Danié 8:5 - Tupanaarü Ore

⁵ Rü yexguma nagu ícharüxĩnügu ga yema nüxü̃ chadauxü̃ rü ngürüãchi nüxü̃ chadau ga wüxi ga chíbu ga oéstewaama ne ñaxü̃ ga poraãcü iñaxü̃ rü íchü̱xcüraxü̃xü̃. Yema chíbu rü wüxi ga taxü̃ne ga naxchata̱xcure nüxü̃́ nayexma ga naxetügüarü ngãxü̃wa.

Danié 8:5 Referans Kwoze

Danié 8:21

Rü ngẽma chíbu rü Gréchiaanearü ãẽ̱xgacüchiga nixĩ. Rü ngẽma naxchata̱xcure i naxetügüarü ngãxü̃wa ngẽxmaxü̃ rü ngẽma nixĩ i ngẽma nüxíraxü̃xü̃ i Gréchiaanearü ãẽ̱xgacü.

Danié 11:3

Natürü ngẽmawena rü tá nixücu i wüxi i ãẽ̱xgacü i poraxü̃ i muxü̃tama i nachixü̃anemaxã icuáxü̃. Rü nüma rü nanaxwa̱xeãcüma tá namaxã inacua̱x i ngẽma togü i nachixü̃anegü i naxme̱xwa ngẽxmagüxü̃.

Danié 8:8

Rü yema chíbu rü yexeraãcü niporachigü. Natürü yema ngunexü̃ ga yexera nagu naporaxü̃gu rü nibüye ga guma naxchata̱xcure ga taxü̃ne ga namaxã naporane. Rü gumachicawa inarüyi ga ãgümücü ga naxchata̱xcuregü. Rü wüxi rü nórteguama natoenü, rü nai i súrgu, rü nai i éstegu rü nai i oéstegu.

Danié 7:6

Rü yema norü tomaepü̱x ga ngo̱xo rü nanayowarunaraxü̃. Natürü nüxü̃́ nayexma ga ãgümücü ga naerugü rü naca̱xwe̱xwa rü nüxü̃́ nayexma ga ãgümücü ga naxpe̱xatü. Rü yema ngo̱xo rü nüxna nanaxãgü ga pora nax ãẽ̱xgacü yixĩxü̃ca̱x.

Danié 2:39

Rü cuwena, Pa Ãẽ̱xgacüx, rü tá nangẽxma i to i nachixü̃anecüã̱x i ãẽ̱xgacü i nüxí tá ichixü̃ rü togü i nachixü̃anegümaxã icuáxü̃, natürü taxũtáma curü poramaxã nawüxigu. Rü ngẽmawena tá nangẽxma i to i ãẽ̱xgacü i muxü̃ma i nachixü̃anegümaxã icuáxü̃. Rü ngẽmachiga nixĩ i ngẽma naxchicüna̱xãxü̃ne i bróũchenaxca̱x.

Danié 2:32

Rü naeru rü úirunaxca̱x nixĩ, rü naremüwaama rü nachacüügü rü diẽrumünaxca̱x nixĩ, rü naxü̃ne rü naperemagü rü bróũchenaxca̱x nixĩ.

Danié 8:6

Rü yexguma yema carnéru ga taxrechata̱xcurexü̃ ga natüpechinügu nüxü̃ chadauxü̃arü ngaicamawa nanguxgu ga yema chíbu rü guxü̃ma ga norü numaxã rü norü poramaxã yema carnéruxü̃ nacaxi.