Danié 9:26 - Tupanaarü Ore

²⁶ Rü ngẽma 62 i yüxüwena rü tá nayama̱xgü ya yima ãẽ̱xgacü ya mecü. Rü ngẽmawena rü tá ningucuchi i wüxi i ãẽ̱xgacü. Rü ngẽma norü duü̃xü̃gü rü tá nagu napogüe ya Yerucharéü̃ rü yima Tupanapata ya taxü̃ne. Rü ngẽma Yerucharéü̃gu nax napogüexü̃ rü ñoma wüxi ya mucü ya ngürüãchi guxü̃wama inanguanexẽẽcürüxü̃ tá nixĩ. Rü ngẽma dai rü taxũtáma ínayachaxãchi rü ñu̱xmatáta mea nagu napogüe ya yima ĩane, yerü yemaacü nanaxuegu ga Tupana.

Danié 9:26 Referans Kwoze

Naúü̃ 1:8

Natürü yíxema tama naga ĩnüexe rü tá tüxü̃ nadai ñoma dexá tümaétü iñaxü̃chiüxü̃rüxü̃. Rü yíxema norü uanügü rü ẽanexü̃wa tá tangexmagü.

Ichaía 53:8

Rü ma̱xwa nanagagü woo taxuxü̃ma ga chixexü̃ naxü, rü tataxuma ga texé ga naétüwa idexáxe. Rü taxúema texé ítanapoxü̃, rü tama ñoma i naanewa maxẽxü̃ ga duü̃xü̃güaxü̃́ nangechaxü̃tümüxü̃. Rü chautanüxü̃arü chixexü̃gagu nayama̱xgü.

Ore i mexü̃ ga Márcu ümatüxü̃ 13:2

Natürü Ngechuchu nanangãxü̃, rü ñanagürü: —Pema nüxü̃ pedaugü ya guxü̃nema ya yima Tupanapataarü ĩpatagü ya taxü̃negü. Natürü pemaxã nüxü̃ chixu rü aixcüma guxü̃nema ya yima ĩpatagü rü tá nagu napogüe. Rü norü nutagü rü taxucütama nügüétü nanu, rü bai ya wüxi —ñanagürü.

Nüxíraxü̃xü̃ ga popera ga Pedru ümatüxü̃ 2:24

Rü nümatama ga Cristu rü nügüxü̃negu nayange ga tórü pecadugü ga yexguma curuchagu nayu̱xgu. Rü yemaacü nanaxü nax nüxü̃ rüxoexü̃ca̱x i tórü chixexü̃ rü naxca̱xicatama imaxẽxü̃ca̱x. Nüma rü pexca̱x nanapi̱x nax yemaacü pexü̃ nameexẽẽxü̃ca̱x.

Ore i mexü̃ ga Luca ümatüxü̃ 24:26

¿Rü tama ẽ̱xna nüxü̃ pecua̱x ga yema ngúxü̃ tá nax yangexü̃ ga Cristu naxü̃pa nax daxũguxü̃ i naanewa naxũxü̃, nax ngéma ãẽ̱xgacü yixĩxü̃ca̱x? —ñanagürü.

Ore i mexü̃ ga Márcu ümatüxü̃ 9:12

Rü Ngechuchu nanangãxü̃, rü ñanagürü nüxü̃: —Aixcüma nixĩ i Ería tá nüxíra núma naxũxü̃ nax chauxü̃pa namexẽxẽãxü̃ca̱x i guxü̃ma. ¿Natürü tü̱xcüü̃ i ore i ümatüxü̃wa i ñaxü̃: “Tupana Nane ya duü̃xü̃xü̃ ixĩcü rü tá ngúxü̃ ninge, rü duü̃xü̃gü rü tá nüxü̃ naxoe”, ñaxü̃?

Ore i mexü̃ ga Matéu ümatüxü̃ 24:2

Natürü Ngechuchu rü ñanagürü: —¿Nüxü̃ pedauxü̃ ya guxü̃nema ya yima ĩpatagü? Natürü pemaxã nüxü̃ chixu rü aixcüma guxü̃nema ya daa ĩpatagü rü tá nagu napogüe. Rü naxtapü̱xarü nutagü rü taxucütama nügüétü naxüxüra, rü bai ya wüxi —ñanagürü.

