Danié 8:13 - Tupanaarü Ore

¹³ Yemawena rü nüxü̃ chaxĩnü nax wüxi ga orearü ngeruxü̃ i daxũcüã̱x rü to ga orearü ngeruxü̃na naca̱xaxü̃ rü ñanagürü: —¿Ñuxgu tá iyacuáxü̃ i ñaa chixexü̃ i ñu̱xma ãmarechicawa nüxü̃ idauxü̃ ga noxri wüxichigü ga ngunexü̃gu Tupanaca̱x ãmare ígugüxü̃wa? ¿Rü ñuxgu tá nagúxü̃ i ngẽma? ¿Rü ñuxgu tá Tupana inayacua̱xẽxẽ nax pecadu nawa naxügüxü̃ ya napata? ¿Rü ñuxguratáta Tupana inayacua̱xẽxẽ nax ngẽma uanü chixri tümamaxã inacuáxü̃ ya yíxema nüxü̃́ yaxõgüxe? —ñanagürü.

Danié 8:13 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 11:2

¡Natürü ngẽma naa̱xtü ya Tupanapata ya taxü̃ne, rü taxũtáma cunangugü! Erü ngẽma duü̃xü̃gü i tama Tupanaaxü̃́ yaxõgüxü̃na marü nanaxã. Rü nümagü rü 42 ya tauemacü tá chixri namaxã inacua̱x ya yimá ĩane ya üünene.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:10

Rü yema naãxẽgü rü tagaãcü ñanagürügü: “Pa Torü Cori ya Guxü̃étüwa Ngẽxmacü rü Üünecü rü Ixaixcümacüx, ¿ñuxgura tá ta i nüxna cucaxü̃ rü cunapoxcuexü̃ i ngẽma ñoma i naanecüã̱x ga toxü̃ daixü̃?” ñanagürügü.

Ore i mexü̃ ga Luca ümatüxü̃ 21:24

Rü norü uanügü rü taramaxã tá nanadai i ñuxre. Rü togü, rü tá ínanayauxü̃ nax to i nachixü̃anewa nagagüãxü̃ca̱x. Rü ñu̱xũchi i ngẽma norü uanügü rü tá nagu napogüe ya yima ĩane ya Yerucharéü̃. Rü ngẽmaãcü tá nangupetü ñu̱xmatáta nawa nangu i ngẽma ngunexü̃ i nagu Tupana ínawoxü̃xü̃ i ngẽma uanügü.

Danié 9:27

Rü wüxi i yüxügu i ngẽma ãẽ̱xgacü rü muxü̃ma i duü̃xü̃gümaxã tá wüxi i uneta naxü. Natürü yima yüxüarü ngãxü̃gu rü nüma i ngẽma ãẽ̱xgacü rü tá nayanuxũ nax Tupanaca̱x ãmare tigugüxü̃ rü itanaxãgüxü̃ i ãmaregü. Rü ngẽma ãmarearü guruü̃pe̱xewa tá taxü̃ i chixexü̃ naxü rü ñu̱xmatáta Tupana nayama̱x i ngẽma ãẽ̱xgacü i chixexü̃ üxü̃ —ñanagürü.

Danié 11:31

Rü ngẽma norü churaragü rü tá chixexü̃ nawa naxügü ya yima Tupanapata ya taxü̃ne rü yima ĩane ya ípoxegune ya Yerucharéü̃. Rü tá inayanaxoxẽxẽ nax wüxichigü i ngunexü̃ Tupanaca̱x ãmare yagugüxü̃. Rü ngẽmatama ãmarearü guruü̃wa tá nayagugü i ngẽma Tupanaca̱x ãũãchixü̃.

Danié 4:13

Rü ngürüãchi nüxü̃ chadau ga wüxi ga dauxü̃cüã̱x ga dauxü̃taeruxü̃ ixĩxü̃ ga dauxü̃guxü̃ ga naanewa írüxĩxü̃.

