Wenaxarü naxümatü ga Tupanaarü mugü 1:3 - Tupanaarü Ore

^3-4 Rü 40 ga taunecü marü nangupetü nax Equítuanewa ínachoxü̃xü̃ ga yema Iraétanüxü̃. Rü Moiché rü marü nüxü̃ narüporamae ga gumá Amoréutanüxü̃arü ãẽ̱xgacü ga Chióü̃ ga Ebóü̃gu ãchiü̃cü rü gumá Bacháü̃arü ãẽ̱xgacü ga Óx ga Atarúgu ãchiü̃cü ga Edréianewa. Rü yexguma norü 40 ga taunecüwa nanguxgu ga norü 11 ga tauemacüarü ügügu, rü yexguma nixĩ ga Moiché Iraétanüxü̃maxã nüxü̃ yaxuxü̃ ga guxü̃ma ga yema ore ga Tupana namaxã nüxü̃ ixuxü̃ naxca̱x ga yema Iraétanüxü̃.

Wenaxarü naxümatü ga Tupanaarü mugü 1:3 Referans Kwoze

Iraétanüxü̃arü muxchiga 33:38

Rü nüma ga chacherdóte ga Aróü̃ rü yema Cori ya Tupana namaxã nüxü̃ ixuxü̃rüxü̃ guma ma̱xpǘne ga Órgu naxĩnagü rü yexma nayu. Rü marü ningu ga 40 ga taunecü nax Equítuanewa ínachoxü̃xü̃ ga Iraétanüxü̃. Rü gumá taunecüarü wüxime̱e̱xpü̱x ga tauemacüarü nüxíraxü̃xü̃ ga ngunexü̃gu nixĩ ga nayuxü̃.

Iraétanüxü̃arü muxchiga 20:1

Rü gumá taunecüarü nüxíraü̃cü ga tauemacügu nixĩ ga Iraétanüxü̃ ga chianexü̃ ga Chíü̃wa nangugüxü̃. Rü nachica ga Cadégu narücho. Rü yexma nixĩ ga nayuxü̃ ga Moiché naeya̱x ga María. Rü yexma ngĩxü̃ nata̱xgü.

Yochué 4:19

Rü nüma ga Iraétanüxü̃ rü meama nüxíraü̃cü ga tauemacüarü 10 ga ngunexü̃gu nixĩ ga nawa yachoü̃xü̃ ga natü ga Yudáü̃. Rü ĩane ga Guirigáarü ngaicamagu nayapexgü ga Yericúarü éstewaama.

Lebítanüxü̃arü puracüchiga 27:34

Rü yema nixĩ ga mugü ga Tupana Iraétanüxü̃ca̱x Moichémaxã nüxü̃ ixuxü̃ ga ma̱xpǘne ga Chinaíwa.

Iraétanüxü̃arü muxchiga 1:1

Rü yexguma norü taxre ga taunecüwa nanguxgu nax Equítuanewa ínachoxü̃xü̃, rü gumáarü taxre ga tauemacügu nixĩ ga Tupana ga Moichémaxã yadexaxü̃ nawa ga guma norü tügümüne ga napata ga Chinaíarü chianexü̃wa yexmane.