Danié 8:8 - Tupanaarü Ore

⁸ Rü yema chíbu rü yexeraãcü niporachigü. Natürü yema ngunexü̃ ga yexera nagu naporaxü̃gu rü nibüye ga guma naxchata̱xcure ga taxü̃ne ga namaxã naporane. Rü gumachicawa inarüyi ga ãgümücü ga naxchata̱xcuregü. Rü wüxi rü nórteguama natoenü, rü nai i súrgu, rü nai i éstegu rü nai i oéstegu.

Danié 8:8 Referans Kwoze

Danié 7:2

—Chaunegüwa nüxü̃ chadau ga buanecügü ga súrwa rü nórtewa rü éstewa rü oéstewa ne ĩcü rü poraãcü nayuapexẽẽcü ga már ga taxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:1

Rü yemawena rü nüxü̃ chadau ga ãgümücü ga Tupanaarü orearü ngeruü̃gü ga daxũcüã̱x ga ñoma ga naanearü ãgümücüpe̱xegu chigüxü̃. Rü ínanapoxü̃gü ga gumá ãgümücü ga buanecügü nax tama waixü̃müétügu, rü tama márétügu, rü bai i wüxi i naiétügu naxüxü̃ca̱x.

Danié 8:22

Rü yema ãgümücü ga naxchata̱xcuregü ga irüxügüxü̃ ga yexguma ínabüegu ga yema nüxíra yexmaxü̃, rü nachiga nixĩ i ngẽma ãgümücü i ãẽ̱xgacügü i tá ngẽma nüxíraxü̃xü̃ i ãẽ̱xgacüwena ngẽxmagüxü̃, natürü taxũtáma ngẽma nüxíraxü̃xü̃ i ãẽ̱xgacüarü poramaxã nawüxigu.

Danié 8:5

Rü yexguma nagu ícharüxĩnügu ga yema nüxü̃ chadauxü̃ rü ngürüãchi nüxü̃ chadau ga wüxi ga chíbu ga oéstewaama ne ñaxü̃ ga poraãcü iñaxü̃ rü íchü̱xcüraxü̃xü̃. Yema chíbu rü wüxi ga taxü̃ne ga naxchata̱xcure nüxü̃́ nayexma ga naxetügüarü ngãxü̃wa.

Danié 5:20

Natürü yexguma nügü yacua̱xüxü̃gu rü taxúegama naxĩnügu, rü Tupana rü nüxna nanayaxu ga norü pora, rü ínanata̱xüchi ga ãẽ̱xgacü nax yixĩxü̃.

Norü taxre ga to ga popera ga ãẽ̱xgacügüchiga ümatüxü̃ 26:16

Rü nüma ga Uchía rü yexguma naporaxüchigu rü nügü ínarüta. Rü yema nax nügü ínataxü̃gagu rü chixexü̃gu nangu. Rü wüxi ga ngunexü̃gu rü nagu naxücu ga Tupanapata ga taxü̃ne rü yema pumarate̱xearü guruü̃wa nümatama pumarate̱xe nigu woo nüxna nax nachu̱xuxü̃ ga yema.

Ore i mexü̃ ga Márcu ümatüxü̃ 13:27

Rü tá nanamu i norü orearü ngeruü̃gü i daxũcüã̱x nax tüxü̃ nanutaque̱xexü̃ca̱x ya yíxema Tupana tüxü̃ idexechixe ya guxü̃wama ngẽxmagüxe ñu̱xmatáta ñoma i naane íyacuáxü̃wa nangu rü daxũguxü̃ íyacuáxü̃wa nangu.

Ore i mexü̃ ga Matéu ümatüxü̃ 24:31

Rü nüma rü tá nanamu i norü orearü ngeruü̃gü i daxũcüã̱x nax yacuegüãxü̃ca̱x ya norü cornétagü nax ngẽmaãcü naxĩtaque̱xexẽẽãxü̃ca̱x i guxü̃ma i ngẽma duü̃xü̃gü i nadexü̃ i guxü̃wama ngẽxmagüxü̃ ñu̱xmata naane iyacuáxü̃wa ngẽxmagüxü̃.

Danié 11:4

Natürü ngẽxguma yanguxgu nax naxme̱xwa nangẽxmagüxü̃ i ngẽma nachixü̃anegü, rü ãgümücügu tá niyauxye i ngẽma norü naane. Rü ngẽma ãẽ̱xgacüarü pora rü taxũtáma nanegüwa nangu. Rü ngẽma norü nachixü̃ane rü taxũtáma noxrirüxü̃ napora, erü marü ãgümücügu tá niyauxye rü togü tá nachicüxü namaxã inacua̱xgü.

