Danié 8:16 - Tupanaarü Ore

¹⁶ Rü nüxü̃ chaxĩnü ga wüxi ga naga ga naduü̃xü̃garaxü̃xü̃ ga natü ga Uráiwa inaxũxü̃ ga ñaxü̃: —¡Pa Gábix, yimá yatümaxã nüxü̃ ixu nax ta̱xacüchiga yixĩxü̃ i ngẽma nüxü̃ nadauxü̃! —ñaxü̃.

Danié 8:16 Referans Kwoze

Ore i mexü̃ ga Luca ümatüxü̃ 1:26

Rü yexguma 6 ga tauemacü marü ngĩxü̃́ mexgu ga Erichabé nax naxãxacüxü̃, rü Tupana rü Gariréaanewa yexmane ga ĩane ga Nacharétuwa nanamu ga norü orearü ngeruxü̃ ga Gábi.

Ore i mexü̃ ga Luca ümatüxü̃ 1:19

Rü Chacaríaxü̃ nangãxü̃ ga yema daxũcüã̱x, rü ñanagürü: —Choma nixĩ i Gábi i Tupanaarü puracü chaxüxü̃. Rü nüma nixĩ i núma choxü̃ namuxü̃ nax cumaxã nüxü̃ chixuxü̃ca̱x i ñaa ore i mexü̃.

Danié 8:2

Rü yema chaunegüwa rü Chúchaarü ĩanewa chayexma ga Eráü̃anewa ga natü ga Uráipechinüwa.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:16

Rü choma ya Ngechuchu, rü chanamu i chorü orearü ngeruxü̃ nax guxü̃ma i ngẽma yaxõgüxü̃tücumümaxã nüxü̃ yaxuxü̃ca̱x i ngẽma chorü ore. Rü choma nixĩ i ãẽ̱xgacü ga Dabítaxa chixĩxü̃. Rü choma nixĩ ya yimá woramacuri ya pa̱xmama poraãcü nangóonexẽẽcürüxü̃ chixĩxü̃”, ñanagürü.

Popera ga Yudíugü ga yaxõgüxü̃ca̱x ümatüxü̃ 1:14

Rü guxü̃ma i Tupanaarü orearü ngeruü̃gü i daxũcüã̱x rü naãxẽgü i Tupanaaxü̃́ puracüexü̃ nixĩgü. Rü nüma ya Tupana rü nanamugü nax nüxü̃ yanangü̃xẽẽgüxü̃ca̱x i guxü̃ma i ngẽma duü̃xü̃gü ya Tupana naxwa̱xexü̃ nax nayauxgüãxü̃ i maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 10:13

Rü Pedru nüxü̃ naxĩnü ga wüxi ga naga ga nüxü̃ ñaxü̃: —Pa Pedrux ¡Inachi, rü ta ima̱x, rü nangõ̱x! —ñaxü̃.

Ngechuchuarü ngúexü̃gü ga yamugüxü̃arü puracüchiga 9:7

Rü yema yatügü ga Chauruxü̃ íxümücügüxü̃, rü naba̱i̱xãchie, yerü nüxü̃ naxĩnüe ga yema naga natürü taxúexü̃ma nadaugü.

Chacaría 2:4

Rü ñanagürü nüxü̃: —¡Namaxã nüxü̃ ixu i ngẽma ngextü̱xücü i nangexü̃ i ngẽma nguruxü̃, rü ñacurügü tá nüxü̃: “Yima ĩane ya Yerucharéü̃ rü taxũtáma ínapoxegu erü tá namuxũchi i norü duü̃xü̃gü rü wocagü. Rü ngẽmaca̱x taxucürüwama ínapoxegu.

Chacaría 1:9

Rü choma rü yema daxũcüã̱x ga cowaruétügu aunagüxü̃na chaca rü ñachagürü: —Pa Corix ¿rü ta̱xacügü nixĩ i ngẽma togü i cowaruétügu augüxü̃? —ñachagürü. Rü nüma ga yema daxũcüã̱x ga chomaxã idexaxü̃, rü choxü̃ nangãxü̃ rü ñanagürü: —Choma rü tá cumaxã nüxü̃ chixu nax ta̱xacügü yixĩgüxü̃ —ñanagürü.

Danié 10:21

Ñu̱xma rü tá cumaxã nüxü̃ chixu i ñuxü̃ ñaxü̃ i ngẽma popera i nagu naxümatüxü̃ i ngẽma ore i aixcüma ixĩxü̃. Rü ngẽxguma ngẽma uanügümaxã togü tadaixgu rü Miguére ya Tupanaarü orearü ngeruxü̃ i Iraétanüxü̃arü dauruxü̃xicatama nixĩ ya choxü̃ rüngü̃xẽẽcü —ñanagürü.

Danié 10:14

Rü ngẽmaca̱x i ñu̱xma rü nua chaxũ nax cumaxã nuxü̃ chayarüxuxü̃ca̱x i ngẽma tá yixcüra ngupetüxü̃ namaxã i cutanüxü̃ i Iraétanüxü̃. Rü yema nüxü̃ cudauxü̃ ga yexguma Tupana cuxca̱x nango̱xẽẽgu, rü ngẽma tá yixcüra cutanüxü̃maxã ngupetüxü̃chiga nixĩ —ñanagürü choxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:12

Rü chaugü íchidau nax nüxü̃ chadauxü̃ca̱x nax ta̱xacü yixĩxü̃ ga yema chomaxã idexaxü̃. Rü yexguma chaugü íchida̱u̱xgu rü nüxü̃ chadau ga 7 ga omüarü üruü̃gü ga úirunaxca̱x.

Danié 7:16

Rü naxca̱x chixũ ga wüxi ga yexma chíxü̃ rü nüxna chaca nax chomaxã nüxü̃ yaxuxü̃ca̱x nax ta̱xacüchiga yixĩxü̃ ga guxü̃ma ga yema nüxü̃ chadauxü̃. Rü nüma rü nanayaxu nax chomaxã nüxü̃ yaxuxü̃ca̱x, rü ñanagürü choxü̃: