Danié 9:21 - Tupanaarü Ore

²¹ Rü yexguma íchayumüxẽyane rü cha̱u̱xca̱x nango̱x ga Tupanaarü orearü ngeruxü̃ ga dauxü̃cüã̱x ga Gábi ga ü̃pa cha̱u̱xca̱x ngócü ga yexguma Tupana choxü̃ ngo̱xetüxẽẽgu. Rü yagoeãcü yema íchayexmaxü̃wa nangu. Rü yema ora ga Tupanaca̱x ãmaregü yagugüxü̃ ga yáuanecü nixĩ ga chauxü̃tawa nanguxü̃.

Danié 9:21 Referans Kwoze

Ore i mexü̃ ga Luca ümatüxü̃ 1:19

Rü Chacaríaxü̃ nangãxü̃ ga yema daxũcüã̱x, rü ñanagürü: —Choma nixĩ i Gábi i Tupanaarü puracü chaxüxü̃. Rü nüma nixĩ i núma choxü̃ namuxü̃ nax cumaxã nüxü̃ chixuxü̃ca̱x i ñaa ore i mexü̃.

Danié 8:16

Rü nüxü̃ chaxĩnü ga wüxi ga naga ga naduü̃xü̃garaxü̃xü̃ ga natü ga Uráiwa inaxũxü̃ ga ñaxü̃: —¡Pa Gábix, yimá yatümaxã nüxü̃ ixu nax ta̱xacüchiga yixĩxü̃ i ngẽma nüxü̃ nadauxü̃! —ñaxü̃.

Danié 10:16

Rü ngürüãchi wüxi ga naduü̃xü̃raxü̃xü̃ cha̱u̱a̱xgu ningõgü. Rü yexguma chicho rü chidexa rü ñachagürü nüxü̃ ya yema chopexegu chíxü̃: —Pa Chorü Corix, ngẽma nüxü̃ chadauxü̃ rü poraãcü choxü̃ nangechaü̃xẽxẽ rü choxü̃ nangearü poraã̱xẽxẽ.

Nüxíraxü̃xü̃ ga popera ga ãẽ̱xgacügüchiga 18:36

Rü yexguma orawa nanguxgu nax yaguãxü̃ ga wocaxacü, rü nüma ga Tupanaarü orearü uruxü̃ ga Ería rü naxca̱x nixũ ga yema ãmarearü guruxü̃. Rü tagaãcü ñanagürü: —Pa Corix, ya Abraáü̃arü rü Ichaáarü rü Iraéarü Tupanax ¡cugü inawe̱x i ñu̱xmax nax cuma quixĩxü̃ i Iraéanecüã̱xarü Tupana, rü choma nax chixĩxü̃ i curü duü̃xü̃, rü cuma quixĩxü̃ i choxü̃ cumuxü̃ nax chanaxüxü̃ca̱x i guxü̃ma i ñaa chaxüxü̃!

Popera ga Yudíugü ga yaxõgüxü̃ca̱x ümatüxü̃ 1:14

Rü guxü̃ma i Tupanaarü orearü ngeruü̃gü i daxũcüã̱x rü naãxẽgü i Tupanaaxü̃́ puracüexü̃ nixĩgü. Rü nüma ya Tupana rü nanamugü nax nüxü̃ yanangü̃xẽẽgüxü̃ca̱x i guxü̃ma i ngẽma duü̃xü̃gü ya Tupana naxwa̱xexü̃ nax nayauxgüãxü̃ i maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 10:3

Rü wüxi ga ngunexü̃ ga yexguma tomaepü̱xarü orawa nanguxchaü̃gu ga yáuanecü, rü nango̱xetü. Rü meama nüxü̃ nadau ga wüxi ga Tupanaarü orearü ngeruxü̃ ga daxũcüã̱x ga yema ucapu ga nawa nayexmaxü̃gu ücuxü̃. Rü ñanagürü nüxü̃: —Pa Cornériux —ñanagürü.

Danié 10:18

Rü yema naduü̃xü̃raxü̃xü̃ rü wena choxü̃ ningõgü rü pora choxna naxã. Rü ñu̱xũchi choxü̃ ñanagürü: ¡Taxṹ i cumuü̃xü̃ rü cuxoegaãẽxü̃! Tupana rü cuxü̃ nangechaxü̃. ¡Rü cugü naporaxẽxẽ rü taxṹ i cumuü̃xü̃!, ñanagürü. Rü yexguma chomaxã íyadexagu rü nüxü̃ chicua̱xãchi ga nax chiporachigüxü̃. Rü ñachagürü: —¡Pa Corix, ẽcü chomaxã idexa erü cha̱u̱xca̱x cunatáeguxẽxẽ i pora! —ñachagürü.

Danié 8:18

Rü yexguma chomaxã yadexayane rü chiyuãchi rü yexma waixü̃müanegu chayangu. Natürü ga nüma rü choxü̃ ningõgü rü choxü̃ inachixẽxẽ. Rü ñu̱xũchi choxü̃ ñanagürü: —Cumaxã tá nüxü̃ chixu nax ñuxãcü tá yixĩxü̃ i ngẽxguma nagu̱xgu nax Tupana napoxcuexü̃ i norü duü̃xü̃gü i tama naga ĩnüexü̃. Erü ngẽma cunegüwa nüxü̃ cudauxü̃ rü nachiga nixĩ i ngẽma ngunexü̃gü i nagu yacuáxü̃ i ngẽma ñu̱xma ngupetüxü̃.

Ichaía 6:2

Rü naétüwa nayexmagü ga daxũcüã̱xgü. Rü wüxichigü ga yema rü nüxü̃́ nayexma ga 6 ga naxpe̱xatügü. Rü taxre ga naxpe̱xatümaxã rü nügü nidüxchiwegü, rü guma nai ga taxre ga naxpe̱xatümaxã nügü nidüxparagü, rü guma nai ga taxremaxã rü nixüüxü̃.

Wiyaegü 103:20

Pa Daxũcüã̱x i orearü Ngeruxü̃ i Poraexü̃ i Yanguxẽxẽgüxe i Ngẽma Tupana Pexü̃ Muxü̃ ¡rü mexü̃ Corimaxã pexuegugü!

Ínachoxü̃xü̃chiga 29:39

Rü wüxi tá nixĩ i pa̱xmama quiguxü̃ rü to rü tá yáuanecü cuyagu.

Popera ga Yudíugü ga yaxõgüxü̃ca̱x ümatüxü̃ 1:7

Rü yexguma norü orearü ngeruü̃gü ga daxũcüã̱xchiga yadexaxgu ga Tupana, rü ñanagürü: “Choma rü chanamu i ngẽma chorü orearü ngeruü̃gü. Rü ñoma buanecürüxü̃ rü ñoma üxüemarüxü̃ chayaxĩgüxẽxẽ nax naxügüã̱xü̃ca̱x i chorü ngúchaü̃”, ñanagürü.

Ngechuchuarü ngúexü̃gü ga yamugüxü̃arü puracüchiga 12:7

Rü ngürüãchi yema poxcupataü̃wa nango̱x ga wüxi ga Coriarü orearü ngeruxü̃ ga daxũcüã̱x. Rü poraãcü nangóone ga gumá poxcupataü̃wa. Rü yema orearü ngeruxü̃ rü Pedruxü̃ nacu̱xagü, rü nanabaixãchixẽxẽ. Rü ñanagürü: —¡Paxãma írüda! —ñanagürü. Rü yexgumatama íniwẽgü ga gumá cadéna ga Pedru namaxã ichotachacüücü.

Ngechuchuarü ngúexü̃gü ga yamugüxü̃arü puracüchiga 10:9

Rü moxü̃ãcü ga yexguma namagu naxĩyane ga yema duü̃xü̃gü ga Cornériu yéma mugüxü̃, rü yexguma marü Yópexü̃ yangaicagügu, rü Pedru rü daxũ naxĩ ga ĩpataétüwa nax yéma nayumüxẽxü̃ca̱x. Rü tocuchiarü oragu nixĩ ga yexguma.

Ngechuchuarü ngúexü̃gü ga yamugüxü̃arü puracüchiga 3:1

Rü wüxi ga ngunexü̃gu ga Pedru rü Cuáü̃ rü tomaepü̱xarü oragu ga yáuanecü rü Tupanapata ga taxü̃newa naxĩ, yerü yema nixĩ ga yumüxẽarü ora.

Ore i mexü̃ ga Matéu ümatüxü̃ 27:46

Rü yema tomaepü̱xarü oragu rü Ngechuchu rü tagaãcü aita naxü, rü ñanagürü: —Erí, Erí, ¿damá chabátani? —ñanagürü. Rü ngẽma rü ñaxü̃chiga nixĩ: “Pa Chorü Tupanax, Pa Chorü Tupanax, ¿tü̱xcüü̃ choxna quixũgachixü̃?” ñaxü̃chiga nixĩ.

Danié 10:10

Natürü wüxi ga naxme̱x rü choxna natüxüe rü choxü̃ nangenagü ñu̱xmata cho̱xme̱xmaxã rü chauã́pü̱xümaxã ichachuxenü.

Echequié 1:14

Rü yema querubíü̃gü rü paxãma nu ne nanaxĩ ñoma ba̱i̱xbeanexü̃rüxü̃.

Echequié 1:11

Rü yema ãgümücü ga querubíü̃gü rü wüxichigü nanangenagü ga taxre ga naxpe̱xatü rü namücüpe̱xatüpe̱xewa nayaxũ̱xgüchigü. Rü guma nai ga taxre ga naxpe̱xatügü rü naxü̃nearü düxruxü̃ nixĩgü.

Wiyaegü 104:4

Rü yimá buanecü nixĩ i yangegücü i cuga. Rü ngẽma üxüema nixĩ i naxüxü̃ i curü ngúchaü̃.

Ore i mexü̃ ga Luca ümatüxü̃ 1:26

Rü yexguma 6 ga tauemacü marü ngĩxü̃́ mexgu ga Erichabé nax naxãxacüxü̃, rü Tupana rü Gariréaanewa yexmane ga ĩane ga Nacharétuwa nanamu ga norü orearü ngeruxü̃ ga Gábi.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:17

Rü yemaacü nixĩ ga nüxü̃ chadauxü̃ ga yema cowarugü ga yexguma chango̱xetügu. Rü yema churaragü ga yema cowaruétügu ĩxü̃ rü nüxü̃́ nayexma ga norü nga̱xcuxü̃nexü̃ ga poxü̃ruxü̃ ixĩxü̃ ga ñoma üxüxetürüxü̃ iyauraxü̃. Rü yema poxü̃ruxü̃ rü nixãmatü rü nidaumatü rü niya̱u̱xmatü rü nidexmatü. Rü yema cowaruerugü rü ñoma leóü̃erurüxü̃ nixĩgü. Rü naã̱xgüwa ínaxũxũ ga üxüema rü caxixü̃ rü achúfre.

Wiyaegü 141:2

Rü ñaa chorü yumüxẽ i cumaxã nüxü̃ chixuxü̃ ¡rü nayaxu ñoma pumarate̱xe i yáuanecü chaxunagüchacüxüãcüma cuxca̱x chiguxü̃rüxü̃!

Echequié 14:14

Rü ngẽxguma chi ngẽma nachixü̃anewa namaxẽgu i Noé, rü Danié, rü Yox, rü ngẽma tomaepü̱xica chitama nixĩ i maxẽxü̃ erü aixcüma nayaxõgü. Rü choma ya Cori ya Tupana nixĩ i cumaxã nüxü̃ chixuxü̃ i ngẽma.

Nüxíraxü̃xü̃ ga popera ga ãẽ̱xgacügüchiga 18:29

Rü tocuchiwa nangu rü nümagü rü inayadaxẽẽgü ga nax yaxáichaxü̃ rü nax nayuxtanüxü̃, rü yemaacü nayáuanexü̃gumare, natürü taxuxü̃ma nanangãxü̃ rü bai ga wüxi ga naga ga nüxü̃ naxĩnüexü̃. Rü düxwa orawa nangu nax Ería Tupanaca̱x yamáxü̃ ga yema to ga wocaxacü.