Danié 9:16 - Tupanaarü Ore

¹⁶ Pa Cori Pa Tupanax, nüxü̃ tacua̱x rü cuma rü cumecümaxü̃chi. Rü ngẽmaca̱x cuxna taca nax namaxã icurüngüxmüxü̃ca̱x ya yima ĩane ya Yerucharéü̃cüã̱xgü. Erü yima ĩane rü cuxrü nixĩ, rü ngéma nangẽxma ya curü ma̱xpǘne ya üünene. Rü ñu̱xma rü guxü̃ma i ngẽma togü i nachixü̃anecüã̱xgü i duü̃xü̃gü rü nüxü̃ nacugüe i ngẽma curü duü̃xü̃gü rü nüxü̃ nacugüe ya yima Yerucharéü̃ nagagu i ngẽma chixexü̃gü i toma taxügüxü̃ rü torü o̱xigü ügüxü̃.

Danié 9:16 Referans Kwoze

Chacaría 8:3

Rü ñachagürü ta: “Choma rü Yerucharéü̃ca̱x tá chataegu nax ngéma chamaxü̃xü̃ca̱x. Rü ngẽxguma chataeguxgu rü yima ĩane ya Yerucharéü̃ rü Ĩane ya Chauga Ĩnünemaxã tá nanaxugü. Rü ngẽxgumarüxü̃ ta ya yima chorü ma̱xpǘne ya Chióü̃, rü Ma̱xpǘne ya Üünenemaxã tá nanaxugü”, ñachagürü.

Joel 3:17

Rü nüma ya Cori ya Tupana rü ñanagürü: —Pemax rü tá nüxü̃ picua̱xãchitanü nax choma i perü Cori ya Tupana rü yima chorü ma̱xpǘne ya Üünene ya Chióü̃wa chamaxü̃xü̃. Rü yima ĩane ya Yerucharéü̃ rü wüxi ya ĩane ya üünene tá nixĩ. Rü tagutáma wena to i nachixü̃anecüã̱xgü nagu nachocu.

Danié 9:20

Rü choma rü íchayadaxẽxẽ ga nax chayumüxẽxü̃ rü Tupanamaxã nüxü̃ chixuxü̃ ga chorü chixexü̃gü rü chautanüxü̃ ya Iraétanüxü̃arü chixexü̃gü. Rü Cori ya Tupanaxü̃ chaca̱a̱xü̃ naxca̱x ya yima norü ma̱xpǘne ya üünene.

Wiyaegü 31:1

Pa Corix, Pa Tupanax, cuxü̃tagu nixĩ i chaugü charücúxü̃ nax choxü̃ ícupoxü̃xü̃ca̱x. ¡Rü taxṹ i choxü̃ cuxoxü̃ ega curü ngü̃xẽẽca̱x íchacaxgu! ¡Rü choxü̃ ínanguxuchixẽxẽ naxme̱xwa i chorü uanügü! Erü cuma rü Tupana ya ixaixcümacü quixĩ.

Wiyaegü 79:4

Rü ngẽma nachixü̃anegü i torü ngaicamana ngẽxmagüxü̃ rü togu nidauxcüraxü̃gü rü toxü̃ nacugüe.

Wiyaegü 71:2

¡Rü ẽcü chorü uanügüna choxü̃ ínapoxü̃! Erü cuma rü chomaxã quixaixcüma. ¡Rü choxü̃́ nüxü̃ naxĩnü i chorü yumüxẽ rü choxü̃ ínanguxuchixẽxẽ!

Ínachoxü̃xü̃chiga 20:5

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃, rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa chananguxẽxẽ i ngẽma poxcu.

Nüxíraxü̃xü̃ ga popera ga Cuáü̃ ümatüxü̃ 1:9

Natürü ngẽxguma chi Tupanamaxã nüxü̃ ixuxgu i tórü pecadugü, rü nüma ya Tupana ya ixaixcümacü rü tá tüxü̃́ nüxü̃ inarüngüma i tórü pecadugü rü tá inayanaxoxẽxẽ i guxü̃ma i tórü chixexü̃gü.

2 Tesalonicenses 1:6

Rü name nax Tupana ngúxü̃ nüxü̃ yangexẽẽgüxü̃ i ngẽma duü̃xü̃gü i ngúxü̃ pexü̃ ingegüxẽẽxü̃.

Echequié 5:14

Rü chomax, Pa Yerucharéü̃cüã̱xgü rü tá nagu chapogü ya yima perü ĩane. Rü ĩpata ya iwa̱xgünexica tá ngéma nayaxügü. Rü ngẽmaãcü tá guxü̃ i togü i nachixü̃anegüpe̱xewa pexü̃ chaxãneexẽxẽ. Rü guxü̃ma i duü̃xü̃gü i ngéma chopetüxü̃ tá nüxü̃ nadaugü i ngẽma chixexü̃ i pexü̃ ngupetüxü̃.

Yeremía 29:18

Rü choma rü tá nawe chingẽchigü i ngẽma duü̃xü̃gü namaxã i dai rü taiya rü daaweane. Rü ngẽmaãcü tá chanaxü nax guxü̃ma i nachixü̃anecüã̱x i duü̃xü̃gü namaxã baixãchiexü̃ca̱x i ngẽxguma nüxü̃ nadaugügu. Rü guxü̃ma i ngẽma nachixü̃anegü i nagu tá chanawoonexü̃ i ngẽma duü̃xü̃gü rü wüxi i cua̱xruxü̃ tá chayaxĩxẽxẽ. Rü ngẽma togü i nachixü̃anecüã̱x i duü̃xü̃gü rü tá chixri nachiga nidexagü, rü tá namaxã naba̱i̱xãchie, rü tá nüxü̃ nacugüe, rü tá chixexãcü nüxü̃ narüdaunü.

