Wenaxarü naxümatü ga Tupanaarü mugü 1:7 - Tupanaarü Ore

⁷ ¡Rü penade i perü ngẽmaxü̃gü rü ipexĩãchi nax ngẽma Amoréutanüxü̃arü máxpü̱xanexü̃wa pexĩxü̃! ¡Rü nawa pexĩ i guxü̃ma i ngẽma naanegü i norü ngaicamana ngẽxmagüxü̃! ¡Rü ngẽxgumarüxü̃ ta Arabáanewa, rü máxpü̱xanexü̃wa, rü doxonexü̃wa, rü Négueanewa, rü Már i Mediteráneupechinüwa, rü Canaáü̃tanüxü̃arü naanewa, rü Líbanuanewa rü ñu̱xmata taxtü i Eufrátewa pexĩ!

Wenaxarü naxümatü ga Tupanaarü mugü 1:7 Referans Kwoze

Wenaxarü naxümatü ga Tupanaarü mugü 11:24

Rü guxü̃ma i ngẽma naane i nawa pengugüxü̃ rü pengagüxü̃ rü pexrü tá nixĩ. Rü ngẽma perü üyeane i súrwaama rü chianexü̃wa tá inaxügü rü ñu̱xmatáta Líbanuanewa nangu i nórtewa. Rü éstewa rü natü ya Eufrátewa tá inaxügü rü ñu̱xmatáta Már i Mediteráneuwa nangu i oéstewaama.

Yochué 10:40

Rü Yochué rü norü churaragümaxã nanadaiãcu ga guxü̃ma ga yema ĩanegü ga yema naanewa yexmagüxü̃. Rü nüxü̃ narüporamae ga yema ãẽ̱xgacügü ga máxpü̱xanexü̃wa yexmagüxü̃, rü yema naxnücüane ga Néguewa yexmagüxü̃, rü yema ínadoxonexü̃wa yexmagüxü̃, rü yema ma̱xpǘnepechinü̃güwa yexmagüxü̃. Rü yemaacü nanadai ga guxü̃ma ga yema ãẽ̱xgacügü namaxã ga norü duü̃xü̃gü. Rü bai ga wüxi ga íyaxüxü̃ yema Cori ya Iraétanüxü̃arü Tupana namaxã nüxü̃ ixuxü̃rüxü̃.

Amúx 2:9

Natürü ga choma rü chanadaixichi ga yema Amoréutanüxü̃ ga ñoma ocayiwagürüxü̃ imáchanexü̃ rü ñoma castañagürüxü̃ iporaexü̃. Rü yemaacü chanaxü nax pexü̃́ chanatauchaxẽẽxü̃ca̱x nax nagu pechocuxü̃ca̱x i ñaa naane.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:3

Rü yexguma Chobáanearü ãẽ̱xgacü ga Adáx-éche rü yema naane ga taxtü ga Eufrátewa yexmaxü̃wa naxũxgu nax napuãxü̃ca̱x, rü Dabí rü ĩane ga Amágu Adáx-échemaxã nügü nadai rü nüxü̃ narüporamae.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:9

Rü naxü̃nagü rü Garaáxanewa nimu rü yemaca̱x nüma ga Béra rü éstewaama nüxü̃ nataneta ga norü naane ñu̱xmata nawa nangu ga yema naxnücüane ga taxtü ga Eufrátearü oéstewaama yexmaxü̃.

2 Chamué 8:3

Rü nüma ga Dabí rü yexgumarüxü̃ ta Reóx nane ga Adáx-éche ga Chobáarü ãẽ̱xgacüxü̃ narüporamae ga yexguma nüma ga Adáx-éche rü natü ga Eufrátewa naxũxgu nax wena naya̱u̱xãxü̃ca̱x ga yema naane.

Yochué 24:15

Natürü ngẽxguma tama Cori ya Tupanawe perüxĩxchaü̃gu ¡rü ñu̱xmatama nüxü̃ pixu i ta̱xacürü tupanawe tá perüxĩxü̃, rüe̱xna ngẽma tupananetagü ga nũxcüma ga perü o̱xigü nüxü̃ icua̱xüü̃güxü̃ ga taxtü ga Eufrátecutüwa, rüe̱xna ngẽma norü tupananetagü i Amoréutanüxü̃ i ñaa naanegu ãchiü̃güxü̃! Natürü i chomax rü chauxacügü rü Cori ya Tupanawe tá nixĩ i tarüxĩxü̃ —ñanagürü ga Yochué.

