Wenaxarü naxümatü ga Tupanaarü mugü 1:1 - Tupanaarü Ore

¹ Rü ñaagü nixĩ ga yema ore ga Moiché nüxü̃ ixuxü̃ namaxã ga guxü̃ma ga Iraétanüxü̃ ga yexguma Arabáarü chianexü̃wa nayexmagügu ga natü ga Yudáü̃arü éstewa ga Chúxarü to̱xma̱xtawa. Rü yema Arabáarü chianexü̃ rü nachicagü ga Paráü̃ rü Tópere rü Labáü̃ rü Acheróx rü Dichaáarü ngãxü̃wa nayexma.

Wenaxarü naxümatü ga Tupanaarü mugü 1:1 Referans Kwoze

1 Chamué 25:1

Rü nüma ga Chamué rü nayu. Rü yexguma nayu̱xgu rü guxü̃ma ga Iraéanecüã̱xgü rü naxĩtaque̱xe rü naxauxe. Rü napatagu nanata̱xgü ga ĩane ga Ramáwa. Rü yemawena ga Dabí rü yema chianexü̃ ga Paráü̃wa naxũ.

Yochué 22:7

Rü yema ngãxü̃tücumü ga Manachétanüxü̃ rü Moiché rü Bacháü̃anewa nüxna nanaxã ga norü naane. Rü yema to ga ngãxü̃tücumü ga Manachétanüxü̃ rü Yochué rü norü naane nüxna naxã natanüwa ga yema Iraétanüxü̃ ga natü ga Yudáü̃arü oéstewaama yexmagüxü̃. Rü yema Manachétanüxü̃ ga nüxíra naane Moiché nüxna ãxü̃ rü Yochué rü mexü̃ namaxã naxuegu rü yemaacü ínayamugü.

Yochué 22:4

Rü ngẽmaca̱x i ñu̱xma nax Tupana marü yanguxẽẽxü̃ i norü uneta rü ngẽma peenexẽgü rü marü taxuxü̃ma i guxchaxü̃wa nangẽxmagü, rü marü name nax naxca̱x pewoeguxü̃ i pepatagü rü perü naanegü ga Moiché ga Tupanaarü duü̃ pexna ãxü̃ ga natü ga Yudáü̃arü éstewaama.

Yochué 9:1

Rü gumá Itítanüxü̃arü ãẽ̱xgacü, rü Amoréutanüxü̃arü ãẽ̱xgacü, rü Canaáü̃tanüxü̃arü ãẽ̱xgacü, rü Ferechéutanüxü̃arü ãẽ̱xgacü, rü Ebéutanüxü̃arü ãẽ̱xgacü, rü Yebuchéutanüxü̃arü ãẽ̱xgacü, rü nüxü̃ nacuáchigagü ga yema Yericúwa rü Áiwa ngupetüxü̃. Rü yema ãẽ̱xgacügü rü natü ga Yudáü̃arü oéstegu nixĩ ga naxãchiü̃güxü̃, rü nümaxü̃ rü ínamáxpü̱xanexü̃gu rü togü rü ínametachinüanexü̃gu, rü togü rü Már i Mediteráneucutügu rü ñu̱xmata Líbanuarü naanewa nangu.

Wenaxarü naxümatü ga Tupanaarü mugü 33:2

—Cori ya Tupana rü ma̱xpǘne i Chinaíwa ne naxũ. Rü yexguma máxpü̱xanexü̃ i Cheíwa tachopetügu rü tüxü̃ nibáixmaxü̃. Rü yema norü nangóonexü̃ rü máxpüxanexü̃ i Paráü̃wa nanguema, rü ñu̱xmata Meribá-cadéwa nangu. Rü norü tügüneme̱xẽgu nayange i norü mugü i ya̱u̱xracüüxü̃. Rü 10,000 i dauxü̃cüã̱x i norü duü̃xü̃gümaxã ngéma ne naxũ.

Iraétanüxü̃arü muxchiga 32:32

Rü Cori ya Tupanaga taxĩnüeãcüma ãxneãcüma tá nagu tachocu i ngẽma Canaáü̃chiane. Natürü ñaa naane i Yudáü̃arü éstewaama ngẽxmaxü̃ rü toxna tá naxü nax ngẽmaãcü tóxrü yixĩxü̃ca̱x —ñanagürügü.

Iraétanüxü̃arü muxchiga 32:19

Rü ngẽma naane i Yudáü̃arü tocutüwa ngẽxmaxü̃ rü ñu̱xũchi ngẽma naane i yéamaxü̃ra ngẽxmaxü̃ rü toma rü tama tanaxwa̱xe, erü ngẽma toxrü naane rü nuxã Yudáü̃arü éstecutüwaama nangẽxma —ñanagürügü.

Iraétanüxü̃arü muxchiga 32:5

Rü ngẽxguma curü me yixĩxgu ¡rü toxna naxã i ngẽma naane! ¡Rü taxṹ i natü i Yudáü̃wa toxü̃ quichoü̃xẽxẽxü̃! —ñanagürügü.