Nüxíraxü̃xü̃ ga popera ga Pedru ümatüxü̃ 1:12

Natürü Tupana rü yema nũxcümaü̃güxü̃ ga orearü uruü̃güxü̃ nüxü̃ nacua̱xẽxẽ nax tama naxca̱x yixĩxü̃ ga yema ore nachiga ga gumá maxẽxẽẽruxü̃. Natürü pexca̱x nixĩ i ngẽma ore ga perü orearü uruü̃gü pemaxã nüxü̃ ixugüxü̃ ga yexguma Tupanaãxẽ ya Üünecü ga daxũwa ne muxü̃ yadexaxẽẽgu. Rü guxü̃ma i ngẽma ore i yimá Maxẽxẽxẽruü̃chiga, rü ngẽma Tupanaarü orearü ngeruü̃gü i daxũcüã̱x rü nüxü̃́ nangúchaü̃gü nax yexera nüxü̃ nacua̱xgüchaü̃xü̃.

Popera ga Yudíugü ga yaxõgüxü̃ca̱x ümatüxü̃ 10:29

Natürü Tupana rü aixcüma yexeraãcü tá nanapoxcue i ngẽma duü̃xü̃gü i chixri Nanechiga idexagüxü̃, rü nüxü̃ oexü̃ nax gumá nagümaxã yixĩxü̃ ga pecadu naxütanüxü̃, rü namaxã guxchigagüxü̃ i Tupanaãxẽ ya Üünecü i nüxü̃ ngechaü̃xü̃.

1 Tesalonicenses 3:13

Rü tanaxwa̱xegü nax tórü Cori ya Ngechuchu pexü̃ rüngü̃xẽẽxü̃ nax peãẽwa aixcüma mea peyaxõgüxü̃ca̱x rü norü duü̃xü̃gü i aixcüma mexü̃gü nax pixĩgüxü̃ca̱x rü nax nataxuxü̃ca̱x i perü pecadugü i nape̱xewa ya Tanatü ya Tupana i ngẽxguma wena núma naxũxgu ya tórü Cori ya Ngechuchu ya Cristu namaxã i guxü̃ma i ngẽma Tupanaarü Duü̃xü̃gü i Üünexü̃. Rü ngẽmaãcü yixĩx.

Ore i mexü̃ ga Luca ümatüxü̃ 21:20

Rü ngẽxguma nüxü̃ peda̱u̱xgu nax perü uanügüarü churaragü Yerucharéü̃xü̃ íchomaeguãchixü̃, rü ngẽmawa tá nüxü̃ pecua̱x nax paxa tá nagu napogüexü̃ ya yima ĩane.

Ore i mexü̃ ga Márcu ümatüxü̃ 13:14

Rü ngẽxguma nüxü̃ peda̱u̱xgu i ngẽma ãũãchixü̃ i ãũcümaxü̃chixü̃ i chixexẽẽruxü̃ i ngextá tama ínaxwa̱xexü̃wa nax nangẽxmaxü̃, rü ngẽxguma ya yíxema Yudéaanewa ngẽxmagüxe rü tanaxwa̱xe i ma̱xpǘneanewa tabuxmü. (Rü texé ya yíxema nüxü̃ daumatüxe, rü name nixĩ i mea nagu tarüxĩnü i ngẽma.)

Ore i mexü̃ ga Matéu ümatüxü̃ 24:15

Rü nũxcümaü̃cü ga Tupanaarü orearü uruxü̃ ga Danié nachiga nanaxümatü i ngẽma chixexü̃ i Tupanape̱xewa poraãcü ãũãchixü̃ i tá ínguxü̃. Rü ngẽxguma nüxü̃ peda̱u̱xgu nax Tupanapata ya taxü̃ne ya üünenewa nangóxü̃ i ngẽma chixexü̃ i Tupanape̱xewa chixexü̃chixü̃, rü yíxema nawa ngúxe rü name nixĩ i nüxü̃ tacua̱x nax ta̱xacüchiga yixĩxü̃.

Ichaía 63:18

Rü toma rü noxretama ya taunecü nixĩ nax norü yora tixĩgüxü̃ i ñaa tochixü̃ane. Rü ngẽma torü uanügü rü marü nagu napogü ya cupata ya üünene.