Yochué 1:4

Rü ngẽma naane i tá pexna chaxãxü̃, rü ngẽma chianexü̃ i súrwaama ngẽxmaxü̃wa inaxügü rü ñu̱xmata Líbanuarü ma̱xpǘnewa nangu i nórtewaama. Rü ngẽma naane rü taxtü i Eufrátewa inaxügü i éstewaama rü Itítanüxü̃anemaxã tá nangau ñu̱xmata Már i Mediteráneuwa nangu i oéstewaama.

Ínachoxü̃xü̃chiga 23:31

Rü ngẽma curü üyeane i choma ichaxüxü̃ rü Már i Dauchíüxü̃wa inaxügü rü ñu̱xmata Firitéutanüxü̃arü márcutügu yacuáx. Rü ngẽma chianexü̃wa inaxügü rü ñu̱xmata taxtü i Eufrátewa nangu. Rü choma rü marü cuxme̱xwa tá chanangexmagüxẽxẽ i guxü̃ma i ngẽma duü̃xü̃gü i ngẽma nachixü̃anecüã̱xgü. Rü cuma tá nixĩ i ícunawoxü̃xü̃ i ngẽma naanewa.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:14

Rü yema naga rü nanamu ga yema orearü ngeruxü̃ ga cornétaã́xü̃, rü ñanagürü nüxü̃: “¡Yawẽgüxü̃ i ngẽma ãgümücü i orearü ngeruü̃gü i daxũcüã̱x i taxtü i Eufrátegu ngãxü̃güxü̃!” ñanagürü.

Naanearü ügüchiga 12:9

Rü yemawena rü inaxũãchi rü meama inixũmare ñu̱xmata Négueanewa nangu.

Wenaxarü naxümatü ga Tupanaarü mugü 1:19

Rü nüma ga Moiché rü ñanagürü: —Yexguma ma̱xpǘne ga Oréxwa ixĩãchigu, rü guma ma̱xpǘnegü ga Amoréutanüxü̃ nagu ãchiü̃günewaama taxĩ, yerü yemaacü nixĩ ga tórü Cori ya Tupana tüxü̃ muxü̃. Rü nagu taxĩ ga yema chianexü̃ ga taxü̃ rü ãũcümaxü̃ ga pema marü nüxü̃ pedauxü̃, rü ñu̱xmata nawa tangugü ga Cadé-banéa.

Iraétanüxü̃arü muxchiga 10:12

Rü yema Iraétanüxü̃ rü inaxĩãchi ga Chinaíarü chianexü̃wa ñu̱xmata Paráü̃arü chianexü̃wa nangugü. Rü nüma ga caixanexü̃ rü yéma nayachaxãchi.

Yochué 9:1

Rü gumá Itítanüxü̃arü ãẽ̱xgacü, rü Amoréutanüxü̃arü ãẽ̱xgacü, rü Canaáü̃tanüxü̃arü ãẽ̱xgacü, rü Ferechéutanüxü̃arü ãẽ̱xgacü, rü Ebéutanüxü̃arü ãẽ̱xgacü, rü Yebuchéutanüxü̃arü ãẽ̱xgacü, rü nüxü̃ nacuáchigagü ga yema Yericúwa rü Áiwa ngupetüxü̃. Rü yema ãẽ̱xgacügü rü natü ga Yudáü̃arü oéstegu nixĩ ga naxãchiü̃güxü̃, rü nümaxü̃ rü ínamáxpü̱xanexü̃gu rü togü rü ínametachinüanexü̃gu, rü togü rü Már i Mediteráneucutügu rü ñu̱xmata Líbanuarü naanewa nangu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:29

Rü Chitrái ga Charóü̃cüã̱x nixĩ ga namaxã icuácü ga yema wocagü ga doxonexü̃ ga Charóü̃wa yexmagüxü̃. Rü Chapáx ga Adái nane nixĩ ga namaxã icuáxü̃ ga yema wocagü ga togü ga doxonexü̃güwa yexmagüxü̃.