Wenaxarü naxümatü ga Tupanaarü mugü 1:44 - Tupanaarü Ore

⁴⁴ Rü yexguma ga yema Amoréutanüxü̃ ga guma ma̱xpǘnegügu ãpatagüxü̃ rü pexca̱x naxĩ, rü ñoma máxẽgürüxü̃ pewe nangẽgü. Rü Cheígu pexü̃ nadai ñu̱xmata Ormágu yacuáx.

Wenaxarü naxümatü ga Tupanaarü mugü 1:44 Referans Kwoze

Wiyaegü 118:12

Rü ñoma máxẽgürüxü̃ choxü̃ ínachomaeguãchi. Natürü yema nax nanuexü̃ ga chorü uanügü rü ñoma ta̱xacü ixaxü̃ rü paxãma ixoxü̃rüxü̃ nixĩgü. Yerü Tupanaégagu nüxü̃ charüporamae.

Iraétanüxü̃arü muxchiga 14:45

Natürü yexguma yema ma̱xpǘneanewa nangugügu rü nümagü ga Amaréxtanüxü̃ rü Canaáü̃tanüxü̃ ga yexma ãchiü̃güxü̃ rü Iraétanüxü̃xü̃ nadai. Rü nawe nangẽgü rü ñu̱xmata Ormáwa nayawogü. Rü yemaacü nüxü̃ narüporamaegü.

Ichaía 7:18

Rü ngẽma ngunexü̃gu rü nüma ya Tupana rü tá ñoma murenügü i muxũchixü̃rüxü̃ tá cuxca̱x ínanangugüxẽxẽ i ngẽma churaragü i Equítuanearü natügü i yáxü̃guxü̃wa ne ĩxü̃. Rü ngẽxgumarüxü̃ tá ta cuxca̱x ínanangugüxẽxẽ i ngẽma Achíriaanecüã̱x i churaragü i ñoma beruretanü i muxũchixü̃rüxü̃ ixĩxü̃.

Iraétanüxü̃arü muxchiga 21:3

Rü Cori ya Tupana rü Iraétanüxü̃xü̃ nangãxü̃ ga yema naxca̱x ínacagüxü̃, rü nüxü̃ narüngü̃xẽxẽ nax Canaáü̃anecüã̱xgüxü̃ naporamaegüxü̃ca̱x. Rü nanadai ga guxü̃ma ga Canaáü̃anecüã̱xgü ga duü̃xü̃gü, rü yexgumarüxü̃ ta nagu nipogügü ga guxü̃nema ga norü ĩanegü. Rü yemaca̱x rü yema nachica rü Ormágu nanaxüéga.

Wenaxarü naxümatü ga Tupanaarü mugü 32:30

Rü choma nax Iraétanüxü̃arü poxü̃ruxü̃chire̱x chixĩxü̃ rü ñu̱xma rü norü uanügüaxü̃́ chanatauxchaxẽxẽ nax ngẽmame̱xẽgu nayixü̃ca̱x i ngẽma Iraétanüxü̃. Rü ngẽmaca̱x wüxitama i uanü rü 1,000 i Iraétanüxü̃xü̃ nibuxmüxẽxẽ, rü taxretama i uanügü rü 10,000 i Iraétanüxü̃xü̃ nibuxmüxẽxẽ.

Wenaxarü naxümatü ga Tupanaarü mugü 28:25

Rü nüma ya Cori ya Tupana rü tá perü uanügüme̱xẽgu pexü̃ nayixẽxẽ. Rü pema rü tá meama naxca̱x pichiyechimüü̃ãcü perü uanügüca̱x ípeyaxüãchi nax namaxã pegü pedaixü̃ca̱x. Natürü i pema rü tá naxcha̱xwa pibuxmü rü pegü pewoonemare. Rü guxü̃ma i togü i nachixü̃anegü i ñoma i naanewa ngẽxmagüxü̃ rü tá pemaxã naba̱i̱xãchie.

Yochué 7:5

Rü 36 ga Iraétanüxü̃xü̃ nadai, rü yema togü rü nawe nangẽgü ñu̱xmata guma ĩanearü ĩxpemawa nangugü, rü yexma norü tuãchianexü̃gu nayadai. Rü yemaca̱x ga Iraétanüxü̃ rü narümaachitanü rü poraãcü namuü̃e.