Ichaía 6:11

Rü yexguma ga choma rü nüxna chaca rü ñachagürü: —¿Ñuxre i ngunexü̃ tá nixĩ i ngẽmaãcü yixĩxü̃, Pa Corix? —ñachagürü. Rü yexguma ga nüma rü choxü̃ nangãxü̃ rü ñanagürü: —Ngẽmaãcü tá nixĩ ñu̱xmatáta yima ĩanegü rü nagu napogüe, rü taxuxü̃táma i duü̃xü̃ ínayaxü rü ñu̱xmatáta ya yima ĩpatagü rü nangearü duü̃xü̃güã̱xgü rü naanegü rü nabáianemare rü ñu̱xmatáta íchanamuxü̃ i ngẽma duü̃xü̃gü i norü naanewa, rü ngẽmaãcü i nachixü̃ane rü nangeãcumare.

Wiyaegü 79:5

Pa Cori Pa Tupanax ¿rü ñuxguxüratáta i nüxü̃ curüchauxü̃ nax tomaxã cunuxü̃? ¿Rü ẽ̱xna guxü̃gutáma ñoma wüxi ya üxürüxü̃ niyauraecha i ngẽma curü nu?

Popera ga Yúda ümatüxü̃ 1:14

Rü gumá nüxíraü̃cü ga duü̃ ga Adáü̃ rü nawe naxü ga gumá norü 7 ga nataxa ga Enóx. Rü nüma ga Enóx rü yema duü̃xü̃güchiga nidexa ga yexguma Tupana yadexaxẽẽgu, rü ñanagürü: “Nüxü̃ chadau ya Cori ya Tupana nax muxũchixü̃ma i norü orearü ngeruü̃gü i daxũcüã̱xmaxã núma ũcü nax duü̃xü̃güna naca̱xaxü̃ca̱x i norü maxü̃chiga rü napoxcueãxü̃ca̱x i guxü̃ma i ngẽma chixexü̃ ügüxü̃ rü namaxã guxchigagüxü̃”, ñanagürü ga Enóx ga Adáü̃taxa ixĩcü rü yema duü̃xü̃güchiga nidexa ga yexguma Tupana yadexaxẽẽgu, rü ñanagürü: “Rü nüxü̃ chadau ya Cori ya Tupana nax muxũchixü̃ i norü orearü ngeruü̃gü i daxũcüã̱xmaxã núma ũcü nax duü̃xü̃güna naca̱xaxü̃ca̱x i norü maxü̃chiga rü napoxcueãxü̃ca̱x i guxü̃ma i ngẽma duü̃xü̃gü i chixexü̃ ügüxü̃ rü namaxã guxchigagüxü̃”, ñanagürü.

Ore i mexü̃ ga Matéu ümatüxü̃ 11:27

Rü ñanagürü ta ga Ngechuchu: “Chaunatü choxna nanaxã i guxü̃ma i ta̱xacü i nüxü̃́ ngẽxmaxü̃. Rü Chaunatüxicatama choxü̃ nacua̱x nax texé chixĩxü̃ i choma i Nane. Rü tama guxü̃ma i duü̃xü̃gü aixcüma nüxü̃ nacua̱x ya Chaunatü. Rü choma ya Nane, rü ñu̱xũchi ngẽma duü̃xü̃gü i Chaunatüxü̃ nüxü̃ chacua̱xẽẽchaü̃xü̃xicatama nixĩ i aixcüma Chaunatüxü̃ cua̱xgüxü̃.

Chacaría 14:5

Rü pema rü ngẽma ngategu tá pibuxmü nax pixüxü̃ca̱x. Erü ngẽma ngate rü tá nida ñu̱xmata Acháxwa nangu i norü tocüwawa ya yima ma̱xpǘne. Rü ngẽmaãcü tá pibuxmü naxrüxü̃ ga perü o̱xigü ga yexguma ĩã̱xãchianecha̱xwa nabuxmügu ga yexguma Uchía ãẽ̱xgacü ixĩxgu ga Yudáanewa. Rü Cori ya Tupana rü tá núma naxũ namaxã i guxü̃ma i ngẽma üünegüxü̃.