Iraétanüxü̃arü muxchiga 13:3

Rü nüma ga Moiché rü yema chianexü̃ ga Paráü̃gu ãégaxü̃wa inanamuãchitanü ga yema ãẽ̱xgacügü yematama Tupana namaxã nüxü̃ ixuxü̃rüxü̃. Rü guxü̃ma ga yema 12 rü Iraétanüxü̃arü ãẽ̱xgacügü nixĩgü.

Iraétanüxü̃arü muxchiga 12:16

Rü yexguma María wena natanüwa ũxgu, rü inaxĩãchi ga Acheróxwa. Rü chianexü̃ ga Paráü̃gu nayapexgü.

Iraétanüxü̃arü muxchiga 11:35

Rü Quibúx-ataabáwa inaxĩãchi ga Iraétanüxü̃ rü Acheróxwa nangugü. Rü yéma nayexmagü ga ñuxre ga ngunexü̃gü.

Iraétanüxü̃arü muxchiga 10:12

Rü yema Iraétanüxü̃ rü inaxĩãchi ga Chinaíarü chianexü̃wa ñu̱xmata Paráü̃arü chianexü̃wa nangugü. Rü nüma ga caixanexü̃ rü yéma nayachaxãchi.

Abacú 3:3

Rü nüxü̃ chadau ya Cori ya Tupana i Temáü̃anewa ne naxũxü̃ nawa ya yima Paráü̃arü ma̱xpǘne. Rü dauxü̃guxü̃ i naane rü norü üünemaxã nanapá. Rü guxü̃ma i ñoma i naanewa ngẽxmagüxü̃ rü nüxü̃ nicua̱xüü̃gü.

Iraétanüxü̃arü muxchiga 33:20

Rü Rimóü̃-pérewa inaxĩãchi rü Lixnáwa nangugü. Rü yexma narücho.

Wenaxarü naxümatü ga Tupanaarü mugü 2:8

Rü nüxü̃ ítachoeguãchi ga Cheíane ga nawa namaxẽxü̃ ga tatanüxü̃ ga Echaútanüxü̃. Rü nagu taxĩ ga yema nama ga Arabáwa, rü Eráxwa, rü Echióü̃-guébewa daxü̃. Rü ñu̱xũchi nagu taxĩ ga yema nama ga Moáarü chianexü̃wa nadaxü̃.

Nüxíraxü̃xü̃ ga popera ga ãẽ̱xgacügüchiga 11:18

Rü naxĩgü ga Madiáü̃anewa rü Paráü̃wa nangugü. Rü yéma rü duü̃xü̃güca̱x naca nax íyaxümücügüãxü̃ca̱x. Rü yemaacü Equítuanewa nangugü, rü ãẽ̱xgacü ga Faraóü̃xü̃tawa naxĩ. Rü nüma ga Equítuanearü ãẽ̱xgacü rü Adáxna nanaxã ga wüxi ga ĩpata rü õnagü rü naanegü.

Iraétanüxü̃arü muxchiga 33:21

Rü Lixnáwa inaxĩãchi rü Richáwa nangugü. Rü yexma narücho.

Wenaxarü naxümatü ga Tupanaarü mugü 5:1

Rü nüma ga Moiché rü nanangutaque̱xexẽxẽ ga guxü̃ma ga Iraétanüxü̃ rü ñanagürü nüxü̃: —¡Iperüxĩnüe, Pa Iraétanüxü̃x, i ñaa mugü rü ucu̱xẽgü i ñu̱xmata pemaxã nüxü̃ chixuxü̃! ¡Rü nawa tá pengúe rü nagu tá pexĩ!

Wenaxarü naxümatü ga Tupanaarü mugü 27:1

Rü Moiché rü wüxigu Iraétanüxü̃arü ãẽ̱xgacügümaxã yema Iraétanüxü̃xü̃ namu rü ñanagürügü: —¡Peyanguxẽxẽ i guxü̃ma i ngẽma mugü i ñu̱xma pemaxã nüxü̃ chixuxü̃!

Wenaxarü naxümatü ga Tupanaarü mugü 29:1

Rü noxri ga nüma ga Cori ya Tupana rü marü Iraétanüxü̃maxã nüxü̃ nixu ga norü uneta ga ma̱xpǘne ga Oréxwa. Rü yemaétü nixĩ ga ñaa yexwaca̱xü̃ ga norü uneta ga Cori ya Tupana Moichéxü̃ muxü̃ nax Iraétanüxü̃maxã nüxü̃ yaxuxü̃ca̱x ga Moátanüxü̃güchixü̃anewa.

Wenaxarü naxümatü ga Tupanaarü mugü 31:1

Rü Moiché rü wenaxarü Iraétanüxü̃maxã nidexa, rü nüxü̃ nixu ga ñaa ore: