Danié 7:5 - Tupanaarü Ore

⁵ Rü yema norü taxre ga ngo̱xo rü nanaxósoraxü̃, natürü yema norü wüxicüwawa rü narümáchanemae. Yema rü naã̱xwa rü nüxü̃ naxüxü̃ ga tomaepü̱x ga naga. Rü ñu̱xũchi nüxü̃ chaxĩnü ga wüxi ga ore ga nüxü̃ ñaxü̃: “¡Ngéma naxũ rü yangõ̱xcu i guxü̃ma i namachi i cuxü̃́ tauxchaxü̃ nax cunangṍxü̃!” ñaxü̃.

Danié 7:5 Referans Kwoze

Danié 2:39

Rü cuwena, Pa Ãẽ̱xgacüx, rü tá nangẽxma i to i nachixü̃anecüã̱x i ãẽ̱xgacü i nüxí tá ichixü̃ rü togü i nachixü̃anegümaxã icuáxü̃, natürü taxũtáma curü poramaxã nawüxigu. Rü ngẽmawena tá nangẽxma i to i ãẽ̱xgacü i muxü̃ma i nachixü̃anegümaxã icuáxü̃. Rü ngẽmachiga nixĩ i ngẽma naxchicüna̱xãxü̃ne i bróũchenaxca̱x.

Ochéa 13:8

Rü tá pexca̱x chixũ ñoma wüxi i osu i ngexü̃ i naxacügü nüxna tüxü̃ napuxü̃rüxü̃ rü tá pegu chagáugüe i perü maxü̃newa. Rü ñoma wüxi i leóü̃rüxü̃ rü tá pexü̃ changõ̱xcu rü wüxi i naeü̃ idüraxü̃rüxü̃ tá pegu chawagü.

Danié 11:2

Ñu̱xma rü tá cuxü̃ nüxü̃ chacua̱xẽxẽ i ngẽma aixcüma ixĩxü̃: Rü marü tomaepü̱x i ãẽ̱xgacügü Pérchiaanemaxã icua̱xguwena, rü tá nixücu i norü ãgümücü i ãẽ̱xgacü. Rü nüma rü tá ngẽma tomaepü̱xü̃arü yexera nadiẽruã̱xü̃chi. Rü ngẽma norü diẽrumaxã tá nügü ínarüpora rü Gréchiacüã̱xgümaxã tá nügü nadai.

Danié 5:28

Pársin: Rü ngẽma cuchixü̃ane, Pa Ãẽ̱xgacüx, rü marü tá niyauxye rü tá Médiaanecüã̱xgüna rü Pérchiaanecüã̱xgüna nanaxã —ñanagürü ga Danié.

Ichaía 56:9

Rü nüma ya Tupana rü ñanagürü: —Pa Iraétanüxü̃arü Uanügüx, ¡nua pexĩ rü ñoma naeü̃gü i düraexü̃rüxü̃ naxca̱x ípeyaxüãchi rü peyadai i chorü duü̃xü̃gü!

Ucu̱xẽgüchiga 17:12

Wüxi i osu, rü ngẽxguma naxacügüca̱x nanuxgu, rü naxãũcüma, natürü wüxi i duü̃xü̃ i tama naãẽxü̃ cuáxü̃ rü yexera naxãũcümaxü̃chi i ngẽxguma norü chixexü̃ naxü̱xgu.

Norü taxre ga popera ga ãẽ̱xgacügüchiga 2:24

Rü yexguma nüma ga Erichéu rü nügü ínidau, rü Tupanaégagu guxchaxü̃ namaxã naxuegu. Rü yexgumatama yema naixnecüwa inayayi ga taxre ga osu. Rü yema osugü rü yema ngextü̱xüxü̃gütanüwa nanadai ga 42.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:2

Rü yema ngo̱xo ga nüxü̃ chadauxü̃, rü ñoma airüxü̃ nixĩ. Rü naxme̱xgü rü chatüme̱xẽrüxü̃ nixĩgü. Rü naã̱x rü wüxi ga leóü̃a̱xrüxü̃ nixĩ. Rü yema coya ga Chataná rü yema ngo̱xoxü̃ naporaxẽxẽ nax naxrüxü̃ naporaxü̃ca̱x rü naxrüxü̃ taxü̃ ga ãẽ̱xgacü yixĩxü̃ca̱x.

Danié 7:4

Rü yema nüxíraxü̃xü̃ ga ngo̱xo rü nanaleóü̃raxü̃, natürü nanaxĩyüpe̱xatüraxü̃. Rü yexguma nüxü̃ íchadawenüyane rü nanatúxü̃pe̱xatü. Rü waixü̃müanewa ínanadaxẽẽgü. Rü guma naweama yexmagüne ga naparamaxã inanachixẽẽgü ñoma wüxi i yatü ichixü̃rüxü̃. Rü guma norü maxü̃ne rü naxüchicüxü rü duü̃xẽarü maxü̃ne nüxna naxãgü.

Danié 7:6

Rü yema norü tomaepü̱x ga ngo̱xo rü nanayowarunaraxü̃. Natürü nüxü̃́ nayexma ga ãgümücü ga naerugü rü naca̱xwe̱xwa rü nüxü̃́ nayexma ga ãgümücü ga naxpe̱xatü. Rü yema ngo̱xo rü nüxna nanaxãgü ga pora nax ãẽ̱xgacü yixĩxü̃ca̱x.