Danié 9:14 - Tupanaarü Ore

¹⁴ Rü yemaca̱x, Pa Cori Pa Tupanax, rü toxca̱x ícunangu̱xẽxẽ ga yema taxü̃ ga guxchaxü̃ ga cumatama tomaxã cuxueguxü̃. Erü cuma rü aixcüma cuyanguxẽxẽ i ngẽma nüxü̃ quixuxü̃. Natürü i toma rü tama cuxü̃́ itarüxĩnüechaü̃.

Danié 9:14 Referans Kwoze

Danié 9:7

Rü cumax, Pa Cori Pa Tupanax, rü aixcümacü quixĩ. Rü ngẽmaca̱x poraãcü cupe̱xewa taxãnee i toma i Yerucharéü̃cüã̱xgü, rü ngẽma togü i totanüxü̃ i Iraétanüxü̃ i ngaicamawa rü yáxü̃wa to i nachixü̃anegu cuwoonexü̃ nagagu nax tama cuga naxĩnüexü̃.

Neemía 9:33

Natürü tama cugagu nixĩ ga yema guxchaxü̃gü ga toxü̃ ngupetüxü̃ yerü meama niwe̱x i guxü̃ma i ngẽma cuxüxü̃. Natürü toma nixĩ ga chixexü̃ taxügüxü̃.

Yeremía 44:27

Erü choma rü marü íchame nax pexca̱x íchananguxẽẽxü̃ i taxü̃ i guxchaxü̃gü, rü tama i ta̱xacürü mexü̃gü. Rü guxü̃ma i Yudátanüxü̃ i ñu̱xma Equítuanewa maxẽxü̃ rü aixcüma tá nayue nagu i dai rüe̱xna nagu i taiya, rü ngẽmaãcü tá nagu̱x i guxü̃ma.

Wiyaegü 51:14

Pa Tupana ya Chorü Maxẽxẽruxü̃x ¡choxü̃ ínanguxuchixẽxẽ nax yexü̃cürü nagü ichanabaxẽxẽxü̃! Rü choma rü wiyaeãcüma tá nüxü̃ chixu nax cuma rü aixcümacü quixĩxü̃.

Yeremía 31:28

Rü choma rü noxri íchame nax pexü̃ íchawoxü̃xü̃, rü nagu chapogüxü̃ ga perü ĩanegü, rü chayawa̱xgüxẽẽxü̃ ga perü ĩanegüarü poxeguxü̃gü, rü chayanaxoxẽẽxü̃ ga yema pexü̃́ yexmagüxü̃, rü guxchaxü̃ pexca̱x íchanguxẽẽxü̃. Natürü i ñu̱xma i choma rü íchamemare nax wena tá pexü̃ charüngü̃xẽxẽxü̃ nax pixüpatagüxü̃ca̱x rü petoegüxü̃ca̱x. Rü choma ya Cori ya Tupana nixĩ i ngẽma ñachaxü̃.

Norü taxre ga to ga popera ga ãẽ̱xgacügüchiga ümatüxü̃ 12:6

Rü yexguma ga Roboáü̃ rü ñu̱xũchi yema Iraéanemaxã icua̱xgüxü̃ ga ãẽ̱xgacügü rü nüxü̃ nicua̱xãchitanü nax aixcüma chixexü̃ inaxügüxü̃ rü ñanagürügü: —Tagagu nixĩ ya Cori ya Tupana tüxna naxũgachixü̃ —ñanagürügü.

Wiyaegü 116:5

Rü nüma ya Cori ya Tupana rü aixcümacü nixĩ rü nüxü̃́ tangechaü̃tümüxü̃wa̱xe. Erü nüma rü woetama guxü̃guma namecümaxüchi.

Wiyaegü 119:137

Pa Corix, cuma rü quixaixcüma, rü ngẽma cuxueguxü̃ rü aixcüma nawe̱xgu.