Nüxíraxü̃xü̃ ga popera ga Pedru ümatüxü̃ 3:18

Yerü nümatama ga Cristu rü ngúxü̃ ninge, rü wüxicanatama guxãarü pecaduca̱x nayu. Rü nüma rü taxuxü̃ma ga chixexü̃ naxü, natürü chixexü̃ ga duü̃xü̃güca̱x ngúxü̃ ningẽ nax Tupanaxü̃tawa pexü̃ nagagüxü̃ca̱x. Rü woo nayu ga naxü̃ne, natürü ga naãxẽ rü namaxü̃.

Gálatas 3:13

Natürü ga Cristu rü nawa tüxü̃ ínanguxü̃xẽxẽ ga yema mugü ga chixexü̃gu tüxü̃ yixẽẽxü̃. Rü nüma ga Cristu rü chixexü̃wa nügü nayexmaxẽxẽ ga yexguma curuchagu nayu̱xgu. Erü Tupanaarü ore i ümatüxü̃wa, rü ñanagürü: “Rü guxãma ya yíxema wüxi i naiwa tüxü̃ natuxẽẽgüãcüma yuxe, rü chixexü̃wa tangexma”, ñanagürü.

2 Corintios 5:21

Cristu rü taguma pecadu naxü. Natürü tagagu nixĩ ga Tupana ga Cristuxü̃ naxütanüxẽẽãxü̃ i guxü̃ma i tórü pecadugü nax yemaacü nagagu tüxü̃ ínanguxü̃xẽẽxü̃ca̱x nawa i tórü pecadugü nax nape̱xewa imexü̃ca̱x ya Tupana.

Danié 11:10

Natürü ngẽma nórtearü ãẽ̱xgacü nanegü rü daixca̱x tá nügü ínamexẽẽgü, rü muxü̃tama i churaragü tá nanutaque̱xegü. Rü wüxi i ngẽma nane rü norü churaragümaxã tá súranegu naxücu, rü guxü̃táma inayarüxoxẽxẽ ñoma mucü ya tacü ya guxü̃ma irüxoxẽẽcürüxü̃. Ngẽmawena rü wena tá ngẽma súrcüã̱xü̃ nadai rü ñu̱xmata ngẽma súranearü ãẽ̱xgacüarü poxü̃chicawa nangugü.

Danié 9:27

Rü wüxi i yüxügu i ngẽma ãẽ̱xgacü rü muxü̃ma i duü̃xü̃gümaxã tá wüxi i uneta naxü. Natürü yima yüxüarü ngãxü̃gu rü nüma i ngẽma ãẽ̱xgacü rü tá nayanuxũ nax Tupanaca̱x ãmare tigugüxü̃ rü itanaxãgüxü̃ i ãmaregü. Rü ngẽma ãmarearü guruü̃pe̱xewa tá taxü̃ i chixexü̃ naxü rü ñu̱xmatáta Tupana nayama̱x i ngẽma ãẽ̱xgacü i chixexü̃ üxü̃ —ñanagürü.

Ichaía 8:7

Rü ngẽmaca̱x i choma ya Tupana rü Yudáanewa tá chanamugü i Achíriaanearü churaragü. Rü tá Yudáaneca̱x ínayaxüãchi rü guxü̃wama tá nanadai i norü duü̃xü̃gü, ñoma taxtü i Eufráte rübaixgu rü guxü̃wama inanguanegurüxü̃.

Nüxíraxü̃xü̃ ga popera ga Pedru ümatüxü̃ 2:21

Rü ngẽma nax mexü̃ pexüxü̃gagu ngúxü̃ pingegüxü̃ca̱x nixĩ ya Tupana pexü̃ dexü̃. Yerü ga Cristu rü ta pexca̱x ngúxü̃ ninge. Rü yemaacü pexü̃ nüxü̃ nadauxẽxẽ nax naxrüxü̃ yáxna namaxã pexĩnüexü̃ i ngẽma ngúxü̃.

Ore i mexü̃ ga Cuáü̃ ümatüxü̃ 14:30

Marü taxũtáma muxü̃ i orexü̃ pemaxã chixu, erü marü paxa tá ínangu i Chataná i ñoma i naanemaxã icuáxü̃. Natürü nüma rü taxuwama choxü̃ narüyexera.

