Danié 9:13 - Tupanaarü Ore

¹³ Rü guxü̃ma ga yema chixexü̃ rü toxna nangu yematama Moiché ümatüxü̃ ga mugüwa nüxü̃ ixuxü̃rüxü̃. Natürü ga toma rü tama cuxca̱x tadaugü, Pa Cori Pa Torü Tupanax. Rü tama nüxü̃ tarüxoe ga yema torü chixexü̃gü, rü tama nagu tamaxẽ ga curü ore i aixcüma ixĩxü̃.

Danié 9:13 Referans Kwoze

Danié 9:11

Rü guxü̃ma i chautanüxü̃ i Iraétanüxü̃ rü tama naga naxĩnüe i curü mugü. Rü cuxna nixĩgachi rü tama naga naxĩnüe i curü ucu̱xẽgü. Rü yemaca̱x ga yema poxcu ga curü duü̃ ga Moichéwa nüxü̃ quixuxü̃ rü togu nangu.

Yeremía 2:30

Rü choma rü chanapoxcu ga petanüxü̃gü, natürü tama chauga naxĩnüe, rü yemaacü natüca̱xmamare nixĩ nax chapoxcuexü̃. Rü pematama penadai ga perü orearü uruü̃gü, ñoma leóü̃gü i idüraexü̃ nada̱i̱xü̃rüxü̃.

Ichaía 9:13

Natürü nüma i Iraétanüxü̃ rü tama yimá Tupana ya napoxcuecüca̱x nawoegu, rü tama naga naxĩnüechaü̃ ya yimá Tupana ya Guxãétüwa Ngẽxmacü ya poraxüchicü.

Ochéa 7:10

Rü woo choma rü Iraéanecüã̱xgüarü Tupana nax chixĩxü̃ rü tama cha̱u̱xca̱x nawoegu rü tama cha̱u̱xca̱x nadaugü. Rü ngẽma nax nügü yacua̱xüü̃güxü̃gagu rü tama cha̱u̱xca̱x nawoegu.

Yeremía 31:18

Rü Cori ya Tupana rü ñanagürü: —Marü nüxü̃ chaxĩnü nax auxeãcü chomaxã yadexagüxü̃ i Efraíü̃tanüxü̃ rü ñanagürügü: “Toma rü ñoma wüxi i wocaxacü i tama íyapuxü̃rüxü̃ tixĩgü. Natürü i cuma rü marü toxü̃ ícuyapuexẽxẽ. ¡Rü cugüca̱x toxü̃ nawoeguxẽxẽ! Erü cuma nixĩ i torü Cori ya Tupana quixĩxü̃.

Yeremía 5:3

Pa Corix, ngẽma naxca̱x cudauxü̃ nixĩ i duü̃xü̃gü i aixcüma cuga ĩnüexü̃. Natürü woo cunapoxcue, rü tama cuga naxĩnüechaü̃. Rü cunadai, natürü tama inaxĩnüechaü̃. Yerü nutaarü yexera nataiarü maxü̃ã̱xgü, rü tama nüxü̃ narüxoechaü̃ i nacüma i chixexü̃.

Wiyaegü 119:27

¡Rü cua̱x choxna naxã nax naga chaxĩnüxü̃ca̱x i curü mugü! Erü meama tá nagu charüxĩnü i ngẽma mexü̃gü i cuma cuxüxü̃.

Yox 36:13

Rü ngẽma chixexü̃ ügüxü̃ rü Tupanamaxã nanueama woo poxcuwa nax nangẽxmagüxü̃. Rü tama Tupanana ngü̃xẽẽca̱x nacagüe.

Popera ga Chantiágu ümatüxü̃ 1:5

Ngẽxguma chi petanüwa wüxíe tüxü̃́ nataxuxgu i tümaarü cua̱x, rü name nixĩ i Tupanana taca. Rü nüma rü norü ngúchaü̃maxã tá mea guxãna nanaxã rü taxũtáma tümamaxã naxaxü.