Yeremía 24:9

Rü poraãcü tá chanapoxcue i ngẽma duü̃xü̃gü rü ngẽmaca̱x i ngẽma togü i nachixü̃anecüã̱xgü rü ngẽxguma ngẽmaxü̃ nadaugügu rü tá poraãcü namaxã naba̱i̱xãchie. Rü ngẽma nachixü̃anegü i nagu chanawoonexü̃wa rü duü̃xü̃gü rü tá nagu nidauxcüraxü̃gü rü nüxü̃ nacugüe rü nüxü̃ naxoe rü chixexü̃ namaxã nixugüe.

Wiyaegü 143:1

Pa Cori Pa Tupanax ¡choxü̃́ nüxü̃ naxĩnü i chorü yumüxẽ! ¡Rü naxca̱x irüxĩnü i ngẽma cuxna naxca̱x chaca̱xaxü̃! ¡Rü ẽcü choxü̃ nangãxü̃! Erü cumecüma rü aixcüma cuyanguxẽxẽ i ngẽma nüxü̃ quixuxü̃.

Wiyaegü 41:13

Rü namecümaxüchi ya Cori ya Iraétanüxü̃arü Tupana. Rü nüma rü guxü̃guma nangẽxmaecha. ¡Rü ngẽmaãcü yixĩ!

Neemía 9:8

Rü cuma nüxü̃ cucua̱x nax wüxi ga yatü ga aixcüma cuxü̃́ yaxõxü̃ nax yixĩxü̃. Rü wüxi ga uneta namaxã cuxü nax nataagüna tá cunaxãxü̃ ga yema naane ga nawa nayexmagüxü̃ ga Canaáü̃tanüxü̃, rü Itítanüxü̃, rü Amoréutanüxü̃, rü Ferechéutanüxü̃, rü Yebuchéutanüxü̃, rü Guerguechéutanüxü̃. Rü cuyanguxẽxẽ ga yema curü uneta, erü cuma rü guxü̃guma cuyanguxẽxẽ i ngẽma nüxü̃ quixuxü̃.

1 Chamué 2:7

Rü nüma ya Cori ya Tupana rü tüxü̃ nangearü ngẽmaxü̃xã̱xẽxẽ rü ngẽxgumarüxü̃ ta tüxü̃ namuarü ngẽmaxü̃xã̱xẽxẽ. Rü guxchaxü̃ taxca̱x ínangu̱xẽxẽ rü ngẽxgumarüxü̃ ta guxchaxü̃wa tüxü̃ ínanguxuchixẽxẽ.

Wiyaegü 85:4

Pa Tupana ya Torü Maxẽxẽxẽruxü̃, rü ñu̱xma rü tanaxwa̱xe i wenaxarü toétüwa cuchogü. Rü tama name i tomaxã cunuecha.

Ichaía 5:25

Rü ngẽmaca̱x nixĩ ya Cori ya Tupana i norü duü̃xü̃gümaxã nanuxü̃ rü düxwa napoxcueãxü̃. Rü ma̱xpǘnegü rü nidu̱xrugü, rü duü̃xẽgü ya yuexe rü ñoma guxchirerüxü̃ ĩanearü namagu tawoone. Natürü ya Cori ya Tupana rü tama inarüngü̃xmü rü nayadaxẽẽãma nax duü̃xü̃güxü̃ naxãxũnexü̃.

Yeremía 32:31

Rü daa ĩane rü noxri inaxügügucürüwa rü ñu̱xmata ñoma i ngunexü̃wa nangu rü norü duü̃xü̃gü rü guxü̃guma poraãcü choxü̃ nanuxẽẽgü. Rü ngẽmaca̱x i choma rü tá chayanaxoxẽxẽ ya daa ĩane nagagu ga yema chixexü̃ ga naxügüxü̃ ga yema Iraéanecüã̱xgü rü Yudáanecüã̱xgü, rü norü ãẽ̱xgacügü, rü norü ngü̃xẽẽruü̃gü, rü norü chacherdótegü, rü norü orearü uruü̃gü, rü guxü̃ma i Yudáanearü duü̃xü̃gü rü Yerucharéü̃arü duü̃xü̃gü.

Danié 11:45

Rü ñu̱xũchi ngẽma metachinüxü̃ i Yerucharéü̃arü rü márpechinüarü ngãxü̃wa ngẽxmaxü̃gu tá nayatexechigü i norü churaragüpatagü i naxchirunaxca̱x. Natürü ngẽxma tátama nixĩ i nayuxü̃, rü taxúetama nüxü̃ tarüngü̃xẽxẽ —ñanagürü.

Wiyaegü 89:51

Pa Corix, ngẽmaãcü nixĩ i ngúxü̃ toxü̃ ningexẽxẽ rü chixexü̃ tomaxã yaxugüexü̃ i ngẽma curü uanügü. Rü ngẽmaãcü ngextá ínaxũxü̃wa rü chixri nachiga nidexagü ya yimá cumatama nüxü̃ cuxunetacü nax curü duü̃xü̃ yixĩxü̃.

Echequié 22:4

Rü ngẽma curü máetagügagu rü tá cupoxcu. Erü ngẽma naxchicüna̱xãgü ga cumatama cuxüxü̃gagu cugütama cuxãũãchi. Rü ngẽmaca̱x paxa tá ínangu i curü poxcu rü paxa tá cugu napogügü i curü uanügü. Rü tá chanamu i ngẽma togü i duü̃xü̃gü nax cumaxã naguxchigagüxü̃ca̱x. Rü guxü̃ma i ngẽma togü i nachixü̃anegü rü tá cuxü̃ nacugüe.