Ínachoxü̃xü̃chiga 9:27

Rü yexguma nüma ga Faraóü̃ rü Moichéca̱x rü Aróü̃ca̱x nangema rü ñanagürü: —Aixcüma nixĩ i choma rü chorü duü̃xü̃gü rü chixexü̃ taxüexü̃. Rü ngẽma rü togagu nixĩ rü tama Tupanagagu nixĩ.

Édra 9:15

Pa Cori ya Iraétanüxü̃arü Tupanax, cuma rü tomaxã cumecüma rü ngẽmaca̱x ícuyaxüxẽxẽ i ñuxre i totanüxü̃ i ñu̱xma maxẽxü̃. Tomagü rü aixcüma cupe̱xewa chixexü̃ taxügü, rü ngẽmaca̱x taxucürüwa cuxna tangaicamagü —ñachagürü nüxü̃.

Wiyaegü 111:7

Rü guxü̃ma i ngẽma nüma naxüxü̃ rü name rü aixcüma niwe̱x i norü mugü. Rü ngẽmaca̱x name nax nagu yaxõxü̃.

Yeremía 4:17

Rü ngẽma Yudáanecüã̱xgü rü tama Cori ya Tupanaga naxĩnüe, rü ngẽmaca̱x norü uanügü rü tá Yudáanexü̃ ínachomaeguãchi ñoma duü̃xü̃gü i naanena ídaugüxü̃rüxü̃. Rü choma ya Cori ya Tupana nixĩ i nüxü̃ chixuxü̃ i ngẽma.

Yeremía 12:1

Rü Yeremía rü Cori ya Tupanaxü̃ ñanagürü: —Pa Corix, ngẽxguma cumaxã chaporagagu, rü cuma rü guxü̃guma nawe̱xgu i ngẽma namaxã choxü̃ cungãxü̃xü̃. Rü ngẽmaca̱x cuxna chacaxchaü̃ nachiga i ngẽma ñoma i naanewa ngupetüxü̃. ¿Rü ta̱xacüca̱x nixĩ i mea nüxü̃ nangupetügüxü̃ i ngẽma chixexü̃gu maxẽxü̃? ¿Rü ta̱xacüca̱x nataãẽgü i ngẽma chixri maxẽxü̃?

Auxexü̃chiga 1:5

Rü ñu̱xma i norü duü̃xü̃gü rü norü uanügüme̱xẽwa nangẽxmagü. Rü yemaacü Cori ya Tupana nanapoxcu ga guma ĩane yerü norü duü̃xü̃gü rü poraãcü pecadu naxügü. Rü yemaca̱x ga norü uanügü rü to ga nachixü̃anewa nanagagü ga yema duü̃xü̃gü.

Echequié 16:43

Cumax, Pa Yerucharéü̃x, rü nüxü̃ curüngü̃ma ga yema cuxca̱x chaxüxü̃ ga yexguma cupaxgu. Rü choxü̃ cunuxẽxẽ namaxã ga guxü̃ma ga yema chixexü̃gü ga ãũãchixü̃ ga cuxüxü̃. Rü ngẽmaca̱x i chomax, rü tá cuxü̃ chapoxcu naxca̱x i ngẽma cucüma i chixexü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma’.

Danié 4:34

—Rü yexguma marü yanguxgu ga gumá 7 ga taunecü nax Tupana choxü̃ poxcuxü̃, rü choma ga Nabucudonochó rü dauxü̃gu chadawenü rü nüxü̃ chicua̱xãchi nax cha̱u̱xca̱x mea yataanexü̃ nawa ga nax chaxãũãẽxü̃. Rü ñu̱xũchi mexü̃ nachigaxü̃ chixu ya yimá Tupana ya Guxãétüwa Ngẽxmacü ya guxü̃guma maxü̃cü. Rü ñaa dexamaxã nüxü̃ chicua̱xüxü̃ rü ñachagürü: “Pa Tupanax, curü pora rü taguma inayacua̱x rü cuma rü guxü̃gutáma ãẽ̱xgacü quixĩ.