Ore i mexü̃ ga Luca ümatüxü̃ 24:46

Rü ñanagürü nüxü̃: —Tupanaarü ore i ümatüxü̃wa rü nüxü̃ nixu rü yimá Cristu rü tá nayu, rü tomaepü̱x i ngunexü̃gu rü tá wena namaxü̃.

Ore i mexü̃ ga Luca ümatüxü̃ 21:24

Rü norü uanügü rü taramaxã tá nanadai i ñuxre. Rü togü, rü tá ínanayauxü̃ nax to i nachixü̃anewa nagagüãxü̃ca̱x. Rü ñu̱xũchi i ngẽma norü uanügü rü tá nagu napogüe ya yima ĩane ya Yerucharéü̃. Rü ngẽmaãcü tá nangupetü ñu̱xmatáta nawa nangu i ngẽma ngunexü̃ i nagu Tupana ínawoxü̃xü̃ i ngẽma uanügü.

Ore i mexü̃ ga Márcu ümatüxü̃ 13:7

Rü ngẽxguma nüxü̃ pexĩnüegu nax nügü nada̱i̱xü̃ i nachixü̃anegü i ngaicamagüxü̃ rü togü i nachixü̃anegü i yáxü̃gugüxü̃, ¡rü taxũtáma ngẽmaca̱x peba̱i̱xãchiãẽgü! Erü woetama ngẽmaãcü tá nangupetü. Natürü taxũta naanearü gu̱x nixĩ i ngẽma.

Ore i mexü̃ ga Matéu ümatüxü̃ 22:7

Rü yexguma ga gumá ãẽ̱xgacü rü poraãcü nanu. Rü norü churaragüxü̃ yéma namugü nax yadaiãxü̃ca̱x ga yema duü̃xü̃gü ga máetagüxü̃, rü nax yagugüãxü̃ca̱x ga gumá norü ĩane.

Ore i mexü̃ ga Matéu ümatüxü̃ 22:2

—Rü daxũwa ya Tupana ãẽ̱xgacü ixĩxü̃wa rü nanangẽxgumaraxü̃ ga wüxi ga nachixü̃anearü ãẽ̱xgacü ga nanearü ngĩgü üchiücürüxü̃ nixĩ.

Amúx 9:5

Rü yimá Cori ya Tupana ya Guxãétüwa Ngẽxmacü rü ngẽxguma ñoma i naanexü̃ yangógügu rü tá inagü i ngẽma waixü̃mü, rü tá naxauxe i guxü̃ma i duü̃xü̃gü i nawa maxẽxü̃. Rü ñaa naane rü tá naxĩnagüxü̃ rü ínarüxĩĩxü̃ ñoma taxtü i Níruarü yuape ya tacürüxü̃.

Amúx 8:8

Rü ngẽmaca̱x i ñoma i naane rü tá nixĩã̱xcüxü rü norü duü̃xü̃gü rü tá naxauxe. Rü ñaa naane rü tá naxĩnagüxü̃ rü ínarüxĩĩxü̃ ñoma taxtü i Níruarü yuape ya tacürüxü̃

Ochéa 1:9

Rü yexguma ga nüma ga Cori ya Tupana rü Ochéaxü̃ ñanagürü: —Ngẽma cune rü Lo-amígu naxüéga, erü pema i Iraéanecüã̱xgü rü marü tama chorü duü̃xü̃gü pixĩgü rü choma rü marü tama perü Tupana chixĩ —ñanagürü.

Yeremía 46:7

¿Rü texé tixĩ ya yíxema ñoma taxtü i Níru rübaixü̃rüxü̃ rü poraxü̃chixü̃rüxü̃ tügü ixĩxẽẽchaü̃xe?

Wiyaegü 22:15

Rü chaua̱x rü nipamare ñoma waixü̃mü i paxü̃rüxü̃. Rü yimá chorü conü rü chauxmanaxãwa nayaxũ̱x. Rü waixü̃müte̱xegu choxü̃ cuta̱x ñoma chayuxü̃rüxü̃.

Ore i mexü̃ ga Luca ümatüxü̃ 21:6

—Rü nawa tá nangu i ngunexü̃gü i guxü̃netama ya daa Tupanapata ya nüxü̃ pedauxü̃ne, rü tá nagu napogüe. Rü naxtapü̱xarü nutagü rü taxucütama nügüétü naxüxüra, rü bai ya wüxi —ñanagürü.

