Wenaxarü naxümatü ga Tupanaarü mugü 1:10 - Tupanaarü Ore

¹⁰ Rü nüma ya Cori ya tórü Tupana rü pexü̃ nimuxẽxẽ, rü ngẽmaca̱x i ñu̱xma i pemax rü ñoma ẽxtagü ya daxũguxü̃ i naanetüwewa ngẽxmagücürüxü̃ pimuxũchi.

Wenaxarü naxümatü ga Tupanaarü mugü 1:10 Referans Kwoze

Wenaxarü naxümatü ga Tupanaarü mugü 10:22

Rü yexguma Equítuanewa nangugügu ga yema nũxcümaü̃güxü̃ ga perü o̱xigü, rü 70 icatama yema nangugü. Natürü i ñu̱xma i pemax rü perü Cori ya Tupana pexü̃ nimuxẽxẽ, rü ngẽmaca̱x ñoma ẽxtagü i daxũxü̃wa nüxü̃ idauxü̃rüxü̃ pemuxũchi.

Wenaxarü naxümatü ga Tupanaarü mugü 28:62

Rü cumax, Pa Iraéx, ga cutanüxü̃ ga noxri ñoma ẽxtagü i daxũwa ngẽxmagüxü̃rüxü̃ muxũchixü̃, rü wüxi i natücumü i íxraxü̃xü̃ tá nixĩ. Rü ngẽma tá nangupetü namaxã i cutanüxü̃ erü tama Cori ya curü Tupanaga cuxĩnü.

Ínachoxü̃xü̃chiga 32:13

¡Rü nüxna nacua̱xãchi ga gumá curü duü̃ ga Abraáü̃, rü Ichaá, rü Iraé ga Acóbugu ãégacü! Rü gumagümaxã nixĩ ga cugüégagutama cunaxueguxü̃ nax nüxü̃ curüngü̃xẽẽxü̃ rü ñacuxü̃: “Rü tá nüxü̃ charüngü̃xẽxẽxü̃ i petaagü rü tá namuxũchi ẽxtagürüxü̃, rü guxü̃ma i ñaa naane i pemaxã chaxueguxü̃ rü tá pexrü nixĩ i guxü̃gutáma”, ñacurügü —ñanagürü ga Moiché.

Naanearü ügüchiga 15:5

Rü ñu̱xũchi ga Cori ya Tupana rü düxétüwa Abráü̃xü̃ naga, rü ñanagürü nüxü̃: —¡Dücax, mea daxũgu nadawenü rü yaxugü ya ẽxtagü ega cuxü̃́ natauxchagu nax cuyaxugüxü̃! Rü ngẽxgumarüxü̃ tá ta nixĩ nax namuxü̃ i cutaagü —ñanagürü.

Naanearü ügüchiga 28:14

Rü nümagü i cutaagü rü tá namuxũchi ñoma waixü̃müchicute̱xerüxü̃, rü guxü̃ i naanewa tá nangugü ñu̱xmatáta nórtewa rü súrwa rü éstewa rü oéstewa nangugü. Rü cugagu rü cutaagügagu tá nüxü̃ charüngü̃xẽxẽxü̃ i guxü̃táma i duü̃xü̃gü i ñoma i naanecüã̱x.

Neemía 9:23

Rü ñu̱xũchi namaxã cunaxuegu nax yamuxacüxü̃ca̱x ñoma ẽxtagü ya daxũwa ngẽxmagücürüxü̃. Rü nawa cunagagü ga torü o̱xigü nax napugüãxü̃ca̱x ga yema naane ga noxri norü o̱xigümaxã cuxueguxü̃ nax norü yixĩgüxü̃ca̱x.

Ínachoxü̃xü̃chiga 12:37

Rü Ramchéwa ínachoxü̃ ga yema Iraétanüxü̃, rü Chucóxwa naxĩ. Rü 600,000 ga yatügü ga churarawa imexü̃ nayexmagü. Rü naétü nayexma ga ngexü̃gü rü buxü̃gü ga tama ixugüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:23

Rü nüma ga Dabí rü tama nayaxugü ga yema tauta 20 ga taunecü nüxü̃́ yexmagüxü̃, yerü Cori ya Tupana rü marü nanaxuegu nax yamuxẽẽãxü̃ ga yema Iraétanüxü̃, ñoma ẽtagü ya daxũguxü̃ i naanewa ngẽxmagücürüxü̃.

Iraétanüxü̃arü muxchiga 10:36

Rü yexguma yachiãchitanügu ga yema duü̃xü̃gü ga yema baú ga Cori ya Tupanaarü mugüchixü̃ ingegüxü̃, rü nüma ga Moiché rü ñanagürü: —¡Pa Corix, naxca̱x nataegu i ngẽma muxũchixü̃ma i Iraétanüxü̃ i duü̃xü̃gü! —ñanagürü.

Wenaxarü naxümatü ga Tupanaarü mugü 1:11

Rü chanaxwa̱xe nax yimá nũxcümaü̃güxü̃ i perü o̱xigüarü Tupana rü ñu̱xmaarü yexera 1,000 e̱xpü̱xcüna pexü̃ yamuxẽẽxü̃. Rü yema Tupana pemaxã naxueguxü̃ãcüma, chanaxwa̱xe i pexü̃ narüngü̃xẽxẽ.

Wenaxarü naxümatü ga Tupanaarü mugü 7:7

Rü tama nixĩ nax guxü̃ma i duü̃xü̃gütücumüxü̃ perümumaexü̃ca̱x yixĩxü̃ nax Cori ya Tupana pexü̃ ngechaü̃xü̃ rü pexü̃ dexü̃. Rü pema rü aixcüma guxü̃ma i duü̃xü̃gütücumüxü̃ perünoxremae.

Wenaxarü naxümatü ga Tupanaarü mugü 26:5

Rü ngẽxguma i cuma rü Cori ya Tupanape̱xewa tá ñacurügü: “Chorü o̱xigü rü wüxitücumü ga duü̃xü̃gü ga Araméutanüxü̃ ga noxri noxretama ixĩgüxe. Rü tümagü rü nu ne tanaxĩmare rü Equítuanewa taxĩ rü yexma tayaxãpatagü. Rü yemawena rü timu, rü muxü̃ma ga duü̃xü̃gü ga poraexü̃ tixĩgü.

Wiyaegü 107:38

Rü nüma ya Cori ya Tupana rü tüxü̃ narüngü̃xẽxẽ nax timuxü̃ca̱x. Rü nayamuxẽxẽ i tümaarü wocagü.

Ichaía 51:2

Rü dücax, penatü ga Abraáü̃ rü peé ga Chára nixĩ ga maxü̃ pexna ãcü. Rü yexguma Abraáü̃ca̱x chacaxgu rü nüma rü nüxicatama wüximare nixĩ, natürü i choma rü nüxü̃ charüngü̃xẽẽxü̃ rü nüxna chanamugü i muxü̃ma i nataagü.

Echequié 16:7

Pa Yerucharéü̃x, cuxü̃ chayaxẽxẽ ñoma wüxi i nanetü i naanewa rüxüxü̃rüxü̃. Rü nawa cungu nax cuyaxü̃ rü wüxi ga nge ga mechametücü quixĩxü̃. Rü cuxãniixü̃, rü curüyigüta̱xa. Natürü cungexchirumare.