Biblia Todo Logo
Bib sou entènèt

- Piblisite -




Wenaxarü naxümatü ga Tupanaarü mugü 1:17 - Tupanaarü Ore

17 Rü ngẽxguma poxcu pexueguxgu naxca̱x i ngẽma chixexü̃ üxü̃, ¡rü taxúeétüwa pexü! Rü ngẽma ngearü diẽruã́xü̃ rü ngẽma diẽruã́xü̃ rü tá nawüxigumare i norü poxcu. ¡Rü taxũtáma texéxü̃ pemuü̃e! Erü Tupanawa nixĩ i ne naxũxü̃ i ngẽma pexueguxü̃. Rü ngẽxguma chi pema rü taxucürüwa penamexẽẽgu i wüxi i guxchaxü̃ ¡rü chomaxã nüxü̃ pixu nax ngẽmaãcü choma chanamexẽxẽxü̃ca̱x!” ñachagürü.

Gade chapit la Kopi




Wenaxarü naxümatü ga Tupanaarü mugü 1:17
48 Referans Kwoze  

Rü pemax, Pa Ãẽ̱xgacügü i Guxchaxü̃güarü Mexẽẽruü̃güx, ¡rü taxṹ i peyatoxẽxẽxü̃ i ngẽma guxchaxü̃arü mexẽxẽ! Rü ngẽxguma penamexẽẽgu i ngẽma duü̃xü̃güarü guxchaxü̃gü rü name nax guxãxü̃ma mea penamexẽẽxü̃ i tümarü guxchaxü̃gü. ¡Rü taxũtáma penayaxu ega texé pexü̃́ naxütanüchaü̃gu nax nawaama pexüxü̃ca̱x! Erü ngẽma diẽru rü ñoma yangexetüxü̃rüxü̃ nayaxĩgüxẽxẽ i ngẽma nüxü̃ cua̱xüchixü̃ rü ínayatoxẽxẽ i ngẽma aixcümaxü̃ ixugüxü̃arü dexa.


Natürü ngẽxguma mea penayauxgu i wüxi i yatü i mexchiruxü̃ rü chixri penayauxgu i ngẽma wexachiruxü̃, rü pecadu pexü. Rü Tupanaarü mugüpe̱xewa pegagutama chixexü̃ pexü.


Rü yemagü nixĩ ga guxü̃guma duü̃xü̃güaxü̃́ namexẽẽxü̃ ga norü guxchaxü̃gü. Rü yema guxchaxü̃gü ga guxchaxüchixü̃ rü Moichéme̱xẽwa nanangegü, natürü yema guxchaxü̃gü ga tauxchaxü̃ rü nümagütama nanamexẽẽgü.


Ñaagü nixĩ i norü ucu̱xẽgü i ngẽma nüxü̃ icua̱xüchigüxü̃, rü ñanagürügü: —Ngẽma ãẽ̱xgacügü i guxchaxü̃güarü mexẽẽruü̃gü rü ngẽxguma guxchaxü̃ namexẽẽgügu rü tama name nax tama guxãga naxĩnüexü̃.


Rü ñanagürü nüxü̃ ga yema ãẽ̱xgacügü ga guxchaxü̃arü mexẽẽruü̃gü: —Rü mea nagu perüxĩnüe i ngẽxguma guxchaxü̃ pemexẽẽgügu, erü tama duü̃xü̃égagu nixĩ i penamexẽẽxü̃, natürü Tupanaégagu nixĩ i penamexẽẽxü̃ i ngẽma guxchaxü̃gü. Rü nüma ya Tupana tá nixĩ i pexü̃tawa nangẽxmaxü̃ rü tá pexü̃ nangü̃xẽẽxü̃ i ngẽxguma ta̱xacürü guxchaxü̃ pemexẽẽgügu.


Rü cumax, Pa Ãẽ̱xgacüx, ¡rü ngẽxguma poxcu cuxuegu̱xgu rü taxũtáma chixri cunaxü i ngẽma! ¡Rü taxũtáma naétüwa cuxü i ngẽma ngearü diẽruã́xü̃ ega aixcüma chixexü̃ naxü̱xgu! ¡Rü taxũtáma naga cuxĩnü i ngẽma diẽruã́xü̃! Rü cumax, Pa Ãẽ̱xgacüx, rü ngẽxguma poxcu cuxuegu rü name i ngẽma aixcüma guxchaxü̃ üxü̃maxã cunaxuegu i poxcu.


Rü nümagü i ngẽma duü̃xü̃gümaxã icua̱xgüxü̃ rü tá nanamexẽẽgü i ngẽma guxchaxü̃gü i tauxchaxü̃. Natürü ngẽxguma nangẽxmagu i guxchaxü̃gü i guxchaxüchixü̃ nax namexẽẽxü̃ rü cumaxã tá nüxü̃ nixugü nax cuma cunamexẽẽxü̃ca̱x. Rü ngẽmaãcü tá cuxü̃́ natauxcha i ngẽma puracü, erü nümagü tá cuxü̃ narüngü̃xẽxẽ.


Rü pema nax “Pa Tonatüx”, ñapegüxü̃ nüxü̃ ya Tupana, rü ñu̱xma nax ñoma i naanewa pemaxẽxü̃ rü name nixĩ i guxü̃guma naga pexĩnüe rü nüxü̃ pemuü̃exü̃. Erü nüma rü aixcümaxü̃chi nanangugü i wüxichigü i duü̃xü̃güarü maxü̃ rü tüxü̃ napoxcu ya guxãma ya yíxema chixexü̃ ügüxe, rü taxúexü̃ma naxüpetü.


Yerü Tupana nixĩ ga toxü̃ unetacü rü toxü̃ mucü nax pemaxã nüxü̃ tixuxü̃ca̱x ga norü ore i tüxü̃ maxẽxẽẽxü̃. Rü yemaca̱x Tupana naxwa̱xexü̃ãcüma pemaxã nüxü̃ tixu ga yema ore. Rü tama duü̃xü̃güxü̃mare nax tataãẽxẽẽgüxü̃ca̱x pemaxã nüxü̃ tixu, natürü nüxü̃ tixu nax Tupanaxü̃ tataãẽxẽẽgüxü̃ca̱x. Rü nüma ya Tupana nixĩ i nangugüãxü̃ i ngẽma nagu rüxĩnüexü̃.


Ngẽxguma duü̃xü̃güxü̃ cumuü̃gu rü cugünatama guxchaxü̃ cuxã. Natürü texé ya Tupanaga ĩnüxe, rü nüma ya Tupana tüxna nadau.


Rü aixcüma nixĩ nax guxãtáma yuexü̃. Erü tórü maxü̃ rü ñoma dexá i waixü̃müanegu baxü̃rüxü̃ nixĩ nax taxucürüwama wena nayaxuxü̃. Natürü nüma ya Tupana rü taxúenama nanayaxu i maxü̃, natürü tüxü̃́ nanatauxchaxẽxẽ nax tataeguxü̃ca̱x ya yíxema nüxna yáxü̃guxe.


Natürü ga Tupana rü Chamuéxü̃ ñanagürü: —Tama name i norü düxétümarewa rü norü máchanemarewa nax cungugüxü̃ ya wüxi ya yatü. Tama daa nixĩ. Choma rü tama duü̃xü̃gü nangugüxü̃ãcüma chanayaxu ya wüxi ya yatü. Duü̃xü̃gü rü ngẽma düxétüxü̃nemare nixĩ i nangugügüxü̃, natürü i choma rü ngẽma norü maxü̃ rü norü ĩnü nixĩ i ngẽma changugüxü̃ —ñanagürü.


Erü yimá perü Cori ya Tupana rü ngẽma duü̃xü̃gü namaxã tupanaã̱xgüxü̃étüwa nangẽxma, rü guxü̃ma i ãẽ̱xgacügüétüwa nangẽxma. Rü nüma nixĩ i poraxüchicü rü ãũcümacü rü guxü̃maxã icuácü. Rü naxca̱x rü guxãma i yixema rü tawüxigu, rü tama diẽru nayaxu ega texé tügü ütanüchaü̃gu.


