Danié 8:18 - Tupanaarü Ore

^18-19 Rü yexguma chomaxã yadexayane rü chiyuãchi rü yexma waixü̃müanegu chayangu. Natürü ga nüma rü choxü̃ ningõgü rü choxü̃ inachixẽxẽ. Rü ñu̱xũchi choxü̃ ñanagürü: —Cumaxã tá nüxü̃ chixu nax ñuxãcü tá yixĩxü̃ i ngẽxguma nagu̱xgu nax Tupana napoxcuexü̃ i norü duü̃xü̃gü i tama naga ĩnüexü̃. Erü ngẽma cunegüwa nüxü̃ cudauxü̃ rü nachiga nixĩ i ngẽma ngunexü̃gü i nagu yacuáxü̃ i ngẽma ñu̱xma ngupetüxü̃.

Danié 8:18 Referans Kwoze

Danié 10:18

Rü yema naduü̃xü̃raxü̃xü̃ rü wena choxü̃ ningõgü rü pora choxna naxã. Rü ñu̱xũchi choxü̃ ñanagürü: ¡Taxṹ i cumuü̃xü̃ rü cuxoegaãẽxü̃! Tupana rü cuxü̃ nangechaxü̃. ¡Rü cugü naporaxẽxẽ rü taxṹ i cumuü̃xü̃!, ñanagürü. Rü yexguma chomaxã íyadexagu rü nüxü̃ chicua̱xãchi ga nax chiporachigüxü̃. Rü ñachagürü: —¡Pa Corix, ẽcü chomaxã idexa erü cha̱u̱xca̱x cunatáeguxẽxẽ i pora! —ñachagürü.

Ore i mexü̃ ga Luca ümatüxü̃ 9:32

Rü Pedru rü namücügü rü woo poraãcü nax nayaxtaegüxü̃, rü tama napee. Rü nüxü̃ nadaugü nax poraãcü nangóonexü̃ naxü̃tawa ga Ngechuchu rü yema taxre ga yatügü ga namaxã yexmagüxü̃.

Danié 10:16

Rü ngürüãchi wüxi ga naduü̃xü̃raxü̃xü̃ cha̱u̱a̱xgu ningõgü. Rü yexguma chicho rü chidexa rü ñachagürü nüxü̃ ya yema chopexegu chíxü̃: —Pa Chorü Corix, ngẽma nüxü̃ chadauxü̃ rü poraãcü choxü̃ nangechaü̃xẽxẽ rü choxü̃ nangearü poraã̱xẽxẽ.

Echequié 2:2

Rü yexguma chomaxã íyadexayane ga Tupana rü choxna nangu ga Naãxẽ, rü choxü̃ inachixẽxẽ. Rü yexguma mea nüxü̃ chaxĩnü ga naga ga yema chomaxã idexaxü̃.

Ngechuchuarü ngúexü̃gü ga yamugüxü̃arü puracüchiga 26:6

Rü ñu̱xma i ngẽma chautanüxü̃ i Yudíugü rü choxü̃ ínaxuaxü̃gü naxca̱x nax nüxü̃́ chayaxõxü̃ ga yema ore ga Tupana nũxcümaü̃güxü̃ ga torü o̱xigümaxã ixunetaxü̃ nax Cristu tá núma nguxü̃.

Ore i mexü̃ ga Luca ümatüxü̃ 22:45

Rü yema ínayumüxẽxü̃wa rü inachi, rü norü ngúexü̃gütanüwa naxũ. Rü nüxü̃ inayangau nax ínapeexü̃ yerü norü ngechaü̃maxã düxwa nayaxtae.

Chacaría 4:1

Rü yema orearü ngeruxü̃ i daxũcüã̱x rü wena cha̱u̱xca̱x nataegu rü chomaxã nidexa. Rü choxü̃ ínaba̱i̱xgü ñoma pewa ibaixãchigurüxü̃.

Danié 8:27

Rü choma i Danié rü chaugüca̱x changearü poraã̱x ga yexguma. Rü ñuxre ga ngunexü̃ chida̱xawe. Rü yemawena ícharüda rü wenaxarü chanaxü ga guma nachixü̃anearü ãẽ̱xgacü nagu choxü̃ muxü̃ ga puracü. Natürü ga choma rü poraãcü naxca̱x chaxoegaãxẽ ga yema chaunegüwa nüxü̃ chadauxü̃, yerü tama nüxü̃ chacua̱xéga nax ta̱xacüchiga yixĩxü̃.

Danié 8:17

Rü yexguma ga nüma ga Gábi rü cha̱u̱xca̱x nixũ. Choma rü chaba̱i̱xãchi rü nape̱xegu chanangücuchi waixü̃müanegu. Natürü ga nüma rü ñanagürü choxü̃: —Pa Yatüx, name i nüxü̃ cucua̱x i ngẽma nüxü̃ cudauxü̃ rü nachiga nixĩ i ngẽma ngunexü̃gü i nagu yacuáxü̃ i ngẽma ñu̱xma ngupetüxü̃ —ñanagürü.

Yox 4:13

Rü ngewa̱x chütacü ega ngẽxguma guxü̃ma i duü̃xü̃gü peegu rü chixexü̃gu chaxãnegü rü chaturaxü̃ne.

Naanearü ügüchiga 15:12

Rü yexguma noxri nachütagu ga Abráü̃ rü yéma poraãcü nipeãchi. Rü ínapeyane, rü ngürüãchi wüxi ga waanexü̃ yexma nangu, rü yemaca̱x poraãcü namuü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:17

Rü yexguma nüxü̃ chada̱u̱xgu, rü nape̱xegu chayangu ñoma chayuxü̃rüxü̃. Natürü ga nüma rü norü tügüneme̱xẽmaxã choxü̃ ningõgü, rü ñanagürü choxü̃: “¡Taxṹ i cumuü̃xü̃! Choma nixĩ i chaxíra chayexmaxü̃ rü guxü̃gutáma changexmaechaxü̃.