Efesios 4:21

Yerü pema rü marü mea nüxü̃ pexĩnüe ga Cristuchiga. Rü naxca̱x pengúe nax nüma pexü̃́ nanaxwa̱xexü̃ãcü nax pemaxẽxü̃, erü marü nüxü̃ pecua̱x i Ngechuchuarü ore i aixcüma ixĩxü̃.

Ore i mexü̃ ga Cuáü̃ ümatüxü̃ 10:35

Rü ngẽmaãcü Tupanaarü orewa rü nüxü̃ nixu nax tupanagü tixĩgüxü̃ ya guxãma ya yíxema nayauxgüxe i norü ore. Rü nüxü̃ tacua̱x rü taxucürüwama texé itayanaxoxẽxẽ i ngẽma Tupanaarü ore i ümatüxü̃wa nüxü̃ yaxuxü̃.

Ore i mexü̃ ga Cuáü̃ ümatüxü̃ 8:32

Rü tá nüxü̃ pecua̱x i ore i aixcüma ixĩxü̃. Rü ngẽma ore i aixcüma ixĩxü̃ tá pexü̃ ínanguxü̃xẽxẽ —ñanagürü.

Ore i mexü̃ ga Cuáü̃ ümatüxü̃ 6:45

Nũxcümaü̃güxü̃ ga Tupanaarü orearü uruü̃güarü poperawa naxümatü i ore i ñaxü̃: “Tupana tá guxãxü̃ nangúexẽxẽ”, ñaxü̃. Rü ngẽmaca̱x guxãma ya texé ya Chaunatüxü̃ ĩnüxẽ rü naxü̃tawa ngúxe, rü chauxü̃tawa taxĩ.

Ore i mexü̃ ga Luca ümatüxü̃ 24:45

Rü yemaacü namaxã nanango̱xẽxẽ ga Tupanaarü ore ga ümatüxü̃.

Ochéa 7:14

Rü ngẽxguma yada̱xaweegu rü ngúxü̃ yangegügu, rü norü pechicaxü̃güwa ngü̃xẽẽca̱x choxna nacagüe, natürü tama aixcüma norü ngúchaü̃maxã choxna nacagüe. Rü nügü nayapiexẽxẽ nax ngẽmaãcü tríguca̱x rü bínuca̱x ínacagüxü̃ca̱x. Natürü tama aixcüma chauga naxĩnüe.

Ochéa 7:7

Rü guxü̃ma i nümagü rü ñoma paũarü guruxü̃ i naiechaxü̃rüxü̃ nixĩgü nax norü ãẽ̱xgacügümaxã nanueechaxü̃. Rü guxü̃ma i norü ãẽ̱xgacügüxü̃ nadai. Natürü taxuxü̃ma i ngẽma ãẽ̱xgacügü rü chorü ngü̃xẽẽca̱x ínaca.

Auxexü̃chiga 5:21

¡Pa Corix, cugüca̱x toxü̃ nawoeguxẽxẽ! Rü toma rü tá cuxca̱x tawoegu. ¡Rü toxca̱x nataeguxẽxẽ ga yema taãxẽ ga ü̃pa toxü̃́ yexmaxü̃!

Yeremía 44:27

Erü choma rü marü íchame nax pexca̱x íchananguxẽẽxü̃ i taxü̃ i guxchaxü̃gü, rü tama i ta̱xacürü mexü̃gü. Rü guxü̃ma i Yudátanüxü̃ i ñu̱xma Equítuanewa maxẽxü̃ rü aixcüma tá nayue nagu i dai rüe̱xna nagu i taiya, rü ngẽmaãcü tá nagu̱x i guxü̃ma.

Ichaía 64:7

Rü tataxuma ya texé ya cumaxã idexaxe rü pora üxe nax cuxü̃tawa ngü̃xẽẽca̱x ítaca̱a̱xü̃. Rü ngẽma torü chixexü̃gagu nixĩ i toxcha̱xwa iquicúxü̃ rü toxü̃ ícuwogüxü̃.