Natürü yíxema chixexü̃ üxe rü tá ta tanayaxu i tümaarü natanü naxca̱x i ngẽma chixexü̃ i taxüxü̃, rü aixcüma Tupana tá tüxna naca naxca̱x i ngẽma taxüxü̃. Erü nüma ya Tupana rü taxúexü̃ma naxüpetümare.


Rü pemax, Pa Corigüx, rü name nixĩ i ngẽxgumarüxü̃ ta mea namaxã ipecua̱x i perü duü̃xü̃gü. Rü tama name i ta̱xacürü chixexü̃maxã penaxãũxũne. Rü nüxna pecua̱xãchie nax pema rü perü mugüruü̃gümaxã wüxigu tórü Cori ya daxũgucüme̱xẽwa pengẽxmagüxü̃. Rü aixcüma guxãma i yixema rü tawüxigumare i nape̱xewa ya tórü Cori ya Cristu.


Erü Tupanape̱xewa rü nawüxigu i ngẽma duü̃xü̃gü i Yudíugü ixĩgüxü̃ rü ngẽma tama Yudíugü ixĩgüxü̃. Rü guxãma ya texé ya chixexü̃ ügüxe rü tá tanayaxu i tümaarü poxcu, natürü guxãma ya texé ya mexü̃ ügüxe rü tá Tupana tümamaxã nataãxẽ.


Rü yemaca̱x Ngechuchuna nacagü rü ñanagürügü: —Pa Ngúexẽxẽruxü̃, toma nüxü̃ tacua̱x rü aixcüma nixĩ i ngẽma nüxü̃ quixuxü̃ rü ngẽma namaxã cungúexẽẽtaexü̃. Rü tama duü̃xü̃arü düxétüxü̃negu cudawenü erü nacüma nixĩ i cungugüxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x.


Rü nümagü rü naxü̃tawa naxĩ, rü ñanagürügü nüxü̃: —Pa Ngúexẽxẽruxü̃, nüxü̃ tacua̱x rü aixcüma nixĩ i ngẽma nüxü̃ quixuxü̃ i ore. Rü tama duü̃xü̃gügamare cuxĩnü, erü tama norü düxétüxü̃negu cudawenü, natürü nacüma nixĩ i cungugüxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x. ¡Tomaxã nüxü̃ ixu! Rü ngẽma diẽru ya ãẽ̱xgacü ya Rómacüã̱x totanüwa ngĩxü̃ yaxucü ¿rü namexü̃ yixĩxü̃ nax nüxna ngĩxü̃ taxãxü̃, rü ẽ̱xna tama? —ñanagürügü.


Rü yemaca̱x Ngechuchuxü̃tawa nanamugü ga ñuxre ga norü duü̃xü̃gü wüxigu namaxã ga ñuxre ga Eródearü duü̃xü̃gü nax Ngechuchumaxã nüxü̃ yanaxugüexü̃ca̱x ga ore, rü ñanagürügü: —Pa Ngúexẽxẽruxü̃x, nüxü̃ tacua̱x rü aixcüma nixĩ i ngẽma nüxü̃ quixuxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x. Rü tama duü̃xü̃gügamare cuxĩnü, erü tama norü düxétüxü̃negu cudawenü, natürü nacüma nixĩ i cungugüxü̃.


¡Rü ñu̱xma i cumax, rü inachi rü cugü naporaxẽxẽ, rü ngẽma duü̃xü̃gütanüwa naxũ rü namaxã nüxü̃ yarüxu i ngẽma choma cumaxã nüxü̃ chixuxü̃! ¡Rü taxṹ i nüxü̃ cumuü̃xü̃! Erü ngẽxguma taxũtáma ngẽma cumaxã nüxü̃ chixuxü̃ãcüma cunaxüxgux, rü choma rü tá ngẽma duü̃xü̃güpe̱xewa muü̃maxã cuxü̃ chidu̱xruxẽxẽ.


Rü taguma chautanüxü̃pe̱xewa ichayacu̱x i chorü chixexü̃ nax yemaacü tama nüxü̃ nacua̱xgüxü̃ca̱x rü choxü̃ naxoexü̃ca̱x.


