Danié 9:8 - Tupanaarü Ore

⁸ Rü ñu̱xma i tomax, Pa Cori Pa Tupanax, rü naxrüü̃tama i ngẽma torü ãẽ̱xgacügü rü torü o̱xigü rü taxãnee erü cupe̱xewa chixexü̃ taxügü.

Danié 9:8 Referans Kwoze

Auxexü̃chiga 3:42

Pa Corix, toma rü chixexü̃ taxü rü tama cuga taxĩnüe. Rü ngẽma rü cuma rü tama cunangupetüxẽẽmare.

Auxexü̃chiga 1:18

Rü daa ĩanecüã̱x rü ñanagürügü: “Nüma ya Cori ya Tupana ya ixaixcümacü rü ñu̱xma rü tagagu tüxü̃ napoxcue yerü chixexü̃ taxügü rü tama naga taxĩnüechaü̃ ga norü mugü. ¡Rü dücax, Pa Guxü̃ma i Nachixü̃anegücüã̱x, rü toxü̃́ iperüxĩnüe rü nüxü̃ pedau nax poraãcü ngúxü̃ tingegüxü̃! Rü torü ngextü̱xücügü rü torü pacügü rü yáxü̃guxü̃ i nachixü̃anewa nanagagü.

Yeremía 14:20

Rü nüxü̃ tacua̱x, Pa Corix, nax poraãcü chixexü̃ taxüxü̃, naxrüxü̃ ga yema nũxcümaü̃güxü̃ ga torü o̱xigü. Rü cupe̱xewa nixĩ i chixexü̃ taxügüxü̃.

Auxexü̃chiga 5:16

Rü yema pora ga noxri toxü̃́ yexmaxü̃ rü marü inarüxo. Rü ñu̱xma rü taxü̃ i ngechaxü̃wa tangexmagü yerü pecadu taxügü.

Echequié 16:63

Rü ngẽxguma cuxü̃́ nüxü̃ charüngümagu i guxü̃ma i ngẽma chixexü̃ i cuxüxü̃ rü cuma rü tá cuxãnexü̃chi, rü tá cungechaxü̃, rü taxũtáma wena cugü quicua̱xüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma” —ñanagürü.

Danié 9:9

Natürü i cumax, Pa Torü Tupanax, rü woetama cucüma nixĩ nax cumecümaxü̃ rü toxü̃́ nüxü̃ curüngü̃maxü̃ i torü chixexü̃. Rü ngẽmaca̱x cupe̱xewa tangugü erü toma rü poraãcü chixexü̃ taxü.

Norü taxre ga popera ga ãẽ̱xgacügüchiga 21:15

Erü ngẽma chope̱xewa naxügüxü̃ i chorü duü̃xü̃gü rü nachixe. Rü choxü̃ nanuxẽẽgü ga yexguma norü o̱xigü Equítuanewa íchoxü̃gucürüwa rü ñu̱xmata ñoma i ngunexü̃wa nangu” —ñanagürü ga Tupana.

Norü taxre ga to ga popera ga ãẽ̱xgacügüchiga ümatüxü̃ 6:37

rü ngẽxguma ngẽma nachixü̃ane i nawa nagagüãxü̃wa rü cuxna nacua̱xãchiegu, rü cuxna nacagügu, rü cumaxã nüxü̃ yaxugügu nax chixexü̃ naxügüxü̃,

Neemía 1:6

Rü ngẽmaca̱x i ñu̱xma rü cuxü̃ chaca̱a̱xü̃ nax choxü̃́ nüxü̃ cuxĩnüxü̃ i ñaa chorü yumüxẽ i chütacü rü ngunecü cumaxã nüxü̃ chixuxü̃ naxca̱x i ngẽma curü duü̃xü̃gü i Iraétanüxü̃. Rü nüxü̃ chacua̱x nax cupe̱xewa chixexü̃ taxüxü̃ i toma i Iraétanüxü̃, rü woo i choma rü chautanüxü̃ rü cupe̱xewa chixexü̃ taxügü.

Ichaía 64:4

Rü nũxcümacürüwa taguma texé nachiga taxĩnü rü texé nüxü̃ tadau i to i Tupana i naxüxü̃ i ngẽma cuma cuxüxü̃ tümaca̱x ya yíxema cuxü̃́ yaxõgüxe.

Yeremía 7:19

Natürü ngẽma nax choxü̃ nachixeãẽgüxü̃ rü naétü nügütama nachixeãẽgü rü ngẽmaãcü taxü̃ i ãne nügüca̱x ínanguxẽẽgü. Rü chomatama ya Cori ya Tupana nixĩ i nüxü̃ chixuxü̃ i ngẽma.

Echequié 5:6

Natürü yema norü duü̃xü̃gü ya yima ĩane ya Yerucharéü̃ rü chomaxã nanue rü tama naga naxĩnüechaü̃ i chorü mugü rü ucu̱xẽgü. Rü guxü̃nema ya yima togü i nachixü̃anegüarü ĩanegü ya nüxna ngaicamanearü duü̃xü̃güarü yexera chixexü̃gu namaxẽ i ngẽma Yerucharéü̃cüã̱x rü tama naga naxĩnüe i ngẽma chorü mugü rü chorü ucu̱xẽgü.