Chacaría 1:19

Rü nüxna chaca ga yema Tupanaarü duü̃xü̃ ga daxũcüã̱x ga chomaxã idexaxü̃ rü ñacharügü: —¿Ñaa naxchata̱xcuregü rü ta̱xacüchiga nixĩ? —ñacharügü. Rü yexguma nüma ga yema Tupanaarü duü̃xü̃ ga daxũcüã̱x rü choxü̃ nangãxü̃ rü ñanagürü: —Ñaa naxchata̱xcuregü rü nachiga nixĩ i ngẽma togü i nachixü̃anecüã̱xgü i norü poramaxã guxü̃ i naanegu Yudáanecüã̱xgüxü̃ rü Iraéanecüã̱xgüxü̃ rü Yerucharéü̃cüã̱xgüxü̃ woonexü̃ —ñanagürü.

Danié 12:11

Rü ngẽma ngunexü̃ i ngẽxguma tá íyanaxoxẽẽgüãgu nax Tupanaca̱x wüxichigü i ngunexü̃ ãmare yagugüxü̃ rü ñu̱xmata nawa nangu i ngẽma ngunexü̃ i Tupanapata ya taxü̃newa chixexü̃ i ãmare yagugüxü̃ rü 1,290 i ngunexü̃gü tá ningu.

Danié 7:23

Rü yemaca̱x yema nüxna chacaxü̃ rü ñanagürü: “Rü ngẽma norü ãgümücü i ngo̱xo, rü ngẽma tá nixĩ i ngẽma norü ãgümücü i ãẽ̱xgacü i ñoma i naanemaxã icuáxü̃. Rü ngẽma tá nixĩ i ngẽma tomaepü̱xarü yexera chixecümaxüchixü̃. Rü tá namaxã inacua̱x i guxü̃ma i ñoma i naane, rü tá nügüme̱xẽwa nanangexmagüxẽxẽ i guxü̃ma i duü̃xü̃gü rü tá nanadai i ngẽma tama naga ĩnüexü̃.

Danié 7:16

Rü naxca̱x chixũ ga wüxi ga yexma chíxü̃ rü nüxna chaca nax chomaxã nüxü̃ yaxuxü̃ca̱x nax ta̱xacüchiga yixĩxü̃ ga guxü̃ma ga yema nüxü̃ chadauxü̃. Rü nüma rü nanayaxu nax chomaxã nüxü̃ yaxuxü̃ca̱x, rü ñanagürü choxü̃:

Danié 4:23

Pa Ãẽ̱xgacüx, rü yema to ga nüxü̃ cudauxü̃ ga yema cunegüwa, rü nüxü̃ cudau ga wüxi ga üünexü̃ ga dauxü̃cüã̱x ga dauruxü̃ ixĩxü̃ ga dauxü̃guxü̃ ga naanewa írüxĩxü̃ ga ñaxü̃: ‘¡Rü penatuxu̱x ya yimá nai rü nagu pechexgü! ¡Natürü ngẽma nachime rü naxchúma̱xãgü rü nüetama ngéma waixü̃müwa nangexma̱x! ¡Rü fierunaxca̱x rü bróũchenaxca̱x ya cadénamaxã penangãxü̃ rü ngéma naanearü maxẽanewa penata̱x nax cherena nagu nguxü̃ca̱x! Rü wüxigu naxü̃nagümaxã maxẽ nangṍxü̃ca̱x i 7 ya taunecü’, ñaxü̃.

Ichaía 9:6

Erü tatanügu nabu i wüxi i õxchana. Rü nüma ya Tupana rü tüxna nanamu ya yimá nane. Rü yimána nixĩ i naxããxü̃ i pora nax tamaxã inacuáxü̃ca̱x. Rü ñaagü tá nixĩ i naégagü i namaxã naxugüãxü̃: “Mexẽchicü ya Ucu̱xẽruxü̃”, rü “Tupana ya Poraxüchicü”, rü “Tanatü ya Taguma Yucü, rü Tupana Nane ya Ngüxmüxẽẽruxü̃ ixĩcü”. Rü ngẽma tá nixĩ i naégagü.

Wiyaegü 74:9

Rü ñu̱xma rü marü nataxuma ya cupata rü nataxuma i curü orearü uruü̃gü. Rü tama nüxü̃ tacua̱x nax ñuxgu tá nangupetüxü̃ i ñaa guxchaxü̃ i toétüwa ngẽxmaxü̃.

Ãẽ̱xgacügü ga guxchaxü̃güarü mexẽxẽruü̃gü 13:18

Natürü yema Tupanaarü orearü ngeruxü̃ i daxũcüã̱x rü nanangãxü̃ rü ñanagürü: —¿Ta̱xacüca̱x nüxü̃ cucuáxchaxü̃ i chauéga? Chauéga rü wüxi i ẽxü̃guxü̃ nixĩ —ñanagürü.

Wenaxarü naxümatü ga Tupanaarü mugü 33:2

—Cori ya Tupana rü ma̱xpǘne i Chinaíwa ne naxũ. Rü yexguma máxpü̱xanexü̃ i Cheíwa tachopetügu rü tüxü̃ nibáixmaxü̃. Rü yema norü nangóonexü̃ rü máxpüxanexü̃ i Paráü̃wa nanguema, rü ñu̱xmata Meribá-cadéwa nangu. Rü norü tügüneme̱xẽgu nayange i norü mugü i ya̱u̱xracüüxü̃. Rü 10,000 i dauxü̃cüã̱x i norü duü̃xü̃gümaxã ngéma ne naxũ.

Ore i mexü̃ ga Cuáü̃ ümatüxü̃ 1:18

Taguma texé ñuxgu nüxü̃ tadau ga Tupana. Natürü Nane ya nügümaxã wüxicacü nixĩ ya tüxü̃ nüxü̃ cua̱xẽẽcü. Rü yimá Nane rü Tupanaxü̃chi nixĩ, rü Nanatümaxã wüxiwa nangẽxmagü.

Ore i mexü̃ ga Luca ümatüxü̃ 10:22

Rü ñanagürü ga Ngechuchu: —Chaunatü rü marü choxna nanaxã ga guxü̃ma. Rü taxúema ya toguxe nüxü̃ tacua̱x nax texe yixĩxü̃ ya Tupana Nane rü Nanatüxicatama nixĩ i aixcüma nüxü̃ cuácü. Rü taxúema ya toguxe nüxü̃ tacua̱x nax texe yixĩxü̃ ya Nanatü, rü nüma ya Nanexicatama nixĩ ya nüxü̃ cuácü. Rü ngẽxgumarüxü̃ ta yíxema Nane tüxü̃ nüxü̃ nacua̱xẽẽchaü̃güxe nixĩ i aixcüma Nanatüxü̃ cua̱xgüxe —ñanagürü.

Wiyaegü 74:10

Pa Tupanax, ¿ñuxguxüratáta nixĩ i nüxü̃ nachauexü̃ i ngẽma torü uanügü nax chixri tomaxã nachopetüxü̃? ¿Rü ngẽxgumarüxü̃ ta rü ñuxguxüratáta nixĩ i nüxü̃ nachauexü̃ nax cumaxã chixexü̃ yaxugüexü̃?

Ichaía 28:18

Rü ngẽxguma pexca̱x tá ínangugügu i perü uanüarü churaragü i ãũcümaxü̃, rü tá pexü̃ narüporamaegü. Rü ngẽxma tá narüxomare i ngẽma perü uneta i Equítuanemaxã pexüxü̃ rü perü uanü tá pexü̃ nadai.

Yeremía 12:10

Rü muxü̃ma i ãẽ̱xgacügü i uanügü ixĩgüxü̃ rü nanachixexẽẽgü i chorü úbanecü, rü nagu napugüe i chauane. Rü nanangeãcuanexẽẽgü ga yema naane ga yexera chanaxwa̱xexü̃.

Danié 12:8

Choma rü nüxü̃ chaxĩnü ga yema nüxü̃ yaxuxü̃, natürü tama nüxü̃ chacua̱xéga nax ta̱xacüchiga yixĩxü̃. Rü yemaca̱x nüxna chaca rü ñachagürü: —Pa Corix ¿ta̱xacü tá nangupetü nawena i guxü̃ma i ngẽma? —ñachagürü.

Danié 4:10

Rü ñaa nixĩ ga chaunegüwa nüxü̃ chadauxü̃ ga yexguma ichacayane. Rü nüxü̃ chadau ga wüxi ga nai ga máchanexü̃chixü̃ ga meama ñaa naanearü ngãxü̃wa rüxüxü̃.