Danié 9:23 - Tupanaarü Ore

²³ Rü yexguma noxritama icunaxügügu nax cuyumüxẽxü̃ rü Tupana rü marü cuxü̃ nangãxü̃. Rü ngẽmaca̱x i chomax rü nua chaxũ nax cumaxã nüxü̃ chayarüxuxü̃ca̱x nax marü cuxü̃ nangãxü̃xü̃, erü nüma ya Tupana rü poraãcü cuxü̃ nangechaü̃. ¡Rü ñu̱xma rü mea irüxĩnü i ngẽma tá cumaxã nüxü̃ chixuxü̃ nachiga ga yema nüxü̃ cudauxü̃ ga yexguma cungo̱xetügu!

Danié 9:23 Referans Kwoze

Ore i mexü̃ ga Matéu ümatüxü̃ 24:15

Rü nũxcümaü̃cü ga Tupanaarü orearü uruxü̃ ga Danié nachiga nanaxümatü i ngẽma chixexü̃ i Tupanape̱xewa poraãcü ãũãchixü̃ i tá ínguxü̃. Rü ngẽxguma nüxü̃ peda̱u̱xgu nax Tupanapata ya taxü̃ne ya üünenewa nangóxü̃ i ngẽma chixexü̃ i Tupanape̱xewa chixexü̃chixü̃, rü yíxema nawa ngúxe rü name nixĩ i nüxü̃ tacua̱x nax ta̱xacüchiga yixĩxü̃.

Ore i mexü̃ ga Luca ümatüxü̃ 1:28

Rü yema nachica ga María nawa yexmaxü̃gu naxücu ga Gábi, rü ñanagürü ngĩxü̃: —Nuxmae Pa Maríax. Tupana rü poraãcü cumaxã nataãxẽ, rü cuxü̃tawa nangẽxma. Rü guxü̃ i ngexü̃güarü yexera marü cuxü̃ narüngü̃xẽxẽ —ñanagürü.

Charumóü̃arü wiyae 7:10

Choma rü chaute ya choxü̃́ ngúchaü̃cüarü chixĩ. Rü nüma rü poraãcü nüxü̃́ changúchaü̃.

Echequié 26:12

Rü ngẽma norü churaragü rü tá nanadegü rü naxca̱x nangĩ̱xgü i curü ngẽmaxü̃gü i namaxã cutaxexü̃. Rü tá nayawa̱xgüxẽxẽ i ngẽma curü poxeguxü̃tápü̱xgü. Rü ngẽxgumarüxü̃ tá ta nayawa̱xgüxẽxẽ ya yima cupatagü ya imexẽchine. Rü ngẽmawena rü tá márwa nanawoü̃gü ya yima nutagü rü norü omütagü rü woo ngẽma natüchigü.

Echequié 24:16

—Pa Yatüx, cuma rü tüxü̃ cungechaü̃xüchi ya cuxma̱x, natürü i choma rü ngürüãchimare tá tüxna chanayaxu i tümaarü maxü̃. Rü tama chanaxwa̱xe nax tümaca̱x cuxaxuxü̃ rü cungechaü̃xü̃ naxrüxü̃ i ngẽma togü i duü̃xü̃gü ega nayutanügu. Rü bexma tá ngúxü̃ quinge. Rü tama chanaxwa̱xe nax ngepatexeãcü rü ngearü chapatuãcü quixũxü̃. Rü tama chanaxwa̱xe i cunangṍxü̃ i ngẽma paũ i ngẽma togü i duü̃xü̃gü ngṍxü̃ i ngẽxguma nayutanügu —ñanagürü choxü̃ ga Tupana.

Danié 6:3

Rü nüma ga Danié rü guxü̃ma ga yema togü ga ãẽ̱xgacügüarü yexera nüxü̃ nacua̱xüchi. Rü yemaca̱x ga nüma ga ãẽ̱xgacü rü nagu narüxĩnü nax namücüxü̃ nüxü̃ naxunetaxü̃ nax yema Babiróniaanemaxã inacuáxü̃ca̱x.

Norü taxre ga popera ga ãẽ̱xgacügüchiga 19:20

Rü yemawena nüma ga Ichaía rü Echequíaca̱x yéma namuga rü ñanagürü: —Nüma ya Iraétanüxü̃arü Tupana rü ñanagürü cuxü̃: “Marü cuxü̃́ nüxü̃ chaxĩnü i curü yumüxẽ i chomaxã nüxü̃ quixuxü̃ i Achíriaanearü ãẽ̱xgacü i Chenáquerichiga”, ñanagürü.

Ucu̱xẽgüchiga 15:8

Nüma ya Cori ya Tupana tama nanayaxu i norü ãmaregü i ngẽma chixexü̃gu maxẽxü̃. Natürü taãẽãcü nanayaxu i tümaarü yumüxẽgü ya yíxema aixcüma mea maxẽxe.

Echequié 14:14

Rü ngẽxguma chi ngẽma nachixü̃anewa namaxẽgu i Noé, rü Danié, rü Yox, rü ngẽma tomaepü̱xica chitama nixĩ i maxẽxü̃ erü aixcüma nayaxõgü. Rü choma ya Cori ya Tupana nixĩ i cumaxã nüxü̃ chixuxü̃ i ngẽma.

Danié 10:1

Rü gumá norü tomaepü̱x ga taunecü nax ãẽ̱xgacü yixĩxü̃ ga Chíru ga Pérchiaanewa, rü choma ga Danié ga Betachámaxã choxü̃ naxugüe rü Tupana choxü̃ nüxü̃ nadauxẽxẽ i ngẽma tá ngupetüxü̃. Rü yema nüxü̃ chadauxü̃ rü aixcüma nixĩ, natürü poraãcü naguxcha nax nüxü̃ icuáxü̃ nax ta̱xacüchiga yixĩxü̃. Natürü ga choma rü meama chanangugü nax ta̱xacüchiga yixĩxü̃ rü yemaacü nüxü̃ chacua̱xama ga yema nüxü̃ chadauxü̃.