Ore i mexü̃ ga Matéu ümatüxü̃ 23:38

Dücax i ñu̱xma ya perü Tupanapata ya taxü̃ne, rü Tupana tá nüxna nixũ.

Danié 11:17

Rü ñu̱xũchi nügü tá naxca̱x namexẽxẽ nax naya̱u̱xãxü̃ca̱x i guxü̃ma i ngẽma naane i Súrwa ngẽxmaxü̃. Rü ngẽmaca̱x Súranearü ãẽ̱xgacümaxã wüxi i uneta tá naxü, rü naxacü tá nüxna ngĩxü̃ namu nax naxma̱x yixĩxü̃ca̱x nax ngẽmaãcü naya̱u̱xãxü̃ca̱x i ngẽma naane i Súrwa ngẽxmaxü̃. Natürü ngẽma nagu naxĩnüxü̃ rü nagu tá narüchixe.

Yeremía 51:42

Rü Babiróniaanearü uanügü rü ñoma már arü yuaperüxü̃ guxü̃wama Babiróniaanegu nachocu, rü norü churaragümaxã nanapa i ngẽma nachixü̃ane.

Danié 11:22

Rü nüma i ngẽma ãẽ̱xgacü i chixecümaxü̃ rü ñoma mucü ya tacü ya guxü̃ma iyarüxoxẽẽcürüxü̃ tá inayanaxoxẽxẽ i norü uanügüarü churaragü. Rü tá ínanata̱xüchi i ngẽma ãẽ̱xgacü i namaxã uneta naxuchiréxü̃.

2 Chamué 21:5

Rü nümagü nanangãxü̃gü rü ñanagürügü: —Nagagu ga yema yatü ga toxü̃ iyarüxoxẽẽchaü̃xü̃ rü nagu rüxĩnüxü̃ nax itayarüxoxü̃ca̱x i Iraéarü naanewa, rü tanaxwa̱xe i toxna cunamugü i 7 i natanüxü̃ i Chaú ga Cori ya Tupana nüxü̃ unetacü. Rü toma rü ĩane ya Guibeágu tá Cori ya Tupanape̱xegu tanawẽxgünaxã —ñanagürügü. Rü nüma ga ãẽ̱xgacü rü naga naxĩnü nax nüxna namugüãxü̃ ga yema Chaútanüxü̃.

Ichaía 28:2

Rü ngẽmaca̱x nüma ya Cori ya Tupana rü ngéma tá nanamugü i norü uanügü i churaragü i poraxüchixü̃. Rü ñoma gáuxü̃ i dauxü̃wa rüyi̱xü̃rüxü̃ rü buanecü ya taxüchicü ya ĩpatagügu pogüxü̃rüxü̃ tá nixĩgü. Rü ñoma pucü ya taxüchicü ya guxü̃wama nanguanexẽẽcürüxü̃ ta nixĩgü i ngẽma churaragü. Rü ngẽma norü uanügü i churaragü rü tá nagu napogüe ya yima ĩane ya Chamária ya namaxã nügü yacua̱xüü̃güne i ngẽma duü̃xü̃gü i ngãxwa̱xegüxü̃ i Efraíü̃anewa ngẽxmagüxü̃.

Ichaía 28:22

¡Rü ngẽmaca̱x marütama nax Tupanaxü̃ pecugüexü̃ nax tama yexeraãcü pexü̃ napoxcuexü̃ca̱x! Erü marü nüxü̃ chaxĩnü nax Cori ya Tupana ya Guxãétüwa Ngẽxmacü rü tá yanaxoxẽẽãxü̃ i guxü̃ma i ñaa nachixü̃ane.

Danié 11:36

Rü ngẽma Nórtearü ãẽ̱xgacü rü guxü̃ma i ngẽma nüma nanaxwa̱xexü̃ tá naxümare. Rü tá nügü nicua̱xüxü̃ rü tá nügügu nayaxõ nax guxü̃ma i tupananetagüarü yexera naporamaexü̃. Rü Tupanamaxã tá naguxchiga. Rü guxü̃táma i ngẽma naxüxü̃wa rü mea tá nüxü̃́ ínanguxuchi rü ñu̱xmata Tupana naxca̱x ínanguxẽxẽ i norü poxcu. Erü ngẽma Tupana ueguxü̃ rü tá nayanguxẽxẽ.