Danié 8:20 - Tupanaarü Ore

²⁰ Rü ngẽma carnéru i taxrechata̱xcurexü̃ i nüxü̃ cudauxü̃ rü ngẽma rü Médiaanearü ãẽ̱xgacüchiga rü Pérchiaanearü ãẽ̱xgacüchiga nixĩ.

Danié 8:20 Referans Kwoze

Danié 8:3

Rü yexguma yáxü̃gu chadawenü rü nüxü̃ chadau ga wüxi ga carnéru ga yema natüpechinügu rüxã́ũxü̃. Yema carnéru rü nataxrechata̱xcure rü guma naxchata̱xcure rü nima̱x. Natürü wüxi ga naxchata̱xcure rü narüma̱xmae. Rü yema rüma̱xmaexü̃ nixĩ ga wixwena rügoxü̃.

Echequié 38:5

Rü tá cuxü̃ ínixümücü i churaragü i Pérchiaanecüã̱xgü, rü Etiopíaanecüã̱xgü rü Líbiaanecüã̱xgü. Rü guxü̃ma i ngẽma churaragü rü tá nixãxne rü nixãpate̱xe rü tá nüxü̃́ nangẽxmagü i norü poxü̃ruü̃gü.

Danié 8:21

Rü ngẽma chíbu rü Gréchiaanearü ãẽ̱xgacüchiga nixĩ. Rü ngẽma naxchata̱xcure i naxetügüarü ngãxü̃wa ngẽxmaxü̃ rü ngẽma nixĩ i ngẽma nüxíraxü̃xü̃ i Gréchiaanearü ãẽ̱xgacü.

Danié 2:39

Rü cuwena, Pa Ãẽ̱xgacüx, rü tá nangẽxma i to i nachixü̃anecüã̱x i ãẽ̱xgacü i nüxí tá ichixü̃ rü togü i nachixü̃anegümaxã icuáxü̃, natürü taxũtáma curü poramaxã nawüxigu. Rü ngẽmawena tá nangẽxma i to i ãẽ̱xgacü i muxü̃ma i nachixü̃anegümaxã icuáxü̃. Rü ngẽmachiga nixĩ i ngẽma naxchicüna̱xãxü̃ne i bróũchenaxca̱x.

Danié 5:28

Pársin: Rü ngẽma cuchixü̃ane, Pa Ãẽ̱xgacüx, rü marü tá niyauxye rü tá Médiaanecüã̱xgüna rü Pérchiaanecüã̱xgüna nanaxã —ñanagürü ga Danié.