Danié 9:27 - Tupanaarü Ore

²⁷ Rü wüxi i yüxügu i ngẽma ãẽ̱xgacü rü muxü̃ma i duü̃xü̃gümaxã tá wüxi i uneta naxü. Natürü yima yüxüarü ngãxü̃gu rü nüma i ngẽma ãẽ̱xgacü rü tá nayanuxũ nax Tupanaca̱x ãmare tigugüxü̃ rü itanaxãgüxü̃ i ãmaregü. Rü ngẽma ãmarearü guruü̃pe̱xewa tá taxü̃ i chixexü̃ naxü rü ñu̱xmatáta Tupana nayama̱x i ngẽma ãẽ̱xgacü i chixexü̃ üxü̃ —ñanagürü.

Danié 9:27 Referans Kwoze

Ore i mexü̃ ga Matéu ümatüxü̃ 24:15

Rü nũxcümaü̃cü ga Tupanaarü orearü uruxü̃ ga Danié nachiga nanaxümatü i ngẽma chixexü̃ i Tupanape̱xewa poraãcü ãũãchixü̃ i tá ínguxü̃. Rü ngẽxguma nüxü̃ peda̱u̱xgu nax Tupanapata ya taxü̃ne ya üünenewa nangóxü̃ i ngẽma chixexü̃ i Tupanape̱xewa chixexü̃chixü̃, rü yíxema nawa ngúxe rü name nixĩ i nüxü̃ tacua̱x nax ta̱xacüchiga yixĩxü̃.

Ore i mexü̃ ga Luca ümatüxü̃ 21:20

Rü ngẽxguma nüxü̃ peda̱u̱xgu nax perü uanügüarü churaragü Yerucharéü̃xü̃ íchomaeguãchixü̃, rü ngẽmawa tá nüxü̃ pecua̱x nax paxa tá nagu napogüexü̃ ya yima ĩane.

Danié 12:11

Rü ngẽma ngunexü̃ i ngẽxguma tá íyanaxoxẽẽgüãgu nax Tupanaca̱x wüxichigü i ngunexü̃ ãmare yagugüxü̃ rü ñu̱xmata nawa nangu i ngẽma ngunexü̃ i Tupanapata ya taxü̃newa chixexü̃ i ãmare yagugüxü̃ rü 1,290 i ngunexü̃gü tá ningu.

Ore i mexü̃ ga Márcu ümatüxü̃ 13:14

Rü ngẽxguma nüxü̃ peda̱u̱xgu i ngẽma ãũãchixü̃ i ãũcümaxü̃chixü̃ i chixexẽẽruxü̃ i ngextá tama ínaxwa̱xexü̃wa nax nangẽxmaxü̃, rü ngẽxguma ya yíxema Yudéaanewa ngẽxmagüxe rü tanaxwa̱xe i ma̱xpǘneanewa tabuxmü. (Rü texé ya yíxema nüxü̃ daumatüxe, rü name nixĩ i mea nagu tarüxĩnü i ngẽma.)

Danié 11:36

Rü ngẽma Nórtearü ãẽ̱xgacü rü guxü̃ma i ngẽma nüma nanaxwa̱xexü̃ tá naxümare. Rü tá nügü nicua̱xüxü̃ rü tá nügügu nayaxõ nax guxü̃ma i tupananetagüarü yexera naporamaexü̃. Rü Tupanamaxã tá naguxchiga. Rü guxü̃táma i ngẽma naxüxü̃wa rü mea tá nüxü̃́ ínanguxuchi rü ñu̱xmata Tupana naxca̱x ínanguxẽxẽ i norü poxcu. Erü ngẽma Tupana ueguxü̃ rü tá nayanguxẽxẽ.

Danié 8:13

Yemawena rü nüxü̃ chaxĩnü nax wüxi ga orearü ngeruxü̃ i daxũcüã̱x rü to ga orearü ngeruxü̃na naca̱xaxü̃ rü ñanagürü: —¿Ñuxgu tá iyacuáxü̃ i ñaa chixexü̃ i ñu̱xma ãmarechicawa nüxü̃ idauxü̃ ga noxri wüxichigü ga ngunexü̃gu Tupanaca̱x ãmare ígugüxü̃wa? ¿Rü ñuxgu tá nagúxü̃ i ngẽma? ¿Rü ñuxgu tá Tupana inayacua̱xẽxẽ nax pecadu nawa naxügüxü̃ ya napata? ¿Rü ñuxguratáta Tupana inayacua̱xẽxẽ nax ngẽma uanü chixri tümamaxã inacuáxü̃ ya yíxema nüxü̃́ yaxõgüxe? —ñanagürü.