Danié 7:6

Rü yema norü tomaepü̱x ga ngo̱xo rü nanayowarunaraxü̃. Natürü nüxü̃́ nayexma ga ãgümücü ga naerugü rü naca̱xwe̱xwa rü nüxü̃́ nayexma ga ãgümücü ga naxpe̱xatü. Rü yema ngo̱xo rü nüxna nanaxãgü ga pora nax ãẽ̱xgacü yixĩxü̃ca̱x.

Danié 4:31

Rü yexguma íyadexayanetama ga nüma ga ãẽ̱xgacü rü nüxü̃ naxĩnü ga wüxi ga naga ga dauxü̃wa ínaxũxü̃ ga ñaxü̃: —¡Dücax, irüxĩnü, Pa Ãẽ̱xgacü Pa Nabucudonochóx! Rü ngẽma nax ãẽ̱xgacü quixĩxü̃ rü ñu̱xma rü ngẽxma nayacua̱x.

Echequié 28:9

Rü ngẽxguma ngẽma tá cuxü̃ yama̱xgüxü̃pe̱xegüwa cungexmagu rü marü taxũtáma cugügu curüxĩnügu rü wüxi i tupana quixĩ. Rü ngẽxguma ngẽma tá cuxü̃ ima̱xgüme̱xẽxü̃wa cungexmagu rü tá nüxü̃ quicua̱xãchi nax wüxi i duü̃xü̃mare quixĩxü̃ rü tama wüxi i tupana.

Echequié 16:7

Pa Yerucharéü̃x, cuxü̃ chayaxẽxẽ ñoma wüxi i nanetü i naanewa rüxüxü̃rüxü̃. Rü nawa cungu nax cuyaxü̃ rü wüxi ga nge ga mechametücü quixĩxü̃. Rü cuxãniixü̃, rü curüyigüta̱xa. Natürü cungexchirumare.

Yeremía 5:27

Rü ngẽma ngẽmaxü̃gü i womüxẽẽãcüma nadexü̃ i ngẽma yatügü rü napatagü namaxã nanapáxẽẽgü ñoma wüxi i naxpüü̃ rü werigümaxã napaxẽẽxü̃rüxü̃. Rü ngẽmaãcü nixĩ i naporaexü̃ rü nadiẽruã̱xgüxü̃, rü ñu̱xũchi meama nachibüexü̃ rü yangüexü̃. Rü ngẽma nax chixexü̃ naxügüxü̃ rü taguma nayagu̱x. Rü tama tüxü̃ narüngü̃xẽxẽ ya yíxema taxcutagü, rü tama tüxü̃ nacua̱xgüchaü̃ ya yíxema ngearü diẽruã̱xgüxe rü tama tümaétüwa nachogü.

Ester 9:4

Rü nüma ga Maduquéu rü ãẽ̱xgacüpatawa rü ãẽ̱xgacüarü ngü̃xẽẽruxü̃ ga mecü nixĩ. Rü guxü̃ma ga Achuéruchixü̃anegüwa rü nüxü̃ nacuáchigagü. Rü yemaacü wüxichigü ga ngunexü̃gu rü yexeraãcü napora.

Wenaxarü naxümatü ga Tupanaarü mugü 31:20

Erü choma rü tá nagu chanachocuxẽxẽ i ngẽma naane ga chauégagu norü o̱xigümaxã nüxü̃ chixuxü̃ i ngextá yima lechi rü berure rü ñoma dexárüxü̃ taguma ínataxuxü̃wa. Rü ngẽxguma tá marü lechi nixaxgügu, rü berure ne niwexgu, rü nawa nangaxpütüwegügu rü nawa yangüegu, rü ngẽxguma i nümagü rü tá tupananetagüwe narüxĩ rü ngẽmaxü̃ãma tá nicua̱xüü̃gü rü chauxchi rü tá naxaixe. Rü ngẽxguma i ngẽma uneta i pemaxã chaxüxü̃ rü tá nagu narüchixe.

Yeremía 49:36

Rü Eráü̃arü duü̃xü̃güca̱x tá íchanangugüxẽxẽ i norü uanügü i ñoma buanecügü ya guxü̃cüwawa ne ĩcürüxü̃. Rü ngẽmaãcü guxü̃ i nachixü̃anegügu tá chanawoonexẽxẽ i ngẽma Eráü̃tanüxü̃. Rü ngẽmaãcü guxü̃ i nachixü̃anegu tá nawoonemare.

Danié 8:7

Rü nüxü̃ chadau nax ñuxãcü yema carnéruxü̃ nacaxixü̃ rü nanabüü̃ ga guma taxre ga naxchata̱xcuregü. Rü nüma ga yema carnéru rü taxucürüwa nügü ínapoxü̃ yerü narüturamae. Rü yemawena ga yema chíbu rü waixü̃müanegu carnéruxü̃ nayanguxẽxẽ rü yexma nagu napúgü. Rü taxucürüwa texé ítanapoxü̃ nüxna ga chíbu.