüpora! Erü cuma tá nixĩ i cuyagagüxü̃ i ñaa duü̃xü̃gü nawa i ngẽma naane ga Cori ya Tupana tórü o̱xigümaxã nüxü̃ ixuxü̃. Rü cuma tá nixĩ i namaxã cunapuxü̃ i ngẽma naane.

Wenaxarü naxümatü ga Tupanaarü mugü 34:4

Rü nüma ga Cori ya Tupana rü ñanagürü Moichéxü̃: —Ñaa nixĩ i ngẽma naane ga curü o̱xigü ga Abraáü̃, rü Ichaá, rü Acóbumaxã nüxü̃ chixuxü̃ rü tá nataagüna chaxãxü̃. Rü ngẽmaca̱x chanaxwa̱xe nax cuxetümaxãxü̃chi nüxü̃ cudauxü̃, rü woo i cuma rü taxũtáma nawa cungu —ñanagürü.

Yochué 1:6

¡Rü cugü írüpora rü taxṹ i cugü cutaeguxü̃! Erü cuma tá nixĩ i nüxü̃ cuyanuxü̃ i norü naane i ñaa duü̃xü̃gü, yerü yema nixĩ ga perü o̱xigümaxã nüxü̃ chixuxü̃.

Ãẽ̱xgacügü ga guxchaxü̃güarü mexẽxẽruü̃gü 2:1

Rü Tupanaarü orearü ngeruxü̃ i dauxü̃cüã̱x rü Guirigáwa inaxũãchi rü Boquíü̃wa naxũ rü yéma Iraétanüxü̃xü̃ ñanagürü: —Choma nixĩ ga Equítuanewa pexü̃ íchagaxü̃, rü ñaa naane ga perü o̱xigümaxã nüxü̃ chixuxü̃wa pexü̃ chagagüxü̃. Yerü yexguma perü o̱xigümaxã nüxü̃ chixuxgu rü ñachagürü: “Ngẽma chorü uneta i pemaxã nüxü̃ chixuxü̃ rü tagutáma ichayanaxoxẽxẽ. Natürü tama chanaxwa̱xe i pema nax ta̱xacürü uneta namaxã pexügüxü̃ i ngẽma duü̃xü̃gü i ngéma maxẽxü̃. Rü ngẽma chanaxwa̱xexü̃ nixĩ nax nagu pepogüexü̃ i ngẽma norü ãmarearü guruü̃gü”, ñachagürü. Natürü i pema rü tama chauga pexĩnüe. ¡Rü dücax, nüxü̃ peda̱u̱x i ngẽma pexüxü̃!