Ichaía 55:3

¡Rü cha̱u̱xca̱x pexĩ, rü choxü̃́ iperüxĩnüe! ¡Chauga pexĩnüe rü tá pemaxẽ! Rü choma rü tá pemaxã chanaxü i wüxi i uneta i taguma gúxü̃. Rü ngẽmaãcü tá chayanguxẽxẽ ga yema chorü uneta ga ãẽ̱xgacü ga nüxü̃ changechaü̃xü̃chicü ga Dabímaxã nüxü̃ chixuxü̃.

Romanos 5:15

Natürü yema chixexü̃ ga Adáü̃ üxü̃ rü tama namaxã nawüxigu i ngẽma ãmare ga Tupana tüxna ãxü̃. Rü aixcüma nixĩ ga wüxi ga yatüarü chixexü̃gagu nax nayuexü̃ i guxü̃ma i duü̃xü̃gü. Natürü aixcüma ta nixĩ i wüxi ya yatügagu Tupana ngetanüãcüma tüxna naxãxü̃ i wüxi i ãmare i yexera rümemaexü̃chixü̃. Rü ngẽma nixĩ nax Ngechuchu ya Cristugagu Tupana nüxü̃ irüngümaxẽ i duü̃xü̃güarü pecadugü.

Ore i mexü̃ ga Matéu ümatüxü̃ 27:51

Rü yema oragu ga Tupanapata ga taxü̃nearü tüyemachiãxü̃ rü taxregu narügáute. Rü daxũwa inanaxügü ga nax nagáutexü̃ rü ñu̱xmata ñaxtüwa nangu. Rü naxĩã̱xãchiane, rü narüngǘxtegü ga nutagü ga itacü.

Ore i mexü̃ ga Matéu ümatüxü̃ 26:28

Erü daa bínu rü chaugü nixĩ. Rü yimámaxã Tupana duü̃xü̃güxü̃ nanawe̱x nax aixcüma yixĩxü̃ i norü uneta. Rü yimá chaugü rü muxü̃ma i duü̃xü̃güca̱x nixĩ i nabaxü̃ nax Tupana nüxü̃́ nüxü̃ irüngümaxü̃ca̱x i norü pecadugü.

Ichaía 53:11

Natürü nawena nax ngúxü̃ yangexü̃, rü tá nataãxẽ erü nüxü̃ nacua̱x nax norü yugagu muxü̃ma i duü̃xü̃gü tá nanayauxgü i maxü̃ i taguma gúxü̃. Rü nüma ya Cori ya Tupanaarü duü̃ ya mecü rü tá Tupanape̱xewa nayamexẽxẽ i muxü̃ma i duü̃xü̃gü rü tá nayange i norü pecadugü.

Ichaía 42:6

Rü choma ya Tupana nixĩ i cuxca̱x chacaxü̃ rü pora cuxna chaxãxü̃ nax duü̃xü̃gümaxã nüxü̃ cuyarüxuxü̃ca̱x nax mea nügümaxã inacuáexü̃ca̱x. Rü choma rü tá cuxme̱xgu chingĩ rü tá cuxna chadau. Rü cuxü̃ chamu nax chope̱xewa duü̃xü̃güétüwa cuchogüxü̃ca̱x rü ngẽmaãcü wüxi i omü nax quixĩxü̃ca̱x nape̱xewa i guxü̃ma i nachixü̃anegü.

Ichaía 28:22

¡Rü ngẽmaca̱x marütama nax Tupanaxü̃ pecugüexü̃ nax tama yexeraãcü pexü̃ napoxcuexü̃ca̱x! Erü marü nüxü̃ chaxĩnü nax Cori ya Tupana ya Guxãétüwa Ngẽxmacü rü tá yanaxoxẽẽãxü̃ i guxü̃ma i ñaa nachixü̃ane.

