Danié 8:22 - Tupanaarü Ore

²² Rü yema ãgümücü ga naxchata̱xcuregü ga irüxügüxü̃ ga yexguma ínabüegu ga yema nüxíra yexmaxü̃, rü nachiga nixĩ i ngẽma ãgümücü i ãẽ̱xgacügü i tá ngẽma nüxíraxü̃xü̃ i ãẽ̱xgacüwena ngẽxmagüxü̃, natürü taxũtáma ngẽma nüxíraxü̃xü̃ i ãẽ̱xgacüarü poramaxã nawüxigu.

Danié 8:22 Referans Kwoze

Danié 11:4

Natürü ngẽxguma yanguxgu nax naxme̱xwa nangẽxmagüxü̃ i ngẽma nachixü̃anegü, rü ãgümücügu tá niyauxye i ngẽma norü naane. Rü ngẽma ãẽ̱xgacüarü pora rü taxũtáma nanegüwa nangu. Rü ngẽma norü nachixü̃ane rü taxũtáma noxrirüxü̃ napora, erü marü ãgümücügu tá niyauxye rü togü tá nachicüxü namaxã inacua̱xgü.

Danié 8:8

Rü yema chíbu rü yexeraãcü niporachigü. Natürü yema ngunexü̃ ga yexera nagu naporaxü̃gu rü nibüye ga guma naxchata̱xcure ga taxü̃ne ga namaxã naporane. Rü gumachicawa inarüyi ga ãgümücü ga naxchata̱xcuregü. Rü wüxi rü nórteguama natoenü, rü nai i súrgu, rü nai i éstegu rü nai i oéstegu.

Danié 8:3

Rü yexguma yáxü̃gu chadawenü rü nüxü̃ chadau ga wüxi ga carnéru ga yema natüpechinügu rüxã́ũxü̃. Yema carnéru rü nataxrechata̱xcure rü guma naxchata̱xcure rü nima̱x. Natürü wüxi ga naxchata̱xcure rü narüma̱xmae. Rü yema rüma̱xmaexü̃ nixĩ ga wixwena rügoxü̃.

Danié 7:6

Rü yema norü tomaepü̱x ga ngo̱xo rü nanayowarunaraxü̃. Natürü nüxü̃́ nayexma ga ãgümücü ga naerugü rü naca̱xwe̱xwa rü nüxü̃́ nayexma ga ãgümücü ga naxpe̱xatü. Rü yema ngo̱xo rü nüxna nanaxãgü ga pora nax ãẽ̱xgacü yixĩxü̃ca̱x.

Danié 8:21

Rü ngẽma chíbu rü Gréchiaanearü ãẽ̱xgacüchiga nixĩ. Rü ngẽma naxchata̱xcure i naxetügüarü ngãxü̃wa ngẽxmaxü̃ rü ngẽma nixĩ i ngẽma nüxíraxü̃xü̃ i Gréchiaanearü ãẽ̱xgacü.

Danié 8:23

Rü ngẽxguma tá norü gu̱xwa nangu̱xgu nax nachixü̃anegümaxã inacua̱xgüxü̃ i ngẽma ãgümücü i ãẽ̱xgacügü, rü ngẽxguma norü gu̱xwa nanguxgu i ngẽma taxü̃ i chixexü̃, rü ñu̱xũchi wüxi i ãẽ̱xgacü i chixecümaxü̃ rü womüxẽẽwa̱xexü̃ tá ningucuchi.

Chacaría 6:1

Rü wena chango̱xetü rü nüxü̃ chadau ga ãgümücü ga carugü ga daiweü̃ ixĩgüne. Rü guma carugü rü taxre ga ma̱xpǘnegü ga bróũchenaxca̱xarü ngãxü̃wa nangóe.

Danié 7:7

Rü yema norü ãgümücü ga ngo̱xo ga chorü ngo̱xetüwa nüxü̃ chadauxü̃ rü naxãũcümaxü̃chi, rü muü̃ tüxna naxã yerü naporaxüchi. Rü napüta rü nita rü fierunaxca̱x nixĩgü. Rü guxü̃ma ga yema nangṍxü̃ rü íxraxü̃gu nanawaü̃gü. Rü yema íyaxüxü̃ rü nagu napúgü. Yema ngo̱xo rü nanatoraxü̃ natanüwa ga yema togü ga ngo̱xogü ga chaunegüwa nüxü̃ chadauxü̃. Rü 10 ga naxchata̱xcure nüxü̃́ nayexma ga naeruwa.