Ichaía 42:9

Rü dücax, rü marü ningu ga yema ü̃pa nüxíra nüxü̃ chixuxü̃. Rü ñu̱xma rü tá pemaxã nüxü̃ chixu i ngexwaca̱xü̃xü̃ i oregü naxü̃pa i ngẽma tá ínguxü̃ —ñanagürü ya Tupana.

Wiyaegü 119:73

Rü cumatama nixĩ ga choxü̃ cungo̱xẽẽxü̃ rü maxü̃ choxna cuxãxü̃. Rü ngẽmaca̱x chanaxwa̱xe nax choxna cunaxãxü̃ i cua̱x nax choxü̃́ natauxchaxü̃ca̱x nax naxca̱x changúxü̃ i curü mugü.

Wiyaegü 119:18

¡Rü choxü̃ idauuchixẽxẽ nax ngẽmaãcü meama nüxü̃ chadauxü̃ca̱x i ngẽma curü orewa nüxü̃ quixuxü̃ i mexü̃gü!

Wiyaegü 85:4

Pa Tupana ya Torü Maxẽxẽxẽruxü̃, rü ñu̱xma rü tanaxwa̱xe i wenaxarü toétüwa cuchogü. Rü tama name i tomaxã cunuecha.

Wenaxarü naxümatü ga Tupanaarü mugü 29:4

Natürü woo i ñu̱xma ya Cori ya Tupana rü tama pexü̃ nüxü̃ nacua̱xẽxẽ rü tama pexca̱x nanango̱xẽxẽ nax ta̱xacüca̱x yixĩxü̃ nax naxüaxü̃ ga guxü̃ma ga yema.

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.

Ichaía 43:22

Natürü i pemax, Pa Acóbutanüxü̃x Pa Iraétanüxü̃x, rü tama chorü ngü̃xẽẽca̱x ípecagü, erü nüxü̃ perüchaue nax chauga pexĩnüexü̃.

Ichaía 64:6

Rü guxãma i toma rü cupe̱xewa duü̃xü̃gü i ixãũãchixü̃ tixĩgü. Rü woo i ngẽma taxüxü̃ i toxca̱x mexü̃, rü cupe̱xewa rü ñoma wüxi i wexa i ãũãchixü̃rüxü̃ nixĩ. Rü guxãma chixexü̃gu tayi ñoma naixatügü i pagüxü̃ irüyi̱xixü̃rüxü̃. Rü torü chixexü̃gü rü toxü̃ nigagü ñoma buanecü i ta̱xacü ngextá cuegüxü̃rüxü̃.

Yeremía 30:14

Rü yema nachixü̃anegü ga nüxü̃́ peyaxõgüxü̃ nax pexü̃ ínapoxü̃xü̃ca̱x rü pexü̃ inarüngü̃mae. Erü choma nixĩ i pexü̃ chapoxcuexü̃ ñoma wüxi i perü uanürüxü̃. Rü poraãcü pexü̃ chapoxcue nagagu ga yema muxũchixü̃ ga perü chixexü̃gü rü yema pecadugü ga taxucürüwa texé ixugüxü̃.

Yeremía 44:23

Rü ngẽma guxchaxü̃ i ñu̱xma nawa pengẽxmagüxü̃ rü marü pexca̱x ínangu nagagu nax yema tupananetagüca̱x pumarate̱xe pegugüxü̃. Rü yemaacü Cori ya Tupanape̱xewa poraãcü chixexü̃ pexü yerü tama naga pexĩnüe ga norü ucu̱xẽgü rü norü mugü, rü tama peyangu̱xẽxẽ ga yema pemaxã nüxü̃ yaxuxü̃ —ñanagürü.

Echequié 16:43

Cumax, Pa Yerucharéü̃x, rü nüxü̃ curüngü̃ma ga yema cuxca̱x chaxüxü̃ ga yexguma cupaxgu. Rü choxü̃ cunuxẽxẽ namaxã ga guxü̃ma ga yema chixexü̃gü ga ãũãchixü̃ ga cuxüxü̃. Rü ngẽmaca̱x i chomax, rü tá cuxü̃ chapoxcu naxca̱x i ngẽma cucüma i chixexü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma’.