Romanos 11:26

Natürü ngẽmawena rü guxü̃táma i Iraétanüxü̃ rü tá ta nayaxõgü, rü tá nanayauxgü i maxü̃ i taguma gúxü̃. Erü Tupanaarü ore i ümatüxü̃wa rü ñanagürü: “Yimá Cristu ya ínanguxü̃xẽẽcü, rü Chióü̃wa tá ne naxũ. Rü nüma rü tá ngẽma Iraétanüxü̃güxü̃ chixexü̃wa ínanguxü̃xẽxẽ.

Romanos 5:19

Rü gumá nüxíraü̃cü ga yatü ga Adáü̃ rü tama Tupanaga naxĩnü. Rü yemaacü wüxitama ga yatügagu rü muxü̃ma ga duü̃xü̃gü rü nipecaduã̱x. Natürü gumá yatü ga Ngechuchu, rü mea Tupanaga naxĩnü. Rü gumágagu rü muxü̃ma i duü̃xü̃gü rü tá nime i Tupanape̱xewa.

Ore i mexü̃ ga Luca ümatüxü̃ 21:24

Rü norü uanügü rü taramaxã tá nanadai i ñuxre. Rü togü, rü tá ínanayauxü̃ nax to i nachixü̃anewa nagagüãxü̃ca̱x. Rü ñu̱xũchi i ngẽma norü uanügü rü tá nagu napogüe ya yima ĩane ya Yerucharéü̃. Rü ngẽmaãcü tá nangupetü ñu̱xmatáta nawa nangu i ngẽma ngunexü̃ i nagu Tupana ínawoxü̃xü̃ i ngẽma uanügü.

Yeremía 7:30

Rü Cori ya Tupana rü ñanagürü: —Ngẽma duü̃xü̃gü i Yudátanüxü̃ rü taxü̃ i chixexü̃maxã choxü̃ nanuxẽẽgü. Rü daa chopatagu nananucu ga naxchicüna̱xãgü i nawa chanaxoégaxü̃. Rü yemaacü taxü̃ ga chixexü̃ rü ãũãchixü̃ chopatawa naxügü.

Danié 11:31

Rü ngẽma norü churaragü rü tá chixexü̃ nawa naxügü ya yima Tupanapata ya taxü̃ne rü yima ĩane ya ípoxegune ya Yerucharéü̃. Rü tá inayanaxoxẽxẽ nax wüxichigü i ngunexü̃ Tupanaca̱x ãmare yagugüxü̃. Rü ngẽmatama ãmarearü guruü̃wa tá nayagugü i ngẽma Tupanaca̱x ãũãchixü̃.

Ochéa 3:4

Rü yemaacü ga Tupana rü yema Iraéanecüã̱xgüxü̃ nüxü̃ nacua̱xẽxẽ i ta̱xacü tá namaxã ngupetüxü̃. Rü mucü ya taunecü rü to i nachixü̃anegügu tá nawoone rü to i nachixü̃anearü ãẽ̱xgacü rü tá namaxã inacua̱x. Rü ngẽmaca̱x i ngẽma Iraéanecüã̱xgü rü tá nüxü̃́ nataxuma i noxrütama ãẽ̱xgacü, rü bai i ãẽ̱xgacü nane, rü bai i norü chacherdótegü, rü bai i norü chacherdótegüchiru, rü bai i norü ãmarearü guruügü, rü bai i norü tupanachicüna̱xãgü.

Iraétanüxü̃arü muxchiga 7:62

Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.

Ichaía 28:15

Pemax rü ñaperügügü: —Taxucürüwa i torü uanü toxü̃ nadai erü marü wüxi i uneta taxü nax tama tayuexü̃ca̱x rü togü toxü̃ ínapoxü̃xü̃ca̱x —ñaperügügü. Natürü ngẽma uneta rü yuwa tá pexü̃ nagagü erü wüxi i womüxẽẽmare nixĩ.

Danié 7:25

Ngẽma ãẽ̱xgacü rü tá Tupana ya Guxãétüwa Ngẽxmacümaxã naguxchiga. Rü tá chixri tümamaxã inacua̱x ya yíxema Tupanaarü duü̃xẽgü. Rü tá naxca̱x nadau nax ñuxãcü nanatoraxü̃xẽẽxü̃ i Tupanaarü mugü, rü tá nüxü̃ naxoo̱x i ngẽma Tupana ueguxü̃ i petagü. Rü yíxema Tupanaarü duü̃xẽgü rü tomaepü̱x ya taunecüarü ngãxü̃ tá naxme̱xwa tangexmagü.