Biblia Todo Logo
Bib sou entènèt

- Piblisite -




Wenaxarü naxümatü ga Tupanaarü mugü 1:21 - Tupanaarü Ore

21 Rü nüma ya Cori ya tórü Tupana ixĩcü, rü marü pexna nanaxã i ñaa naane. ¡Rü ẽcü nawa pexĩ rü nagu pexãchiü̃gü ngẽma Cori ya perü o̱xigüarü Tupana nüxü̃ ixuxü̃rüxü̃! ¡Rü taxṹ i pemuü̃exü̃, rü bai tá iperümaãchitanüxü̃!” ñacharügü.

Gade chapit la Kopi




Wenaxarü naxümatü ga Tupanaarü mugü 1:21
20 Referans Kwoze  

Rü choma nixĩ i cuxü̃ chamuxü̃ nax cugü cuporaxẽẽxü̃ca̱x Rü tama name i cumuü̃xü̃ rü icuyarümaãchi, erü choma ya curü Cori ya Tupana rü tá cuxü̃tawa changexma i ngextá cuma ícuxũxü̃wa —ñanagürü ga Tupana.


Rü ngẽmaca̱x tama taxãnee nax ñagüxü̃: “Nüma ya Cori nixĩ ya choxü̃ rüngü̃xẽẽcü. Rü ngẽmaca̱x taxuca̱xma chamuü̃. ¿Rü texé tá ta̱xacürü chixexü̃ cha̱u̱xca̱x ítanguxẽxẽ?” ñagüxü̃.


Nüma ya Tupana rü tórü poxü̃ruxü̃ nixĩ rü tórü poraxẽẽruxü̃ nixĩ. Rü nüma rü tüxü̃ narüngü̃xẽxẽ ega guxchaxü̃ taxca̱x ínguxgux.


Rü yexguma yema ngugütaeruxü̃ ga Caréx rü nanachianexẽxẽ ga yema duü̃xü̃gü ga Moichépe̱xewa yexmagüxü̃ rü ñanagürü: —¡Ngĩxã tóxrüxü̃ tayaxĩxẽxẽ i ngẽma naane, erü yixema rü tüxü̃́ natauxcha nax tóxrüxü̃ yaxĩxẽẽxü̃! —ñanagürü.


¡Taxṹ i pemuü̃exü̃, Pa Chauxacügüx! Pema rü noxretama pixĩgü natürü Penatü ya Tupana rü norü ngúchaü̃ nixĩ nax pexna naxããxü̃ i pechica i ngextá nüma ãẽ̱xgacü íyixĩxü̃wa.


¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.


Rü Cori ya Tupana ya Guxãétüwa Ngẽxmacü rü tatanüwa nangẽxma. Rü nümatama i Acóbuarü Tupana nixĩ i tórü poxü̃ruxü̃ yixĩxü̃.


Rü nüma ya Cori ya Tupana ya Guxãétüwa Ngẽxmacü rü tatanüwa nangẽxma. Rü yimá Acóbuarü Tupana nixĩ ya tórü poxü̃ruxü̃ ixĩcü.


¡Rü cugü írüpora rü taxṹ i cugü cutaeguxü̃! Erü cuma tá nixĩ i nüxü̃ cuyanuxü̃ i norü naane i ñaa duü̃xü̃gü, yerü yema nixĩ ga perü o̱xigümaxã nüxü̃ chixuxü̃.


Rü ngẽxguma tá ipexĩãchigu nax perü uanügümaxã pegü pedaixü̃ca̱x, rü woo ngẽma perü uanügü rü pexü̃ namumaegu rü namuxgu i norü cowarugü rü norü carugü ya daiweü̃gü, rü taxũtáma nüxü̃ pemuü̃e, erü petanüwa tá nangẽxma ya perü Cori ya Tupana ga Equítuanewa pexü̃ ígaxü̃cü.


Rü yéma nixĩ ga pexü̃ ñachaxü̃: “Marü nawa tangugü i ñaa Amoréutanüxü̃ nawa ngẽxmagüxü̃ i máxpü̱xanexü̃ i Cori ya tórü Tupana tüxna ãxü̃.


Rü yexguma Cadé-banéawa Cori ya Tupana pexü̃ imuãchitanügu nax peyapuxü̃ca̱x ga yema naane ga nüma pexna naxãxü̃, rü tama naga pexĩnüechaü̃. Rü tama nüxü̃́ peyaxõgü rü tama peyangu̱xẽxẽ ga yema nüma pexü̃ namuxü̃.


Rü ñu̱xũchi dauxü̃guxü̃ ga naanewa naxca̱x cunayixẽxẽ ga paũ ga maná nax yema nangõ̱xgüxü̃ca̱x. Rü nutawa naxca̱x cunagoxü̃chíüxẽxẽ ga dexá nax yemawa naxaxegüxü̃ca̱x. Rü ñu̱xũchi namaxã nüxü̃ quixu nax nagu nachocuxü̃ca̱x ga yema naane ga namaxã cuxueguxü̃.


¡Rü taxṹ i nüxü̃ pemuü̃exü̃! ¡Rü nüxna pecua̱xãchie ga yema Cori ya perü Tupana Faraóü̃maxã rü ñu̱xũchi guxü̃ma ga yema Equítuanecüã̱xmaxã naxüxü̃!


¡Rü ngẽmaca̱x taxṹ i nüxü̃ pemuü̃exü̃! Erü yimá perü Cori ya Tupana rü Tupana ya poraxüchicü rü ãũcümaxü̃chicü nixĩ, rü nüma rü petanüwa nangẽxma.


“Pa Iraétanüxü̃, ¡Choxü̃́ iperüxĩnüe! Ñu̱xma rü tá perü uanügümaxã pegü pedai, natürü tama name i peyarümaãchitanü, rü pemuü̃e, rü naxcha̱xwa pidu̱xrue rü peba̱i̱xãchie.


Rü ngẽxguma ngẽma duü̃xü̃gümaxã pegü peda̱i̱xgu, ¡rü taxṹ i pemuü̃exü̃ rü peba̱i̱xãchiexü̃! ¡Rü pegü íperüporae! Erü nüma ya Cori ya perü Tupana rü tá petanüwa nangẽxma, rü nüma rü tagutáma pexna nixũgachi rü tagutáma pexü̃ ngéma nawogü —ñanagürü.


Swiv nou:

Piblisite


Piblisite