Wenaxarü naxümatü ga Tupanaarü mugü 1:19 - Tupanaarü Ore

¹⁹ Rü nüma ga Moiché rü ñanagürü: —Yexguma ma̱xpǘne ga Oréxwa ixĩãchigu, rü guma ma̱xpǘnegü ga Amoréutanüxü̃ nagu ãchiü̃günewaama taxĩ, yerü yemaacü nixĩ ga tórü Cori ya Tupana tüxü̃ muxü̃. Rü nagu taxĩ ga yema chianexü̃ ga taxü̃ rü ãũcümaxü̃ ga pema marü nüxü̃ pedauxü̃, rü ñu̱xmata nawa tangugü ga Cadé-banéa.

Wenaxarü naxümatü ga Tupanaarü mugü 1:19 Referans Kwoze

Wenaxarü naxümatü ga Tupanaarü mugü 1:2

Rü ngẽxguma ma̱xpǘne ya Oréxwa ixũãchigu rü 11 i ngunexü̃gü nixĩ i ingexü̃ nax Cadé-banéawa inguxü̃. Rü ngẽma nama i Cadé-banéawa daxü̃ rü ma̱xpǘne ya Cheígu nida.

Yeremía 2:6

Rü nüma ga perü o̱xigü rü marü tama chaugu narüxĩnüe rü nüxü̃ inarüngümae nax choma ya Cori ya Tupana yixĩxü̃ ga Equítuanewa íchanguxü̃xẽẽxü̃. Rü nüxü̃ inarüngümae nax choma yixĩxü̃ ga íchayagagüxü̃ nagu ga yema naane ga chianexü̃ ga taxuxü̃ma i nanetü nawa rüxüxü̃. Rü yema ínamáxpü̱xanexü̃wa ga ínangearü dexáã́xü̃wa chanagagü ga ínaxãũcümaxü̃wa rü taxúema nagu ãchiü̃xü̃wa, rü taxúema ixüpetüxü̃wa.

Wenaxarü naxümatü ga Tupanaarü mugü 8:15

Rü gumá nixĩ ga nagu pexü̃ ĩxẽẽcü ga yema taxü̃ ga chianexü̃ ga ãũcümaxü̃ ga ãxtapegü rü tuxchinawegü nawa muxü̃, rü dexá nawa taxuxü̃. Natürü ga nüma ga Cori ya Tupana rü nuta ga taicüwa dexá ínanagoxü̃chíüxẽxẽ rü yemawa pexü̃ naxaxegüxẽxẽ.

Wenaxarü naxümatü ga Tupanaarü mugü 32:10

Rü nüma ga Cori ya Tupana rü nüxü̃ nayangau ga yema norü duü̃xü̃gü nagu ga yema paanexü̃ ga chianexü̃ ga tacü ga buanecü nagu üxü̃. Rü nüxna nayapa̱xãchi nachacüümaxã rü ñu̱xũchi nayaxucu̱xẽgü. Rü nüxna nadau ñoma nügüxétüna nadauxü̃rüxü̃.

Iraétanüxü̃arü muxchiga 10:12

Rü yema Iraétanüxü̃ rü inaxĩãchi ga Chinaíarü chianexü̃wa ñu̱xmata Paráü̃arü chianexü̃wa nangugü. Rü nüma ga caixanexü̃ rü yéma nayachaxãchi.

Iraétanüxü̃arü muxchiga 32:8

Rü yematama nixĩ ga guxchaxü̃ ga naxügüxü̃ ga yema penatügü ga yexguma Cadé-banéawa chanamugügu nax yangugügüãxü̃ca̱x ga yema naane.

Wenaxarü naxümatü ga Tupanaarü mugü 1:7

¡Rü penade i perü ngẽmaxü̃gü rü ipexĩãchi nax ngẽma Amoréutanüxü̃arü máxpü̱xanexü̃wa pexĩxü̃! ¡Rü nawa pexĩ i guxü̃ma i ngẽma naanegü i norü ngaicamana ngẽxmagüxü̃! ¡Rü ngẽxgumarüxü̃ ta Arabáanewa, rü máxpü̱xanexü̃wa, rü doxonexü̃wa, rü Négueanewa, rü Már i Mediteráneupechinüwa, rü Canaáü̃tanüxü̃arü naanewa, rü Líbanuanewa rü ñu̱xmata taxtü i Eufrátewa pexĩ!

Wenaxarü naxümatü ga Tupanaarü mugü 1:20

Rü yéma nixĩ ga pexü̃ ñachaxü̃: “Marü nawa tangugü i ñaa Amoréutanüxü̃ nawa ngẽxmagüxü̃ i máxpü̱xanexü̃ i Cori ya tórü Tupana tüxna ãxü̃.

Wenaxarü naxümatü ga Tupanaarü mugü 2:7

Rü yimá Cori ya perü Tupana rü pexü̃ narüngü̃xẽxẽ nawa ga guxü̃ma ga yema pexüxü̃. Rü gumá 40 ga taunecü rü pemaxã nayexma rü pexna nadau ga yexguma yema taxüchixü̃ ga chianexü̃gu pexĩxgu. Rü taxuxü̃ma pexü̃́ nataxu ga yexguma.

Iraétanüxü̃arü muxchiga 13:13

rü Achétanüxü̃wa inamuãchi ga Chetú ga Micaé nane,

Yochué 10:41

Rü yemaacü wüxicana guxü̃ma ga yema ãẽ̱xgacügüxü̃ nadai rü nanapu ga guxü̃ma ga norü naanegü ga Cadé-banéawa inaxügü rü ñu̱xmata Gáchawa nangu, rü Gochéü̃wa inaxügü rü ñu̱xmata Gabaóü̃wa nangu. Yerü woetama Iraétanüxü̃étüwa naxü ga Tupana.