¡Rü taxũtáma chixri tümamaxã pechopetü ya yíxema to i nachixü̃anecüã̱x i petanüwa ngẽxmagüxe, rü bai ya yíxema taxcutagü! ¡Rü yíxema yutegüe rü taxũtáma tümachiruca̱x tüxna peca ega pexü̃tawa diẽruca̱x ítacaxgu nax yixcüama pexü̃́ tanatáeguxẽẽxü̃ca̱x!


Cha̱u̱xca̱x rü tama name nax cunada̱i̱xü̃ i ngẽma mea maxẽxü̃ i duü̃xü̃gü wüxigu namaxã i ngẽma chixexü̃ ügüxü̃, ñoma chi guxü̃ma naxügüxü̃rüxü̃ i ngẽma chixexü̃. Rü taxucürüwama ngẽma cuxü erü tama ngẽmagu curüxĩnü. Rü cuma nixĩ i guxãarü maxü̃maxã icucuáxü̃ ¿rü tama ẽ̱xna i ngẽma mea maxẽxü̃gagu nüxü̃ icurüngümaxü̃ nax cunadaiãcuxü̃ ya yima ĩane? —ñanagürü.


Rü ngẽxguma texé tümamücümaxã guxchaxü̃ tüxü̃́ ngẽxmagu, rü name nax ãẽ̱xgacügü i guxchaxü̃arü mexẽẽruxü̃güpe̱xewa taxĩxü̃ nax nümagü i ãẽ̱xgacügü nangugügüãxü̃ca̱x nax texé tixĩxü̃ ya yíxema guxchaxü̃ üxe. Rü nümagü i ngẽma ãẽ̱xgacügü rü tá tüxü̃ ninge̱x ya yíxema tama guxchaxü̃ üxe, rü tá tüxü̃ napoxcu ya yíxema guxchaxü̃ üxe


Rü ngẽxguma wüxi i duü̃xü̃ rü to i duü̃xü̃maxã chixexü̃ uxgux rü nangẽxma i norü mexẽẽruxü̃. Natürü ngẽxguma wüxi i duü̃xü̃ Tupanape̱xewa chixexü̃ uxgux ¿rü texé tá tanamexẽxẽ i ngẽma? —ñanagürü. Natürü ga nümagü ga nanegü rü tama naga naxĩnüechaü̃, yerü ga Tupana rü marü namaxã nanaxuegu ga nax nadaiaxü̃.


Rü ñu̱xũchi guxü̃nema ga guma Yudáanearü ĩanegü ga ípoxegugünewa nüxü̃ naxuneta ga ãẽ̱xgacügü ga guxchaxü̃arü mexẽẽruxü̃gü.


—¿Ñuxguratáta i nüxü̃ perüchauxü̃ nax chixri duü̃xü̃gümaxã ipecuáxü̃ rü ngẽma chixri maxẽxü̃étüwaama nax pexügüxü̃?


Ngẽma ãẽ̱xgacügü i guxchaxü̃arü mexẽẽruü̃gü rü wüxi i chixexü̃ naxügü ega yange̱xgüãgu i ngẽma duü̃xü̃ i aixcüma chixexü̃ üxü̃ rü tama tümaga naxĩnüegu ya yíxema mexü̃ ǘxe.


Rü ñu̱xma i pema rü tama chauga pexĩnüe rü naétü ñuxre i duü̃xü̃gümaxãxica pemecüma rü tama guxãma wüxigu mea tüxü̃ pengúexẽxẽ. Rü ngẽmaca̱x i choma rü pemaxã chanaxuegu nax guxü̃ma i duü̃xü̃gü rü chixexü̃maxã pexü̃ nadaunüxü̃ca̱x rü pexü̃ naxoexü̃ca̱x —ngẽma ñachagürü i chomax ya Cori ya Tupana ya Guxãétüwa ngẽxmaxe.


Ngẽma guxchaxü̃arü mexẽẽruxü̃, rü tama name nax tama guxãga naxĩnüxü̃. Rü nangẽxma i duü̃xü̃gü i pecadugu nguxü̃ woo wüxi i íxraxü̃ i paũca̱x.


Swiv nou:

Piblisite


Piblisite